സന്തോ​ഷ​വാർത്ത പ്രസം​ഗി​ക്കുന്ന വിധങ്ങൾ

സന്തോ​ഷ​വാർത്ത അറിയി​ക്കു​ന്ന​തിൽ തീക്ഷ്‌ണ​ത​യോ​ടെ പ്രവർത്തി​ച്ചു​കൊണ്ട്‌ യേശു തന്റെ അനുഗാ​മി​കൾക്കു മാതൃക വെച്ചു. ആളുകൾ തന്റെ അടു​ത്തേക്കു വരാൻ കാത്തു​നിൽക്കാ​തെ യേശു അവർക്കി​ട​യി​ലേക്ക്‌ ഇറങ്ങി​ച്ചെന്നു. അവരുടെ വീടു​ക​ളി​ലും പൊതു​സ്ഥ​ല​ങ്ങ​ളി​ലും ചെന്ന്‌ പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്‌തു. (മത്താ. 9:35; 13:36; ലൂക്കോ. 8:1) ആളുക​ളോ​ടു വ്യക്തി​പ​ര​മാ​യി സംസാ​രി​ച്ചു. വലിയ ജനക്കൂ​ട്ട​ങ്ങ​ളോ​ടു പ്രസം​ഗി​ച്ചു. ശിഷ്യ​ന്മാ​രെ മാത്ര​മാ​യും പഠിപ്പി​ച്ചു. (മർക്കോ. 4:10-13; 6:35-44; യോഹ. 3:2-21) മറ്റുള്ള​വർക്ക്‌ ഉത്സാഹ​വും പ്രത്യാ​ശ​യും പകരുന്ന വാക്കുകൾ പറയാൻ കിട്ടിയ ഉചിത​മായ എല്ലാ അവസര​ങ്ങ​ളും യേശു ഉപയോ​ഗ​പ്പെ​ടു​ത്തി. (ലൂക്കോ. 4:16-19) ഭക്ഷണവും വിശ്ര​മ​വും ആവശ്യ​മാ​യി​രു​ന്ന​പ്പോൾപ്പോ​ലും സാക്ഷീ​ക​രി​ക്കാൻ കിട്ടിയ അവസരങ്ങൾ യേശു പാഴാ​ക്കി​യില്ല. (മർക്കോ. 6:30-34; യോഹ. 4:4-34) യേശു​വി​ന്റെ ശുശ്രൂ​ഷ​യെ​പ്പ​റ്റി​യുള്ള ബൈബിൾവി​വ​ര​ണങ്ങൾ വായി​ക്കു​മ്പോൾ യേശു​വി​നെ അനുക​രി​ക്കാൻ നമ്മൾ പ്രേരി​ത​രാ​കു​ന്നി​ല്ലേ? സംശയ​മില്ല, അപ്പോസ്‌ത​ല​ന്മാ​രെ​പ്പോ​ലെ നമ്മളും അങ്ങനെ ചെയ്യാൻ പ്രേരി​ത​രാ​കും.​—മത്താ. 4:19, 20; ലൂക്കോ. 5:27, 28; യോഹ. 1:43-45.

² ഏതാണ്ട്‌ 2,000 വർഷം മുമ്പ്‌ യേശു​ക്രിസ്‌തു തുടങ്ങി​വെച്ച പ്രവർത്ത​ന​ത്തിൽ പങ്കാളി​ക​ളാ​കാൻ ഇന്നത്തെ ക്രിസ്‌ത്യാ​നി​കൾക്കു കിട്ടി​യി​രി​ക്കുന്ന അവസര​ങ്ങ​ളെ​ക്കു​റിച്ച്‌ നമുക്കു ചിന്തി​ക്കാം.

വീടു​തോ​റും പ്രസം​ഗി​ക്കൽ

³ ദൈവ​രാ​ജ്യ​ത്തി​ന്റെ സന്തോ​ഷ​വാർത്ത സംഘടി​ത​മായ രീതി​യിൽ വീടു​തോ​റും പ്രസം​ഗി​ക്കു​ന്ന​തി​ന്റെ മൂല്യം യഹോ​വ​യു​ടെ സാക്ഷി​ക​ളായ നമ്മൾ തിരി​ച്ച​റി​ഞ്ഞി​ട്ടുണ്ട്‌. അത്ര വിപു​ല​മാ​യി നമ്മൾ ഈ രീതി ഉപയോ​ഗി​ക്കു​ന്ന​തു​കൊണ്ട്‌ ഇതു നമ്മുടെ മുഖമു​ദ്ര​യാ​യി​ത്തീർന്നി​രി​ക്കു​ന്നു! ചുരു​ങ്ങിയ സമയം​കൊണ്ട്‌ ദശലക്ഷ​ങ്ങ​ളു​ടെ പക്കൽ സന്തോ​ഷ​വാർത്ത എത്തിക്കാൻ നമ്മൾ ഈ രീതി ഉപയോ​ഗി​ച്ചി​രി​ക്കു​ന്നു. തൃപ്‌തി​ക​ര​മായ ഫലമാണു നാളി​തു​വരെ കണ്ടുവ​ന്നി​ട്ടു​ള്ളത്‌. വീടു​തോ​റും പ്രസം​ഗി​ക്കുന്ന രീതി എത്ര ഫലവത്താ​ണെന്ന്‌ ഇതു കാണി​ക്കു​ന്നു. (മത്താ. 11:19; 24:14) യഹോ​വ​യോ​ടും അയൽക്കാ​ര​നോ​ടും നമ്മുടെ സ്‌നേഹം കാണി​ക്കാ​നുള്ള പ്രാ​യോ​ഗി​ക​മാർഗ​മാണ്‌ ഈ സമീപ​ന​മെ​ന്നും തെളി​ഞ്ഞി​രി​ക്കു​ന്നു.​—മത്താ. 22:34-40.

⁴ വീടു​തോ​റും പ്രസം​ഗി​ക്കുന്ന രീതി യഹോ​വ​യു​ടെ സാക്ഷി​ക​ളു​ടെ ഒരു ആധുനി​ക​കാല കണ്ടുപി​ടി​ത്തമല്ല. വീടു​തോ​റും താൻ പഠിപ്പി​ച്ചി​രു​ന്ന​തി​നെ​ക്കു​റിച്ച്‌ പൗലോസ്‌ അപ്പോ​സ്‌തലൻ പറയു​ന്നുണ്ട്‌. എഫെ​സൊ​സി​ലെ മൂപ്പന്മാ​രോ​ടു തന്റെ ശുശ്രൂ​ഷ​യെ​ക്കു​റിച്ച്‌ വിവരി​ച്ചു​കൊണ്ട്‌ പൗലോസ്‌ ഇങ്ങനെ പറഞ്ഞു: “ഏഷ്യ സംസ്ഥാ​നത്ത്‌ കാലു​കു​ത്തിയ അന്നുമു​തൽ, . . . പ്രയോ​ജ​ന​മു​ള്ള​തൊ​ന്നും മറച്ചു​വെ​ക്കാ​തെ എല്ലാം ഞാൻ നിങ്ങളെ അറിയി​ച്ചു; . . . വീടു​തോ​റും നിങ്ങളെ പഠിപ്പി​ച്ചു.” കൂടാതെ മറ്റു വിധങ്ങ​ളി​ലും പൗലോസ്‌ ‘മാനസാ​ന്ത​ര​പ്പെട്ട്‌ ദൈവ​ത്തി​ലേക്കു തിരി​യു​ന്ന​തി​നെ​ക്കു​റി​ച്ചും നമ്മുടെ കർത്താ​വായ യേശു​വിൽ വിശ്വ​സി​ക്കു​ന്ന​തി​നെ​ക്കു​റി​ച്ചും ജൂതന്മാ​രോ​ടും ഗ്രീക്കു​കാ​രോ​ടും നന്നായി വിശദീ​ക​രി​ച്ചു.’ (പ്രവൃ. 20:18, 20, 21) അക്കാലത്ത്‌ റോമൻ ചക്രവർത്തി​മാർ വിഗ്ര​ഹാ​രാ​ധന പ്രോ​ത്സാ​ഹി​പ്പി​ച്ചി​രു​ന്നു. ജനങ്ങളിൽ മിക്കവ​രും “ദൈവ​ഭ​യ​മുള്ള”വരായി​രു​ന്നു. എന്നാൽ “ലോക​വും അതിലു​ള്ള​തൊ​ക്കെ​യും ഉണ്ടാക്കിയ ദൈവ”ത്തെ ആളുകൾ അന്വേ​ഷി​ക്കേ​ണ്ടത്‌ അടിയ​ന്തി​ര​മാ​യി​രു​ന്നു. ആ ദൈവം ‘എല്ലായി​ട​ത്തു​മുള്ള മനുഷ്യർ മാനസാ​ന്ത​ര​പ്പെ​ട​ണ​മെന്നു പ്രഖ്യാ​പി​ക്കു​ക​യാ​യി​രു​ന്നു.’​—പ്രവൃ. 17:22-31.

⁵ ഇന്നു ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത​യു​മാ​യി ആളുക​ളു​ടെ അടുക്കൽ എത്തേണ്ടത്‌ അന്നത്തേ​തി​ലും അടിയ​ന്തി​ര​മാണ്‌. ഈ ദുഷ്ടവ്യ​വ​സ്ഥി​തി​യു​ടെ അന്ത്യം അതി​വേഗം അടുത്തു​കൊ​ണ്ടി​രി​ക്കു​ക​യാണ്‌. ഈ അടിയ​ന്തി​രാ​വ​ശ്യം, കൂടുതൽ പ്രവർത്തി​ക്കാൻ നമ്മളെ പ്രേരി​പ്പി​ക്കു​ന്നു. സത്യം അന്വേ​ഷി​ക്കുന്ന ആളുകളെ കണ്ടെത്താൻ വീടു​തോ​റും പോകു​ന്ന​തി​നെ​ക്കാൾ മെച്ചപ്പെട്ട വേറൊ​രു രീതി​യില്ല. കാലം തെളി​യിച്ച ഫലപ്ര​ദ​മായ രീതി​യാണ്‌ ഇത്‌. യേശു​വി​ന്റെ​യും അപ്പോസ്‌ത​ല​ന്മാ​രു​ടെ​യും കാല​ത്തെ​പ്പോ​ലെ​തന്നെ ഈ രീതി ഇന്നും ഫലകര​മാണ്‌.​—മർക്കോ. 13:10.

⁶ വീടു​തോ​റു​മുള്ള ശുശ്രൂ​ഷ​യിൽ നന്നായി പങ്കുപ​റ്റാൻ നിങ്ങൾക്കു കഴിയു​ന്നു​ണ്ടോ? അങ്ങനെ​യെ​ങ്കിൽ നിങ്ങൾ ചെയ്യു​ന്ന​തിൽ യഹോവ സന്തോ​ഷി​ക്കു​ന്നു​ണ്ടെന്ന്‌ ഉറപ്പു​ണ്ടാ​യി​രി​ക്കുക. (യഹ. 9:11; പ്രവൃ. 20:35) വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ടു​ന്നതു നിങ്ങൾക്ക്‌ ഒരുപക്ഷേ അത്ര എളുപ്പ​മ​ല്ലാ​യി​രി​ക്കാം. അതിന്റെ കാരണങ്ങൾ പലതാ​യി​രി​ക്കും: നിങ്ങൾക്കു ശാരീ​രി​ക​പ​രി​മി​തി​ക​ളു​ണ്ടാ​യി​രി​ക്കാം. അല്ലെങ്കിൽ നിങ്ങൾ പ്രസം​ഗി​ക്കുന്ന പ്രദേ​ശത്തെ ആളുകൾ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത കേൾക്കു​ന്ന​തി​നോ​ടു ചായ്‌വു​ള്ള​വ​ര​ല്ലാ​യി​രി​ക്കാം. ഒരുപക്ഷേ, ഗവൺമെ​ന്റി​ന്റെ നിയ​ന്ത്ര​ണ​ങ്ങൾപോ​ലു​മു​ണ്ടാ​യി​രി​ക്കാം. ഇനി, മുൻകൈ​യെ​ടുത്ത്‌ അപരി​ചി​ത​രു​മാ​യി സംഭാ​ഷ​ണങ്ങൾ ആരംഭി​ക്കു​ന്ന​തി​നു ലജ്ജാശീ​ലം ഒരു തടസ്സമാ​കു​ന്നു​ണ്ടോ? ഇതി​ലേ​തെ​ങ്കി​ലു​മാ​ണു നിങ്ങളു​ടെ പ്രശ്‌ന​മെ​ങ്കിൽ, വീടു​തോ​റു​മുള്ള ശുശ്രൂ​ഷ​യിൽ ഏർപ്പെ​ടുന്ന ഓരോ അവസര​ത്തി​ലും നിങ്ങൾക്കു നല്ലതു​പോ​ലെ ഉത്‌കണ്‌ഠ അനുഭ​വ​പ്പെ​ടു​ന്നു​ണ്ടാ​കാം. മനസ്സു​മ​ടു​ത്തു​പോ​ക​രുത്‌! (പുറ. 4:10-12) മറ്റു പ്രദേ​ശ​ങ്ങ​ളി​ലുള്ള നിങ്ങളു​ടെ സഹോ​ദ​രീ​സ​ഹോ​ദ​ര​ന്മാർക്കും ഇതേ പ്രശ്‌ന​ങ്ങൾത​ന്നെ​യുണ്ട്‌.

