“ജ്ഞാനമോ അതിന്റെ പ്രവൃ​ത്തി​ക​ളാൽ നീതീ​ക​രി​ക്ക​പ്പെ​ട്ടി​രി​ക്കു​ന്നു”

1. നമ്മുടെ വേലയെ ചിലർ എങ്ങനെ വീക്ഷി​ക്കു​ന്നു?

¹ നാം സുവാർത്ത പങ്കു​വെ​ക്കാ​നാ​യി ചെല്ലു​മ്പോൾ ചില വീട്ടു​കാർ, തെറ്റി​ദ്ധാ​ര​ണ​യു​ടെ പുറത്തോ യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള കേട്ടു​കേൾവി​യു​ടെ അടിസ്ഥാ​ന​ത്തി​ലോ നമ്മോട്‌ മോശ​മാ​യി പ്രതി​ക​രി​ച്ചെ​ന്നു​വ​രാം. ഒരുപക്ഷേ വളച്ചൊ​ടിച്ച മാധ്യമ റിപ്പോർട്ടു​ക​ളാ​യി​രി​ക്കാം അതിന്‌ അവരെ പ്രേരി​പ്പി​ക്കു​ന്നത്‌. അല്ലെങ്കിൽ, ആളുകളെ ‘പറഞ്ഞു മയക്കി’ മതപരി​വർത്തനം നടത്തു​ന്ന​വ​രാണ്‌ നാം എന്ന ആരോ​പണം അവർ കേട്ടി​രി​ക്കാം. ഇത്തരം സാഹച​ര്യ​ങ്ങളെ നാം എങ്ങനെ​യാ​ണു കൈകാ​ര്യം​ചെ​യ്യേ​ണ്ടത്‌?

2. ആരോ​പ​ണ​ങ്ങൾക്ക്‌ വിധേ​യ​രാ​കു​മ്പോൾ നിരു​ത്സാ​ഹ​ത്തി​ന്റെ പിടി​യി​ല​ക​പ്പെ​ട്ടു​പോ​കാ​തി​രി​ക്കാൻ നമുക്ക്‌ എങ്ങനെ കഴിയും?

² ക്രിയാ​ത്മക മനോ​ഭാ​വം നിലനി​റു​ത്തുക: യേശു​വി​നെ​യും അതു​പോ​ലെ ഒന്നാം നൂറ്റാ​ണ്ടി​ലെ മറ്റു ദൈവ​ദാ​സ​ന്മാ​രെ​യും പലപ്പോ​ഴും ആളുകൾ തെറ്റി​ദ്ധ​രി​ക്കു​ക​യും അപകീർത്തി​പ്പെ​ടു​ത്തു​ക​യും ചെയ്‌തി​ട്ടുണ്ട്‌. (പ്രവൃ. 28:22) ദുരാ​രോ​പ​ണ​ങ്ങ​ളും വിമർശ​ന​ങ്ങ​ളു​മൊ​ക്കെ നേരി​ടേ​ണ്ടി​വ​ന്നെ​ങ്കി​ലും ഒരിക്ക​ലും അവർ ശുശ്രൂ​ഷ​യെ​ക്കു​റിച്ച്‌ ലജ്ജിച്ചില്ല. യേശു പറഞ്ഞു: “ജ്ഞാനമോ അതിന്റെ പ്രവൃ​ത്തി​ക​ളാൽ നീതീ​ക​രി​ക്ക​പ്പെ​ട്ടി​രി​ക്കു​ന്നു.” (മത്താ. 11:18, 19) സത്യാ​ന്വേ​ഷി​കൾ സുവാർത്ത​യു​ടെ പ്രാധാ​ന്യം തിരി​ച്ച​റി​യു​മെന്ന ഉത്തമ​ബോ​ധ്യ​മു​ണ്ടാ​യി​രു​ന്ന​തു​കൊണ്ട്‌ യേശു തീക്ഷ്‌ണ​ത​യോ​ടെ തന്റെ പിതാ​വി​ന്റെ ഇഷ്ടം ചെയ്യു​ന്ന​തിൽ തുടർന്നു. ദൈവ​ത്തി​ന്റെ സ്വന്തപു​ത്ര​നായ യേശു​വി​നു​പോ​ലും ഇത്തരം കയ്‌പേ​റിയ അനുഭ​വങ്ങൾ ഉണ്ടായി​ട്ടു​ണ്ടെന്ന്‌ ഓർക്കു​ന്നത്‌ നിരു​ത്സാ​ഹ​ത്തി​ന്റെ പിടി​യി​ല​ക​പ്പെ​ടാ​തി​രി​ക്കാൻ നമ്മെ സഹായി​ക്കും.

