മറ്റു ഭാഷക​ളി​ലുള്ള പ്രസി​ദ്ധീ​ക​ര​ണങ്ങൾ എളുപ്പം ലഭിക്കാൻ

ചില​പ്പോ​ഴെ​ങ്കി​ലും മറ്റു ഭാഷക​ളി​ലുള്ള സാഹി​ത്യ​ങ്ങൾ വായി​ക്കാൻ താത്‌പ​ര്യ​പ്പെ​ടു​ന്ന​വരെ നാം കണ്ടുമു​ട്ടാ​റുണ്ട്‌. നമ്മുടെ സഭയിൽ അവയുടെ സ്റ്റോക്ക്‌ ഉണ്ടാ​യെ​ന്നു​വ​രില്ല. അങ്ങനെ​വ​രു​മ്പോൾ എന്തു ചെയ്യാ​നാ​കും? ഇന്റർനെറ്റ്‌ കണക്ഷനും പ്രിന്റ​റു​മു​ണ്ടെ​ങ്കിൽ 400-ഓളം ഭാഷക​ളി​ലുള്ള പ്രസി​ദ്ധീ​ക​ര​ണങ്ങൾ പ്രിന്റ്‌ ചെയ്‌തെ​ടു​ക്കാ​നാ​കു​മെന്ന കാര്യം നിങ്ങൾക്ക്‌ അറിയാ​മോ? അതിനുള്ള നടപടി​ക്ര​മ​ങ്ങ​ളാണ്‌ ചുവടെ.

• www.watchtower.org എന്ന നമ്മുടെ ഔദ്യോ​ഗിക വെബ്‌​സൈ​റ്റി​ലേക്കു പോകുക.

• ഹോം പേജിന്റെ വലതു​വ​ശത്ത്‌ ഭാഷക​ളു​ടെ ഭാഗി​ക​മായ ഒരു ലിസ്റ്റ്‌ കൊടു​ത്തി​ട്ടുണ്ട്‌. അവിടെ കൊടു​ത്തി​രി​ക്കുന്ന ഭൂഗോ​ള​ത്തിൽ ക്ലിക്കു​ചെ​യ്‌താൽ പ്രസി​ദ്ധീ​ക​ര​ണങ്ങൾ ലഭ്യമാ​യി​രി​ക്കുന്ന എല്ലാ ഭാഷക​ളു​ടെ​യും ലിസ്റ്റ്‌ കാണാം.

• നിങ്ങൾക്കു വേണ്ട ഭാഷ ക്ലിക്കു​ചെ​യ്യുക. ലഘു​ലേ​ഖ​ക​ളും ലഘുപ​ത്രി​ക​ക​ളും ഉൾപ്പെടെ നിങ്ങൾക്കു പ്രിന്റു​ചെ​യ്യാൻ സാധി​ക്കുന്ന പ്രസി​ദ്ധീ​ക​ര​ണങ്ങൾ കാണി​ച്ചു​കൊ​ണ്ടുള്ള ഒരു പേജ്‌ അപ്പോൾ പ്രത്യ​ക്ഷ​പ്പെ​ടും. നിങ്ങൾ തിര​ഞ്ഞെ​ടു​ക്കുന്ന ഭാഷയിൽത്ത​ന്നെ​യാ​യി​രി​ക്കും ഈ പേജ്‌.

• ഏതെങ്കി​ലു​മൊ​രു പ്രസി​ദ്ധീ​ക​ര​ണ​ത്തിൽ ക്ലിക്കു​ചെ​യ്‌താൽ അത്‌ സ്‌ക്രീ​നിൽ തെളി​യും. തുടർന്ന്‌ അതിന്റെ പ്രിന്റ്‌ എടുക്കാ​വു​ന്ന​താണ്‌.

ഏതാനും പ്രസി​ദ്ധീ​ക​ര​ണങ്ങൾ മാത്ര​മാണ്‌ നമ്മുടെ വെബ്‌​സൈ​റ്റിൽ നൽകി​യി​രി​ക്കു​ന്നത്‌; കൂടുതൽ പ്രസി​ദ്ധീ​ക​ര​ണങ്ങൾ വേണ​മെ​ങ്കിൽ സഭമു​ഖാ​ന്തരം ആവശ്യ​പ്പെ​ടാ​വു​ന്ന​താണ്‌. താത്‌പ​ര്യം വളർത്തി​യെ​ടു​ത്ത​തി​നു​ശേഷം പ്രസി​ദ്ധീ​ക​ര​ണ​ങ്ങൾക്കാ​യി അപേക്ഷി​ക്കു​ന്ന​താ​യി​രി​ക്കും നല്ലത്‌.