“വന്ന്‌ എന്നെ അനുഗ​മി​ക്കുക”

1. വരും മാസങ്ങ​ളി​ലെ സഭാ ബൈബി​ള​ധ്യ​യ​ന​ത്തിൽ നമുക്ക്‌ എന്തിനുള്ള അവസര​മുണ്ട്‌?

¹ യേശു​വി​ന്റെ ഭൗമിക ജീവി​ത​ത്തെ​ക്കു​റി​ച്ചു വിശദ​മാ​യി പ്രതി​പാ​ദി​ക്കുന്ന നാലു​സു​വി​ശേ​ഷങ്ങൾ, ദൈവ​പു​ത്രനെ അടുത്ത​റി​യാൻ നമ്മെ സഹായി​ക്കു​ന്നു. ക്രിസ്‌ത്യാ​നി​ക​ളെ​ന്ന​നി​ല​യിൽ നാം “അവന്റെ കാൽച്ചു​വ​ടു​കൾ അടുത്തു പിന്തുട”രേണ്ടതുണ്ട്‌. അതിനാൽ ഏപ്രിൽ 18-ന്‌ ആരംഭി​ക്കുന്ന വാരം​മു​തൽ സഭാ ബൈബി​ള​ധ്യ​യ​ന​ത്തിൽ, “വന്ന്‌ എന്നെ അനുഗ​മി​ക്കുക” എന്ന പുസ്‌തകം പഠിക്കു​മ്പോൾ നന്നായി തയ്യാറാ​യി വരുക​യും അടുത്ത ശ്രദ്ധ നൽകു​ക​യും ചെയ്യുക. (1 പത്രോ. 2:21; മർക്കോ. 10:21) യേശു​വി​ന്റെ ജീവി​ത​ത്തി​ലെ, ശുശ്രൂ​ഷ​യിൽ നമുക്കു പ്രയോ​ജ​നം​ചെ​യ്യുന്ന വശങ്ങൾക്ക്‌ പ്രത്യേക ശ്രദ്ധ നൽകു​ന്നത്‌ മൂല്യ​വ​ത്താണ്‌.

2. സഹിഷ്‌ണു​ത​യു​ടെ കാര്യ​ത്തിൽ യേശു​വെച്ച മാതൃക നമുക്ക്‌ എങ്ങനെ പ്രയോ​ജ​നം​ചെ​യ്യും?

² യേശു​വി​ന്റെ മാതൃക: വീടു​തോ​റും പ്രസം​ഗി​ക്കവെ, അനുകൂ​ല​മ​ല്ലാത്ത പ്രതി​ക​ര​ണങ്ങൾ നിങ്ങൾക്കു നേരി​ട്ടി​ട്ടു​ണ്ടോ? അത്തരം എതിർപ്പു​കൾ ഉണ്ടാകു​മ്പോൾ യേശു​വി​ന്റെ പിൻവ​രുന്ന വാക്കു​ക​ളാ​യി​രി​ക്കും നിങ്ങളു​ടെ മനസ്സി​ലേക്കു വരുന്നത്‌: “അവർ എന്നെ പീഡി​പ്പി​ച്ചെ​ങ്കിൽ നിങ്ങ​ളെ​യും പീഡി​പ്പി​ക്കും.” (യോഹ. 15:20) ആളുകൾ സുവാർത്ത​യ്‌ക്കു ചെവി​കൊ​ടു​ക്കാത്ത എല്ലാ സാഹച​ര്യ​ങ്ങ​ളെ​യും പീഡന​മാ​യി കണക്കാ​ക്കാ​നാ​വില്ല എന്നതു ശരിയാണ്‌. യേശു​വി​ന്റെ കാര്യ​ത്തിൽ, ഏതുത​ര​ത്തി​ലുള്ള പരി​ശോ​ധ​നകൾ നേരി​ട്ട​പ്പോ​ഴും സഹിച്ചു​നിൽക്കാൻ അവനെ സഹായി​ച്ചത്‌ “മുമ്പിൽ വെച്ചി​രുന്ന സന്തോ​ഷ​മാണ്‌.” സമാന​മാ​യി, യഹോ​വ​യു​ടെ അംഗീ​കാ​ര​വും വിശ്വസ്‌ത ഗതിക്കുള്ള പ്രതി​ഫ​ല​വും നേടുക എന്നതിൽ നമുക്കും ശ്രദ്ധ​കേ​ന്ദ്രീ​ക​രി​ക്കാ​നാ​കും. അങ്ങനെ ചെയ്യു​ന്നത്‌ ‘മനസ്സു​മ​ടുത്ത്‌ തളർന്നു​പോ​കാ​തി​രി​ക്കാൻ’ നമ്മെ സഹായി​ക്കും. (എബ്രാ. 12:2, 3; സദൃ. 27:11) ശുശ്രൂ​ഷ​യിൽ സ്ഥിരോ​ത്സാ​ഹ​ത്തോ​ടെ മുന്നേ​റു​മ്പോൾ ക്രിസ്‌തു​യേ​ശു​വി​ന്റെ പിന്തുണ ലഭിക്കു​മെന്ന കാര്യ​ത്തി​ലും നമുക്ക്‌ ഉറപ്പു​ള്ള​വ​രാ​യി​രി​ക്കാം.—മത്താ. 28:20.