3. എതിർപ്പു​ക​ളും വാസ്‌ത​വ​വി​രു​ദ്ധ​മായ റിപ്പോർട്ടു​ക​ളും നമ്മെ അതിശ​യി​പ്പി​ക്കാ​ത്തത്‌ എന്തു​കൊണ്ട്‌?

³ തന്നെ ദ്വേഷി​ച്ച​തു​പോ​ലെ, ലോകം തന്റെ അനുഗാ​മി​ക​ളെ​യും ദ്വേഷി​ക്കു​മെന്ന്‌ യേശു മുൻകൂ​ട്ടി​പ്പ​റഞ്ഞു. (യോഹ. 15:18-20) അതു​കൊണ്ട്‌ എതിർപ്പു​കൾ നേരി​ടു​മ്പോ​ഴോ നമ്മെക്കു​റി​ച്ചുള്ള വാസ്‌ത​വ​വി​രു​ദ്ധ​മായ റിപ്പോർട്ടു​കൾ കേൾക്കു​മ്പോ​ഴോ നാം അതിശ​യി​ച്ചു​പോ​കു​ന്നില്ല. അന്ത്യ​ത്തോ​ടു നാം കൂടുതൽ അടുക്കു​ന്തോ​റും, സാത്താന്റെ ക്രോധം തീവ്ര​മാ​കു​ന്തോ​റും ഇത്തരം കാര്യങ്ങൾ ഏറിവ​രു​മെന്ന്‌ നാം പ്രതീ​ക്ഷി​ക്കേ​ണ്ട​താണ്‌. (വെളി. 12:12) എങ്കിലും ഇവയൊ​ക്കെ​യും ഈ ലോക​ത്തി​ന്റെ നാളുകൾ എണ്ണപ്പെ​ട്ടി​രി​ക്കു​ന്ന​തി​ന്റെ സൂചന​യാണ്‌ എന്നതിൽ നമുക്ക്‌ സന്തോ​ഷി​ക്കാം.

4. സുവാർത്ത​യോട്‌ മറ്റുള്ളവർ പ്രതി​കൂ​ല​മാ​യി പ്രതി​ക​രി​ക്കു​മ്പോൾ നാം അവരോട്‌ എങ്ങനെ ഇടപെ​ടണം?

⁴ ഹൃദ്യ​മായ മറുപടി: ആളുകൾ മോശ​മാ​യി പ്രതി​ക​രി​ച്ചാ​ലും സൗമ്യ​ത​യോ​ടെ, ഹൃദ്യ​മാ​യി വേണം നാം മറുപടി പറയാൻ. (സദൃ. 15:1; കൊലോ. 4:5, 6) സാഹച​ര്യം അനുകൂ​ല​മാ​ണെ​ങ്കിൽ, സത്യവി​രു​ദ്ധ​മായ പല ആരോ​പ​ണ​ങ്ങ​ളും യഹോ​വ​യു​ടെ സാക്ഷി​കൾക്കെ​തി​രെ​യു​ണ്ടെന്ന്‌ വീട്ടു​കാ​രോട്‌ നമുക്ക്‌ വിശദീ​ക​രി​ക്കാൻ കഴി​ഞ്ഞേ​ക്കും. വീട്ടു​കാർ പ്രശ്‌ന​ക്കാ​ര​ല്ലെ​ങ്കിൽ, അവർ അപ്രകാ​രം പ്രതി​ക​രി​ച്ച​തി​ന്റെ കാരണം തിരക്കാ​നാ​കും. നാം സൗമ്യ​ത​യോ​ടെ​യാണ്‌ പ്രതി​ക​രി​ക്കു​ന്ന​തെ​ങ്കിൽ അവർ നമ്മെക്കു​റി​ച്ചു കേട്ട കാര്യ​ങ്ങ​ളു​ടെ സത്യത പരി​ശോ​ധി​ക്കാ​നും അടുത്ത​തവണ സാക്ഷികൾ സന്ദർശി​ക്കു​മ്പോൾ ശ്രദ്ധി​ക്കാ​നും തയ്യാറാ​യേ​ക്കും. എന്നാൽ വീട്ടു​കാർ രോഷാ​കു​ല​രാ​ണെ​ങ്കിൽ നയപൂർവം അവിടം വിട്ടു​പോ​രു​ന്ന​താ​യി​രി​ക്കും നല്ലത്‌. മറ്റുള്ളവർ എങ്ങനെ വീക്ഷി​ച്ചാ​ലും യഹോവ നമ്മുടെ ശുശ്രൂ​ഷയെ വിലമ​തി​ക്കു​ന്നു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—യെശ. 52:7.