⁷ യേശു തന്റെ ശിഷ്യ​ന്മാർക്ക്‌ ഈ ഉറപ്പു നൽകി: “വ്യവസ്ഥി​തി​യു​ടെ അവസാ​ന​കാ​ലം​വരെ എന്നും ഞാൻ നിങ്ങളു​ടെ​കൂ​ടെ​യുണ്ട്‌.” (മത്താ. 28:20) ആ വാഗ്‌ദാ​നം ശിഷ്യ​രാ​ക്കൽപ്ര​വർത്ത​ന​ത്തിൽ നമുക്ക്‌ ഉൾക്കരു​ത്തു പകരുന്നു. പൗലോസ്‌ അപ്പോസ്‌ത​ല​നെ​പ്പോ​ലെ നമുക്കും ഇങ്ങനെ തോന്നു​ന്നി​ല്ലേ? “എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു.” (ഫിലി. 4:13) വീടു​തോ​റു​മുള്ള സാക്ഷീ​ക​ര​ണ​ത്തിൽ ഏർപ്പെ​ടു​ന്ന​തി​നു ചെയ്‌തി​രി​ക്കുന്ന എല്ലാ സഭാ​ക്ര​മീ​ക​ര​ണ​ങ്ങ​ളും ഉപയോ​ഗ​പ്പെ​ടു​ത്തുക. മറ്റു സഹോ​ദ​ര​ങ്ങ​ളോ​ടൊ​പ്പം പ്രവർത്തി​ക്കു​മ്പോൾ നിങ്ങൾക്കു പ്രോ​ത്സാ​ഹ​ന​വും വ്യക്തി​പ​ര​മായ സഹായ​വും ലഭിക്കും. നേരി​ട്ടേ​ക്കാ​വുന്ന ഏതു പ്രതി​ബ​ന്ധ​ങ്ങ​ളും തരണം ചെയ്യാ​നുള്ള സഹായ​ത്തി​നാ​യി പ്രാർഥി​ക്കുക. സന്തോ​ഷ​വാർത്ത അറിയി​ക്കു​ന്ന​തിൽ തീക്ഷ്‌ണ​ത​യു​ള്ള​വ​രാ​യി​രി​ക്കുക.​—1 യോഹ. 5:14.

⁸ ആളുകളോടു സന്തോഷവാർത്ത അറിയിക്കുമ്പോൾ “നിങ്ങളു​ടെ പ്രത്യാ​ശ​യു​ടെ അടിസ്ഥാ​ന​ത്തെ​ക്കു​റിച്ച്‌” പറയാ​നുള്ള അവസരങ്ങൾ നിങ്ങൾക്കു കിട്ടും. (1 പത്രോ. 3:15) അപ്പോൾ ദൈവ​രാ​ജ്യ​പ്ര​ത്യാ​ശ​യു​ള്ള​വ​രും ദൈവ​രാ​ജ്യ​പ്ര​ത്യാ​ശ​യി​ല്ലാ​ത്ത​വ​രും തമ്മിലുള്ള വ്യത്യാ​സം നിങ്ങൾക്കു കൂടു​തൽക്കൂ​ടു​തൽ വ്യക്തമാ​കും. (യശ. 65:13, 14) “നിങ്ങളു​ടെ വെളിച്ചം . . . പ്രകാ​ശി​ക്കട്ടെ” എന്ന യേശു​വി​ന്റെ ആഹ്വാനം അനുസ​രി​ക്കു​ന്ന​തി​ന്റെ ചാരി​താർഥ്യം നിങ്ങൾക്കു​ണ്ടാ​കും. യഹോ​വ​യെ​ക്കു​റി​ച്ചും നിത്യ​ജീ​വ​നി​ലേക്കു നയിക്കുന്ന സത്യ​ത്തെ​ക്കു​റി​ച്ചും അറിയാൻ ആളുകളെ സഹായി​ക്കാ​നുള്ള പദവി​യും നിങ്ങൾക്കു​ണ്ടാ​യി​രി​ക്കും.​—മത്താ. 5:16; യോഹ. 17:3; 1 തിമൊ. 4:16.

⁹ വാരാ​ന്ത​ങ്ങ​ളി​ലും ആഴ്‌ച​യിൽ ഉടനീ​ള​വും വീടു​തോ​റും പ്രവർത്തി​ക്കാൻ ക്രമീ​ക​ര​ണ​ങ്ങ​ളുണ്ട്‌. പകൽസ​മ​യത്ത്‌ ആളുകളെ വീടു​ക​ളിൽ കണ്ടെത്താൻ ബുദ്ധി​മു​ട്ടുള്ള പ്രദേ​ശ​ങ്ങ​ളിൽ സായാ​ഹ്ന​സാ​ക്ഷീ​ക​ര​ണ​ത്തി​നു ചില സഭകൾ ക്രമീ​ക​രണം ചെയ്യാ​റുണ്ട്‌. രാവി​ലെ​സ​മ​യ​ത്തെ​ക്കാൾ ഉച്ചതി​രി​ഞ്ഞോ സന്ധ്യയ്‌ക്കു മുമ്പോ സന്ദർശ​കരെ സ്വീക​രി​ക്കാൻ ആളുകൾ കൂടുതൽ താത്‌പ​ര്യം കാണി​ച്ചേ​ക്കാം.

അർഹത​യു​ള്ള​വരെ അന്വേ​ഷി​ക്കു​ക

¹⁰ യേശു തന്റെ ശിഷ്യ​ന്മാർക്ക്‌, ‘അർഹത​യു​ള്ള​യാൾ ആരെന്ന്‌ അന്വേ​ഷിച്ച്‌ കണ്ടുപി​ടി​ക്കാ​നുള്ള’ നിർദേശം കൊടു​ത്തു. (മത്താ. 10:11) ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത​യോ​ടു താത്‌പ​ര്യ​മു​ള്ള​വരെ അന്വേ​ഷി​ക്കു​ന്ന​തി​നു വീടു​തോ​റു​മുള്ള ശുശ്രൂഷ മാത്രം ചെയ്‌താൽ മതി​യെന്നു യേശു കരുതി​യില്ല. മറിച്ച്‌ ഉചിത​മായ എല്ലാ അവസര​ങ്ങ​ളി​ലും യേശു ഔപചാ​രി​ക​വും അനൗപ​ചാ​രി​ക​വും ആയി സാക്ഷ്യം നൽകി. (ലൂക്കോ. 8:1; യോഹ. 4:7-15) അപ്പോസ്‌ത​ല​ന്മാ​രും വ്യത്യസ്‌ത​സ്ഥ​ല​ങ്ങ​ളിൽവെച്ച്‌ ആളുകൾക്കു സാക്ഷ്യം നൽകി.​—പ്രവൃ. 17:17; 28:16, 23, 30, 31.

¹¹ അതു​പോ​ലെ ഇന്നും നമ്മുടെ ലക്ഷ്യം രാജ്യ​സ​ന്ദേ​ശ​വു​മാ​യി കഴിയു​ന്നി​ട​ത്തോ​ളം ആളുക​ളു​ടെ അടുക്കൽ എത്തി​ച്ചേ​രുക എന്നതാണ്‌. ഇതിന്റെ അർഥം ശിഷ്യ​രാ​ക്കുന്ന കാര്യ​ത്തിൽ നമ്മൾ യേശു​വി​ന്റെ​യും അപ്പോസ്‌ത​ല​ന്മാ​രു​ടെ​യും സമീപനം അനുക​രി​ക്ക​ണ​മെ​ന്നാണ്‌. മാറി​വ​രുന്ന ലോകാ​വ​സ്ഥ​ക​ളും നമ്മുടെ പ്രദേ​ശത്തെ ആളുക​ളു​ടെ വ്യത്യസ്‌ത​മായ സാഹച​ര്യ​ങ്ങ​ളും നമ്മൾ കണക്കി​ലെ​ടു​ക്കു​ന്നു. (1 കൊരി. 7:31) ഉദാഹ​ര​ണ​ത്തിന്‌, ബിസി​നെസ്സ്‌ പ്രദേ​ശ​ങ്ങ​ളി​ലെ ആളുക​ളോ​ടു നല്ല രീതി​യിൽ സാക്ഷീ​ക​രി​ക്കാൻ പ്രചാ​ര​കർക്കു കഴിയു​ന്നുണ്ട്‌. തെരു​വു​സാ​ക്ഷീ​ക​ര​ണ​വും മിക്ക രാജ്യ​ങ്ങ​ളി​ലും ഫലപ്ര​ദ​മാ​ണെന്നു തെളി​ഞ്ഞി​ട്ടുണ്ട്‌. പാർക്കു​ക​ളി​ലും പാർക്കിങ്‌ സ്ഥലങ്ങളി​ലും എന്നുവേണ്ട ആളുകളെ കണ്ടെത്താ​വുന്ന ഇടങ്ങളി​ലെ​ല്ലാം നമ്മൾ സാക്ഷീ​ക​രി​ക്കു​ന്നു. ചില സഭകൾ തങ്ങളുടെ പ്രദേ​ശ​ങ്ങ​ളിൽ മേശക​ളും കൊണ്ടു​ന​ട​ക്കാ​വുന്ന പ്രദർശ​നോ​പാ​ധി​ക​ളും ഉപയോ​ഗിച്ച്‌ സാക്ഷീ​ക​രണം നടത്താ​റുണ്ട്‌. ചില വൻനഗ​ര​ങ്ങ​ളിൽ യാത്ര​ക്കാർ ധാരാ​ള​മാ​യി നടന്നു​പോ​കുന്ന നഗരത്തി​ന്റെ പ്രത്യേ​ക​ഭാ​ഗ​ങ്ങ​ളിൽ ബ്രാ​ഞ്ചോ​ഫീസ്‌ പരസ്യ​സാ​ക്ഷീ​ക​രണം സംഘടി​പ്പി​ക്കാ​റുണ്ട്‌. പല സഭകളിൽനി​ന്നുള്ള സഹോ​ദ​ര​ങ്ങളെ ചേർത്താണ്‌ ഇതു ക്രമീ​ക​രി​ക്കു​ന്നത്‌. വീടു​ക​ളിൽ കണ്ടെത്താൻ പറ്റാത്ത ആളുകൾക്കു ദൈവ​രാ​ജ്യ​സ​ന്ദേശം കേൾക്കാൻ അങ്ങനെ കഴിയു​ന്നു.

¹² ബൈബിൾസ​ന്ദേ​ശ​ത്തോ​ടു താത്‌പ​ര്യം കാണി​ക്കുന്ന ആളുകളെ പൊതു​സ്ഥ​ല​ങ്ങ​ളിൽവെച്ച്‌ കണ്ടുമു​ട്ടു​മ്പോൾ ഉചിത​മായ ഒരു പ്രസി​ദ്ധീ​ക​രണം അവർക്കു നൽകാ​വു​ന്ന​താണ്‌. അവരുടെ താത്‌പ​ര്യം വർധി​പ്പി​ക്കാൻ, നിങ്ങളെ ബന്ധപ്പെ​ടാ​നുള്ള വിവരങ്ങൾ അവർക്കു നൽകി​യിട്ട്‌ ഒരു മടക്കസ​ന്ദർശനം ക്രമീ​ക​രി​ക്കു​ക​യോ അവരെ jw.org പരിച​യ​പ്പെ​ടു​ത്തു​ക​യോ തൊട്ട​ടുത്ത്‌ സഭാ​യോ​ഗം നടക്കുന്ന സ്ഥലത്തിന്റെ മേൽവി​ലാ​സം നൽകു​ക​യോ ചെയ്യാം. പൊതു​സ്ഥ​ല​ങ്ങ​ളി​ലെ സാക്ഷീ​ക​രണം ശുശ്രൂഷ വികസി​പ്പി​ക്കാ​നുള്ള ആസ്വാ​ദ്യ​ക​ര​മായ ഒരു വിധമാ​ണെന്നു നിങ്ങൾക്ക്‌ അനുഭ​വി​ച്ച​റി​യാ​നാ​കും.

