യഥാർഥ ധനം സ്വന്തമാ​ക്കു​ക

1. സാധാരണ പയനി​യ​റി​ങ്ങി​നെ​ക്കു​റി​ച്ചു ചിന്തി​ക്കേ​ണ്ടത്‌ എന്തു​കൊണ്ട്‌?

¹ ജീവി​ത​ത്തിൽ കൂടുതൽ സന്തോ​ഷ​വും ചാരി​താർഥ്യ​വും ആസ്വദി​ക്കാൻ നിങ്ങൾ ആഗ്രഹി​ക്കു​ന്നു​വോ? മറ്റുള്ള​വരെ സഹായി​ക്കു​ന്ന​തിൽ ആനന്ദവും സംതൃ​പ്‌തി​യും കണ്ടെത്താൻ നിങ്ങൾക്കാ​കു​ന്നു​ണ്ടോ? യഹോ​വ​യ്‌ക്കുള്ള സേവനം വർധി​പ്പി​ക്കാൻ നിങ്ങൾക്കാ​ഗ്ര​ഹ​മു​ണ്ടോ? ഇവയിൽ ഏതെങ്കി​ലു​മൊ​രു ചോദ്യ​ത്തി​നുള്ള ഉത്തരം ‘ഉവ്വ്‌’ എന്നാ​ണെ​ങ്കിൽ നിങ്ങൾക്കു സാധാരണ പയനി​യ​റി​ങ്ങി​നെ​ക്കു​റി​ച്ചു ചിന്തി​ക്കാ​നാ​കും. നിശ്ചയ​മാ​യും കുടുംബ ഉത്തരവാ​ദി​ത്വ​ങ്ങ​ളും തിരു​വെ​ഴു​ത്തു​പ​ര​മായ മറ്റ്‌ ചുമത​ല​ക​ളും ആരോ​ഗ്യ​പ്ര​ശ്‌ന​ങ്ങ​ളും ശാരീ​രിക പരിമി​തി​ക​ളും കണക്കി​ലെ​ടു​ക്കേ​ണ്ട​തുണ്ട്‌.

2. സാധാരണ പയനി​യർമാർക്കു ലഭിക്കുന്ന ചില ആത്മീയ സമ്പത്തുകൾ ഏവ?

² യഹോ​വ​യു​ടെ അനു​ഗ്ര​ഹ​വും ഭൗതി​ക​സ​മ്പ​ത്തും പരസ്‌പരം ബന്ധപ്പെ​ട്ടി​രി​ക്കു​ന്ന​താ​യി ദിവ്യ നിശ്വ​സ്‌ത​ത​യിൽ ശലോ​മോൻ പറയുന്നു. (സദൃ. 10:22) ഇക്കാലത്ത്‌ യഹോ​വ​യു​ടെ അനു​ഗ്രഹം മുഖ്യ​മാ​യും ആത്മീയ അനു​ഗ്ര​ഹ​ങ്ങ​ളാ​ണു കൈവ​രു​ത്തു​ന്നത്‌. സാധാരണ പയനി​യർമാർ അത്തരം അനു​ഗ്ര​ഹ​ത്താൽ ഏറെ സമ്പന്നരാണ്‌. ഉദാഹ​ര​ണ​ത്തിന്‌, വ്യക്തി​പ​ര​മായ കാര്യ​ങ്ങൾക്കാ​യി ചെലവ​ഴി​ക്കുന്ന സമയം വെട്ടി​ക്കു​റ​ച്ചു​കൊണ്ട്‌, കൊടു​ക്കു​ന്ന​തി​ന്റെ വലിയ സന്തോഷം അവർ അനുഭ​വി​ക്കു​ന്നു. (കൊലൊ. 4:5; പ്രവൃ. 20:35) അവരുടെ സ്‌നേ​ഹ​പ്ര​വൃ​ത്തി യഹോവ കാണു​ക​യും വിലമ​തി​ക്കു​ക​യും ചെയ്യുന്നു. അത്തരം ‘സ്വർഗീയ നിക്ഷേ​പ​ങ്ങൾക്ക്‌’ ഒരിക്ക​ലും വിലയി​ടി​യില്ല. (മത്താ. 6:20; എബ്രാ. 6:10) കൂടാതെ പയനി​യർമാർ കണ്ണ്‌ ചൊവ്വു​ള്ള​താ​യി സൂക്ഷി​ക്കു​ക​യും അവശ്യ കാര്യ​ങ്ങൾക്കാ​യി യഹോ​വ​യിൽ ആശ്രയി​ക്കു​ക​യും ചെയ്യു​മ്പോൾ അവനു​മാ​യുള്ള അവരുടെ ബന്ധം ഏറെ ശക്തമാ​യി​ത്തീ​രു​ന്നു.—മത്താ. 6:22, 25, 32; എബ്രാ. 13:5, 6.

