പ്രദേ​ശത്തെ മറ്റു ഭാഷക്കാ​രെ സഹായി​ക്കു​ക

1. നമ്മുടെ നിയമിത പ്രദേ​ശത്ത്‌ പ്രസം​ഗ​വേല ചെയ്യു​മ്പോൾ എന്തിനുള്ള അവസര​മുണ്ട്‌?

¹ നാം സഹവസി​ക്കുന്ന സഭയുടെ ഭാഷ സംസാ​രി​ക്കു​ന്ന​വ​രി​ലാണ്‌ നാം മുഖ്യ​മാ​യും ശ്രദ്ധ​കേ​ന്ദ്രീ​ക​രി​ക്കു​ന്ന​തെ​ങ്കി​ലും, നമ്മുടെ പ്രദേ​ശ​ത്തുള്ള എല്ലാവ​രോ​ടും മുഖപക്ഷം കൂടാതെ യഹോ​വ​യു​ടെ സ്‌നേഹം കാണി​ക്കു​ന്ന​തിന്‌ മറ്റു ഭാഷക്കാ​രോ​ടു സംസാ​രി​ക്കാ​നും ദൈവ​രാ​ജ്യ​ത്തെ​ക്കു​റി​ച്ചുള്ള സന്ദേശം അവരെ അറിയി​ക്കാ​നും നാം വഴികൾ കണ്ടെത്തണം. (സങ്കീ 83:18; പ്രവൃ 10:34, 35) അങ്ങനെ​യെ​ങ്കിൽ, അവരെ നമുക്ക്‌ എങ്ങനെ സഹായി​ക്കാ​നാ​കും?

2. ഏതു ചെറു​പു​സ്‌തകം ലഭ്യമാണ്‌, അത്‌ ഉപയോ​ഗി​ക്കാൻ എങ്ങനെ തയ്യാ​റെ​ടു​ക്കാം?

² സകല ജനതകൾക്കും വേണ്ടി​യുള്ള സുവാർത്ത പ്രയോ​ജ​ന​പ്പെ​ടു​ത്തുക: ഈ ചെറു​പു​സ്‌തകം എപ്പോ​ഴും കൈവശം ഉണ്ടായി​രി​ക്കണം. അത്‌ എങ്ങനെ ഉപയോ​ഗി​ക്കാ​മെന്ന്‌ അറിഞ്ഞി​രി​ക്കു​ക​യും അതിനാ​യി തയ്യാറാ​യി​രി​ക്കു​ക​യും ചെയ്യുക. നമ്മുടെ പ്രദേ​ശത്തെ പ്രമുഖ ഭാഷക​ളി​ലുള്ള സാഹി​ത്യ​ങ്ങൾ ലഭ്യമാ​ണെ​ങ്കിൽ, ചെറു​പു​സ്‌ത​ക​ത്തിൽനിന്ന്‌ സന്ദേശം കാണി​ച്ച​ശേഷം വീട്ടു​കാ​രനു നൽകാ​നാ​യി അവയുടെ ഏതാനും പ്രതികൾ കൈവശം വെക്കാ​വു​ന്ന​താണ്‌. മടക്കസ​ന്ദർശ​ന​ത്തി​നുള്ള ക്രമീ​ക​ര​ണങ്ങൾ ചെയ്യുക.

3. മറ്റൊരു ഭാഷ സംസാ​രി​ക്കുന്ന താത്‌പ​ര്യ​ക്കാ​രനെ കണ്ടുമു​ട്ടു​ന്നെ​ങ്കിൽ നമുക്ക്‌ എന്തുത്ത​ര​വാ​ദി​ത്വ​മുണ്ട്‌?