¹³ ഇന്ന്‌, ക്രിസ്‌ത്യാ​നി​ക​ളായ നമ്മുടെ ഉത്തരവാ​ദി​ത്വം കേവലം സന്തോ​ഷ​വാർത്ത അറിയി​ക്കു​ന്ന​തിൽ മാത്രം ഒതുങ്ങു​ന്നില്ല. ജീവനി​ലേക്കു നയിക്കുന്ന സത്യം സ്വീക​രി​ക്കു​ന്ന​തിന്‌ ആളുകളെ സഹായി​ക്കു​ന്ന​തിൽ വിജയി​ക്ക​ണ​മെ​ങ്കിൽ താത്‌പ​ര്യം കാണി​ച്ച​വർക്കു നിങ്ങൾ തുടർസ​ന്ദർശ​നങ്ങൾ നടത്തേ​ണ്ട​തുണ്ട്‌. അങ്ങനെ അവർക്കു പുരോ​ഗ​മി​ക്കാ​നും പക്വത​യുള്ള ക്രിസ്‌ത്യാ​നി​ക​ളാ​യി​ത്തീ​രാ​നും കഴിയും.

മടക്കസ​ന്ദർശ​നങ്ങൾ നടത്തുക

¹⁴ യേശു തന്റെ അനുഗാ​മി​ക​ളോട്‌ ഇങ്ങനെ പറഞ്ഞു: “നിങ്ങൾ . . . ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും.” (പ്രവൃ. 1:8) യേശു ഇങ്ങനെ​യും പറഞ്ഞി​രു​ന്നു: “നിങ്ങൾ പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കു​ക​യും . . . ഞാൻ നിങ്ങ​ളോ​ടു കല്‌പി​ച്ച​തെ​ല്ലാം അനുസ​രി​ക്കാൻ അവരെ പഠിപ്പി​ക്കു​ക​യും വേണം.” (മത്താ. 28:19, 20) മടക്കസ​ന്ദർശ​നങ്ങൾ നടത്തു​ന്ന​തി​ലൂ​ടെ വലിയ സന്തോഷം ലഭിക്കും. നിങ്ങൾ ആദ്യം സന്ദർശി​ച്ച​പ്പോൾ സന്തോ​ഷ​വാർത്ത​യിൽ താത്‌പ​ര്യം കാണിച്ച ആളുകൾക്കു നിങ്ങളെ വീണ്ടും കാണു​മ്പോൾ സന്തോഷം തോന്നാ​നി​ട​യുണ്ട്‌. അവരു​മാ​യി കൂടുതൽ ബൈബിൾവി​ഷ​യങ്ങൾ ചർച്ച ചെയ്‌തു​കൊണ്ട്‌ ദൈവ​ത്തി​ലുള്ള അവരുടെ വിശ്വാ​സം ശക്തി​പ്പെ​ടു​ത്താൻ കഴിയും. ആത്മീയ​കാ​ര്യ​ങ്ങൾ ആവശ്യ​മാ​ണെന്നു തിരി​ച്ച​റി​യാ​നും അവരെ അങ്ങനെ സഹായി​ക്കാ​നാ​കും. (മത്താ. 5:3) നന്നായി തയ്യാറാ​കു​ക​യും അവർക്കു സൗകര്യ​പ്ര​ദ​മായ സമയത്ത്‌ മടങ്ങി​ച്ചെ​ല്ലു​ക​യും ചെയ്യു​മ്പോൾ നിങ്ങൾക്ക്‌ ഒരു ബൈബിൾപ​ഠനം ആരംഭി​ക്കാൻ കഴി​ഞ്ഞേ​ക്കും. സാധാ​ര​ണ​ഗ​തി​യിൽ മടക്കസ​ന്ദർശനം നടത്തു​ന്ന​തി​ന്റെ ഉദ്ദേശ്യ​വും അതുത​ന്നെ​യാ​ണ​ല്ലോ. നമ്മൾ സത്യത്തി​ന്റെ വിത്തു നടുക മാത്രമല്ല, നനച്ചു​കൊ​ടു​ക്കു​ക​യും ചെയ്യുന്നു.​—1 കൊരി. 3:6.

¹⁵ മടക്കസ​ന്ദർശ​നങ്ങൾ നടത്തു​ന്നതു ചിലർക്ക്‌ ഒരു ബുദ്ധി​മു​ട്ടാ​യി തോന്നാ​റുണ്ട്‌. ആദ്യസ​ന്ദർശ​ന​ത്തിൽ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ഹ്രസ്വ​മാ​യി അവതരി​പ്പി​ക്കാൻ നിങ്ങൾക്ക്‌ ഒരു ബുദ്ധി​മു​ട്ടും ഉണ്ടാ​യെ​ന്നു​വ​രില്ല. ശുശ്രൂ​ഷ​യു​ടെ ആ വശം നിങ്ങൾക്കു വളരെ ഇഷ്ടവു​മാ​യി​രി​ക്കാം. പക്ഷേ ബൈബിൾവി​ഷ​യങ്ങൾ ചർച്ച ചെയ്യാൻ വീട്ടു​കാ​രന്റെ അടു​ത്തേക്കു മടങ്ങി​ച്ചെ​ല്ലുക എന്നുള്ളതു നിങ്ങൾക്ക്‌ ഓർക്കാൻതന്നെ വിഷമ​മുള്ള കാര്യ​മാ​യി​രി​ക്കും. എന്നാൽ നന്നായി തയ്യാറാ​കു​ന്നതു നിങ്ങളു​ടെ ആത്മവി​ശ്വാ​സം കൂട്ടും. മധ്യവാ​ര​യോ​ഗ​ങ്ങ​ളി​ലൂ​ടെ കിട്ടുന്ന പ്രാ​യോ​ഗി​ക​നിർദേ​ശങ്ങൾ പരീക്ഷി​ച്ചു​നോ​ക്കാൻ മറക്കരുത്‌. നിങ്ങ​ളെ​ക്കാൾ പരിച​യ​സ​മ്പ​ന്ന​നായ ഒരു പ്രചാ​ര​കനെ കൂടെ കൊണ്ടു​പോ​കു​ന്ന​തും പ്രയോ​ജനം ചെയ്‌തേ​ക്കും.

ബൈബിൾപ​ഠ​നങ്ങൾ നടത്തുക

¹⁶ ദൈവ​വ​ചനം വായി​ച്ചു​കൊ​ണ്ടി​രുന്ന, ജൂതമതം സ്വീക​രിച്ച ഒരാ​ളോ​ടു സുവി​ശേ​ഷ​ക​നായ ഫിലി​പ്പോസ്‌ ഇങ്ങനെ ചോദി​ച്ചു: “വായി​ക്കു​ന്ന​തി​ന്റെ അർഥം മനസ്സി​ലാ​കു​ന്നു​ണ്ടോ?” അദ്ദേഹ​ത്തി​ന്റെ മറുപടി ഇതായി​രു​ന്നു: “ആരെങ്കി​ലും അർഥം പറഞ്ഞു​ത​രാ​തെ ഞാൻ എങ്ങനെ മനസ്സി​ലാ​ക്കാ​നാണ്‌?” പ്രവൃ​ത്തി​കൾ എട്ടാം അധ്യാ​യ​ത്തി​ലെ ബൈബിൾവി​വ​രണം നമ്മോടു പറയു​ന്നത്‌, അദ്ദേഹം വായി​ച്ചു​കൊ​ണ്ടി​രുന്ന തിരു​വെ​ഴു​ത്തു​ഭാ​ഗ​ത്തു​നിന്ന്‌ തുടങ്ങി ഫിലി​പ്പോസ്‌, “യേശു​വി​നെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ച്ചു” എന്നാണ്‌. (പ്രവൃ. 8:26-36) ഫിലി​പ്പോസ്‌ എത്ര സമയം സംസാ​രി​ച്ചെന്നു നമുക്ക്‌ അറിയില്ല. പക്ഷേ ഫിലി​പ്പോസ്‌ പറഞ്ഞ കാര്യങ്ങൾ അദ്ദേഹ​ത്തി​നു ബോധ്യ​മാ​യി. തനിക്കു സ്‌നാ​ന​മേൽക്കാൻ ആഗ്രഹ​മു​ണ്ടെന്ന്‌ അറിയി​ക്കു​ക​യും ചെയ്‌തു. അദ്ദേഹം സ്‌നാ​ന​മേറ്റ്‌ യേശു​ക്രിസ്‌തു​വി​ന്റെ ഒരു ശിഷ്യ​നാ​യി​ത്തീർന്നു.

¹⁷ ബൈബി​ളി​ലുള്ള കാര്യങ്ങൾ അറിയി​ല്ലാത്ത ഒരുപാ​ടു പേർ ഇന്നുമുണ്ട്‌. അതു​കൊണ്ട്‌ വിശ്വാ​സം ഉൾനടാ​നും സ്‌നാ​ന​ത്തി​നു യോഗ്യത നേടാ​നും അവർക്കു കഴിയ​ണ​മെ​ങ്കിൽ നിരവധി മടക്കസ​ന്ദർശ​നങ്ങൾ നടത്തേ​ണ്ടി​വ​ന്നേ​ക്കാം. ആഴ്‌ച​ക​ളോ മാസങ്ങ​ളോ ചില​പ്പോൾ ഒരു വർഷമോ അതി​ലേ​റെ​യോ കാലത്തെ വിശദ​മായ പഠനവും ആവശ്യ​മാ​യി​വ​രാം. പക്ഷേ, നിങ്ങൾ ക്ഷമയോ​ടെ​യും സ്‌നേ​ഹ​ത്തോ​ടെ​യും ശുദ്ധഹൃ​ദ​യ​രായ ആളുകളെ ശിഷ്യ​രാ​കാൻ സഹായി​ക്കു​ന്ന​തിന്‌ അതി​ന്റേ​തായ പ്രതി​ഫലം കിട്ടും. കാരണം, യേശു ഇങ്ങനെ പറഞ്ഞു: “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌.”—പ്രവൃ. 20:35.

¹⁸ ആളുകളെ ബൈബിൾ പഠിപ്പി​ക്കാൻ പ്രത്യേ​ക​മാ​യി തയ്യാറാക്കിയ ഏതെങ്കിലുമൊരു പ്രസിദ്ധീകരണം ഉപയോഗിച്ച്‌ നിങ്ങൾക്കു ബൈബിൾപഠനം ആരംഭിക്കാം. മധ്യവാ​ര​യോ​ഗ​ത്തി​ലെ നിർദേശങ്ങൾ പ്രാവർത്തികമാക്കുന്നതും സഭയിലെ പരിചയസമ്പന്നരായ അധ്യാ​പ​ക​രോ​ടൊ​പ്പം പ്രവർത്തി​ക്കു​ന്ന​തും ഫലകര​മായ ബൈബിൾപഠനങ്ങൾ നടത്താൻ നിങ്ങളെ പ്രാപ്‌ത​രാ​ക്കും. അങ്ങനെ യേശുക്രിസ്‌തുവിന്റെ ശിഷ്യരാകാൻ നിങ്ങൾക്ക്‌ ആളുകളെ സഹായി​ക്കാ​നാ​കും.

