‘മനസ്സലിവ്‌ ഉള്ളവരാ​യി​രി​ക്കു​വിൻ’

1. ഇന്ന്‌ ആളുകൾക്ക്‌ എന്ത്‌ ആവശ്യ​മാണ്‌?

¹ ചരി​ത്ര​ത്തിൽ മുമ്പൊ​രി​ക്ക​ലും മനുഷ്യർ ഇത്ര ദുഷ്‌ക​ര​മായ അവസ്ഥയി​ലാ​യി​രു​ന്നി​ട്ടില്ല. അനുദി​നം വഷളാ​യി​ക്കൊ​ണ്ടി​രി​ക്കുന്ന ലോക​രം​ഗം ജനങ്ങളെ അസന്തു​ഷ്ടി​യി​ലേ​ക്കും വിഷാ​ദ​ത്തി​ലേ​ക്കും നിരാ​ശ​യി​ലേ​ക്കും തള്ളിവി​ട്ടി​രി​ക്കു​ന്നു. ദശലക്ഷങ്ങൾ സഹായ​ത്തി​നാ​യി കേഴു​ക​യാണ്‌. അവരിൽ ആത്മാർഥ​മായ താത്‌പ​ര്യം കാണി​ക്കാ​നും ആവശ്യ​മായ സഹായം നൽകാ​നും പറ്റിയ സ്ഥാനത്താണ്‌ ക്രിസ്‌ത്യാ​നി​ക​ളായ നാം. (മത്താ. 22:39; ഗലാ. 6:10) ആകട്ടെ, അവരുടെ ക്ഷേമത്തിൽ താത്‌പ​ര്യ​മു​ണ്ടെന്നു കാണി​ക്കാൻ നമു​ക്കെന്തു ചെയ്യാ​നാ​കും?

2. മനസ്സലിവ്‌ പ്രകടി​പ്പി​ക്കാ​നുള്ള ഏറ്റവും പറ്റിയ മാർഗം ഏതാണ്‌?

² അനുകമ്പ പ്രതി​ഫ​ലി​ക്കുന്ന ഒരു വേല: യഹോ​വ​യാണ്‌ യഥാർഥ​വും നിലനിൽക്കു​ന്ന​തും ആയ ആശ്വാ​സ​ത്തി​ന്റെ ഏക ഉറവിടം. (2 കൊരി. 1:3, 4) സഹാനു​ഭൂ​തി​യുള്ള നമ്മുടെ ദൈവം, ‘മനസ്സലിവ്‌’ ഉള്ളവരാ​യി​രു​ന്നു​കൊണ്ട്‌ അവനെ അനുക​രി​ക്കാൻ നമ്മെ ഉദ്‌ബോ​ധി​പ്പി​ക്കു​ന്നു. (1 പത്രോ. 3:8) ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത മറ്റുള്ള​വരെ അറിയി​ക്കാ​നുള്ള നിയമ​ന​വും അവൻ നമുക്കു നൽകി​യി​രി​ക്കു​ന്നു. ഈ വേലയിൽ സജീവ​മാ​യി പങ്കുപ​റ്റു​ന്ന​താണ്‌ “ഹൃദയം തകർന്ന​വരെ” ആശ്വസി​പ്പി​ക്കാ​നുള്ള ഏറ്റവും പറ്റിയ മാർഗം. കാരണം, കഷ്ടപ്പെ​ടുന്ന മനുഷ്യ​വർഗ​ത്തി​നുള്ള ഏക പ്രത്യാ​ശ​യാണ്‌ ദൈവ​രാ​ജ്യം. (യെശ. 61:1) തന്റെ ജനത്തോ​ടുള്ള അനുക​മ്പ​നി​മി​ത്തം യഹോവ പെട്ടെ​ന്നു​തന്നെ ഭൂമി​യിൽനിന്ന്‌ ദുഷ്ടത തുടച്ചു​നീ​ക്കു​ക​യും നീതി​യുള്ള ഒരു പുതിയ ലോകം സ്ഥാപി​ക്കു​ക​യും ചെയ്യും.—2 പത്രോ. 3:13.

