ബ്രാഞ്ചിൽനി​ന്നുള്ള കത്ത്‌

പ്രിയ രാജ്യ​ഘോ​ഷ​കരേ,

ഇക്കഴിഞ്ഞ സേവന​വർഷ​ത്തിൽ നാം ചെയ്‌ത നല്ല വേലയെ യഹോവ സമൃദ്ധ​മാ​യി അനു​ഗ്ര​ഹി​ച്ചി​രി​ക്കു​ന്നു. മാർച്ചിൽ, ക്രിസ്‌തു​വി​ന്റെ മരണത്തി​ന്റെ സ്‌മാ​ര​കാ​ച​ര​ണ​ത്തിന്‌ 74,326 പേരാണ്‌ സന്നിഹി​ത​രാ​യത്‌. 29,050 ബൈബി​ള​ധ്യ​യ​ന​ങ്ങ​ളു​ടെ ഒരു അത്യു​ച്ച​വും ആ മാസത്തി​ലു​ണ്ടാ​യി. മേയിൽ 29,065 പ്രസാ​ധ​ക​രു​ടെ പുതിയ അത്യു​ച്ച​വും 2,342 സാധാരണ പയനി​യർമാ​രു​ടെ സർവകാല അത്യു​ച്ച​വും രേഖ​പ്പെ​ടു​ത്തി. ഇവയെ​ല്ലാം നമ്മെ എത്രയ​ധി​കം സന്തോ​ഷി​പ്പി​ക്കു​ന്നു!

ബൈബിൾ സന്ദേശ​ത്തിൽ താത്‌പ​ര്യം കാണി​ക്കുന്ന അനേകർക്കും പരിമി​ത​മായ വിദ്യാ​ഭ്യാ​സ​മേ​യു​ള്ളൂ. അതുകൂ​ടാ​തെ ബൈബി​ളു​മാ​യി പരിചി​ത​ര​ല്ലാത്ത വായന​ക്കാ​രു​മുണ്ട്‌. അത്തരം പശ്ചാത്ത​ല​ങ്ങ​ളിൽ നിന്നു​ള്ള​വർക്കും​കൂ​ടെ മനസ്സി​ലാ​കു​ന്ന​തും ആകർഷ​ക​മാ​യ​തു​മാ​യി​രി​ക്കണം നമ്മുടെ പരിഭാഷ. (1 തിമൊ. 2:4) അഭ്യസ്‌ത​വി​ദ്യ​രാ​യ​വർക്കു മാത്രമല്ല സാധാ​ര​ണ​ക്കാർക്കും ചെറു​പ്പ​ക്കാർക്കു​മെ​ല്ലാം നമ്മുടെ പ്രസി​ദ്ധീ​ക​ര​ണങ്ങൾ എളുപ്പം മനസ്സി​ലാ​കണം. അതു ഉറപ്പു​വ​രു​ത്തുക എന്ന ലക്ഷ്യത്തിൽ പരിഭാ​ഷ​കരെ പരിശീ​ലി​പ്പി​ച്ചു വരിക​യാണ്‌. (മത്താ. 11:25) നമ്മുടെ പ്രസി​ദ്ധീ​ക​ര​ണ​ങ്ങ​ളിൽ ലളിത​വും സ്വാഭാ​വി​ക​വു​മായ ഭാഷ ഉപയോ​ഗി​ക്കു​ന്ന​തിൽ വിലമ​തി​പ്പു പ്രകടി​പ്പി​ച്ചു​കൊണ്ട്‌ വയലിൽനിന്ന്‌ ധാരാളം നല്ല പ്രതി​ക​ര​ണങ്ങൾ ലഭിച്ചി​ട്ടുണ്ട്‌.—1 കൊരി. 14:9-11.

യഹോ​വ​യു​ടെ സംഘട​ന​യി​ലേക്ക്‌ കടന്നു​വ​രു​ന്ന​വർക്ക്‌ കൂടി​വ​രു​ന്ന​തി​നാ​യി കഴിഞ്ഞ സേവന​വർഷം, രാജ്യ​ത്തി​ന്റെ പല ഭാഗങ്ങ​ളി​ലാ​യി 15 രാജ്യ​ഹാ​ളു​കൾ പണിയു​ക​യു​ണ്ടാ​യി. എഴുപ​തോ​ളം സ്വമേ​ധ​യാ​സേ​വകർ തങ്ങളുടെ വൈദ​ഗ്‌ധ്യ​ങ്ങൾ ബൃഹത്തായ ഈ വേലയെ പിന്തു​ണ​യ്‌ക്കാ​നാ​യി വിനി​യോ​ഗി​ച്ചു. യഹോ​വ​യു​ടെ അനു​ഗ്ര​ഹ​ത്താൽ ഈ സേവന​വർഷ​ത്തിൽ 25 പുതിയ പദ്ധതികൾ നടപ്പാ​ക്കാ​നാ​കു​മെ​ന്നാണ്‌ ഞങ്ങളുടെ പ്രതീക്ഷ. സംഭാ​വ​ന​ക​ളി​ലൂ​ടെ​യും ഹൃദയം​ഗ​മ​മായ പ്രാർഥ​ന​യി​ലൂ​ടെ​യും നിങ്ങൾ നൽകുന്ന പിന്തു​ണയെ ഞങ്ങൾ അതിയാ​യി വിലമ​തി​ക്കു​ന്നു.—സദൃ. 3:9, 10.

നിങ്ങളുടെ സഹോ​ദ​രങ്ങൾ,

ബ്രാഞ്ചോഫീസ്‌, ഇന്ത്യ