അധ്യയ​ന​ത്തി​നു നന്നായി തയ്യാറാ​കു​ക

1. ബൈബി​ള​ധ്യ​യനം നടത്തു​മ്പോൾ വിദ്യാർഥി​യു​ടെ വിലമ​തിപ്പ്‌ വർധി​പ്പി​ക്കാൻ ശ്രമി​ക്കേ​ണ്ടത്‌ എന്തു​കൊണ്ട്‌?

¹ യഹോ​വയെ സേവി​ക്കാൻ ബൈബിൾവി​ദ്യാർഥി​യെ പ്രചോ​ദി​പ്പി​ക്കു​ന്ന​തിന്‌ അധ്യയ​ന​ത്തി​നാ​യി നാം നന്നായി തയ്യാറാ​കേ​ണ്ട​തുണ്ട്‌. ബൈബിൾസ​ത്യ​ത്തോട്‌ വിദ്യാർഥി​ക്കുള്ള വിലമ​തിപ്പ്‌ വർധി​പ്പി​ക്കുക. അത്‌ വിദ്യാർഥി​യെ പ്രവർത്ത​ന​ത്തിന്‌ പ്രചോ​ദി​പ്പി​ക്കും. (ആവ. 6:5; സദൃ. 4:23; 1 കൊരി. 9:26) നമുക്ക്‌ അതെങ്ങനെ ചെയ്യാ​നാ​കും?

2. നന്നായി തയ്യാറാ​കു​ന്ന​തിൽ പ്രാർഥന എന്തു പങ്കുവ​ഹി​ക്കു​ന്നു?

² പ്രാർഥ​ന​യോ​ടെ തയ്യാറാ​കുക: വിദ്യാർഥി​യു​ടെ ഹൃദയ​ത്തിൽ സത്യത്തി​ന്റെ വിത്ത്‌ വളരാ​നി​ട​യാ​ക്കു​ന്നത്‌ യഹോവ ആയതി​നാൽ, വിദ്യാർഥി​ക്കും അദ്ദേഹ​ത്തി​ന്റെ പ്രത്യേക ആവശ്യ​ങ്ങൾക്കും വേണ്ടി പ്രാർഥി​ച്ചു​കൊണ്ട്‌ അധ്യയ​ന​ത്തി​നു തയ്യാറാ​കു​ന്നത്‌ ഉചിത​മാണ്‌. (1 കൊരി. 3:6; യാക്കോ. 1:5) ദൈ​വേ​ഷ്ട​ത്തെ​ക്കു​റി​ച്ചുള്ള പരിജ്ഞാ​നം വിദ്യാർഥി​യു​ടെ ഹൃദയ​ത്തിൽ എങ്ങനെ നിറയ്‌ക്കാ​മെന്നു മനസ്സി​ലാ​ക്കാ​നും അത്തരം പ്രാർഥന നമ്മെ സഹായി​ച്ചേ​ക്കാം.—കൊലോ. 1:9, 10.

3. വിദ്യാർഥി​യെ മനസ്സിൽക്ക​ണ്ടു​കൊണ്ട്‌ നമു​ക്കെ​ങ്ങനെ തയ്യാറാ​കാം?