¹⁹ ഒരു ബൈബിൾപ​ഠനം ആരംഭി​ക്കാ​നും നടത്തി​ക്കൊ​ണ്ടു​പോ​കാ​നും നിങ്ങൾക്കു സഹായം ആവശ്യ​മാ​ണെ​ങ്കിൽ സഭയിലെ ഒരു മേൽവി​ചാ​ര​ക​നോ​ടു സംസാ​രി​ക്കാം. അല്ലെങ്കിൽ ബൈബിൾപ​ഠ​നങ്ങൾ നന്നായി നടത്തി​പ്പോ​രുന്ന ഒരു സഹവി​ശ്വാ​സി​യോട്‌ ഇക്കാര്യം സംസാ​രി​ക്കാം. ജീവിത-സേവന യോഗ​ത്തി​നുള്ള പഠനസ​ഹാ​യി​യിൽ വരുന്ന നിർദേ​ശ​ങ്ങ​ളും അവ യോഗ​ത്തിൽ സഹോ​ദ​രങ്ങൾ അവതരി​പ്പി​ച്ചു​കാ​ണി​ക്കു​ന്ന​തും നിങ്ങളെ സഹായി​ക്കും. യഹോ​വ​യിൽ ആശ്രയി​ക്കുക, ഇതെക്കു​റി​ച്ചുള്ള നിങ്ങളു​ടെ ആഗ്രഹം പ്രാർഥ​നാ​വി​ഷ​യ​മാ​ക്കുക. (1 യോഹ. 3:22) നിങ്ങൾ കുടും​ബാം​ഗ​ങ്ങൾക്കു നടത്തുന്ന ബൈബിൾപ​ഠ​ന​ത്തി​നു പുറമേ ഒരു അധ്യയ​ന​മെ​ങ്കി​ലും നടത്താൻ ആത്മാർഥ​മാ​യി ലക്ഷ്യം വെക്കുക. ബൈബിൾപ​ഠ​നങ്ങൾ നടത്തു​ന്നതു ശുശ്രൂ​ഷ​യി​ലുള്ള നിങ്ങളു​ടെ സന്തോഷം തീർച്ച​യാ​യും വർധി​പ്പി​ക്കും.

താത്‌പ​ര്യം കാണി​ക്കുന്ന ആളുകളെ യഹോ​വ​യു​ടെ സംഘട​ന​യി​ലേക്കു നയിക്കുക

²⁰ യഹോ​വയെ അറിയാ​നും യേശു​ക്രിസ്‌തു​വി​ന്റെ ശിഷ്യ​രാ​യി​ത്തീ​രാ​നും നമ്മൾ ആളുകളെ സഹായി​ക്കു​മ്പോൾ അവർ സഭയുടെ ഭാഗമാ​യി​ത്തീ​രു​ന്നു. ബൈബിൾവി​ദ്യാർഥി​കൾ യഹോ​വ​യു​ടെ സംഘട​നയെ തിരി​ച്ച​റി​യു​ക​യും അതുമാ​യി സഹകരി​ക്കു​ക​യും ചെയ്യു​മ്പോൾ അവർ ആത്മീയ​പു​രോ​ഗതി വരുത്തു​ക​യും പക്വതയിലേക്കു വളരുകയും ചെയ്യും. അവർക്കു സംഘട​നയെ പരിച​യ​പ്പെ​ടു​ത്തി​ക്കൊ​ടു​ക്കേ​ണ്ടതു വളരെ പ്രധാ​ന​മാണ്‌! നമുക്ക്‌ അത്‌ എങ്ങനെ ചെയ്യാം? വീഡി​യോ​ക​ളും, ഇന്ന്‌ യഹോ​വ​യു​ടെ ഇഷ്ടം ചെയ്യു​ന്നത്‌ ആരാണ്‌? എന്ന ലഘുപ​ത്രി​ക​യും ഈ ഉദ്ദേശ്യ​ത്തി​നു​വേണ്ടി പ്രത്യേ​കം തയ്യാറാ​ക്കി​യി​ട്ടു​ള്ള​വ​യാണ്‌. ഈ പുസ്‌ത​ക​ത്തി​ന്റെ നാലാം അധ്യാ​യ​ത്തി​ലെ ചില വിവര​ങ്ങ​ളും ഇക്കാര്യ​ത്തിൽ സഹായി​ക്കും.

²¹ ഭൂമി​യി​ലെ​മ്പാ​ടും പ്രസം​ഗ​പ്ര​വർത്തനം നടത്താൻ യഹോവ ഒരു സംഘട​നയെ ഉപയോ​ഗി​ക്കു​ന്നു​ണ്ടെന്നു കാണാൻ, വിദ്യാർഥി​യെ ബൈബിൾചർച്ച​ക​ളു​ടെ തുടക്കം​മു​തൽത്തന്നെ സഹായി​ക്കുക. ബൈബിൾ പഠനസ​ഹാ​യി​ക​ളു​ടെ മൂല്യം എടുത്തു​പ​റ​യുക. അവ ഉത്‌പാ​ദി​പ്പി​ക്കാ​നും ലോക​വ്യാ​പ​ക​മാ​യി വിതരണം ചെയ്യാ​നും ദൈവ​ത്തി​നു തങ്ങളെ​ത്തന്നെ സമർപ്പിച്ച സന്നദ്ധ​സേ​വകർ പരി​ശ്ര​മി​ക്കു​ന്നത്‌ എങ്ങനെ​യെ​ന്നും വിവരി​ച്ചു​കൊ​ടു​ക്കുക. യോഗ​ങ്ങൾക്കു നിങ്ങ​ളോ​ടൊ​പ്പം രാജ്യ​ഹാ​ളിൽ വരാൻ അദ്ദേഹത്തെ ക്ഷണിക്കുക. യോഗങ്ങൾ നടക്കു​ന്നത്‌ എങ്ങനെ​യാ​ണെന്നു പറഞ്ഞു​കൊ​ടു​ക്കുക. അദ്ദേഹത്തെ രാജ്യ​ഹാ​ളി​ലെ നിങ്ങളു​ടെ സുഹൃ​ത്തു​ക്കൾക്കു പരിച​യ​പ്പെ​ടു​ത്തുക. സമ്മേള​ന​ങ്ങൾക്കും കൺ​വെൻ​ഷ​നു​കൾക്കും കൂട്ടി​ക്കൊ​ണ്ടു​പോ​യി മറ്റു സഹോ​ദ​ര​ങ്ങ​ളെ​യും പരിച​യ​പ്പെ​ടു​ത്തുക. യഹോ​വ​യു​ടെ ജനം സത്യ​ക്രിസ്‌ത്യാ​നി​ക​ളു​ടെ മുഖമു​ദ്ര​യായ സ്‌നേഹം കാണി​ക്കു​ന്നത്‌ എങ്ങനെ​യാ​ണെന്ന്‌ ഇതു​പോ​ലെ​യുള്ള അവസര​ങ്ങ​ളിൽ അദ്ദേഹം കാണട്ടെ. (യോഹ. 13:35) യഹോ​വ​യു​ടെ സംഘട​ന​യോ​ടുള്ള വിലമ​തി​പ്പു വർധി​ക്കു​മ്പോൾ അദ്ദേഹം യഹോ​വ​യോ​ടും കൂടു​തൽക്കൂ​ടു​തൽ അടുക്കും.

ബൈബി​ള​ധിഷ്‌ഠിത പ്രസി​ദ്ധീ​ക​ര​ണങ്ങൾ ഉപയോ​ഗി​ച്ചു​കൊണ്ട്‌

²² ആദ്യകാ​ല​ക്രിസ്‌ത്യാ​നി​കൾ ദൈവ​വ​ച​ന​ത്തി​ന്റെ തീക്ഷ്‌ണ​ത​യുള്ള പ്രചാ​ര​ക​രാ​യി​ത്തീർന്നു. സ്വന്തമായ ഉപയോ​ഗ​ത്തി​നും സഭയിൽ പഠിക്കാ​നും അവർ തിരു​വെ​ഴു​ത്തു​ക​ളു​ടെ പകർപ്പു​കൾ ഉണ്ടാക്കി. ദൈവ​ത്തി​ന്റെ സത്യവ​ചനം അവർ മറ്റുള്ള​വർക്കു കൈമാ​റി​ക്കൊ​ടു​ത്തി​രു​ന്നു. തിരു​വെ​ഴു​ത്തി​ന്റെ കൈ​യെ​ഴു​ത്തു​പ്ര​തി​കൾ എണ്ണത്തിൽ കുറവാ​യി​രു​ന്ന​തു​കൊണ്ട്‌ ആ ഓരോ പ്രതി​ക​ളും അവർക്കു വളരെ വില​പ്പെ​ട്ട​താ​യി​രു​ന്നു. (കൊലോ. 4:16; 2 തിമൊ. 2:15; 3:14-17; 4:13; 1 പത്രോ. 1:1) ഇന്ന്‌ യഹോ​വ​യു​ടെ സാക്ഷികൾ ആധുനി​ക​സാ​ങ്കേ​തി​ക​വി​ദ്യ​കൾ ഉപയോ​ഗ​പ്പെ​ടു​ത്തി കോടി​ക്ക​ണ​ക്കി​നു ബൈബി​ളു​ക​ളും ബൈബിൾ പഠനസ​ഹാ​യി​ക​ളും ഉത്‌പാ​ദി​പ്പിച്ച്‌ വിതരണം ചെയ്യുന്നു. നൂറു​ക​ണ​ക്കി​നു ഭാഷക​ളി​ലുള്ള ലഘു​ലേ​ഖ​ക​ളും ലഘുപ​ത്രി​ക​ക​ളും പുസ്‌ത​ക​ങ്ങ​ളും മാസി​ക​ക​ളും അവയിൽ ഉൾപ്പെ​ടു​ന്നു.

²³ ആളുകളെ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കു​മ്പോൾ യഹോ​വ​യു​ടെ സംഘടന നൽകി​യി​രി​ക്കുന്ന ബൈബിൾ പഠനസ​ഹാ​യി​കൾ ഉപയോ​ഗി​ക്കുക. യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണങ്ങൾ വായി​ക്കു​ക​യും പഠിക്കു​ക​യും ചെയ്‌ത​തു​കൊണ്ട്‌ നിങ്ങൾക്ക്‌ എത്രമാ​ത്രം പ്രയോ​ജ​ന​മു​ണ്ടാ​യെന്ന്‌ ഓർക്കുക. മറ്റുള്ള​വർക്ക്‌ ആ പ്രസി​ദ്ധീ​ക​ര​ണങ്ങൾ കൊടു​ക്കാൻ അതു നിങ്ങളെ പ്രചോ​ദി​പ്പി​ക്കും.​—എബ്രാ. 13:15, 16.

²⁴ വിവരങ്ങൾ അറിയാ​നാ​യി ഇന്റർനെ​റ്റി​നെ ആശ്രയി​ക്കുന്ന ആളുക​ളു​ടെ എണ്ണം കൂടി​ക്കൂ​ടി വരുക​യാണ്‌. അതു​കൊണ്ട്‌ ബൈബിൾപ്ര​സി​ദ്ധീ​ക​ര​ണ​ങ്ങൾക്കു പുറമേ നമ്മുടെ ഔദ്യോ​ഗിക വെബ്‌സൈ​റ്റായ jw.org സന്തോ​ഷ​വാർത്ത വ്യാപി​പ്പി​ക്കു​ന്ന​തി​നുള്ള വളരെ നല്ലൊരു ഉപാധി​യാണ്‌. ലോകത്ത്‌ എവി​ടെ​യു​മുള്ള ആളുകൾക്കു സ്വന്തം കമ്പ്യൂ​ട്ട​റു​ക​ളിൽ നൂറു​ക​ണ​ക്കി​നു ഭാഷക​ളി​ലുള്ള ബൈബി​ളും ബൈബി​ള​ധിഷ്‌ഠിത പ്രസി​ദ്ധീ​ക​ര​ണ​ങ്ങ​ളും വായി​ക്കാ​നും ഓഡി​യോ റെക്കോർഡി​ങ്ങു​കൾ കേൾക്കാ​നും കഴിയും. നമ്മളു​മാ​യി സംഭാ​ഷണം നടത്താൻ മടിയു​ള്ള​വർക്കും യഹോ​വ​യു​ടെ സാക്ഷി​കളെ കാണാ​നും സംസാ​രി​ക്കാ​നും അവസരങ്ങൾ തീരെ കുറവു​ള്ള​വർക്കും സ്വന്തം വീടിന്റെ സ്വകാ​ര്യ​ത​യി​ലി​രുന്ന്‌ jw.org ഉപയോ​ഗിച്ച്‌ നമ്മുടെ വിശ്വാ​സ​ങ്ങ​ളെ​ക്കു​റിച്ച്‌ പഠിച്ചു​നോ​ക്കാൻ കഴിയും.