³ കൂടു​ത​ലായ സഹായം: നാം കണ്ടുമു​ട്ടുന്ന വ്യക്തിക്ക്‌ ദൈവ​ത്തെ​ക്കു​റി​ച്ചും അവന്റെ വചനമായ ബൈബി​ളി​നെ​ക്കു​റി​ച്ചും അറിയാൻ യഥാർഥ താത്‌പ​ര്യം ഉണ്ടെങ്കിൽ ഒട്ടും വൈകാ​തെ, ദയവായി ബന്ധപ്പെ​ടുക (S-43) ഫാറം പൂരി​പ്പിച്ച്‌ സഭാ സെക്ര​ട്ട​റി​ക്കു നൽകുക. താത്‌പ​ര്യ​ക്കാ​രന്റെ സ്വന്തം ഭാഷ സംസാ​രി​ക്കുന്ന ആരെങ്കി​ലും അദ്ദേഹത്തെ സന്ദർശി​ക്കാ​നുള്ള ഏർപ്പാടു ചെയ്യാ​നാ​യി അദ്ദേഹം അത്‌ ബ്രാഞ്ച്‌ ഓഫീ​സി​ലേക്ക്‌ അയയ്‌ക്കണം. സെക്ര​ട്ടറി ആ ഫാറത്തി​ന്റെ ഒരു പ്രതി സേവന​മേൽവി​ചാ​ര​ക​നും നൽകാ​വു​ന്ന​താണ്‌. അങ്ങനെ​യാ​കു​മ്പോൾ പ്രദേ​ശത്ത്‌ താത്‌പ​ര്യം കാണി​ക്കുന്ന മറ്റു ഭാഷക്കാർ എത്രമാ​ത്രം ഉണ്ടെന്നതു സംബന്ധിച്ച്‌ അദ്ദേഹ​ത്തിന്‌ ഒരു ധാരണ ലഭിക്കും. S-43 ഫാറം പൂരി​പ്പി​ച്ചു നൽകി​ക്ക​ഴിഞ്ഞ്‌, താത്‌പ​ര്യ​ക്കാ​രനെ സ്വന്തം ഭാഷ സംസാ​രി​ക്കുന്ന ആരെങ്കി​ലും സന്ദർശി​ക്കു​ന്ന​തു​വരെ ഫാറം പൂരി​പ്പി​ച്ചു നൽകിയ പ്രസാ​ധ​കൻതന്നെ ആ താത്‌പ​ര്യം അണയാതെ സൂക്ഷി​ക്കാൻ ശ്രമി​ക്കേ​ണ്ട​തുണ്ട്‌. ചില സാഹച​ര്യ​ങ്ങ​ളിൽ താത്‌പ​ര്യ​ക്കാ​രന്‌ ബൈബി​ള​ധ്യ​യനം നടത്താ​വു​ന്ന​താണ്‌.

4. നാം കണ്ടുമു​ട്ടുന്ന ആളുകൾക്ക്‌ സ്വന്തം ഭാഷയി​ലുള്ള സാഹി​ത്യ​ങ്ങൾ ലഭ്യമാ​ക്കാൻ എന്തു ക്രമീ​ക​രണം നിലവി​ലുണ്ട്‌?

⁴ അന്യഭാ​ഷാ സാഹി​ത്യ​ങ്ങൾ: മറ്റു ഭാഷക​ളി​ലുള്ള വളരെ​യ​ധി​കം പ്രസി​ദ്ധീ​ക​ര​ണങ്ങൾ സഭകൾ സൂക്ഷി​ക്ക​രുത്‌. എന്നാൽ മറ്റൊരു ഭാഷ സംസാ​രി​ക്കുന്ന ധാരാളം താത്‌പ​ര്യ​ക്കാർ തങ്ങളുടെ പ്രദേ​ശ​ത്തു​ണ്ടെന്ന്‌ സേവന​മേൽവി​ചാ​ര​കനു തോന്നു​ന്ന​പക്ഷം പ്രസാ​ധ​ക​രു​ടെ ഉപയോ​ഗ​ത്തി​നാ​യി ആ ഭാഷയി​ലുള്ള കുറച്ചു സാഹി​ത്യ​ങ്ങൾ സഭയിൽ സൂക്ഷി​ക്കാ​വു​ന്ന​താണ്‌. കൂടാതെ, www.watchtower.org എന്ന വെബ്‌​സൈ​റ്റിൽ കൊടു​ത്തി​രി​ക്കുന്ന, നൂറു​ക​ണ​ക്കി​നു ഭാഷയി​ലുള്ള സാഹി​ത്യ​ങ്ങ​ളിൽനിന്ന്‌ ആവശ്യ​മാ​യവ പ്രിന്റ്‌ചെ​യ്‌ത്‌ എടുക്കാ​വു​ന്ന​താണ്‌.

5. മറ്റൊരു ഭാഷ സംസാ​രി​ക്കുന്ന ആളുക​ളു​ടെ താത്‌പ​ര്യം വളർത്താൻ സഭയ്‌ക്ക്‌ എന്തു ചെയ്യാ​നാ​കും?

