സ്‌മാ​രകം പരസ്യ​പ്പെ​ടു​ത്താ​നുള്ള പ്രത്യേക പ്രചാ​ര​ണ​പ​രി​പാ​ടി

1. ലോക​മെ​മ്പാ​ടു​മുള്ള രാജ്യ​ഘോ​ഷകർ 2009 മാർച്ച്‌ 21 മുതൽ എന്തിൽ ഏർപ്പെ​ടും, എന്തു​കൊണ്ട്‌?

¹ യഹോ​വ​യാം ദൈവം മനുഷ്യ​വർഗ​ത്തോ​ടു കാണിച്ച ഉത്‌കൃ​ഷ്ട​മായ സ്‌നേഹം അനുസ്‌മ​രി​ക്കാൻ ലോക​മെ​മ്പാ​ടു​മുള്ള അവന്റെ ആരാധകർ 2009 ഏപ്രിൽ 9 വ്യാഴാഴ്‌ച കൂടി​വ​രും. (റോമ. 5:6-8) യേശു​വി​ന്റെ മരണത്തി​ന്റെ സ്‌മാ​രകം നാം ആചരി​ക്കു​മ്പോൾ താത്‌പ​ര്യ​ക്കാ​രായ ദശലക്ഷങ്ങൾ നമ്മോ​ടൊ​പ്പം ഉണ്ടായി​രി​ക്കു​മെ​ന്നാണ്‌ നമ്മുടെ പ്രതീക്ഷ. സ്‌മാ​ര​ക​ത്തി​നുള്ള ഒരു പ്രത്യേക ക്ഷണക്കത്ത്‌ മാർച്ച്‌ 21 മുതൽ ലോക​മെ​മ്പാ​ടും നാം വിതരണം ചെയ്യു​ന്ന​താ​യി​രി​ക്കും.

2. ക്ഷണക്കത്ത്‌ നൽകു​മ്പോൾ ഏതെല്ലാം കാര്യങ്ങൾ ഓർക്കണം?

² ഓർക്കേണ്ട കാര്യങ്ങൾ: എതിർപ്പു നേരി​ട്ടി​ട്ടുള്ള പ്രദേ​ശ​ങ്ങ​ളിൽ വളരെ ജാഗ്ര​ത​യോ​ടും വിവേ​ക​ത്തോ​ടും കൂടെ വേണം പ്രവർത്തി​ക്കാൻ. കാണുന്ന എല്ലാവർക്കും ക്ഷണക്കത്തു നൽകാതെ സത്യം പഠിക്കാൻ യഥാർഥ താത്‌പ​ര്യ​മു​ണ്ടെന്നു നിങ്ങൾക്കു തോന്നു​ന്ന​വർക്കു മാത്രം അതു നൽകുക. ക്ഷണക്കത്തി​ലെ ചിത്ര​ങ്ങ​ളും ചോദ്യ​ങ്ങ​ളും, കൂടാതെ അതിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളും നന്നായി ഉപയോ​ഗ​പ്പെ​ടു​ത്താൻ ശ്രദ്ധി​ക്കുക. ഉദാഹ​ര​ണ​ത്തിന്‌, പുറം​പേ​ജി​ലെ ചിത്രം കാണി​ച്ചു​കൊണ്ട്‌ ഇങ്ങനെ പറയാ​വു​ന്ന​താണ്‌: “2009 ഏപ്രിൽ 9 വ്യാഴാഴ്‌ച ഞങ്ങൾ യേശു​വി​ന്റെ മരണത്തി​ന്റെ സ്‌മാ​രകം ആചരി​ക്കും. താങ്കളും ഒപ്പമു​ണ്ടാ​യി​രി​ക്കാൻ ഞാൻ ആഗ്രഹി​ക്കു​ന്നു.” എന്നിട്ട്‌ ക്ഷണക്കത്തി​ന്റെ ശീർഷ​ക​വും നൽകി​യി​രി​ക്കുന്ന ചോദ്യ​ങ്ങ​ളും ശ്രദ്ധയിൽ പെടു​ത്തുക. വീട്ടു​കാ​രന്‌ തന്റെ കുടും​ബത്തെ ഉൾപ്പെടെ ഇഷ്ടമുള്ള ആരെയും കൂടെ​ക്കൊ​ണ്ടു​വ​രാ​വു​ന്ന​താണ്‌ എന്ന്‌ എടുത്തു​പ​റ​യുക.

