ചോദ്യ​പ്പെ​ട്ടി

◼ കുടും​ബാ​ധ്യ​യനം നടത്തുന്ന സമയം മാതാ​വി​നും പിതാ​വി​നും റിപ്പോർട്ടു ചെയ്യാ​മോ?

“കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും” മക്കളെ വളർത്തി​ക്കൊ​ണ്ടു​വ​രാ​നുള്ള പ്രാഥ​മിക ഉത്തരവാ​ദി​ത്വം പിതാ​ക്ക​ന്മാർക്കാ​ണെ​ങ്കി​ലും അവരെ പരിശീ​ലി​പ്പി​ക്കു​ന്ന​തിൽ മാതാ​പി​താ​ക്കൾ ഇരുവർക്കും പങ്കുണ്ട്‌. (എഫെ. 6:4) “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രുത്‌” എന്നു ബൈബിൾ കുട്ടി​കളെ ഉദ്‌ബോ​ധി​പ്പി​ക്കു​ന്നു. (സദൃ. 1:8) മക്കളെ പരിശീ​ലി​പ്പി​ക്കാ​നുള്ള ഒരു സുപ്ര​ധാന മാർഗ​മാണ്‌ കുടുംബ ബൈബി​ള​ധ്യ​യനം.

മുമ്പൊ​ക്കെ, സ്‌നാ​ന​മേ​റ്റി​ട്ടി​ല്ലാത്ത മക്കൾക്ക്‌ കുടും​ബാ​ധ്യ​യനം നടത്തുന്ന മാതാ​വോ പിതാ​വോ മാത്രമേ മണിക്കൂർ റിപ്പോർട്ടു ചെയ്‌തി​രു​ന്നു​ള്ളൂ, മാതാ​പി​താ​ക്കൾ ഇരുവ​രും സന്നിഹി​ത​രാ​യി​രു​ന്നെ​ങ്കി​ലും. എന്നാൽ ഇനിമു​തൽ അങ്ങനെയല്ല. അധ്യയന സമയത്ത്‌ രണ്ടു​പേ​രും മക്കളെ പഠിപ്പി​ക്കു​ന്ന​തിൽ പങ്കെടു​ക്കു​ന്ന​പക്ഷം ആഴ്‌ച​യിൽ ഒരു മണിക്കൂർ വീതം ഓരോ​രു​ത്തർക്കും റിപ്പോർട്ടു ചെയ്യാ​വു​ന്ന​താണ്‌. മക്കളെ പഠിപ്പി​ക്കാൻ പൊതു​വെ ഒരു മണിക്കൂ​റി​ലേറെ മാതാ​പി​താ​ക്കൾ ചെലവ​ഴി​ക്കു​ന്നു​ണ്ടെ​ന്നതു ശരിയാണ്‌. അതിനാ​യി അവർ ചെയ്യുന്ന ശ്രമവും കുറ​ച്ചൊ​ന്നു​മല്ല. (ആവ. 6:6-9) എങ്കിലും മാസാ​വ​സാ​നം കൊടു​ക്കുന്ന റിപ്പോർട്ടിൽ മുഖ്യ​മാ​യും വയലിൽ ചെലവ​ഴി​ക്കുന്ന മണിക്കൂ​റാണ്‌ കാണേ​ണ്ടത്‌. അതു​കൊണ്ട്‌ ഒരു മണിക്കൂ​റി​ലേ​റെ​യോ, ആഴ്‌ച​യിൽ ഒന്നി​ലേറെ പ്രാവ​ശ്യ​മോ, മക്കൾക്ക്‌ വെവ്വേ​റെ​യാ​യി​ട്ടോ അധ്യയ​ന​മെ​ടു​ത്താ​ലും ആഴ്‌ച​യിൽ ഒരു മണിക്കൂ​റി​ല​ധി​കം റിപ്പോർട്ട്‌ ചെയ്യരുത്‌. അധ്യയ​ന​വും, ആഴ്‌ച​യി​ലൊ​രി​ക്കൽ ഒരു മടക്കസ​ന്ദർശ​ന​വും മാതാ​പി​താ​ക്ക​ളിൽ ഒരാൾക്ക്‌ റിപ്പോർട്ടു ചെയ്യാ​വു​ന്ന​താണ്‌.