കോട്ട​തു​ല്യ​മായ പ്രതി​ബ​ന്ധങ്ങൾ മറിക​ട​ക്കു​ന്നു

¹ വ്യാ​ജോ​പ​ദേ​ശ​ങ്ങ​ളി​ലൂ​ടെ​യും വഞ്ചനയി​ലൂ​ടെ​യും നൂറ്റാ​ണ്ടു​ക​ളാ​യി സാത്താൻ അനേകരെ വഴി​തെ​റ്റി​ച്ചു​കൊ​ണ്ടി​രി​ക്കു​ക​യാണ്‌. ത്രിത്വം, ആത്മാവി​ന്റെ അമർത്യത, നരകം തുടങ്ങി​യവ അവൻ പ്രചരി​പ്പി​ച്ചി​രി​ക്കുന്ന ചില നുണക​ളാണ്‌. സ്രഷ്ടാ​വി​ന്റെ അസ്‌തി​ത്വ​വും ബൈബി​ളി​ന്റെ ആധികാ​രി​ക​ത​യും സംബന്ധിച്ച്‌ അവൻ മനുഷ്യ​മ​ന​സ്സു​ക​ളിൽ സംശയം ജനിപ്പി​ക്കു​ന്നു. സത്യത്തി​ന്റെ പ്രകാ​ശത്തെ മറയ്‌ക്കുന്ന ശക്തമായ മറ്റു പ്രതി​ബ​ന്ധ​ങ്ങ​ളാണ്‌ വർഗീ​യ​ത​യും ദേശീ​യ​ത​യും. (2 കൊരി. 4:4) കോട്ട​തു​ല്യ​മായ അത്തരം വിശ്വാ​സങ്ങൾ തകർക്കാൻ നമു​ക്കെ​ങ്ങനെ കഴിയും?—2 കൊരി. 10:4, 5.

² വികാ​രങ്ങൾ കണക്കി​ലെ​ടു​ക്കുക: കാലങ്ങ​ളാ​യി വെച്ചു​പു​ലർത്തുന്ന വിശ്വാ​സങ്ങൾ ഒരുവന്റെ ഹൃദയ​വി​കാ​ര​ങ്ങ​ളു​മാ​യി അഭേദ്യ​മാ​യി ബന്ധപ്പെ​ട്ടി​രി​ക്കു​ന്നു. ചെറു​പ്പം​മു​തൽക്കേ തെറ്റായ വിശ്വാ​സങ്ങൾ നെഞ്ചി​ലേ​റ്റി​യി​രി​ക്കു​ന്ന​വ​രാണ്‌ ചിലർ. അത്തരം വീക്ഷണങ്ങൾ കണക്കി​ലെ​ടു​ത്തു​കൊണ്ട്‌ ആദരപൂർവം സംസാ​രി​ച്ചാൽ മാത്രമേ നമുക്ക്‌ അവരെ സഹായി​ക്കാ​നാ​കൂ.—1 പത്രൊ. 3:15.

³ തങ്ങൾ എന്തു വിശ്വ​സി​ക്കു​ന്നു​വെ​ന്നും അതിനുള്ള കാരണം എന്താ​ണെ​ന്നും പറയാൻ മറ്റുള്ള​വരെ അനുവ​ദി​ച്ചു​കൊണ്ട്‌ നമുക്ക്‌ അവരോട്‌ ആദരവു കാണി​ക്കാം. (യാക്കോ. 1:19) പ്രിയ​പ്പെ​ട്ടവർ മരിച്ചു​പോ​യി​ട്ടു​ള്ള​തി​നാ​ലും അവരെ വീണ്ടും കാണാൻ വാഞ്‌ഛി​ക്കു​ന്ന​തി​നാ​ലും ആത്മാവ്‌ അമർത്യ​മാ​ണെ​ന്നാ​യി​രി​ക്കാം അവർ വിശ്വ​സി​ക്കു​ന്നത്‌. കുടും​ബാം​ഗ​ങ്ങ​ളോ​ടൊ​പ്പം കൂടി​വ​രാ​നുള്ള അവസരങ്ങൾ ലഭിക്കു​ന്ന​തി​നാ​ലാ​യി​രി​ക്കാം അവർ വിശേ​ഷ​ദി​വ​സങ്ങൾ ആഘോ​ഷി​ക്കു​ന്നത്‌. അവരുടെ അഭി​പ്രാ​യം ശ്രദ്ധി​ക്കു​ന്നത്‌ അനാവ​ശ്യ​മായ പ്രശ്‌നങ്ങൾ സൃഷ്ടി​ക്കാ​തെ അവരുടെ വികാ​രങ്ങൾ മനസ്സി​ലാ​ക്കാ​നും ഫലപ്ര​ദ​മാ​യി പ്രതി​ക​രി​ക്കാ​നും നമ്മെ സഹായി​ക്കും. ചില സന്ദർഭ​ങ്ങ​ളിൽ, ചർച്ച പിന്നീ​ടൊ​രി​ക്കൽ നടത്തു​ന്ന​താ​യി​രി​ക്കും നല്ലത്‌.—സദൃ. 16:23.

⁴ യേശു​വി​നെ അനുക​രി​ക്കുക: ഒരു ന്യായ​ശാ​സ്‌ത്രി​യു​ടെ ചോദ്യ​ങ്ങൾക്ക്‌ യേശു നൽകിയ ഉത്തരം ഇക്കാര്യ​ത്തിൽ ഒരുത്തമ മാതൃ​ക​യാണ്‌. അവൻ നേരി​ട്ടുള്ള ഉത്തരങ്ങൾ നൽകി​യില്ല എന്നതു ശ്രദ്ധി​ക്കുക. അങ്ങനെ ചെയ്‌തി​രു​ന്നെ​ങ്കിൽ, താൻ അടിയു​റച്ചു വിശ്വ​സി​ക്കുന്ന കാര്യങ്ങൾ നിമിത്തം അയാൾ അത്‌ തള്ളിക്ക​ള​യാ​നുള്ള സാധ്യ​ത​യു​ണ്ടാ​യി​രു​ന്നു. അതു​കൊണ്ട്‌, യേശു തിരു​വെ​ഴു​ത്തു​കൾ പരാമർശി​ക്കു​ക​യും തന്റെ വീക്ഷണം തുറന്നു​പ​റ​യാൻ അയാളെ അനുവ​ദി​ക്കു​ക​യും യുക്തി​യു​ക്തം ചിന്തി​ക്കാൻ സഹായ​ക​മായ ഒരു ദൃഷ്ടാന്തം ഉപയോ​ഗി​ക്കു​ക​യും ചെയ്‌തു.—ലൂക്കൊ. 10:25-37.

⁵ എത്ര ശക്തമാ​യി​രു​ന്നാ​ലും വ്യാ​ജോ​പ​ദേ​ശങ്ങൾ ദൈവ​വ​ച​ന​ത്തി​നു മുമ്പാകെ നിഷ്‌പ്ര​ഭ​മാണ്‌! (എബ്രാ. 4:12) ക്ഷമയോ​ടും നയത്തോ​ടും​കൂ​ടെ പ്രചോ​ദ​നാ​ത്മ​ക​മായ വിധത്തിൽ സംസാ​രി​ക്കുക, അങ്ങനെ അസത്യം തള്ളിക്ക​ള​യാ​നും സത്യം സ്വീക​രി​ക്കാ​നും മറ്റുള്ള​വരെ സഹായി​ക്കുക.—യോഹ. 8:32.