ചോദ്യ​പ്പെ​ട്ടി

◼ സുവാർത്ത പ്രസം​ഗി​ക്ക​രു​തെന്ന്‌ നിങ്ങ​ളോട്‌ പറഞ്ഞാൽ എന്തു ചെയ്യണം?

ശുശ്രൂ​ഷ​യിൽ ഏർപ്പെ​ട്ടി​രി​ക്കുന്ന പ്രസാ​ധ​ക​രോട്‌ അവർ ചെയ്യു​ന്നത്‌ നിയമ​ലം​ഘ​ന​മാ​ണെ​ന്നും അതു​കൊണ്ട്‌ സുവാർത്ത പ്രസം​ഗി​ക്ക​രു​തെ​ന്നും പോലീസ്‌ ഉദ്യോ​ഗസ്ഥർ പറഞ്ഞ സന്ദർഭങ്ങൾ ഉണ്ടായി​ട്ടുണ്ട്‌. നിങ്ങ​ളോട്‌ അങ്ങനെ ആവശ്യ​പ്പെ​ട്ടാൽ, ഏതുവി​ധ​ത്തി​ലുള്ള സാക്ഷീ​ക​ര​ണ​ത്തിൽ ഏർപ്പെ​ട്ടി​രി​ക്കു​ക​യാ​ണെ​ങ്കി​ലും ശരി, പെട്ടെ​ന്നു​തന്നെ ശാന്തരാ​യി ആ പ്രദേശം വിട്ടു​പോ​കുക. (മത്താ. 5:41; ഫിലി. 4:5) നമ്മുടെ നിയമ​പ​ര​മായ അവകാ​ശ​ങ്ങ​ളെ​ക്കു​റി​ച്ചു സംസാ​രിച്ച്‌ നിങ്ങൾതന്നെ പ്രശ്‌നം പരിഹ​രി​ക്കാൻ ശ്രമി​ക്ക​രുത്‌. സാധി​ക്കു​മെ​ങ്കിൽ, ആ പോലീസ്‌ ഉദ്യോ​ഗ​സ്ഥന്റെ പേരും അദ്ദേഹം ഏതു പോലീസ്‌ സ്റ്റേഷനിൽനി​ന്നാ​ണെ​ന്നും മനസ്സി​ലാ​ക്കാൻ ശ്രമി​ക്കുക. അതിനു​ശേഷം പെട്ടെ​ന്നു​തന്നെ മൂപ്പന്മാ​രെ വിവരം അറിയി​ക്കുക. അവർ ബ്രാ​ഞ്ചോ​ഫീ​സു​മാ​യി ബന്ധപ്പെ​ടും. അതു​പോ​ലെ​തന്നെ, ഒരു അപ്പാർട്ടു​മെ​ന്റിൽനി​ന്നോ ഹൗസിങ്‌ കോം​പ്ല​ക്‌സിൽനി​ന്നോ കെട്ടി​ട​സ​മു​ച്ച​യ​ത്തിൽനി​ന്നോ പോകാൻ അതിന്റെ സെക്ര​ട്ട​റി​യോ ഉത്തരവാ​ദി​ത്വ​പ്പെട്ട മറ്റാ​രെ​ങ്കി​ലു​മോ ആവശ്യ​പ്പെ​ട്ടാൽ താമസം​വി​നാ അത്‌ അനുസ​രി​ക്കുക; എന്നിട്ട്‌ മൂപ്പന്മാ​രെ വിവരം അറിയി​ക്കുക. അധികാ​ര​ത്തി​ലു​ള്ള​വ​രോട്‌ വിനയ​ത്തോ​ടെ ശാന്തമാ​യി ഇടപെ​ടു​ന്നെ​ങ്കിൽ അനാവ​ശ്യ​മായ പല കുഴപ്പ​ങ്ങ​ളും ഒഴിവാ​ക്കാ​നാ​കും.—സദൃ. 15:1; റോമ. 12:18.