²⁵ അതു​കൊണ്ട്‌, അവസരം കിട്ടു​മ്പോ​ഴെ​ല്ലാം നമ്മൾ jw.org-നു നല്ല പ്രചാ​രണം കൊടു​ക്കും. നമ്മുടെ വിശ്വാ​സ​ത്തെ​ക്കു​റിച്ച്‌ ചോദി​ക്കുന്ന ഒരു വീട്ടു​കാ​രന്‌ അപ്പോൾ, അവി​ടെ​വെ​ച്ചു​തന്നെ മൊ​ബൈ​ലിൽനി​ന്നോ ടാബ്‌ലെ​റ്റിൽനി​ന്നോ കമ്പ്യൂ​ട്ട​റിൽനി​ന്നോ ചോദ്യ​ങ്ങൾക്കുള്ള ഉത്തരം കാണി​ച്ചു​കൊ​ടു​ക്കാൻ കഴിയും. ആംഗ്യ​ഭാഷ ഉൾപ്പെടെ വേറൊ​രു ഭാഷ സംസാ​രി​ക്കുന്ന ആരെ​യെ​ങ്കി​ലും കാണു​മ്പോൾ നമുക്ക്‌ അദ്ദേഹത്തെ നമ്മുടെ വെബ്‌​സൈറ്റ്‌ കാണി​ച്ചു​കൊ​ടു​ക്കാ​നും അദ്ദേഹ​ത്തി​ന്റെ ഭാഷയി​ലുള്ള ബൈബി​ളും പ്രസി​ദ്ധീ​ക​ര​ണ​ങ്ങ​ളും പരിച​യ​പ്പെ​ടു​ത്താ​നും കഴിയും. നമ്മുടെ വെബ്‌സൈ​റ്റി​ലുള്ള ഏതെങ്കി​ലും വീഡി​യോ ഉപയോ​ഗി​ച്ചു​കൊണ്ട്‌ പല പ്രചാ​ര​ക​രും ബൈബിൾവി​ഷ​യങ്ങൾ ചർച്ച ചെയ്‌തു​തു​ട​ങ്ങാ​റുണ്ട്‌.

അനൗപ​ചാ​രി​ക​മാ​യുള്ള സാക്ഷീ​ക​ര​ണം

²⁶ തന്റെ വാക്കുകൾ ശ്രദ്ധിച്ച്‌ കേട്ടു​കൊ​ണ്ടി​രു​ന്ന​വ​രോ​ടു യേശു ഇങ്ങനെ പറഞ്ഞു: “നിങ്ങൾ ലോക​ത്തി​ന്റെ വെളി​ച്ച​മാണ്‌. . . . നിങ്ങളു​ടെ വെളിച്ചം മറ്റുള്ള​വ​രു​ടെ മുന്നിൽ പ്രകാ​ശി​ക്കട്ടെ. അപ്പോൾ അവർ നിങ്ങളു​ടെ നല്ല പ്രവൃ​ത്തി​കൾ കണ്ട്‌ സ്വർഗ​സ്ഥ​നായ നിങ്ങളു​ടെ പിതാ​വി​നെ മഹത്ത്വ​പ്പെ​ടു​ത്തും.” (മത്താ. 5:14-16) ആ ശിഷ്യ​ന്മാർ യേശു​വി​നെ അനുക​രി​ച്ചു​കൊണ്ട്‌ ദൈവി​ക​ഗു​ണ​ങ്ങ​ളും നിലവാ​ര​ങ്ങ​ളും പ്രതി​ഫ​ലി​പ്പി​ച്ചു. യേശു തന്നെക്കു​റി​ച്ചു​തന്നെ ഇങ്ങനെ​യാ​ണു പറഞ്ഞത്‌: “ഞാൻ ലോക​ത്തി​ന്റെ വെളി​ച്ച​മാണ്‌.” അതെ, കേൾക്കുന്ന എല്ലാവ​രു​ടെ​യും പ്രയോ​ജ​ന​ത്തി​നാ​യി, ‘ജീവന്റെ വെളിച്ചം’ എങ്ങനെ പ്രകാ​ശി​പ്പി​ക്കാം എന്ന കാര്യ​ത്തിൽ യേശു ക്രിസ്‌ത്യാ​നി​കൾക്കു മാതൃക വെച്ചു.​—യോഹ. 8:12.

²⁷ അതു​പോ​ലെ, പൗലോസ്‌ അപ്പോസ്‌ത​ല​നും നമുക്കു പിൻപ​റ്റാൻ ഒരു മാതൃക വെച്ചു. (1 കൊരി. 4:16; 11:1) ആതൻസിൽവെച്ച്‌ പൗലോസ്‌ എല്ലാ ദിവസ​വും, ചന്തസ്ഥലത്ത്‌ കണ്ടുമു​ട്ടി​യ​വ​രോ​ടു സാക്ഷീ​ക​രി​ച്ചു​പോ​ന്നു. (പ്രവൃ. 17:17) ഫിലി​പ്പി​യി​ലെ ക്രിസ്‌ത്യാ​നി​കൾ ഈ മാതൃക പിന്തു​ടർന്നു. അവർ ജീവി​ച്ചി​രു​ന്നതു “വക്രത​യു​ള്ള​തും വഴിപി​ഴ​ച്ച​തും ആയ ഒരു തലമു​റ​യിൽ” ആണെങ്കി​ലും അത്തരക്കാർക്കി​ട​യിൽ അവർ ‘ജ്യോ​തി​സ്സു​ക​ളെ​പ്പോ​ലെ പ്രകാ​ശി​ച്ചു’ എന്ന്‌ എഴുതാൻ പൗലോ​സി​നു കഴിഞ്ഞത്‌ അതു​കൊ​ണ്ടാണ്‌. (ഫിലി. 2:15) ഇന്നുള്ള ക്രിസ്‌ത്യാ​നി​ക​ളായ നമുക്കോ? മറ്റുള്ള​വ​രോ​ടു സന്തോ​ഷ​വാർത്ത പറയാൻ കിട്ടുന്ന അവസര​ങ്ങ​ളി​ലെ​ല്ലാം നമ്മുടെ വാക്കു​ക​ളി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും രാജ്യ​സ​ത്യം പ്രകാ​ശി​പ്പി​ക്കാൻ നമുക്കു പ്രത്യേ​കം ശ്രദ്ധി​ക്കാം. സത്യസ​ന്ധ​രും നീതി​നിഷ്‌ഠ​രും ആയി​ക്കൊണ്ട്‌ നമ്മൾ വെക്കുന്ന നല്ല മാതൃക കാണു​മ്പോൾത്തന്നെ ലോക​ത്തിൽനിന്ന്‌ വ്യത്യസ്‌ത​രാ​ണു നമ്മളെന്ന്‌ അവർക്കു മനസ്സി​ലാ​കും. അവരോ​ടു സന്തോ​ഷ​വാർത്ത സംസാ​രി​ച്ചു​തു​ട​ങ്ങു​മ്പോൾ നമ്മൾ വ്യത്യസ്‌ത​രാ​യി​രി​ക്കു​ന്ന​തി​ന്റെ കാരണ​വും അവർക്കു മനസ്സി​ലാ​കും.

²⁸ ജോലി​സ്ഥ​ല​ത്തും സ്‌കൂ​ളി​ലും പൊതു​വാ​ഹ​ന​ങ്ങ​ളിൽ യാത്ര ചെയ്യു​മ്പോ​ഴും മറ്റു കാര്യ​ങ്ങൾക്കാ​യി പോകു​മ്പോ​ഴും ഒക്കെ യഹോ​വ​യു​ടെ ജനത്തിൽ പലരും അവിട​ങ്ങ​ളിൽ കണ്ടുമു​ട്ടു​ന്ന​വ​രോ​ടു ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പറയാ​റുണ്ട്‌. യാത്ര​യി​ലാ​ണെ​ങ്കിൽ സഹയാ​ത്രി​ക​രോ​ടു സംസാ​രി​ക്കാ​നുള്ള അവസരം കിട്ടി​യേ​ക്കാം. ഒരു സാധാ​ര​ണ​സം​ഭാ​ഷണം സാക്ഷീ​ക​ര​ണ​മാ​ക്കി മാറ്റാ​നുള്ള അവസരം കിട്ടു​മോ എന്നു നമ്മൾ നോക്കി​യി​രി​ക്കണം. ഉചിത​മായ ഏതു സന്ദർഭ​ത്തി​ലും ആളുക​ളോ​ടു സംസാ​രി​ക്കാൻ തയ്യാറാ​യി​രി​ക്കുക.

²⁹ നമ്മൾ സ്രഷ്ടാ​വി​നെ സ്‌തു​തി​ക്കു​ക​യാ​ണെ​ന്നും ആ സ്രഷ്ടാ​വി​ന്റെ നാമത്തെ മഹത്വ​പ്പെ​ടു​ത്തു​ക​യാ​ണെ​ന്നും ഓർക്കു​ന്നെ​ങ്കിൽ ഇപ്രകാ​രം ചെയ്യാൻ നമ്മൾ പ്രചോ​ദി​ത​രാ​കും. കൂടാതെ, ആത്മാർഥ​ത​യുള്ള ആളുകളെ യഹോ​വയെ അറിയാൻ സഹായി​ക്കു​ന്ന​തിന്‌ ഇതുവഴി നമുക്കു കഴിയു​ന്നു. അവർക്കും യഹോ​വയെ സേവി​ക്കാ​നും യേശു​ക്രിസ്‌തു​വി​ലുള്ള വിശ്വാ​സ​ത്തി​ലൂ​ടെ ജീവന്റെ പ്രത്യാശ നേടാ​നും അങ്ങനെ കഴിയു​ന്നു. നമ്മുടെ ഇത്തരം ശ്രമങ്ങ​ളിൽ യഹോവ പ്രസാ​ദി​ക്കു​ക​യും അതു തനിക്കുള്ള വിശു​ദ്ധ​സേ​വ​ന​മാ​യി കണക്കി​ടു​ക​യും ചെയ്യും.​—എബ്രാ. 12:28; വെളി. 7:9, 10.

പ്രദേശം

³⁰ നഗരങ്ങ​ളി​ലും ഗ്രാമ​ങ്ങ​ളി​ലും എന്നുവേണ്ട ലോക​ത്തെ​മ്പാ​ടും ദൈവ​രാ​ജ്യ​സ​ന്ദേശം പ്രസം​ഗി​ക്കു​ക​യെ​ന്നത്‌ യഹോ​വ​യു​ടെ ഇഷ്ടമാണ്‌. ഈ ലക്ഷ്യത്തിൽ ബ്രാ​ഞ്ചോ​ഫീസ്‌ സഭകൾക്കും ഒറ്റപ്പെട്ട പ്രദേ​ശ​ങ്ങ​ളിൽ സേവി​ക്കുന്ന സഹോ​ദ​ര​ങ്ങൾക്കും പ്രദേ​ശങ്ങൾ നിയമി​ച്ചു​കൊ​ടു​ക്കു​ന്നു. (1 കൊരി. 14:40) ഒന്നാം നൂറ്റാ​ണ്ടിൽ ദിവ്യ​നിർദേ​ശ​പ്ര​കാ​രം അവർ ചെയ്‌ത​തി​നു ചേർച്ച​യി​ലാണ്‌ ഇത്‌. (2 കൊരി. 10:13; ഗലാ. 2:9) ഈ അന്ത്യനാ​ളു​ക​ളിൽ ദൈവ​രാ​ജ്യ​പ്ര​വർത്ത​നങ്ങൾ അതി​വേഗം വികസി​ച്ചു​കൊ​ണ്ടി​രി​ക്കു​ക​യാണ്‌. സഭാ​പ്ര​ദേ​ശങ്ങൾ പ്രവർത്തി​ച്ചു​തീർക്കാ​നുള്ള ക്രമീ​ക​ര​ണങ്ങൾ സുസം​ഘ​ടി​ത​മാ​ണെ​ങ്കിൽ ഏറെ നേട്ടങ്ങൾ കൈവ​രി​ക്കാ​നാ​കും.

³¹ ഈ ക്രമീ​ക​ര​ണ​ങ്ങൾക്കു നേതൃ​ത്വം കൊടു​ക്കേ​ണ്ടതു സേവന​മേൽവി​ചാ​ര​ക​നാണ്‌. ചില​പ്പോൾ, സഹോ​ദ​ര​ങ്ങൾക്കു സഭാ​പ്ര​ദേശം കൊടു​ക്കു​ന്നത്‌ ഒരു ശുശ്രൂ​ഷാ​ദാ​സ​നാ​യി​രി​ക്കും. പ്രദേശം രണ്ടു തരമുണ്ട്‌: ഗ്രൂപ്പു​കൾക്കുള്ള പ്രദേ​ശ​ങ്ങ​ളും വ്യക്തി​കൾക്കുള്ള പ്രദേ​ശ​ങ്ങ​ളും. സഭയ്‌ക്കു പരിമി​ത​മായ പ്രദേ​ശമേ ഉള്ളൂ എങ്കിൽ, ഗ്രൂപ്പ്‌ മേൽവി​ചാ​ര​കന്റെ അനുവാ​ദ​ത്തോ​ടെ പ്രചാ​ര​കർക്കു ഗ്രൂപ്പി​ന്റെ പ്രദേ​ശത്ത്‌ പ്രവർത്തി​ക്കാ​നാ​കും. നേരേ മറിച്ച്‌, പ്രദേശം ധാരാ​ള​മു​ണ്ടെ​ങ്കിൽ പ്രചാ​ര​കർക്കു വ്യക്തി​പ​ര​മാ​യി പ്രദേശം ചോദിച്ച്‌ വാങ്ങാം.