³ വിദ്യാർഥി​യെ പരിഗ​ണി​ക്കുക: ഫലകര​മാ​യി പഠിപ്പി​ക്കാൻ, സദസ്സിനെ പരിഗ​ണി​ക്കേ​ണ്ടത്‌ ആവശ്യ​മാ​ണെന്ന്‌ യേശു​വിന്‌ അറിയാ​മാ​യി​രു​ന്നു. കുറഞ്ഞ​പക്ഷം രണ്ടു തവണ​യെ​ങ്കി​ലും, “നിത്യ​ജീ​വൻ അവകാ​ശ​മാ​ക്കാൻ ഞാൻ എന്തു ചെയ്യണം?” എന്ന്‌ അവനോ​ടു ചോദി​ക്കു​ക​യു​ണ്ടാ​യി. ആ രണ്ടു സന്ദർഭ​ങ്ങ​ളി​ലും വ്യത്യസ്‌ത വിധങ്ങ​ളി​ലാ​യി​രു​ന്നു അവന്റെ പ്രതി​ക​രണം. (ലൂക്കോ. 10:25-28; 18:18-20) വിദ്യാർഥി​യെ മനസ്സിൽക്ക​ണ്ടു​കൊ​ണ്ടു​വേണം നാം തയ്യാറാ​കാൻ. പരാമർശി​ച്ചി​ട്ടു​ള്ള​തിൽ ഏതെല്ലാം തിരു​വെ​ഴു​ത്തു​കൾ അധ്യയ​ന​സ​മ​യത്തു വായി​ക്കണം? എന്തുമാ​ത്രം പഠിപ്പി​ക്കണം? പാഠ്യ​ഭാ​ഗത്തെ ഏതെല്ലാം ആശയങ്ങൾ മനസ്സി​ലാ​ക്കാ​നോ അംഗീ​ക​രി​ക്കാ​നോ വിദ്യാർഥി​ക്കു പ്രയാ​സ​മാ​യി​രു​ന്നേ​ക്കാം? വിദ്യാർഥി എന്തെല്ലാം ചോദ്യ​ങ്ങൾ ഉന്നയി​ച്ചേ​ക്കാ​മെന്ന്‌ ഒരു ധാരണ​യു​ണ്ടെ​ങ്കിൽ ഫലകര​മാ​യി പ്രതി​ക​രി​ക്കാൻ നമുക്കു സാധി​ക്കും.

4. നല്ല തയ്യാറാ​ക​ലിൽ എന്തുൾപ്പെ​ടു​ന്നു?

⁴ പാഠ്യ​ഭാ​ഗം അവലോ​ക​നം​ചെ​യ്യുക: മുമ്പ്‌ എത്ര പ്രാവ​ശ്യം ഒരു അധ്യയ​ന​ഭാ​ഗം നാം പഠിപ്പി​ച്ചി​ട്ടു​ണ്ടെ​ങ്കി​ലും ഈ വിദ്യാർഥി​യോ​ടൊത്ത്‌ നാം അതു പഠിക്കു​ന്നത്‌ ആദ്യമാ​യി​ട്ടാണ്‌. അദ്ദേഹ​ത്തി​ന്റെ ഹൃദയ​ത്തി​ലെ​ത്ത​ണ​മെ​ങ്കിൽ ഓരോ അധ്യയ​ന​ത്തി​നു​മാ​യി നന്നായി തയ്യാറാ​കേ​ണ്ടത്‌ അതി​പ്ര​ധാ​ന​മാണ്‌. വിദ്യാർഥി ചെയ്യണ​മെന്നു നാം പ്രതീ​ക്ഷി​ക്കുന്ന കാര്യം നമ്മളും ചെയ്യണ​മെ​ന്നാണ്‌ അതിനർഥം. വിദ്യാർഥി​യെ മനസ്സിൽപ്പി​ടി​ച്ചു​കൊണ്ട്‌ പരാമർശിത തിരു​വെ​ഴു​ത്തു​കൾ ഉൾപ്പെടെ പാഠ്യ​ഭാ​ഗം അവലോ​ക​നം​ചെ​യ്യുക; മുഖ്യ ആശയങ്ങൾക്ക്‌ അടിവ​ര​യി​ടുക.—റോമ. 2:21, 22.

5. നമു​ക്കെ​ങ്ങനെ യഹോ​വയെ അനുക​രി​ക്കാം?

⁵ ഓരോ ബൈബിൾവി​ദ്യാർഥി​യു​ടെ​യും പുരോ​ഗ​തി​യിൽ യഹോവ അതീവ തത്‌പ​ര​നാണ്‌. (2 പത്രോ. 3:9) ഓരോ അധ്യയ​ന​ത്തി​നു​മാ​യി നന്നായി തയ്യാറാ​യി​ക്കൊണ്ട്‌ യഹോ​വ​യ്‌ക്കുള്ള സ്‌നേ​ഹ​പൂർവ​ക​മായ അതേ താത്‌പ​ര്യം നമുക്കു​മു​ണ്ടെന്നു കാണി​ക്കാം.