3. ആത്മീയ ധനത്തി​നും ഭൗതിക ധനത്തി​നു​മാ​യുള്ള ശ്രമങ്ങ​ളു​ടെ കാര്യ​ത്തിൽ എന്തു വൈരു​ധ്യ​മാ​ണു​ള്ളത്‌?

³ ഭൗതിക ധനത്തി​നാ​യുള്ള ആഗ്രഹം മിക്ക​പ്പോ​ഴും “മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും” വഴി​വെ​ക്കു​ന്നു. (1 തിമൊ. 6:9, 10; യാക്കോ. 5:1–3) യഹോ​വ​യു​ടെ അനു​ഗ്ര​ഹ​ത്തി​ന്റെ കാര്യ​ത്തിൽ അങ്ങനെ ഒരിക്ക​ലും സംഭവി​ക്കില്ല. സമയത്തി​ന്റെ നല്ലൊരു ഭാഗവും ശുശ്രൂ​ഷ​യിൽ ചെലവ​ഴി​ക്കു​ന്നത്‌ ആത്മീയ സമനില നിലനി​റു​ത്താ​നും അധികം പ്രധാ​ന​മായ കാര്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാ​നും പയനി​യർമാ​രെ സഹായി​ക്കു​ന്നു. (ഫിലി. 1:10) എഞ്ചിനീ​യ​റായ ഒരു സഹോ​ദരൻ പയനി​യ​റിങ്‌ ചെയ്യാ​നാ​യി, ധാരാളം സമയം വേണ്ടി​വ​രുന്ന തന്റെ തൊഴിൽ രാജി​വെച്ചു. അദ്ദേഹം പറയുന്നു: “എന്റെ തൊഴിൽ വളരെ സമ്മർദ​പൂ​രി​ത​മാ​യി​രു​ന്നു. എന്നാൽ പയനി​യ​റിങ്‌ അങ്ങനെയല്ല. ആളുകളെ സഹായി​ക്കാ​നും സത്യം പഠിപ്പി​ക്കാ​നും ഇപ്പോൾ എനിക്കു കഴിയു​ന്നു. അങ്ങേയറ്റം ചാരി​താർഥ്യ​മേ​കു​ന്ന​തും ആവേശ​ക​ര​വു​മാണ്‌ ഇത്‌.”

4. പയനിയർ ശുശ്രൂഷ സാധാരണ പയനി​യർമാർക്കും മറ്റുള്ള​വർക്കും അനു​ഗ്ര​ഹ​മാ​യി​രി​ക്കു​ന്നത്‌ എങ്ങനെ?

