ബഹുഭാ​ഷാ പ്രദേ​ശത്ത്‌ സാഹി​ത്യം സമർപ്പി​ക്കൽ

1. പ്രാ​ദേ​ശി​ക​മ​ല്ലാത്ത മറ്റു ഭാഷകൾ സംസാ​രി​ക്കു​ന്ന​വരെ നാം എങ്ങനെ​യാ​ണു സഹായി​ക്കു​ന്നത്‌?

¹ പല പ്രധാന നഗരങ്ങ​ളി​ലും, ഏകഭാ​ഷ​യി​ലുള്ള യോഗങ്ങൾ തുടങ്ങു​ന്ന​തിൽ നല്ല പുരോ​ഗതി ഉണ്ടായി​ട്ടുണ്ട്‌. പ്രാ​ദേ​ശിക ഭാഷ അറിയാത്ത വ്യക്തി​കളെ അവർക്ക്‌ ഏറ്റവും നന്നായി അറിയാ​വുന്ന ഭാഷ ഉപയോ​ഗി​ക്കുന്ന ഏറ്റവും അടുത്തുള്ള സഭയി​ലേക്കു നയിക്കു​ന്നു. വിവിധ ഭാഷാ​ക്കൂ​ട്ടങ്ങൾ താമസി​ക്കുന്ന ഒരു പ്രദേ​ശത്ത്‌ സാക്ഷീ​ക​രണം നടത്തു​ന്നതു സംബന്ധിച്ച്‌ എന്തു ക്രമീ​ക​ര​ണ​ങ്ങ​ളാ​ണു ചെയ്‌തി​രി​ക്കു​ന്നത്‌?

2. വ്യത്യസ്‌ത ഭാഷക​ളി​ലുള്ള രണ്ടോ മൂന്നോ സഭകൾ ഒരേ പ്രദേശം പ്രവർത്തി​ക്കു​മ്പോൾ എന്തു സഹകരണം ആവശ്യ​മാണ്‌?

² സാഹിത്യങ്ങൾ സമർപ്പി​ക്കേ​ണ്ടത്‌ എപ്പോൾ?: അങ്ങനെ​യുള്ള പ്രദേ​ശ​ങ്ങ​ളിൽ, വ്യത്യസ്‌ത ഭാഷക​ളി​ലുള്ള രണ്ടോ അതില​ധി​ക​മോ സഭകൾ ക്രമമാ​യി പ്രവർത്തി​ക്കു​ന്ന​തി​നു വേണ്ട ക്രമീ​ക​രണം ചെയ്യേ​ണ്ട​താണ്‌. ആ സഭകളി​ലെ മൂപ്പന്മാ​രു​ടെ സംഘങ്ങൾ സേവന മേൽവി​ചാ​രകൻ മുഖാ​ന്തരം ഉൾപ്പെ​ട്ടി​രി​ക്കുന്ന ഏവർക്കും സ്വീകാ​ര്യ​മായ ഒരു പ്രവർത്തന സംവി​ധാ​നം ആവിഷ്‌ക​രി​ക്കണം, അങ്ങനെ​യാ​കു​മ്പോൾ പ്രദേ​ശ​ത്തുള്ള ഓരോ ഭാഷാ​ക്കൂ​ട്ട​ത്തി​നും സമ്പൂർണ സാക്ഷ്യം നൽകാൻ കഴിയും. അത്തരം പ്രദേ​ശ​ങ്ങ​ളിൽ പ്രസം​ഗി​ക്കു​മ്പോൾ സാധാ​ര​ണ​ഗ​തി​യിൽ പ്രസാ​ധകർ ഇതര സഭകളു​ടെ ഭാഷയി​ലുള്ള സാഹി​ത്യ​ങ്ങൾ നൽകു​ക​യില്ല. അവർ അങ്ങനെ ചെയ്യു​ന്നെ​ങ്കിൽത്തന്നെ വ്യക്തി​ക​ളു​ടെ പേരും മേൽവി​ലാ​സ​വും കുറി​ച്ചെ​ടുത്ത്‌ ബന്ധപ്പെട്ട സഭയെ ഏൽപ്പി​ക്കേ​ണ്ട​താണ്‌. ആ വ്യക്തി​കൾക്കു മടക്കസ​ന്ദർശ​നങ്ങൾ നടത്താൻ വേണ്ട ക്രമീ​ക​ര​ണങ്ങൾ ആ സഭ ചെയ്‌തു​കൊ​ള്ളും. സേവന മേൽവി​ചാ​ര​ക​ന്മാർ ഓരോ പ്രദേശ നിയമന കാർഡി​ലും പ്രദേ​ശ​ത്തുള്ള കുടും​ബങ്ങൾ ഉപയോ​ഗി​ക്കുന്ന ഭാഷ സംബന്ധിച്ച വിവരങ്ങൾ വൃത്തി​യാ​യി രേഖ​പ്പെ​ടു​ത്താൻ ക്രമീ​ക​രണം ചെയ്യു​ന്ന​താ​യി​രി​ക്കും. അങ്ങനെ​യാ​കു​മ്പോൾ പ്രസാ​ധ​കർക്ക്‌ ഭാവി​യിൽ, തങ്ങളുടെ സഭയ്‌ക്ക്‌ നിയമി​ച്ചു നൽകി​യി​രി​ക്കുന്ന ഭാഷാ​ക്കൂ​ട്ടത്തെ മാത്രം സന്ദർശി​ക്കു​ന്ന​തി​നു സാധി​ക്കും.