3. പ്രചാ​ര​ണ​പ​രി​പാ​ടി​ക്കി​ട​യിൽ നിങ്ങൾ ക്ഷണക്കത്തു നൽകി​യ​വരെ വീണ്ടും എങ്ങനെ പ്രോ​ത്സാ​ഹി​പ്പി​ക്കാം?

³ വാരാ​ന്ത​ങ്ങ​ളിൽ ക്ഷണക്കത്തി​നൊ​പ്പം മാസി​ക​ക​ളും നൽകുക. നിങ്ങൾ മടക്കസ​ന്ദർശനം ക്രമീ​ക​രി​ച്ചി​ട്ടു​ള്ളവർ, നിങ്ങളു​ടെ ബൈബിൾവി​ദ്യാർഥി​കൾ, ബന്ധുക്കൾ, സഹപാ​ഠി​കൾ, സഹപ്ര​വർത്തകർ, അയൽക്കാർ, പരിച​യ​ക്കാർ എന്നിവ​രെ​യെ​ല്ലാം ക്ഷണിക്കാ​വു​ന്ന​താണ്‌. കഴിഞ്ഞ വർഷം ഒരു സഹോ​ദരി 30 ബന്ധുക്കളെ സ്‌മാ​ര​ക​ത്തി​നു ക്ഷണിച്ചു. പിന്നീട്‌, ആ ദിവസ​ത്തി​ന്റെ പ്രാധാ​ന്യ​ത്തെ​ക്കു​റിച്ച്‌ കൂടെ​ക്കൂ​ടെ അവരെ ഓർമി​പ്പി​ക്കു​ക​യും ചെയ്‌തു. ബന്ധുക്ക​ളിൽ 25 പേർ സ്‌മാ​ര​കാ​ച​ര​ണ​ത്തിൽ പങ്കെടു​ക്കു​ക​യും അവരിൽ 4 പേർ പിന്നീട്‌ ബൈബിൾ പഠിക്കാൻ തുടങ്ങു​ക​യും ചെയ്‌തു. ആ സഹോ​ദ​രി​ക്കു​ണ്ടായ സന്തോഷം എത്ര​യെന്ന്‌ നിങ്ങൾക്ക്‌ ഊഹി​ക്കാ​നാ​കു​ന്നു​ണ്ടോ?

4. ഇപ്പോൾത്തന്നെ നാം എന്ത്‌ ആസൂ​ത്ര​ണങ്ങൾ ചെയ്യണം, എന്തു​കൊണ്ട്‌?

⁴ ഇപ്പോൾത്തന്നെ ആസൂ​ത്രണം ചെയ്യുക: മാർച്ച്‌, ഏപ്രിൽ മാസങ്ങ​ളിൽ കൂടുതൽ സമയം വയൽപ്ര​വർത്ത​ന​ത്തിൽ ഏർപ്പെ​ടാൻ പല പ്രസാ​ധ​കർക്കും സാധി​ച്ചേ​ക്കും. നിങ്ങളു​ടെ മക്കളോ ബൈബിൾ വിദ്യാർഥി​ക​ളോ ആത്മീയാ​ഭി​വൃ​ദ്ധി വരുത്തി​യി​ട്ടു​ണ്ടെ​ങ്കിൽ സ്‌നാ​ന​പ്പെ​ടാത്ത പ്രസാ​ധ​ക​രാ​കാ​നുള്ള നല്ലൊരു അവസര​മാ​യി​രി​ക്കും അത്‌. യഹോ​വ​യും യേശു​വും കാണിച്ച മഹത്തായ സ്‌നേ​ഹത്തെ അനുസ്‌മ​രി​ക്കുന്ന വേളയെ പരസ്യ​പ്പെ​ടു​ത്തുന്ന ഈ പ്രചാ​ര​ണ​പ​രി​പാ​ടി​യിൽ പൂർണ​പ​ങ്കു​ണ്ടാ​യി​രി​ക്കാൻ ഇപ്പോൾത്തന്നെ ആവശ്യ​മായ ശ്രമങ്ങൾ തുടങ്ങുക.—യോഹ. 3:16; 15:13.