ഞാൻ വേണ്ടത്ര പ്രവർത്തി​ക്കു​ന്നു​ണ്ടോ?

1. വിശ്വ​സ്‌ത​നായ ക്രിസ്‌ത്യാ​നിക്ക്‌ എന്തെല്ലാം ആകുല​തകൾ ഉണ്ടാ​യേ​ക്കാം?

¹ നിങ്ങൾ എപ്പോ​ഴെ​ങ്കി​ലും ഈ ചോദ്യം സ്വയം ചോദി​ച്ചി​ട്ടു​ണ്ടോ? പ്രായാ​ധി​ക്യ​മോ ആരോ​ഗ്യ​പ്ര​ശ്‌ന​ങ്ങ​ളോ വർധിച്ച കുടുംബ ഉത്തരവാ​ദി​ത്വ​ങ്ങ​ളോ നിമിത്തം ഒരുപക്ഷേ ശുശ്രൂ​ഷ​യി​ലുള്ള നിങ്ങളു​ടെ പങ്ക്‌ കുറഞ്ഞി​ട്ടു​ണ്ടാ​കും; അത്‌ നിരാ​ശ​യ്‌ക്കു കാരണ​മാ​യേ​ക്കാം. മൂന്നു​മ​ക്ക​ളു​ടെ അമ്മയായ ഒരു സഹോ​ദരി പറഞ്ഞത്‌, ശുശ്രൂ​ഷ​യിൽ ചെലവി​ടേണ്ട സമയത്തി​ന്റെ​യും ഊർജ​ത്തി​ന്റെ​യും നല്ലൊരു ഭാഗവും വീട്ടു​കാ​ര്യ​ങ്ങൾ ചെയ്‌തു നഷ്ടപ്പെ​ടു​ക​യാ​ണെ​ന്നാണ്‌. ഇതിൽ സഹോ​ദ​രിക്ക്‌ ഇടയ്‌ക്കൊ​ക്കെ കുറ്റ​ബോ​ധ​വും തോന്നാ​റുണ്ട്‌. കാര്യങ്ങൾ സമനി​ല​യോ​ടെ നോക്കി​ക്കാ​ണാൻ നമ്മെ എന്തു സഹായി​ക്കും?

2. യഹോവ നമ്മിൽനിന്ന്‌ എന്താണു പ്രതീ​ക്ഷി​ക്കു​ന്നത്‌?

² യഹോവ നമ്മിൽനി​ന്നു പ്രതീ​ക്ഷി​ക്കു​ന്നത്‌: ശുശ്രൂ​ഷ​യിൽ കൂടുതൽ ചെയ്യണ​മെന്ന ആഗ്രഹ​മു​ള്ള​വ​രാ​ണു നാമെ​ല്ലാം. പക്ഷേ നാം മനസ്സി​ലാ​ക്കേണ്ട ഒരു വസ്‌തു​ത​യുണ്ട്‌: പലപ്പോ​ഴും നാം ചെയ്യാൻ ആഗ്രഹി​ക്കുന്ന കാര്യ​ങ്ങ​ളും നമുക്കു വാസ്‌ത​വ​ത്തിൽ ചെയ്യാൻ കഴിയുന്ന കാര്യ​ങ്ങ​ളും തമ്മിൽ നല്ല അന്തരമു​ണ്ടാ​യി​രി​ക്കും. കൂടുതൽ ചെയ്യാ​നുള്ള നമ്മുടെ ആഗ്രഹം ശുശ്രൂ​ഷ​യിൽ നാം ഉദാസീ​നരല്ല എന്നതിന്റെ തെളി​വാണ്‌. യഹോ​വ​യ്‌ക്കു നമ്മുടെ പരിമി​തി​കൾ അറിയാം എന്നകാ​ര്യം നാം ഓർക്കേ​ണ്ട​തുണ്ട്‌. അതു​പോ​ലെ നമുക്ക്‌ ന്യായ​മാ​യും ചെയ്യാൻ കഴിയു​ന്ന​തി​ന​പ്പു​റം യഹോവ ഒരിക്ക​ലും നമ്മിൽനി​ന്നു പ്രതീ​ക്ഷി​ക്കു​ക​യില്ല. (സങ്കീ. 103:13, 14) എന്നാൽ എന്തായി​രി​ക്കും അവൻ നമ്മിൽനി​ന്നു പ്രതീ​ക്ഷി​ക്കു​ന്നത്‌? നാം നമ്മുടെ പരമാ​വധി ചെയ്യണ​മെന്ന്‌, അതെ നാം അവനെ സർവാ​ത്മനാ സേവി​ക്ക​ണ​മെന്ന്‌ അവൻ ആഗ്രഹി​ക്കു​ന്നു.—കൊലോ. 3:23.