3. ബഹുഭാ​ഷാ പ്രദേ​ശങ്ങൾ ഫലപ്ര​ദ​മാ​യി പ്രവർത്തി​ച്ചു​തീർക്കു​ന്ന​തിൽ പിന്തു​ണ​യ്‌ക്കാൻ പ്രസാ​ധ​കർക്ക്‌ വ്യക്തി​പ​ര​മാ​യി എന്തു ചെയ്യാൻ കഴിയും?

³ ഓരോ സഭയും, പ്രദേശം ഒരു നിശ്ചിത കാലം ഇടവിട്ട്‌ പൂർണ​മാ​യി പ്രവർത്തി​ച്ചു​തീർക്കു​ന്നു​വെന്ന്‌ ഉറപ്പാ​ക്കാൻ നല്ല സംഘാ​ടനം ആവശ്യ​മാണ്‌. മുഖ്യ​മാ​യും തങ്ങളുടെ സഭയുടെ ഭാഷ സംസാ​രി​ക്കു​ന്ന​വ​രോ​ടു സാക്ഷീ​ക​രി​ച്ചു​കൊണ്ട്‌ എല്ലാ പ്രസാ​ധ​കർക്കും ഇക്കാര്യ​ത്തിൽ സഹകരി​ക്കാൻ കഴിയും. വിശദ​മായ വീടു​തോ​റു​മുള്ള രേഖ സൂക്ഷി​ക്കു​ന്ന​തും സഹായകമായിരിക്കും. S-8 ഫാറം നിർദേ​ശി​ച്ചി​രി​ക്കുന്ന പ്രകാരം ഉപയോ​ഗി​ക്കു​ക​യും വ്യത്യസ്‌ത ഭാഷ സംസാ​രി​ക്കുന്ന കുടും​ബ​ങ്ങളെ കുറി​ച്ചുള്ള വിവരങ്ങൾ എത്രയും വേഗം സേവന മേൽവി​ചാ​ര​കനു നൽകു​ക​യും ചെയ്യുക. രണ്ടോ മൂന്നോ ഭാഷകൾ ഒഴു​ക്കോ​ടെ സംസാ​രി​ക്കുന്ന കുടും​ബ​ങ്ങ​ളു​ടെ കാര്യ​ത്തിൽ, ഏതു സഭയാ​യി​രി​ക്കണം ആ ഭവനം തുടർന്നു സന്ദർശി​ക്കു​ന്നത്‌ എന്നു തീരു​മാ​നി​ക്കാൻ വിവേചന ആവശ്യ​മാണ്‌. കൂടാതെ, വീടു​ക​ളിൽ ചില​പ്പോൾ താമസ​ക്കാർ മാറി വന്നേക്കാം എന്നതി​നാൽ രേഖകൾ ക്രമമാ​യി പുതു​ക്കേ​ണ്ട​തുണ്ട്‌.

4. ഒരു സഭ വ്യത്യ​സ്‌ത​മായ ഭാഷയി​ലുള്ള സാഹി​ത്യ​ങ്ങൾ ശേഖരി​ച്ചു​വെ​ക്കു​ന്നത്‌ എപ്പോ​ഴാണ്‌?