⁴ മറ്റുള്ള​വർക്ക്‌ ഒരു അനു​ഗ്രഹം: ‘ദുർഘ​ട​സ​മ​യ​ങ്ങ​ളി​ലാണ്‌’ നാമിന്നു ജീവി​ക്കു​ന്നത്‌. (2 തിമൊ. 3:1) യാതൊ​രു പ്രത്യാ​ശ​യു​മി​ല്ലാ​ത്ത​വ​രാണ്‌ എവി​ടെ​യും. സുവാർത്ത​യോട്‌ അനുകൂ​ല​മാ​യി പ്രതി​ക​രി​ക്കവെ, ആളുക​ളു​ടെ മുഖത്തെ നിരാശ ശുഭാ​പ്‌തി​വി​ശ്വാ​സ​ത്തി​നു വഴിമാ​റു​ന്നതു നേരിൽക്കാ​ണു​മ്പോൾ രാജ്യ​ഘോ​ഷകർ സന്തോ​ഷി​ക്കു​ന്നു. ജീവര​ക്ഷാ​ക​ര​മായ ഈ വേലയ്‌ക്കാ​യി ഓരോ വർഷവും 800-ലേറെ മണിക്കൂർ ചെലവ​ഴി​ക്കുന്ന സാധാരണ പയനി​യർമാ​രു​ടെ സന്തോഷം എത്ര അധിക​മാണ്‌!—1 തിമൊ. 4:16.

5, 6. ഒരു സാധാരണ പയനി​യ​റാ​യി​ത്തീ​രാൻ എന്തു നിങ്ങളെ സഹായി​ച്ചേ​ക്കും?

⁵ ഒരു സാധാരണ പയനി​യ​റാ​യി സേവി​ക്കു​ന്ന​തി​നെ​ക്കു​റി​ച്ചു നിങ്ങൾ സഗൗരവം ചിന്തി​ക്കാ​റു​ണ്ടോ? പ്രാധാ​ന്യം കുറഞ്ഞ കാര്യങ്ങൾ പരമാ​വധി ഒഴിവാ​ക്കി​ക്കൊണ്ട്‌ ‘സമയം തക്കത്തിൽ ഉപയോ​ഗി​ക്കേ​ണ്ടത്‌’ ആവശ്യ​മാ​യി​രു​ന്നേ​ക്കാം. (എഫെ. 5:15, 16) അപ്രകാ​രം ചെയ്‌തു​കൊണ്ട്‌ ജീവിതം ലളിത​മാ​ക്കി​യി​രി​ക്കു​ക​യാണ്‌ പലരും. രാജ്യ​താ​ത്‌പ​ര്യ​ങ്ങൾക്കു കൂടുതൽ സമയം നീക്കി​വെ​ക്കാൻ തക്കവണ്ണം ജോലി​സ​മയം വെട്ടി​ച്ചു​രു​ക്കാൻ ഇതവരെ സഹായി​ച്ചി​രി​ക്കു​ന്നു. ആവശ്യ​മായ പൊരു​ത്ത​പ്പെ​ടു​ത്ത​ലു​കൾ വരുത്തി​ക്കൊണ്ട്‌ അവരുടെ അണിയിൽ ചേരാൻ നിങ്ങൾക്കാ​കു​മോ?

⁶ പ്രാ​യോ​ഗി​ക​മായ ഒരു പട്ടിക തയ്യാറാ​ക്കാ​നുള്ള ജ്ഞാനത്തി​നാ​യി യഹോ​വ​യോട്‌ അപേക്ഷി​ക്കുക. (യാക്കോ. 1:5) അപ്പോൾ നിങ്ങൾക്ക്‌ എന്തു പ്രതീ​ക്ഷി​ക്കാ​നാ​കും? സമൃദ്ധ​മായ ആത്മീയ​ധനം! നിങ്ങൾക്കാ​വ​ശ്യ​മു​ള്ളതു നൽകി​ക്കൊണ്ട്‌ ഭൗതി​ക​മാ​യും യഹോവ നിങ്ങളെ അനു​ഗ്ര​ഹി​ക്കും. (മത്താ. 6:33) ഈ വിധത്തിൽ അവനെ പരീക്ഷി​ക്കു​ന്ന​വർക്ക്‌ “സ്ഥലം പോരാ​തെ​വ​രു​വോ​ളം . . . അനു​ഗ്രഹം” ലഭിക്കും.—മലാ. 3:10.