³² സ്വന്തമാ​യി പ്രദേ​ശ​മുള്ള ഒരു പ്രചാ​ര​കനു വയൽസേ​വ​ന​യോ​ഗങ്ങൾ ഇല്ലാത്ത​പ്പോ​ഴും ഗ്രൂപ്പു​മാ​യി ചേർന്ന്‌ പ്രവർത്തി​ക്കാൻ സാധി​ക്കാ​ത്ത​പ്പോ​ഴും പ്രവർത്തി​ക്കാൻ ഒരു പ്രദേ​ശ​മു​ണ്ടാ​യി​രി​ക്കും. ഉദാഹ​ര​ണ​ത്തിന്‌, ചില പ്രചാ​രകർ ജോലി​സ്ഥ​ല​ത്തിന്‌ അടുത്താ​യി ഒരു പ്രദേശം എടുക്കും. ഊണു​സ​മ​യത്തെ ഇടവേ​ള​യി​ലോ ജോലി കഴിഞ്ഞോ അദ്ദേഹ​ത്തിന്‌ അവിടെ പ്രവർത്തി​ക്കാൻ കഴിയും. ചില കുടും​ബങ്ങൾ താമസ​സ്ഥ​ല​ത്തിന്‌ അടുത്താ​യി പ്രദേശം എടുക്കു​ന്നു. അതു​കൊണ്ട്‌ ചില വൈകു​ന്നേ​ര​ങ്ങ​ളിൽ അവർക്ക്‌ അവിടെ പ്രവർത്തി​ക്കാ​നാ​കും. സൗകര്യ​പ്ര​ദ​മായ സ്ഥലത്ത്‌ പ്രദേശം എടുക്കുന്ന ഒരു പ്രചാ​ര​കനു സേവന​ത്തി​നാ​യി നീക്കി​വെ​ക്കുന്ന സമയം ഏതാണ്ടു പൂർണ​മാ​യി​ത്തന്നെ വയലിൽ ഉപയോ​ഗി​ക്കാൻ കഴിയും. വ്യക്തി​പ​ര​മാ​യി എടുക്കുന്ന പ്രദേ​ശത്ത്‌ ഗ്രൂപ്പ്‌ അടിസ്ഥാ​ന​ത്തി​ലും പ്രവർത്തി​ക്കാം. നിങ്ങൾക്കു വ്യക്തി​പ​ര​മാ​യി ഒരു പ്രദേശം വേണ​മെ​ന്നു​ണ്ടെ​ങ്കിൽ പ്രദേ​ശ​ദാ​സ​നോട്‌ ആവശ്യ​പ്പെ​ടാ​വു​ന്ന​താണ്‌.

³³ ഗ്രൂപ്പ്‌ മേൽവി​ചാ​രകൻ ഗ്രൂപ്പി​നു​വേണ്ടി എടുത്ത പ്രദേ​ശ​മാ​യാ​ലും ഒരു പ്രചാ​രകൻ തനിക്കു​വേണ്ടി എടുത്ത പ്രദേ​ശ​മാ​യാ​ലും, ആ പ്രദേ​ശത്തെ ഓരോ വീട്ടി​ലെ​യും ഒരാളു​മാ​യെ​ങ്കി​ലും സമ്പർക്ക​ത്തിൽ വരാൻ ന്യായ​മായ അളവിൽ ശ്രമി​ച്ചി​ട്ടു​ണ്ടെന്ന്‌ അത്‌ എടുത്ത​യാൾ ഉറപ്പാ​ക്കണം. എന്നാൽ പ്രദേശം പ്രവർത്തി​ച്ചു​തീർക്കാൻ ചെയ്യുന്ന എല്ലാ ക്രമീ​ക​ര​ണ​ങ്ങ​ളും അവിടെ ബാധക​മായ വിവര​സം​ര​ക്ഷ​ണ​നി​യ​മ​ങ്ങൾക്കു ചേർച്ച​യി​ലാ​യി​രി​ക്കണം. പ്രദേശം ഏറ്റെടു​ക്കു​ന്നതു ഗ്രൂപ്പ്‌ മേൽവി​ചാ​ര​ക​നാ​യാ​ലും പ്രചാ​ര​ക​രാ​യാ​ലും തങ്ങളുടെ പ്രദേശം നാലു മാസത്തി​നു​ള്ളിൽ പ്രവർത്തി​ച്ചു​തീർക്കാൻ ശ്രമി​ക്കണം. ആ സമയം തീരു​മ്പോൾ അക്കാര്യം പ്രദേ​ശ​ദാ​സനെ അറിയി​ക്കേ​ണ്ട​താണ്‌. സാഹച​ര്യ​ങ്ങൾക്ക​നു​സ​രിച്ച്‌ ഗ്രൂപ്പ്‌ മേൽവി​ചാ​ര​ക​നോ പ്രചാ​ര​ക​നോ വീണ്ടും പ്രവർത്തി​ക്കാ​നാ​യി ആ പ്രദേ​ശം​തന്നെ കൈവ​ശം​വെ​ക്കാ​നാ​യേ​ക്കും. അല്ലാത്ത​പക്ഷം അതു പ്രദേ​ശ​ദാ​സനു തിരി​ച്ചു​കൊ​ടു​ക്കുക.

³⁴ സഭയോ​ടൊത്ത്‌ സഹവസി​ക്കുന്ന എല്ലാവ​രും സഹകരി​ക്കു​ക​യാ​ണെ​ങ്കിൽ സഭാ​പ്ര​ദേശം സമഗ്ര​മാ​യി പ്രവർത്തി​ച്ചു​തീർക്കാൻ കഴിയും. രണ്ടോ അതില​ധി​ക​മോ പ്രചാ​രകർ ഒരേ സമയത്ത്‌ ഒരു പ്രദേ​ശം​തന്നെ പ്രവർത്തി​ക്കു​ന്നത്‌ ഒഴിവാ​ക്കാ​നും കഴിയും. അല്ലാത്ത​പക്ഷം അതു വീട്ടു​കാ​രെ അസ്വസ്ഥ​രാ​ക്കാൻ ഇടയുണ്ട്‌. അങ്ങനെ നമുക്കു നമ്മുടെ സഹോ​ദ​ര​ങ്ങ​ളോ​ടും പ്രദേ​ശ​വാ​സി​ക​ളോ​ടും പരിഗണന കാണി​ക്കാം.

എല്ലാ ഭാഷക്കാ​രോ​ടും പ്രസം​ഗി​ക്കാൻ സഹകരിച്ച്‌ പ്രവർത്തി​ക്കു​ക

³⁵ എല്ലാവ​രും യഹോ​വ​യെ​ക്കു​റി​ച്ചും പുത്ര​നെ​ക്കു​റി​ച്ചും ദൈവ​രാ​ജ്യ​ത്തെ​ക്കു​റി​ച്ചും പഠി​ക്കേ​ണ്ട​തുണ്ട്‌. (വെളി. 14:6, 7) രക്ഷയ്‌ക്കാ​യി യഹോ​വ​യു​ടെ പേര്‌ വിളി​ച്ച​പേ​ക്ഷി​ക്കാ​നും ക്രിസ്‌തീ​യ​വ്യ​ക്തി​ത്വം ധരിക്കാ​നും എല്ലാ ഭാഷക്കാ​രെ​യും സഹായി​ക്കാൻ നമുക്ക്‌ അതിയായ താത്‌പ​ര്യ​മുണ്ട്‌. (റോമ. 10:12, 13; കൊലോ. 3:10, 11) പല ഭാഷക്കാ​രുള്ള പ്രദേ​ശ​ങ്ങ​ളിൽ സന്തോ​ഷ​വാർത്ത പ്രസം​ഗി​ക്കു​മ്പോൾ നേരി​ട്ടേ​ക്കാ​വുന്ന ചില പ്രതി​ബ​ന്ധങ്ങൾ ഏതൊ​ക്കെ​യാണ്‌? കഴിയു​ന്നത്ര ആളുക​ളോട്‌ അവർക്ക്‌ ഏറ്റവും നന്നായി മനസ്സി​ലാ​കുന്ന ഭാഷയിൽ ദൈവ​രാ​ജ്യ​സ​ന്ദേശം അറിയി​ക്കുക എന്ന ഈ വെല്ലു​വി​ളി നമുക്ക്‌ എങ്ങനെ കൈകാ​ര്യം ചെയ്യാം?—റോമ. 10:14.

³⁶ ഭാഷയു​ടെ അടിസ്ഥാ​ന​ത്തി​ലാണ്‌ ഓരോ സഭയ്‌ക്കും പ്രദേശം നിയമി​ച്ചു​കൊ​ടു​ക്കു​ന്നത്‌. അതു​കൊണ്ട്‌ പല ഭാഷക്കാ​രായ ആളുകൾ താമസി​ക്കുന്ന പ്രദേ​ശ​ങ്ങ​ളിൽ വ്യത്യസ്‌ത​സ​ഭ​ക​ളിൽനി​ന്നുള്ള പ്രചാ​രകർ പ്രവർത്തി​ച്ചേ​ക്കാം. എന്നാൽ ഓരോ സഭയി​ലെ​യും പ്രചാ​രകർ തങ്ങളുടെ ഭാഷ സംസാ​രി​ക്കു​ന്ന​വ​രോ​ടു മാത്രം സന്തോ​ഷ​വാർത്ത അറിയി​ക്കാൻ ശ്രദ്ധി​ക്കു​ന്ന​താ​യി​രി​ക്കും ഏറെ നല്ലത്‌. ഓരോ വർഷവും ക്ഷണക്കത്തു​കൾ വിതരണം ചെയ്യുന്ന പ്രചാ​ര​ണ​പ​രി​പാ​ടി​ക​ളും ഇതു​പോ​ലെ ചെയ്യാ​വു​ന്ന​താണ്‌. എന്നാൽ, പരസ്യ​സാ​ക്ഷീ​ക​ര​ണ​ത്തി​ലും അനൗപ​ചാ​രി​ക​സാ​ക്ഷീ​ക​ര​ണ​ത്തി​ലും ഏർപ്പെ​ടു​മ്പോൾ, കണ്ടുമു​ട്ടുന്ന ഏതു ഭാഷക്കാ​രോ​ടും പ്രചാ​ര​കർക്കു സംസാ​രി​ക്കാ​നും പ്രസി​ദ്ധീ​ക​ര​ണങ്ങൾ കൊടു​ക്കാ​നും കഴിയും.

³⁷ ചില സാഹച​ര്യ​ങ്ങ​ളിൽ അന്യഭാ​ഷാ​സ​ഭ​കൾക്ക്‌, ദൂരെ​യുള്ള അവരുടെ ഒരു പ്രദേശം ക്രമമാ​യി പ്രവർത്തി​ച്ചു​തീർക്കാൻ കഴിയു​ന്നി​ല്ലെ​ങ്കി​ലോ? അത്തരം സാഹച​ര്യ​ങ്ങ​ളിൽ ഉൾപ്പെ​ട്ടി​രി​ക്കുന്ന സഭകളി​ലെ സേവന​മേൽവി​ചാ​ര​ക​ന്മാർ, പ്രദേശം പ്രവർത്തി​ച്ചു​തീർക്കു​ന്ന​തിന്‌ അന്യോ​ന്യം സ്വീകാ​ര്യ​മായ ഒരു പരിഹാ​രം ചർച്ച ചെയ്‌ത്‌ കണ്ടെത്തണം. ഇങ്ങനെ​യാ​കു​മ്പോൾ എല്ലാവർക്കും ദൈവ​രാ​ജ്യ​സ​ന്ദേശം കേൾക്കാ​നുള്ള അവസരം കിട്ടും. അതേസ​മയം ഒരേ വീടു​ക​ളിൽത്തന്നെ അനാവ​ശ്യ​മാ​യി വീണ്ടും​വീ​ണ്ടും ചെല്ലു​ന്നത്‌ ഒഴിവാ​ക്കാ​നും സാധി​ക്കും.​—സുഭാ. 15:22.