3. ശുശ്രൂ​ഷ​യി​ലെ നമ്മുടെ പങ്കിനെ നമുക്ക്‌ എങ്ങനെ വിലയി​രു​ത്താ​നാ​കും?

³ നമുക്കു വാസ്‌ത​വ​ത്തിൽ എത്ര​ത്തോ​ളം ചെയ്യാൻ കഴിയു​മെന്നു നിർണ​യി​ക്കാൻ നമ്മെ എന്തു സഹായി​ക്കും? നമ്മുടെ സാഹച​ര്യം വസ്‌തു​നി​ഷ്‌ഠ​മാ​യി വിലയി​രു​ത്താ​നുള്ള സഹായ​ത്തി​നാ​യി യഹോ​വ​യോട്‌ അപേക്ഷി​ക്കാ​നാ​കും. (സങ്കീ. 26:2) നമ്മെ നന്നായി അറിയാ​വുന്ന, തിരു​ത്താൻ മടിക്കാത്ത, പക്വത​യുള്ള, ആശ്രയ​യോ​ഗ്യ​നായ ഒരു ക്രിസ്‌തീയ സുഹൃ​ത്തി​നും നമ്മെ സഹായി​ക്കാൻ കഴി​ഞ്ഞേ​ക്കും. (സദൃ. 27:9) നമ്മുടെ സാഹച​ര്യ​ങ്ങൾക്കു മാറ്റം വന്നേക്കാ​മെ​ന്ന​തി​നാൽ ഇടയ്‌ക്കി​ടെ അതു വിലയി​രു​ത്തു​ന്ന​തും ഗുണം​ചെ​യ്യും.—എഫെ. 5:10.

4. ശുശ്രൂ​ഷ​യോ​ടു ബന്ധപ്പെട്ട തിരു​വെ​ഴു​ത്ത​ധി​ഷ്‌ഠിത ഓർമി​പ്പി​ക്ക​ലു​കളെ നാം എങ്ങനെ വീക്ഷി​ക്കണം?

⁴ ഓർമി​പ്പി​ക്ക​ലു​കളെ നാം എങ്ങനെ കാണണം? ഒരു ഓട്ടമ​ത്സരം നടക്കു​മ്പോൾ കാണികൾ ഓട്ടക്കാ​രെ കയ്യടിച്ചു പ്രോ​ത്സാ​പ്പി​ക്കാ​റുണ്ട്‌. ഓട്ടക്കാർ സമ്മാനം കരസ്ഥമാ​ക്ക​ണ​മെന്ന ലക്ഷ്യത്തി​ലാണ്‌ അവർ അങ്ങനെ ചെയ്യു​ന്നത്‌, അല്ലാതെ അവരുടെ വീര്യം കെടു​ത്തി​ക്ക​ള​യാ​നല്ല. നമുക്കു ലഭിക്കുന്ന തിരു​വെ​ഴു​ത്ത​ധി​ഷ്‌ഠിത പ്രോ​ത്സാ​ഹ​ന​ങ്ങ​ളു​ടെ​യും ഓർമി​പ്പി​ക്ക​ലു​ക​ളു​ടെ​യും കാര്യ​ത്തി​ലും ഇതു സത്യമാണ്‌. ‘അടിയ​ന്തി​ര​ത​യോ​ടെ വചനം പ്രസം​ഗി​ക്കാൻ’ യോഗ​ങ്ങ​ളി​ലൂ​ടെ​യും പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും ലഭിക്കുന്ന അത്തരം നിർദേ​ശങ്ങൾ നമ്മുടെ നന്മയെ കരുതി​യു​ള്ള​താണ്‌; അല്ലാതെ ഒരിക്ക​ലും നമ്മുടെ ശുശ്രൂഷ ഏതെങ്കി​ലും​വി​ധ​ത്തിൽ അപര്യാ​പ്‌ത​മാണ്‌ എന്നു സൂചി​പ്പി​ക്കു​ന്ന​തി​നു​വേ​ണ്ടി​യു​ള്ളതല്ല. (2 തിമൊ. 4:2) കഴിവി​ന്റെ പരമാ​വധി ചെയ്യാൻ നാം ശ്രമി​ക്കു​ന്നി​ട​ത്തോ​ളം നമ്മുടെ ‘സ്‌നേ​ഹ​വും സേവന​വും’ യഹോവ മറന്നു​ക​ള​യില്ല; അവൻ പ്രതി​ഫലം തരും എന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—എബ്രാ. 6:10.