വിത്തുകൾ മുളച്ചു​വ​ള​രാൻ അവ നനച്ചു​കൊ​ടു​ക്കണം

1. വിത്തുകൾ മുളച്ചു​വ​ള​രാൻ എന്ത്‌ ആവശ്യ​മാണ്‌?

¹ നമ്മുടെ തോട്ട​ത്തിൽ നാം പാകുന്ന വിത്തുകൾ മുളച്ചു​വ​ര​ണ​മെ​ങ്കിൽ അവ നനച്ചു​കൊ​ടു​ക്കണം. നമ്മുടെ പ്രദേ​ശത്തെ ആളുക​ളു​ടെ ഹൃദയ​ത്തിൽ നാം വിതച്ച വിത്തിന്റെ കാര്യ​ത്തി​ലും ഇതു സത്യമാണ്‌. (1 കൊരി. 3:6) മടങ്ങി​ച്ചെ​ല്ലു​ക​യും ദൈവ​വ​ചനം ഉപയോ​ഗിച്ച്‌ അവ നനയ്‌ക്കു​ക​യും ചെയ്‌തെ​ങ്കി​ലേ സത്യത്തി​ന്റെ ആ വിത്തുകൾ മുളച്ചു​വ​ളർന്ന്‌ ഫലം കായ്‌ക്കൂ.

2. മടക്കസ​ന്ദർശ​ന​ത്തിന്‌ അടിസ്ഥാ​ന​മി​ടാ​വു​ന്നത്‌ എങ്ങനെ?

² ഒരു ചോദ്യം ചോദി​ക്കുക: അവതര​ണങ്ങൾ തയ്യാറാ​കു​മ്പോൾ, മടക്കസ​ന്ദർശ​ന​ത്തിന്‌ അടിസ്ഥാ​ന​മി​ടാ​വു​ന്ന​തും വീട്ടു​കാ​ര​നിൽ ആകാംക്ഷ ജനിപ്പി​ക്കാൻപോ​ന്ന​തു​മായ ഒരു ചോദ്യ​വും കൂടെ കണ്ടുപി​ടി​ച്ചു​വെ​ക്കുക. സംഭാ​ഷ​ണ​ത്തി​നൊ​ടു​വിൽ വീട്ടു​കാ​ര​നോട്‌ ആ ചോദ്യം ചോദി​ക്കുക. ഉത്തരം നൽകാൻ മടങ്ങി​ച്ചെ​ല്ലാ​മെന്നു പറയുക; ദിവസ​വും സമയവും വീട്ടു​കാ​ര​നു​മാ​യി പറഞ്ഞൊ​ക്കുക. ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ ഏതെങ്കി​ലു​മൊ​രു വിഷയത്തെ അധിക​രി​ച്ചുള്ള ചോദ്യ​മാ​ണെ​ങ്കിൽ ഒരു ബൈബി​ള​ധ്യ​യ​നം​തന്നെ അവതരി​പ്പി​ച്ചു കാണി​ക്കാൻ കഴി​ഞ്ഞേ​ക്കു​മെന്ന്‌ പല പ്രസാ​ധ​ക​രു​ടെ​യും അനുഭവം തെളി​യി​ക്കു​ന്നു.

3. ആദ്യസ​ന്ദർശ​ന​ത്തി​നു​ശേഷം എന്തെല്ലാം കാര്യങ്ങൾ രേഖ​പ്പെ​ടു​ത്തി​വെ​ക്കണം?

