പല ഭാഷക്കാ​രുള്ള പ്രദേ​ശത്ത്‌ പരസ്‌പ​ര​ധാ​ര​ണ​യോ​ടെ പ്രവർത്തി​ക്കു​ക

തങ്ങളുടെ സ്വന്തം ഭാഷയിൽ രാജ്യ​സ​ന്ദേശം കേൾക്കു​മ്പോൾ ആളുകൾ അതു ശ്രദ്ധി​ക്കാ​നുള്ള സാധ്യത കൂടു​ത​ലാണ്‌. അതു​കൊ​ണ്ടാ​യി​രി​ക്കാം എ.ഡി. 33-ലെ പെന്തി​ക്കോസ്‌തിൽ “ആകാശ​ത്തി​നു കീഴെ​യുള്ള എല്ലാ രാജ്യ​ങ്ങ​ളിൽനി​ന്നും ഭക്തരായ ജൂതന്മാർ,” സാധ്യ​ത​യ​നു​സ​രിച്ച്‌ എബ്രാ​യ​യോ ഗ്രീക്കോ പോലുള്ള പൊതു​വായ ഒരു ഭാഷ സംസാ​രി​ക്കു​ന്ന​വ​രാ​യി​രു​ന്നെ​ങ്കി​ലും, യരുശ​ലേ​മിൽ വന്നപ്പോൾ അവരുടെ “സ്വന്തം ഭാഷയിൽ” സന്തോ​ഷ​വാർത്ത കേൾക്കാൻ യഹോവ അവസര​മൊ​രു​ക്കി​യത്‌. (പ്രവൃ 2:5, 8) ഇന്ന്‌ പല ഭാഷക്കാ​രുള്ള പ്രദേ​ശത്ത്‌, വ്യത്യസ്‌ത​ഭാ​ഷ​ക​ളി​ലുള്ള സഭകളു​ടെ വയൽസേവന പ്രദേശം ഇടകലർന്ന്‌ കിടക്കു​ക​യാ​യി​രി​ക്കാം. വ്യവസ്ഥാ​പി​ത​മ​ല്ലാത്ത രീതി​യിൽ പ്രവർത്തി​ച്ചു​കൊണ്ട്‌ വീട്ടു​കാ​രെ മുഷി​പ്പി​ക്കു​ന്നത്‌ ഒഴിവാ​ക്കാ​നും അതേസ​മയം എല്ലാവ​രെ​യും സന്തോ​ഷ​വാർത്ത അറിയി​ക്കാ​നും അത്തരം സഭകളി​ലെ പ്രചാ​ര​കർക്ക്‌ എങ്ങനെ സഹകരി​ച്ചു​പ്ര​വർത്തി​ക്കാം?