⁴ സാഹിത്യങ്ങളുടെ സ്റ്റോക്ക്‌ ഉണ്ടായി​രി​ക്കേ​ണ്ടത്‌ എപ്പോൾ?: സാധാ​ര​ണ​ഗ​തി​യിൽ ഒരു സഭ, മറ്റൊരു പ്രാ​ദേ​ശിക സഭ ഉപയോ​ഗി​ക്കുന്ന ഭാഷയി​ലുള്ള സാഹി​ത്യ​ങ്ങൾ ധാരാ​ള​മാ​യി ശേഖരി​ച്ചു​വെ​ക്കേ​ണ്ട​തില്ല. എന്നാൽ, ഒരു പ്രദേ​ശത്ത്‌ വ്യത്യസ്‌ത ഭാഷ സംസാ​രി​ക്കുന്ന നല്ലൊരു ശതമാനം ആളുകൾ ഉണ്ടായി​രി​ക്കു​ക​യും അതേസ​മയം ആ ഭാഷയി​ലുള്ള സഭ ഇല്ലാതി​രി​ക്കു​ക​യും ചെയ്യു​ന്നെ​ങ്കി​ലോ? അങ്ങനെ​യുള്ള സാഹച​ര്യ​ങ്ങ​ളിൽ സഭകൾക്ക്‌ ലഘു​ലേ​ഖകൾ, ആവശ്യം ലഘുപ​ത്രിക, പരിജ്ഞാ​നം പുസ്‌തകം തുടങ്ങി ആ ഭാഷയിൽ ലഭ്യമാ​യി​രി​ക്കുന്ന അടിസ്ഥാന സാഹി​ത്യ​ങ്ങ​ളു​ടെ ഒരു ചെറിയ സ്റ്റോക്ക്‌ ഉണ്ടെന്ന്‌ ഉറപ്പു വരുത്താൻ കഴിയും. ആ ഭാഷ സംസാ​രി​ക്കുന്ന ആളുകളെ കണ്ടുമു​ട്ടു​മ്പോൾ പ്രസാ​ധ​കർക്ക്‌ ഈ സാഹി​ത്യ​ങ്ങൾ സമർപ്പി​ക്കാൻ കഴി​ഞ്ഞേ​ക്കും.

5. സഭയുടെ സാഹി​ത്യ​ശേ​ഖ​ര​ത്തിൽ ഇല്ലാത്ത പ്രസി​ദ്ധീ​ക​ര​ണങ്ങൾ ലഭിക്കാൻ എന്തു ചെയ്യണം?

⁵ ഒരു താത്‌പ​ര്യ​ക്കാ​രന്റെ ഭാഷയി​ലുള്ള പ്രസി​ദ്ധീ​ക​രണം സഭയുടെ സാഹി​ത്യ​ശേ​ഖ​ര​ത്തിൽ ഇല്ലെങ്കിൽ ആ ഭാഷയി​ലുള്ള ഒരു സാഹി​ത്യം ലഭിക്കാൻ എന്തു ചെയ്യാ​വു​ന്ന​താണ്‌? ആ ഭാഷയിൽ ലഭ്യമാ​യി​രി​ക്കുന്ന പ്രസി​ദ്ധീ​ക​ര​ണങ്ങൾ ഏതൊ​ക്കെ​യാണ്‌ എന്ന്‌ പ്രസാ​ധ​കന്‌ സാഹി​ത്യ​ദാ​സ​നോ​ടു ചോദി​ക്കാ​വു​ന്ന​താണ്‌, അങ്ങനെ ചെയ്യു​ന്നെ​ങ്കിൽ സഭ അടുത്ത പ്രാവ​ശ്യം സാഹി​ത്യ​ങ്ങൾക്കുള്ള അപേക്ഷ അയയ്‌ക്കു​മ്പോൾ ആവശ്യ​മായ ഇനങ്ങൾ അതിൽ ഉൾപ്പെ​ടു​ത്താൻ കഴിയും.

6. ക്രിസ്‌തീയ പ്രസി​ദ്ധീ​ക​ര​ണങ്ങൾ ലഭ്യമാ​ക്കു​ന്ന​തി​ലെ നമ്മുടെ ലക്ഷ്യം എന്താണ്‌?

⁶ ഭാഷാഭേദമെന്യേ ‘സകലമ​നു​ഷ്യ​രെ​യും’ ‘സത്യത്തി​ന്റെ പരിജ്ഞാ​ന​ത്തിൽ എത്തുവാ​നും രക്ഷപ്രാ​പി​പ്പാ​നും’ സഹായി​ക്കാൻ നമുക്ക്‌ ക്രിസ്‌തീയ സാഹി​ത്യ​ങ്ങൾ നന്നായി പ്രയോ​ജ​ന​പ്പെ​ടു​ത്താം.—1 തിമൊ. 2:3, 4.