³⁸ നമ്മൾ കണ്ടുമു​ട്ടുന്ന വ്യക്തി മറ്റൊരു ഭാഷ സംസാ​രി​ക്കുന്ന ആളാ​ണെ​ങ്കി​ലോ? അദ്ദേഹ​ത്തി​ന്റെ ഭാഷ സംസാ​രി​ക്കുന്ന ആരെങ്കി​ലും വന്ന്‌ സന്തോ​ഷ​വാർത്ത അറിയി​ച്ചു​കൊ​ള്ളു​മെന്നു ചിന്തി​ക്ക​രുത്‌. ചില പ്രചാ​രകർ തങ്ങളുടെ പ്രദേ​ശത്ത്‌ കൂടെ​ക്കൂ​ടെ കണ്ടുമു​ട്ടാ​റു​ള്ള​വ​രു​ടെ ഭാഷയി​ലുള്ള ലളിത​മായ ഒരു അവതരണം പഠിച്ചു​വെ​ക്കാ​റുണ്ട്‌. നമ്മുടെ ഔദ്യോ​ഗി​ക​വെബ്‌സൈ​റ്റായ jw.org-ൽനിന്ന്‌ അദ്ദേഹ​ത്തി​ന്റെ ഭാഷയി​ലുള്ള പ്രസി​ദ്ധീ​ക​ര​ണങ്ങൾ എങ്ങനെ വായി​ക്കാ​മെ​ന്നും ഡൗൺലോഡ്‌ ചെയ്യാ​മെ​ന്നും കാണി​ച്ചു​കൊ​ടു​ക്കുക. അല്ലെങ്കിൽ അദ്ദേഹ​ത്തി​ന്റെ ഭാഷയി​ലുള്ള പ്രസി​ദ്ധീ​ക​ര​ണ​ങ്ങ​ളു​മാ​യി മടങ്ങി​വ​രാ​മെന്നു പറയുക.

³⁹ നമ്മൾ കണ്ടുമു​ട്ടുന്ന വ്യക്തി യഥാർഥ​താത്‌പ​ര്യം കാണി​ച്ചാൽ, അദ്ദേഹ​ത്തി​നു മനസ്സി​ലാ​കുന്ന ഒരു ഭാഷയിൽ അദ്ദേഹത്തെ സഹായി​ക്കാൻ കഴിയുന്ന ആരെ​യെ​ങ്കി​ലും കണ്ടെത്തുക. കൂടാതെ, അദ്ദേഹ​ത്തി​ന്റെ ഭാഷയിൽ യോഗങ്ങൾ നടക്കുന്ന ഏറ്റവും അടുത്ത സ്ഥലം എവി​ടെ​യാ​ണെ​ന്നും പറഞ്ഞു​കൊ​ടു​ക്കുക. തന്റെ ഭാഷ അറിയാ​വുന്ന ആരെങ്കി​ലു​മാ​യി സംസാ​രി​ക്കാൻ അദ്ദേഹ​ത്തിന്‌ ആഗ്രഹ​മു​ണ്ടെ​ങ്കിൽ, അവർക്കു താനു​മാ​യി ബന്ധപ്പെ​ടാ​നുള്ള വിവരങ്ങൾ jw.org-ൽ എങ്ങനെ നൽകാ​മെന്നു കാണി​ച്ചു​കൊ​ടു​ക്കുക. താത്‌പ​ര്യം കാണിച്ച വ്യക്തിയെ സഹായി​ക്കാ​നാ​യി, അടുത്ത പ്രദേ​ശ​ത്തുള്ള ഒരു പ്രചാ​ര​ക​നെ​യോ ഗ്രൂപ്പി​നെ​യോ സഭയെ​യോ കണ്ടെത്താൻ ബ്രാ​ഞ്ചോ​ഫീസ്‌ ശ്രമി​ക്കും.

⁴⁰ തന്റെ ഭാഷക്കാ​ര​നായ ഒരാൾ തന്നെ സന്ദർശി​ച്ചെ​ന്നോ താനു​മാ​യി സമ്പർക്ക​ത്തിൽ വന്നെന്നോ താത്‌പ​ര്യ​ക്കാ​രൻ അറിയി​ക്കു​ന്ന​തു​വരെ നമ്മൾ അദ്ദേഹത്തെ സന്ദർശി​ച്ചു​കൊ​ണ്ടി​രി​ക്കണം. ബ്രാ​ഞ്ചോ​ഫീ​സിന്‌ അദ്ദേഹ​ത്തി​ന്റെ ഭാഷയി​ലുള്ള ആരെയും കണ്ടെത്താൻ കഴിയു​ന്നി​ല്ലെ​ങ്കിൽ അക്കാര്യം ബന്ധപ്പെട്ട സഭയിലെ മൂപ്പന്മാ​രെ അറിയി​ക്കും. ഈ സാഹച​ര്യ​ത്തിൽ വീട്ടു​കാ​രന്റെ താത്‌പ​ര്യം തുടർന്നും നിലനി​റു​ത്തേ​ണ്ട​തി​ന്റെ ഉത്തരവാ​ദി​ത്വം നമുക്കാണ്‌. സാധ്യ​മെ​ങ്കിൽ, അദ്ദേഹ​ത്തി​ന്റെ ഭാഷയി​ലുള്ള ഒരു പ്രസി​ദ്ധീ​ക​രണം ഉപയോ​ഗിച്ച്‌ നമുക്ക്‌ അദ്ദേഹ​ത്തോ​ടൊ​പ്പം ബൈബിൾ പഠിക്കാ​നാ​കും. ചിത്രങ്ങൾ നന്നായി ഉപയോ​ഗി​ക്കുക. ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​കൾ അദ്ദേഹം വായി​ക്കട്ടെ. അപ്പോൾ അദ്ദേഹ​ത്തി​നു കുറ​ച്ചൊ​ക്കെ ബൈബിൾ ആശയങ്ങൾ ഗ്രഹി​ക്കാൻ കഴിയും. ഇനി, അദ്ദേഹ​ത്തി​ന്റെ വീട്ടിലെ ആർക്കെ​ങ്കി​ലും നിങ്ങളു​ടെ ഭാഷകൂ​ടി അറിയാ​മെ​ങ്കിൽ നിങ്ങൾ പറയു​ന്നതു തർജമ ചെയ്‌തു​കൊ​ടു​ക്കാ​മോ എന്ന്‌ അയാ​ളോ​ടു ചോദി​ക്കാ​വു​ന്ന​താണ്‌.

⁴¹ താത്‌പ​ര്യ​മുള്ള ഒരു വ്യക്തിയെ സംഘട​ന​യി​ലേക്കു നയിക്ക​ണ​മെ​ങ്കിൽ അദ്ദേഹത്തെ യോഗ​ങ്ങൾക്കു ക്ഷണിക്കണം; യോഗ​പ​രി​പാ​ടി​കൾ മുഴുവൻ അദ്ദേഹ​ത്തി​നു മനസ്സി​ലാ​കു​ന്നി​ല്ലെ​ങ്കിൽപ്പോ​ലും. തിരു​വെ​ഴു​ത്തു​കൾ വായി​ക്കു​മ്പോൾ അദ്ദേഹ​ത്തി​ന്റെ ഭാഷയി​ലുള്ള ഒരു ബൈബി​ളു​ണ്ടെ​ങ്കിൽ അതു തുറന്ന്‌ വാക്യങ്ങൾ കാണി​ച്ചു​കൊ​ടു​ക്കാ​വു​ന്ന​താണ്‌. സഭയി​ലുള്ള സഹോ​ദ​ര​ങ്ങ​ളു​മാ​യി സഹവസി​ക്കു​ന്ന​തു​തന്നെ ആ വ്യക്തിയെ ആത്മീയ​മാ​യി ബലപ്പെ​ടു​ത്തും. കൂടുതൽ പുരോ​ഗ​മി​ക്കാൻ സഹായി​ക്കു​ക​യും ചെയ്യും.

⁴² പ്രീ-ഗ്രൂപ്പു​കൾ: സഭയു​ടേ​ത​ല്ലാത്ത ഭാഷയിൽ പ്രസം​ഗ​പ്ര​വർത്തനം നടത്തുന്ന പ്രചാ​ര​ക​രു​ടെ ഒരു കൂട്ടമാണ്‌ പ്രീ-ഗ്രൂപ്പ്‌. ആ ഭാഷയിൽ സഭാ​യോ​ഗങ്ങൾ നടത്താൻ പ്രാപ്‌ത​നായ ഒരു മൂപ്പനോ ശുശ്രൂ​ഷാ​ദാ​സ​നോ അവിടെ ഉണ്ടായി​രി​ക്ക​ണ​മെ​ന്നില്ല. ബ്രാ​ഞ്ചോ​ഫീസ്‌ ഒരു സഭയിൽ പ്രീ-ഗ്രൂപ്പിന്‌ അംഗീ​കാ​രം നൽകു​ന്നതു പിൻവ​രുന്ന കാര്യ​ങ്ങ​ളു​ടെ അടിസ്ഥാ​ന​ത്തി​ലാ​യി​രി​ക്കും:

1. (1) ആ സഭയു​ടേ​ത​ല്ലാത്ത ഭാഷ സംസാരിക്കുന്ന സാമാന്യം വലി​യൊ​രു കൂട്ടം ആളുകൾ ആ പ്രദേ​ശ​ത്തു​ണ്ടാ​യി​രി​ക്കണം.

2. (2) പ്രചാ​ര​ക​രിൽ കുറച്ച്‌ പേർക്കെ​ങ്കി​ലും ആ ഭാഷ അറിയാ​മാ​യി​രി​ക്കണം; അല്ലെങ്കിൽ കുറച്ച്‌ പ്രചാരകരെങ്കിലും ആ ഭാഷ പഠിക്കാൻ തയ്യാറായിരിക്കണം.

3. (3) ആ ഭാഷയിൽ പ്രസം​ഗ​പ്ര​വർത്തനം സംഘടിപ്പിക്കാൻ മൂപ്പന്മാ​രു​ടെ സംഘം ഒരുക്ക​മാ​യി​രി​ക്കണം.

ഒരു പ്രീ-ഗ്രൂപ്പി​നെ പിന്തു​ണയ്‌ക്കാൻ മൂപ്പന്മാ​രു​ടെ സംഘം ആഗ്രഹി​ക്കു​ന്നെ​ങ്കിൽ അവർ അതെക്കു​റിച്ച്‌ സർക്കിട്ട്‌ മേൽവി​ചാ​ര​ക​നു​മാ​യി സംസാ​രി​ക്കേ​ണ്ട​താണ്‌. ആ ഭാഷക്കാ​രോ​ടു പ്രസം​ഗി​ക്കാൻ ശ്രമി​ക്കുന്ന മറ്റു സഭക​ളെ​ക്കു​റിച്ച്‌ അദ്ദേഹ​ത്തിന്‌ അറിയാ​മാ​യി​രി​ക്കും. അതു​കൊ​ണ്ടു​തന്നെ ഈ പ്രീ-ഗ്രൂപ്പി​നെ പിന്തു​ണയ്‌ക്കാൻ ഏറ്റവും പറ്റിയ സഭ ഏതാ​ണെന്നു തീരു​മാ​നി​ക്കാൻ ആവശ്യ​മായ വിവരങ്ങൾ നൽകാൻ അദ്ദേഹ​ത്തി​നാ​കും. അത്‌ ഏതു സഭയാ​ണെന്നു തീരു​മാ​നി​ച്ചു​ക​ഴി​ഞ്ഞാൽ, ആ സഭയിൽ ഒരു പ്രീ-ഗ്രൂപ്പിന്‌ ഔദ്യോ​ഗിക അംഗീ​കാ​രം നൽകാൻ അപേക്ഷി​ച്ചു​കൊണ്ട്‌ മൂപ്പന്മാർ ബ്രാ​ഞ്ചോ​ഫീ​സിന്‌ ഒരു കത്ത്‌ അയയ്‌ക്കും.