3. യേശു ആളുകളെ വീക്ഷിച്ച വിധം നമുക്ക്‌ എങ്ങനെ അനുക​രി​ക്കാം?

³ യേശു വീക്ഷി​ച്ച​തു​പോ​ലെ ആളുകളെ വീക്ഷി​ക്കുക: വലിയ പുരു​ഷാ​ര​ത്തോ​ടു സംസാ​രി​ച്ച​പ്പോൾപ്പോ​ലും കേവലം ഒരുകൂ​ട്ടം ആളുക​ളാ​യി​ട്ടല്ല പിന്നെ​യോ ആത്മീയ വിശപ്പുള്ള വ്യക്തി​ക​ളാ​യി​ട്ടാണ്‌ യേശു അവരെ കണ്ടത്‌. ഇടയനി​ല്ലാത്ത ആടുക​ളെ​പ്പോ​ലെ​യാ​യി​രു​ന്നു അവർ. അവരുടെ അവസ്ഥ കണ്ട്‌ അവന്‌ അലിവു തോന്നി​യെ​ന്നും അവൻ പല കാര്യ​ങ്ങ​ളും അവരെ പഠിപ്പി​ച്ചെ​ന്നും തിരു​വെ​ഴു​ത്തു​കൾ പറയുന്നു. (മർക്കോ. 6:34) യേശു​വി​നെ അനുക​രി​ക്കു​ന്നെ​ങ്കിൽ ആളുകളെ വ്യക്തി​ക​ളെ​ന്ന​നി​ല​യിൽ വീക്ഷി​ക്കാ​നും അവരോട്‌ അനുകമ്പ കാണി​ക്കാ​നും നമുക്കാ​കും. നമ്മുടെ ശബ്ദത്തി​ലും മുഖഭാ​വ​ത്തി​ലു​മെ​ല്ലാം അതു പ്രതി​ഫ​ലി​ക്കും. മാത്രമല്ല പ്രസം​ഗ​വേ​ല​യ്‌ക്ക്‌ നാം ജീവി​ത​ത്തിൽ പ്രഥമ​സ്ഥാ​നം കൊടു​ക്കും. ഓരോ വ്യക്തി​യു​ടെ​യും സാഹച​ര്യ​ങ്ങൾ കണക്കി​ലെ​ടു​ത്തു​കൊണ്ട്‌ വാക്കുകൾ ശ്രദ്ധാ​പൂർവം തിര​ഞ്ഞെ​ടു​ക്കാ​നും നാം ശ്രമി​ക്കും.—1 കൊരി. 9:19-23.

4. നാം മനസ്സലിവ്‌ കാണി​ക്കു​ന്ന​തിൽ തുട​രേ​ണ്ടത്‌ എന്തു​കൊണ്ട്‌?

⁴ സകല ജനതക​ളിൽനി​ന്നു​മുള്ള ഒരു മഹാപു​രു​ഷാ​രം രാജ്യ​സ​ന്ദേശം സ്വീക​രി​ക്കു​ക​യും നാം അവരോ​ടു കാണി​ക്കുന്ന ആത്മാർഥ​മായ താത്‌പ​ര്യം വിലമ​തി​ക്കു​ക​യും ചെയ്യുന്നു എന്നത്‌ സന്തോ​ഷ​ക​ര​മല്ലേ? മനസ്സലിവ്‌ കാണി​ക്കു​ന്ന​തിൽ നാം തുടരു​ന്നെ​ങ്കിൽ അത്‌ മനസ്സലി​വുള്ള നമ്മുടെ ദൈവ​മായ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യും അവനു മഹത്ത്വം കരേറ്റു​ക​യും ചെയ്യും.—കൊലോ. 3:12.