⁵ സഭയുടെ പങ്ക്‌: സാധി​ക്കു​ന്നി​ട​ത്തോ​ളം സ്വന്തം ഭാഷയി​ലുള്ള ഒരു സഭയിൽ യോഗ​ങ്ങൾക്കു ഹാജരാ​കാൻ താത്‌പ​ര്യ​ക്കാ​രെ പ്രോ​ത്സാ​ഹി​പ്പി​ക്കുക. ചില​പ്പോൾ അടു​ത്തെ​ങ്ങും ആ ഭാഷയി​ലുള്ള സഭ ഉണ്ടായി​രി​ക്കില്ല. അപ്പോൾ താത്‌പ​ര്യ​ക്കാ​രെ നിങ്ങളു​ടെ യോഗ​ത്തി​നു ക്ഷണിക്കാ​വു​ന്ന​താണ്‌. ഊഷ്‌മ​ള​മായ സ്വീക​ര​ണ​വും വ്യക്തിഗത താത്‌പ​ര്യ​വും, ക്രമമാ​യി യോഗ​ങ്ങൾക്കു വരാൻ അവരെ പ്രോ​ത്സാ​ഹി​പ്പി​ച്ചേ​ക്കാം. ആദ്യ​മൊ​ക്കെ ഭാഷയും സംസ്‌കാ​ര​വും വ്യത്യ​സ്‌ത​മാ​യ​തി​ന്റെ ബുദ്ധി​മുട്ട്‌ അനുഭ​വ​പ്പെ​ടു​മെ​ന്നു​ള്ളതു ശരിയാണ്‌. എന്നാൽ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക സഹോ​ദ​ര​ങ്ങൾക്കി​ട​യി​ലെ ക്രിസ്‌തീയ സ്‌നേ​ഹ​ത്തിന്‌ അതി​നെ​യെ​ല്ലാം മറിക​ട​ക്കാ​നാ​കും.—സെഫ. 3:9; യോഹ. 13:35.

6. പ്രാ​ദേ​ശിക ഭാഷ പഠിക്കു​ന്ന​തു​കൊ​ണ്ടുള്ള പ്രയോ​ജ​ന​മെന്ത്‌?

⁶ ഭാഷാ​പ​ഠനം: നിങ്ങൾ താമസി​ക്കുന്ന പ്രദേ​ശത്തെ ഭാഷ നിങ്ങൾ സംസാ​രി​ക്കു​മോ? ഇല്ലെങ്കിൽ ആ ഭാഷ പഠി​ച്ചെ​ടു​ത്തു​കൊണ്ട്‌ പ്രസ്‌തുത ഭാഷക്കാ​രായ താത്‌പ​ര്യ​ക്കാ​രെ സഹായി​ക്കാൻ നിങ്ങൾക്കു കഴി​ഞ്ഞേ​ക്കും. എതിരാ​ളി​ക​ളോട്‌ സംസാ​രി​ക്കു​മ്പോ​ഴും പ്രാ​ദേ​ശിക ഭാഷ അറിഞ്ഞി​രി​ക്കു​ന്നത്‌ ഗുണക​ര​മാണ്‌. സ്വന്തം ഭാഷയിൽ ആരെങ്കി​ലും സംസാ​രി​ക്കു​മ്പോൾ ശ്രദ്ധി​ക്കാൻ അവർ പൊതു​വെ ചായ്‌വു​ള്ള​വ​രാ​യി​രി​ക്കും.—പ്രവൃ. 22:1, 2.

7. മറ്റൊരു ഭാഷാ​ക്കൂ​ട്ടം രൂപീ​ക​രി​ക്കു​ന്ന​തിന്‌ എന്തെല്ലാം വ്യവസ്ഥകൾ പാലി​ക്ക​പ്പെ​ടണം?