⁴³ ഗ്രൂപ്പു​കൾ: ബ്രാ​ഞ്ചോ​ഫീസ്‌ ഒരു സഭയിൽ പുതി​യൊ​രു ഗ്രൂപ്പിന്‌ അംഗീ​കാ​രം നൽകു​ന്നതു പിൻവ​രുന്ന കാര്യ​ങ്ങ​ളു​ടെ അടിസ്ഥാ​ന​ത്തി​ലാ​യി​രി​ക്കും:

1. (1) ആ പ്രത്യേക ഭാഷാ​വ​യ​ലിൽ വേണ്ടത്ര താത്‌പ​ര്യ​ക്കാ​രു​ണ്ടാ​യി​രി​ക്കണം, അവിടെ വളർച്ചയ്‌ക്കുള്ള സാധ്യ​ത​യു​മു​ണ്ടാ​യി​രി​ക്കണം.

2. (2) പ്രചാ​ര​ക​രിൽ കുറച്ച്‌ പേരെ​ങ്കി​ലും ആ ഭാഷ സംസാ​രി​ക്കു​ന്ന​വ​രാ​യി​രി​ക്കണം; അല്ലെങ്കിൽ അവർ ആ ഭാഷ പഠിക്കു​ന്നു​ണ്ടാ​യി​രി​ക്കണം.

3. (3) ആ ഭാഷയിൽ ആഴ്‌ച​യി​ലെ ഒരു യോഗമെ ങ്കിലും—അല്ലെങ്കിൽ പൊതു​പ്ര​സം​ഗ​മോ വീക്ഷാ​ഗോ​പു​ര​പ​ഠ​ന​മോ പോലെ യോഗത്തിന്റെ ഒരു ഭാഗ​മെ​ങ്കി​ലും—നടത്താ​നും ഗ്രൂപ്പിൽ നേതൃ​ത്വ​മെ​ടു​ക്കാ​നും യോഗ്യ​ത​യുള്ള ഒരു മൂപ്പനോ ശുശ്രൂ​ഷാ​ദാ​സ​നോ ഉണ്ടായി​രി​ക്കണം.

ന്യായ​മാ​യ അളവിൽ ഈ ഘടകങ്ങ​ളെ​ല്ലാം ഒത്തിണ​ങ്ങു​ന്ന​താ​യി കണ്ടാൽ മുഴുവൻ വിശദാം​ശ​ങ്ങ​ളും സഹിതം മൂപ്പന്മാ​രു​ടെ സംഘം ബ്രാ​ഞ്ചോ​ഫീ​സിന്‌ കത്ത്‌ അയയ്‌ക്കും. സഭയിൽ ഒരു ഗ്രൂപ്പിന്‌ ഔദ്യോ​ഗിക അംഗീ​കാ​രം ലഭിക്കു​ന്ന​തി​നാ​യുള്ള അപേക്ഷ​യാ​യി​രി​ക്കും ആ കത്ത്‌. ഗ്രൂപ്പിൽ നേതൃ​ത്വ​മെ​ടു​ക്കു​ന്നതു മൂപ്പനാ​ണെ​ങ്കിൽ “ഗ്രൂപ്പ്‌ മേൽവി​ചാ​രകൻ” എന്നും ശുശ്രൂ​ഷാ​ദാ​സ​നാ​ണെ​ങ്കിൽ “ഗ്രൂപ്പ്‌ ദാസൻ” എന്നും അറിയ​പ്പെ​ടും. ആ വ്യക്തി​ക്കാ​യി​രി​ക്കും ഗ്രൂപ്പി​നു വേണ്ട ശ്രദ്ധ നൽകാ​നുള്ള ചുമതല.

⁴⁴ കാല​ക്ര​മേണ സഭാ​യോ​ഗ​ങ്ങ​ളി​ലെ ഏതെല്ലാം ഭാഗങ്ങൾകൂ​ടെ ഗ്രൂപ്പി​ലെ യോഗ​ങ്ങ​ളിൽ ഉൾപ്പെ​ടു​ത്താ​മെ​ന്നും മാസത്തിൽ എത്ര തവണ യോഗങ്ങൾ നടത്താ​മെ​ന്നും, ഗ്രൂപ്പി​നെ പിന്തു​ണയ്‌ക്കുന്ന സഭയിലെ മൂപ്പന്മാ​രു​ടെ സംഘത്തി​നു തീരു​മാ​നി​ക്കാം. ഗ്രൂപ്പി​നു​വേണ്ടി വയൽസേ​വ​ന​യോ​ഗ​ങ്ങ​ളും ക്രമീ​ക​രി​ക്കാ​വു​ന്ന​താണ്‌. ഗ്രൂപ്പി​ലെ എല്ലാവ​രും, ഗ്രൂപ്പി​നെ പിന്തു​ണയ്‌ക്കുന്ന സഭയിലെ മൂപ്പന്മാ​രു​ടെ സംഘത്തി​ന്റെ മേൽനോ​ട്ട​ത്തിൻകീ​ഴി​ലാ​ണു പ്രവർത്തി​ക്കു​ന്നത്‌. മൂപ്പന്മാർ സമനി​ല​യുള്ള മാർഗ​നിർദേ​ശങ്ങൾ നൽകുന്നു. ഗ്രൂപ്പി​ലെ അംഗങ്ങൾക്കാ​യി കരുതാൻ മുൻകൈ​യെ​ടു​ക്കു​ക​യും ചെയ്യുന്നു. ഗ്രൂപ്പി​നെ പിന്തു​ണയ്‌ക്കുന്ന സഭയുടെ സന്ദർശ​ന​വാ​ര​ത്തിൽ സർക്കിട്ട്‌ മേൽവി​ചാ​രകൻ ആ ഗ്രൂപ്പി​നോ​ടൊ​പ്പ​വും പ്രവർത്തി​ക്കും. ഗ്രൂപ്പി​ന്റെ പുരോ​ഗ​തി​യെ​ക്കു​റി​ച്ചും ഏതെങ്കി​ലും പ്രത്യേ​കാ​വ​ശ്യ​ങ്ങ​ളു​ണ്ടെ​ങ്കിൽ അതെക്കു​റി​ച്ചും അദ്ദേഹം ബ്രാഞ്ചി​നെ അറിയി​ക്കും. കാല​ക്ര​മ​ത്തിൽ ഗ്രൂപ്പ്‌ ഒരു സഭയാ​യി​ത്തീർന്നേ​ക്കാം. ഉൾപ്പെ​ട്ടി​രി​ക്കുന്ന എല്ലാവ​രും സംഘടന നൽകുന്ന നിർദേ​ശങ്ങൾ അനുസ​രി​ക്കു​മ്പോൾ യഹോവ അതിൽ പ്രസാ​ദി​ക്കും.​—1 കൊരി. 1:10; 3:5, 6.

കൂട്ടസാ​ക്ഷീ​ക​ര​ണം

⁴⁵ സമർപ്പി​ത​ക്രിസ്‌ത്യാ​നി​കൾക്ക്‌ ആളുകളെ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കാ​നുള്ള വ്യക്തി​പ​ര​മായ ഉത്തരവാ​ദി​ത്വ​മുണ്ട്‌. അവർക്ക്‌ ഇതു പല വിധത്തിൽ ചെയ്യാം. നമ്മിൽ മിക്കവ​രും സഹവി​ശ്വാ​സി​ക​ളു​ടെ​കൂ​ടെ വയലിൽ പോകാൻ ഇഷ്ടപ്പെ​ടു​ന്ന​വ​രാണ്‌. (ലൂക്കോ. 10:1) അതു​കൊ​ണ്ടു​തന്നെ സഭ വാരാ​ന്ത​ങ്ങ​ളി​ലും ഇടദി​വ​സ​ങ്ങ​ളി​ലും വയൽസേ​വ​ന​ത്തി​നാ​യി കൂടി​വ​രും. അവധി​ദി​വ​സ​ങ്ങ​ളിൽ പല സഹോ​ദ​ര​ങ്ങൾക്കും സേവന​ത്തി​നു സമയം കിട്ടു​മെ​ന്ന​തി​നാൽ ഒന്നിച്ച്‌ കൂടി​വ​ന്നിട്ട്‌ സാക്ഷീ​ക​ര​ണ​ത്തി​നു പോകാൻ പറ്റിയ അവസര​ങ്ങ​ളാണ്‌ അവ. സഭാ സേവന​ക്ക​മ്മി​റ്റി​യാ​യി​രി​ക്കും സൗകര്യ​പ്ര​ദ​മായ സമയത്തും സ്ഥലത്തും വയൽസേ​വ​ന​യോ​ഗങ്ങൾ ക്രമീ​ക​രി​ക്കു​ന്നത്‌. സായാ​ഹ്ന​സാ​ക്ഷീ​ക​ര​ണ​ത്തി​നാ​യും അവർ ഇത്തരത്തിൽ യോഗങ്ങൾ ക്രമീ​ക​രി​ക്കും.

⁴⁶ ഒന്നിച്ച്‌ കൂടി​വ​ന്നിട്ട്‌ സാക്ഷീ​ക​ര​ണ​ത്തി​നു പോകു​ന്നതു പ്രചാ​ര​കർക്കു പലരോ​ടൊ​പ്പം പ്രവർത്തി​ക്കാ​നും “പരസ്‌പരം പ്രോ​ത്സാ​ഹനം” നൽകാ​നും അവസരം ഒരുക്കു​ന്നു. (റോമ. 1:12) പുതിയ പ്രചാ​ര​കർക്കു സമർഥ​രും പരിച​യ​സ​മ്പ​ന്ന​രും ആയവ​രോ​ടൊത്ത്‌ പ്രവർത്തിച്ച്‌ പരിശീ​ലനം നേടാ​വു​ന്ന​താണ്‌. ചില പ്രദേ​ശ​ങ്ങ​ളിൽ സുരക്ഷ​യെ​പ്രതി രണ്ടോ അതിൽക്കൂ​ടു​ത​ലോ പ്രചാ​രകർ പോകു​ന്ന​താ​യി​രി​ക്കും ഉചിതം. പ്രദേ​ശത്ത്‌ ഒറ്റയ്‌ക്കു പ്രവർത്തി​ക്കാ​നാ​ണു നിങ്ങൾ ആലോ​ചി​ക്കു​ന്ന​തെ​ങ്കിൽപ്പോ​ലും ഒരു കൂട്ട​ത്തോ​ടൊ​പ്പം കൂടി​വ​ന്നിട്ട്‌ പോകു​ന്നത്‌ അവർക്കും നിങ്ങൾക്കും ഒരു പ്രോ​ത്സാ​ഹ​ന​മാ​യി​രി​ക്കും. മറ്റുള്ളവർ അടുത്ത സ്ഥലങ്ങളിൽ പ്രവർത്തി​ക്കു​ന്നു​ണ്ടെന്ന്‌ അറിയു​ന്ന​തു​തന്നെ നിങ്ങൾക്കു ധൈര്യ​വും ആത്മവി​ശ്വാ​സ​വും പകരും. സഭ ക്രമീ​ക​രി​ച്ചി​രി​ക്കുന്ന എല്ലാ വയൽസേ​വ​ന​യോ​ഗ​ങ്ങ​ളി​ലും പങ്കെടു​ക്കാൻ തങ്ങൾക്കു കടപ്പാ​ടു​ണ്ടെന്നു മുൻനി​ര​സേ​വ​ക​രും മറ്റു സഹോ​ദ​ര​ങ്ങ​ളും കരു​തേ​ണ്ട​തില്ല, വിശേ​ഷി​ച്ചും എല്ലാ ദിവസ​വും വയൽസേ​വ​ന​യോ​ഗം ക്രമീ​ക​രി​ച്ചി​ട്ടു​ണ്ടെ​ങ്കിൽ. എന്നിരു​ന്നാ​ലും ആഴ്‌ച​യി​ലെ ഏതാനും വയൽസേ​വ​ന​യോ​ഗ​ങ്ങ​ളി​ലെ​ങ്കി​ലും പങ്കെടു​ക്കാൻ അവർക്കു കഴി​ഞ്ഞേ​ക്കും.

⁴⁷ യേശുവും അപ്പോസ്‌തലന്മാരും വെച്ച മാതൃക നമുക്കെല്ലാം അനുകരിക്കാം. ദൈവരാജ്യത്തിന്റെ സന്തോഷവാർത്ത പ്രസം​ഗി​ക്കു​ക​യെന്ന അതി​പ്ര​ധാ​ന​മായ ഈ പ്രവർത്ത​ന​ത്തിൽ നല്ല ഒരു പങ്കുണ്ടാ​യി​രി​ക്കാൻ നമുക്കു ശ്രദ്ധി​ക്കാം. യഹോ​വ​യു​ടെ അനു​ഗ്രഹം നമുക്കു​ണ്ടാ​യി​രി​ക്കു​മെന്നു തീർച്ച​യാണ്‌.​—ലൂക്കോ. 9:57-62.