3. ശുശ്രൂ​ഷ​യോ​ടുള്ള യേശു​വി​ന്റെ മനോ​ഭാ​വം നമുക്ക്‌ എങ്ങനെ അനുക​രി​ക്കാം?

³ “അതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌”: യേശു​വി​ന്റെ ജീവി​ത​ത്തിൽ ഒന്നാം സ്ഥാനം രാജ്യ​പ്ര​സം​ഗ​വേ​ല​യ്‌ക്കാ​യി​രു​ന്നു. (ലൂക്കോ. 4:43) ശുശ്രൂ​ഷ​യ്‌ക്കാ​യി അവൻ തന്റെ ജീവിതം ഉഴിഞ്ഞു​വെച്ചു. വളരെ അടിയ​ന്തി​ര​ത​യോ​ടെ​യാണ്‌ അവൻ അതിനെ വീക്ഷി​ച്ചത്‌. ദൈവ​രാ​ജ്യ​ത്തെ​ക്കു​റി​ച്ചു സംസാ​രി​ക്കാ​നുള്ള ഒരവസ​ര​വും അവൻ പാഴാ​ക്കി​യില്ല. യേശു​വി​ന്റെ കാൽച്ചു​വ​ടു​കളെ പിന്തു​ട​രു​ന്ന​വ​രെ​ന്ന​നി​ല​യിൽ നമുക്ക്‌ എങ്ങനെ അവന്റെ മാതൃക അനുക​രി​ക്കാം? നാം അനുദിന കാര്യാ​ദി​ക​ളിൽ ഏർപ്പെ​ടു​മ്പോൾ, സുവാർത്ത പങ്കു​വെ​ക്കാൻ കഴിയുന്ന ആളുകളെ കണ്ടുമു​ട്ടാ​റു​ണ്ടോ? കഴിയു​ന്നത്ര ആളുകളെ സുവാർത്ത അറിയി​ക്കാൻ ക്രിസ്‌തു​വി​ന്റെ സ്‌നേഹം നമ്മെ പ്രചോ​ദി​പ്പി​ക്കട്ടെ!—2 കൊരി. 5:14.

4. ശുശ്രൂ​ഷ​യു​ടെ ഗുണനി​ല​വാ​രം വർധി​പ്പി​ക്കാ​നാ​യി നമുക്ക്‌ എന്തെല്ലാം ചെയ്യാ​നാ​കും?

⁴ “ഈ മനുഷ്യൻ സംസാ​രി​ക്കു​ന്ന​തു​പോ​ലെ ആരും ഒരിക്ക​ലും സംസാ​രി​ച്ചി​ട്ടില്ല”: യേശു​വി​ന്റെ പഠിപ്പി​ക്കൽരീ​തി അവന്റെ ശ്രോ​താ​ക്കളെ വിസ്‌മ​യ​ഭ​രി​ത​രാ​ക്കി. (യോഹ. 7:46; മത്താ. 7:28, 29) മറ്റ്‌ ഉപദേ​ഷ്ടാ​ക്ക​ളിൽനിന്ന്‌ അവനെ വ്യത്യ​സ്‌ത​നാ​ക്കി​യത്‌ എന്താണ്‌? താൻ പഠിപ്പിച്ച സത്യ​ത്തെ​യും പഠിപ്പിച്ച ആളുക​ളെ​യും അവൻ സ്‌നേ​ഹി​ച്ചു. ആളുകളെ പഠിപ്പി​ക്കാൻ അവൻ വ്യത്യസ്‌ത മാർഗങ്ങൾ അവലം​ബി​ച്ചു. യേശു​വെന്ന മഹാനായ അധ്യാ​പ​കനെ അനുക​രി​ക്കു​ന്നെ​ങ്കിൽ ശുശ്രൂ​ഷ​യു​ടെ ഗുണനി​ല​വാ​രം വർധി​പ്പി​ക്കാൻ നമുക്കു കഴിയും.—ലൂക്കോ. 6:40.

5. “വന്ന്‌ എന്നെ അനുഗ​മി​ക്കുക” എന്ന പുസ്‌തകം പഠിക്കു​മ്പോൾ എന്തായി​രി​ക്കണം നമ്മുടെ ലക്ഷ്യം?

⁵ യേശു​വി​ന്റെ ജീവി​ത​ത്തിൽനി​ന്നു നമുക്കു പഠിക്കാ​നാ​കുന്ന മൂല്യ​വ​ത്തായ ചില കാര്യ​ങ്ങ​ളാണ്‌ നാം പരിചി​ന്തി​ച്ചത്‌. കൂടു​ത​ലാ​യി മറ്റെ​ന്തെ​ല്ലാം നിങ്ങൾക്കു പഠിക്കാ​നാ​കും? സഭാ ബൈബി​ള​ധ്യ​യന വേളയിൽ യേശു​വി​ന്റെ ജീവി​ത​ത്തെ​ക്കു​റിച്ച്‌ പരിചി​ന്തി​ക്കവെ, അവന്റെ വാക്കു​ക​ളും പ്രവൃ​ത്തി​ക​ളും അനുക​രി​ച്ചു​കൊണ്ട്‌ ‘ക്രിസ്‌തു​വി​ന്റെ സ്‌നേഹം മനസ്സി​ലാ​ക്കാൻ’ ലക്ഷ്യം​വെ​ക്കുക.—എഫെ. 3:19.