⁷ ഭാഷാ​ക്കൂ​ട്ട​ത്തി​ന്റെ രൂപീ​ക​രണം: ഒരു ഭാഷാ​ക്കൂ​ട്ടം രൂപീ​ക​രി​ക്കു​ന്ന​തിന്‌ പിൻവ​രുന്ന നാല്‌ അടിസ്ഥാന വ്യവസ്ഥകൾ പാലി​ക്ക​പ്പെ​ടണം. (1) ആ ഭാഷാ​വ​യ​ലിൽ ധാരാളം താത്‌പ​ര്യ​ക്കാർ ഉണ്ടായി​രി​ക്കു​ന്ന​തോ​ടൊ​പ്പം വളർച്ച​യ്‌ക്കുള്ള സാധ്യ​ത​യും ദൃശ്യ​മാ​യി​രി​ക്കണം. (2) കുറച്ചു പ്രസാ​ധ​കർക്കെ​ങ്കി​ലും ആ ഭാഷ അറിയാ​മാ​യി​രി​ക്കണം, അല്ലെങ്കിൽ അവർ അതു പഠിക്കു​ന്നു​ണ്ടാ​യി​രി​ക്കണം. (3) നേതൃ​ത്വം എടുക്കാ​നും വാരത്തിൽ ഒരു യോഗ​മെ​ങ്കി​ലും ആ ഭാഷയിൽ നടത്താ​നും യോഗ്യ​ത​യുള്ള ഒരു മൂപ്പനോ ശുശ്രൂ​ഷാ​ദാ​സ​നോ ഉണ്ടായി​രി​ക്കണം. (4) ഏതെങ്കി​ലും സഭയിലെ മൂപ്പന്മാ​രു​ടെ സംഘം ഈ കൂട്ടത്തെ പിന്തു​ണ​യ്‌ക്കാൻ തയ്യാറാ​യി​രി​ക്കണം. മേൽപ്പറഞ്ഞ വ്യവസ്ഥകൾ മിക്കവാ​റു​മൊ​ക്കെ പാലി​ക്ക​പ്പെ​ടു​ന്ന​പക്ഷം, പുതിയ ഭാഷാ​ക്കൂ​ട്ടം തുടങ്ങാ​നുള്ള അനുമ​തി​ക്കാ​യി ഗ്രൂപ്പി​ന്റെ വിശദാം​ശങ്ങൾ സഹിതം ബ്രാഞ്ച്‌ ഓഫീ​സി​ലേക്ക്‌ കത്തയയ്‌ക്കണം. കൂട്ടത്തെ പിന്തു​ണ​യ്‌ക്കാൻ പോകുന്ന മൂപ്പന്മാ​രു​ടെ സംഘമാണ്‌ അതു ചെയ്യേ​ണ്ടത്‌. (സംഘടി​തർ, പേ. 106-107 കാണുക.) പ്രസ്‌തുത ഭാഷാ​ക്കൂ​ട്ട​ത്തി​നു നേതൃ​ത്വം നൽകുന്ന മൂപ്പൻ അല്ലെങ്കിൽ ശുശ്രൂ​ഷാ​ദാ​സൻ ആയിരി​ക്കും “ഗ്രൂപ്പ്‌ മേൽവി​ചാ​രകൻ” അല്ലെങ്കിൽ “ഗ്രൂപ്പ്‌ ദാസൻ.”

8. നമ്മുടെ പ്രദേ​ശ​ത്തുള്ള അന്യഭാ​ഷ​ക്കാ​രായ താത്‌പ​ര്യ​ക്കാ​രെ സഹായി​ക്കാ​നാ​കു​ന്നത്‌ വലി​യൊ​രു പദവി​യാ​യി​രി​ക്കു​ന്നത്‌ എന്തു​കൊണ്ട്‌?

⁸ നമ്മുടെ നിയമി​ത​പ്ര​ദേ​ശ​ത്തുള്ള വ്യത്യസ്‌ത ഭാഷക്കാ​രായ താത്‌പ​ര്യ​ക്കാ​രെ സഹായി​ക്കു​ന്നത്‌ നമ്മുടെ നായക​നായ യേശു​ക്രി​സ്‌തു തുടക്കം​കു​റിച്ച ആഗോ​ള​പ്ര​സം​ഗ​വേ​ല​യു​ടെ ഭാഗമാണ്‌. ഇതിൽ നമ്മുടെ ഭാഗം ഉത്സാഹ​ത്തോ​ടെ നാം നിവർത്തി​ക്കണം. അങ്ങനെ​യാ​കു​മ്പോൾ യഹോവ ജാതി​കളെ ഇളക്കി അവരിലെ മനോ​ഹ​ര​വ​സ്‌തു​ക്കളെ കൂട്ടി​വ​രു​ത്തു​ന്നത്‌ നമുക്കു കാണാ​നാ​കും.—ഹഗ്ഗാ. 2:7.