• 

  കൂടി​യാ​ലോ​ചി​ക്കുക (സുഭ 15:22): സന്തോ​ഷ​വാർത്ത അറിയി​ക്കു​ന്ന​തിന്‌ എല്ലാ സഭകൾക്കും സ്വീകാ​ര്യ​മായ ഒരു പദ്ധതി ആവിഷ്‌ക​രി​ക്കാൻ സേവന​മേൽവി​ചാ​ര​ക​ന്മാർ ഒരുമിച്ച്‌ കൂടി​വന്ന്‌ ആലോ​ചി​ക്കണം. മറ്റു ഭാഷയി​ലുള്ള സഭകളു​ടെ പ്രദേശം ചെറു​താ​ണെ​ങ്കിൽ, അവരുടെ ഭാഷാ​പ്ര​ദേ​ശ​ത്തുള്ള വീടു​ക​ളിൽ നിങ്ങൾ കയറാ​തി​രി​ക്കാൻ അവർ ആഗ്രഹി​ച്ചേ​ക്കാം. എന്നാൽ അവരുടെ പ്രദേശം വളരെ വലുതാണ്‌, അവരെ​ക്കൊണ്ട്‌ പ്രവർത്തി​ച്ചു​തീർക്കാൻ കഴിയു​ന്നില്ല, സാഹച​ര്യം അതാ​ണെ​ങ്കിൽ നിങ്ങൾ എല്ലാ വീട്ടി​ലും സന്തോ​ഷ​വാർത്ത അറിയി​ക്കാ​നും തങ്ങളുടെ ഭാഷാ​പ്ര​ദേ​ശത്തെ താത്‌പ​ര്യം കാണിച്ച ആളുക​ളു​ടെ വിവരങ്ങൾ നിങ്ങൾ കൈമാ​റാ​നും അവർ ആഗ്രഹി​ച്ചേ​ക്കാം. (od 93 ¶37) അല്ലെങ്കിൽ അവരുടെ ഭാഷ സംസാ​രി​ക്കുന്ന ആളുകളെ കണ്ടെത്താ​നും താത്‌പ​ര്യ​ക്കാ​രു​ടെ മേൽവി​ലാ​സം കൈമാ​റാ​നും നിങ്ങളു​ടെ സഭയോ​ടു അവർ സഹായം അഭ്യർഥി​ച്ചേ​ക്കാം. (km 7/12 5, ചതുരം) ചില വീടു​ക​ളിൽ, വീട്ടി​ലു​ള്ളവർ ഒന്നില​ധി​കം ഭാഷകൾ സംസാ​രി​ക്കു​ന്ന​വ​രാ​യി​രി​ക്കും എന്ന കാര്യ​വും മനസ്സിൽപ്പി​ടി​ക്കുക. ബന്ധപ്പെട്ട വിവര​സം​രക്ഷണ നിയമ​ങ്ങൾക്ക്‌ അനുസ​രി​ച്ചാ​യി​രി​ക്കണം പ്രദേശം പ്രവർത്തി​ച്ചു​തീർക്കാ​നുള്ള ക്രമീ​ക​ര​ണങ്ങൾ.

• 

  സഹകരിച്ച്‌ പ്രവർത്തി​ക്കുക (എഫ 4:16): സേവന മേൽവി​ചാ​രകൻ തരുന്ന എല്ലാ നിർദേ​ശ​ങ്ങ​ളും അനുസ​രി​ക്കുക. മറ്റൊരു ഭാഷ താത്‌പ​ര്യ​മുള്ള ഒരു വ്യക്തിക്കു നിങ്ങൾ ബൈബിൾപ​ഠനം നടത്തു​ന്നു​ണ്ടോ? അദ്ദേഹ​ത്തി​ന്റെ ഭാഷ സംസാ​രി​ക്കുന്ന, അടുത്തുള്ള ഒരു സഭയ്‌ക്കോ ഗ്രൂപ്പി​നോ ആ പഠനം കൈമാ​റു​ന്നെ​ങ്കിൽ ആ വ്യക്തി അൽപ്പം​കൂ​ടി വേഗത്തിൽ പുരോ​ഗതി പ്രാപി​ച്ചേ​ക്കാം.

• 

  തയ്യാറാ​കുക (സുഭ 15:28; 16:1): നിങ്ങളു​ടെ പ്രദേ​ശത്ത്‌ നിങ്ങൾ കണ്ടുമു​ട്ടുന്ന ഒരു വീട്ടു​കാ​രൻ മറ്റൊരു ഭാഷ സംസാ​രി​ക്കു​ന്ന​യാ​ളാ​ണെ​ങ്കിൽ, നിങ്ങളാ​ലാ​കു​ന്ന​തു​പോ​ലെ സന്തോ​ഷ​വാർത്ത അറിയി​ക്കുക. നിങ്ങളു​ടെ പ്രദേ​ശത്ത്‌ ഏതൊക്കെ ഭാഷകൾ സംസാ​രി​ക്കുന്ന ആളുക​ളാ​ണു​ള്ള​തെന്ന്‌ ചിന്തി​ച്ചിട്ട്‌ നിങ്ങളു​ടെ മൊ​ബൈൽ ഫോണി​ലോ ടാബി​ലോ ആ ഭാഷയി​ലുള്ള പ്രസി​ദ്ധീ​ക​ര​ണങ്ങൾ നേര​ത്തേ​തന്നെ ഡൗൺലോഡ്‌ ചെയ്യുക. വേറെ ചില ഭാഷക​ളിൽക്കൂ​ടി അഭിവാ​ദനം ചെയ്യാൻ പഠിക്കു​ന്ന​തി​നു JW ഭാഷാ​സ​ഹാ​യി ആപ്ലി​ക്കേഷൻ നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌.