ബൈബി​ള​ധ്യ​യ​ന​ത്തി​നാ​യി ഒരു ദിവസം

¹ ജനുവരി മുതൽ സഭകൾ മാസത്തിൽ ഒരു വാരാന്തം, ഒരുപക്ഷേ ആദ്യത്തെ വാരാന്തം, ബൈബി​ള​ധ്യ​യനം വാഗ്‌ദാ​നം ചെയ്യു​ന്ന​തി​നാ​യി നീക്കി​വെ​ക്കും. ഇതിനു പറ്റിയത്‌ ശനിയാ​ഴ്‌ച​യാ​ണോ ഞായറാ​ഴ്‌ച​യാ​ണോ എന്ന്‌ പ്രദേശം കണക്കി​ലെ​ടു​ത്തു​കൊണ്ട്‌ ഓരോ സഭയും തീരു​മാ​നി​ക്കും. അന്നേദി​വസം, അത്തരം ഒരു വാഗ്‌ദാ​നം വീട്ടു​കാ​രൻ നിരസി​ക്കു​ക​യാ​ണെ​ങ്കിൽപ്പോ​ലും പ്രസാ​ധ​കർക്ക്‌ ബൈബിൾ പഠിപ്പി​ക്കു​ന്നു പുസ്‌ത​ക​മോ ഏറ്റവും പുതിയ മാസി​ക​ക​ളോ സമർപ്പി​ക്കാ​വു​ന്ന​താണ്‌. എല്ലാ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ഈ പ്രവർത്ത​ന​ത്തിൽ പൂർണ​പ​ങ്കു​ണ്ടാ​യി​രി​ക്കാൻ ശ്രമി​ക്കു​ക​യും ബൈബി​ള​ധ്യ​യനം തുടങ്ങാൻ പ്രസാ​ധ​കരെ സഹായി​ക്കു​ക​യും വേണം.

² ബൈബി​ള​ധ്യ​യനം വാഗ്‌ദാ​നം ചെയ്യേണ്ട വാരാന്തം ഏതാ​ണെന്ന്‌ സഭാ സേവന​ക​മ്മി​റ്റി തീരു​മാ​നി​ക്കും. പ്രസാ​ധ​കരെ അതു സംബന്ധിച്ച്‌ കൂടെ​ക്കൂ​ടെ ഓർമി​പ്പി​ക്കണം. അങ്ങനെ​യാ​കു​മ്പോൾ ആദ്യസ​ന്ദർശ​ന​ത്തി​ലും മടക്കസ​ന്ദർശ​ന​ത്തി​ലും ബൈബി​ള​ധ്യ​യനം വാഗ്‌ദാ​നം ചെയ്യാൻ പ്രസാ​ധകർ സജ്ജരാ​യി​രി​ക്കും. അതിനാ​യി അവർ പ്രത്യേക ശ്രമം നടത്തു​ക​യും ചെയ്യും.

³ എങ്ങനെ തയ്യാറാ​കാം: ബൈബി​ള​ധ്യ​യനം ആരംഭി​ക്കു​ന്ന​തി​നുള്ള നിർദേ​ശങ്ങൾ 2006 ജനുവരി ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തി​ലും ന്യായ​വാ​ദം പുസ്‌ത​ക​ത്തി​ലെ 12-ാം പേജി​ലും കാണാം. സത്യം—അത്‌ അറിയാൻ നിങ്ങൾ ആഗ്രഹി​ക്കു​ന്നു​വോ? എന്നതു​പോ​ലുള്ള ലഘു​ലേ​ഖകൾ ഉപയോ​ഗി​ക്കാൻ ചിലർ ആഗ്രഹി​ച്ചേ​ക്കാം. കൂടാതെ, 2007 ആഗസ്റ്റ്‌ ലക്കം നമ്മുടെ രാജ്യ ശുശ്രൂ​ഷ​യു​ടെ മൂന്നാം പേജിൽ മാസി​കകൾ സ്വീക​രി​ച്ച​വർക്ക്‌ ബൈബി​ള​ധ്യ​യനം തുടങ്ങു​ന്നതു സംബന്ധി​ച്ചുള്ള നിർദേ​ശ​ങ്ങ​ളുണ്ട്‌. മൂപ്പന്മാ​രോ ശുശ്രൂ​ഷാ​ദാ​സ​ന്മാ​രോ 10 മുതൽ 15 വരെ മിനിറ്റു ദൈർഘ്യ​മുള്ള വയൽസേവന യോഗങ്ങൾ നടത്തു​ന്ന​താ​യി​രി​ക്കും. അതിൽ, ബൈബി​ള​ധ്യ​യനം തുടങ്ങു​ന്ന​തി​നുള്ള ഒന്നോ രണ്ടോ പ്രാ​യോ​ഗിക നിർദേ​ശങ്ങൾ ചർച്ച​ചെ​യ്യു​ക​യോ അതുമാ​യി ബന്ധപ്പെട്ട പ്രകട​നങ്ങൾ ഉൾപ്പെ​ടു​ത്തു​ക​യോ ചെയ്യും. ശുശ്രൂ​ഷ​യി​ലാ​യി​രി​ക്കെ വിവേചന പ്രകട​മാ​ക്കു​ന്നതു സംബന്ധിച്ച്‌ അടുത്ത​കാ​ലത്ത്‌ നമ്മുടെ രാജ്യ ശുശ്രൂ​ഷ​യിൽ വന്ന നിർദേ​ശങ്ങൾ മനസ്സിൽപ്പി​ടി​ക്കേ​ണ്ട​തുണ്ട്‌.

⁴ എല്ലാവ​രും ബൈബി​ള​ധ്യ​യനം സ്വീക​രി​ക്കു​ക​യോ പഠനം തുടരു​ക​യോ ചെയ്യണ​മെ​ന്നില്ല. ഇതു നമ്മെ പിന്തി​രി​പ്പി​ക്ക​രുത്‌. കാരണം യഹോ​വ​യാണ്‌ തന്റെ സംഘട​ന​യി​ലേക്കു ചെമ്മരി​യാ​ടു​തു​ല്യ​രാ​യ​വരെ ആകർഷി​ക്കു​ന്നത്‌. (യോഹ. 6:44) സത്യത്തി​ന്റെ വിത്തു വിതയ്‌ക്കു​ന്ന​തോ​ടെ തീരു​ന്നില്ല നമ്മുടെ ഉത്തരവാ​ദി​ത്വം. നാം അതു നനയ്‌ക്കു​ക​യും പരിപാ​ലി​ക്കു​ക​യും വേണം. ശരിയായ ഹൃദയ​നി​ല​യു​ള്ള​വ​രു​മാ​യി ബൈബിൾ പഠിക്കു​ന്നത്‌ അതിൽ ഉൾപ്പെ​ടു​ന്നു. അങ്ങനെ നമുക്ക്‌ ദൈവ​ത്തി​ന്റെ കൂട്ടു​വേ​ല​ക്കാ​രാ​യി​രി​ക്കാ​നാ​കും.—1 കൊരി. 3:9.