³ രേഖയു​ണ്ടാ​ക്കുക: വീട്ടു​കാ​രൻ അനുകൂ​ല​മാ​യി പ്രതി​ക​രി​ച്ചാൽ, ആദ്യസ​ന്ദർശനം കഴിഞ്ഞ്‌ ഇറങ്ങി​യാ​ലു​ടൻ പിൻവ​രുന്ന കാര്യങ്ങൾ രേഖ​പ്പെ​ടു​ത്തി​വെ​ക്കാൻ മറക്കരുത്‌: വീട്ടു​കാ​രന്റെ പേര്‌, അഡ്രസ്സ്‌, സന്ദർശന തീയതി, സമയം, സംസാ​രിച്ച വിഷയം, സമർപ്പിച്ച സാഹി​ത്യം എന്നിവ. ഇനി, താൻ ഏതു മതസ്ഥനാ​ണെന്ന്‌ അദ്ദേഹം വെളി​പ്പെ​ടു​ത്തി​യി​രു​ന്നോ? അദ്ദേഹ​ത്തിന്‌ കുടും​ബ​മു​ണ്ടോ? തന്റെ താത്‌പ​ര്യ​ങ്ങ​ളെ​ക്കു​റിച്ച്‌ അദ്ദേഹം പറഞ്ഞോ? അദ്ദേഹത്തെ ആകുല​പ്പെ​ടു​ത്തുന്ന എന്തെങ്കി​ലും കാര്യ​ങ്ങ​ളു​ണ്ടോ? ഇങ്ങനെ​യുള്ള വിവരങ്ങൾ രേഖ​പ്പെ​ടു​ത്തി​വെ​ക്കു​ന്നത്‌, തുടർന്ന്‌ മടക്കസ​ന്ദർശ​നങ്ങൾ നടത്തു​മ്പോൾ എന്തെല്ലാം കാര്യങ്ങൾ സംഭാ​ഷ​ണ​ത്തിൽ ഉൾപ്പെ​ടു​ത്ത​ണ​മെന്നു തിട്ട​പ്പെ​ടു​ത്താൻ നിങ്ങളെ സഹായി​ക്കും. മടങ്ങി​ച്ചെ​ല്ലാ​മെന്ന്‌ പറഞ്ഞ സമയവും വീട്ടു​കാ​ര​നോട്‌ ചോദി​ച്ചി​ട്ടു​പോന്ന ചോദ്യ​വും എഴുതാൻ മറക്കരുത്‌.

4. സന്ദേശ​ത്തോ​ടു താത്‌പ​ര്യം കാണി​ച്ച​വരെ കണ്ടെത്താ​നാ​യി​ല്ലെ​ങ്കിൽ പെട്ടെന്ന്‌ ശ്രമം ഉപേക്ഷി​ക്ക​രു​താ​ത്തത്‌ എന്തു​കൊണ്ട്‌?

⁴ മടുത്തു​പി​ന്മാ​റ​രുത്‌: ആളുക​ളു​ടെ ഹൃദയ​ത്തിൽ വിതയ്‌ക്ക​പ്പെട്ട സത്യത്തി​ന്റെ വിത്ത്‌ ഏതുവി​ധേ​ന​യും ‘എടുത്തു​ക​ള​യാൻ’ ശ്രമി​ച്ചു​കൊ​ണ്ടി​രി​ക്കു​ക​യാണ്‌ സാത്താൻ. (മർക്കോ. 4:14, 15) അതു​കൊണ്ട്‌, താത്‌പ​ര്യം കാണിച്ച വ്യക്തിയെ വീട്ടിൽ കണ്ടെത്താ​നാ​കു​ന്നി​ല്ലെ​ങ്കിൽ പെട്ടെന്ന്‌ ശ്രമം ഉപേക്ഷി​ക്ക​രുത്‌. ഒരുപക്ഷേ ഒരു കത്ത്‌ അയയ്‌ക്കാ​നോ ഒരു കുറിപ്പ്‌ എഴുതി​വെ​ച്ചി​ട്ടു​പോ​രാ​നോ കഴി​ഞ്ഞേ​ക്കും. ഒരു പയനിയർ സഹോ​ദരി ഒരു സ്‌ത്രീക്ക്‌ ഒരു അധ്യയനം തുടങ്ങി​വെച്ചു. പക്ഷേ പിന്നീട്‌ ചെന്ന​പ്പോ​ഴൊ​ന്നും ആ സ്‌ത്രീ വീട്ടി​ലി​ല്ലാ​യി​രു​ന്നു. സഹോ​ദരി അവർക്ക്‌ ഒരു കത്തയച്ചു; ഒപ്പം ആ സ്‌ത്രീ​യെ കാണാ​നുള്ള ശ്രമം തുടരു​ക​യും ചെയ്‌തു. ഒടുവിൽ സഹോ​ദ​രിക്ക്‌ അവരെ കണ്ടെത്താ​നാ​യി. സഹോ​ദരി അയച്ച കത്ത്‌ കിട്ടി​യെ​ന്നും തന്റെ കാര്യ​ത്തിൽ ഇത്രയ​ധി​കം താത്‌പ​ര്യ​മെ​ടു​ത്ത​തിന്‌ അതിയായ നന്ദിയു​ണ്ടെ​ന്നും ആ സ്‌ത്രീ സഹോ​ദ​രി​യോ​ടു പറഞ്ഞു. സത്യത്തി​ന്റെ വിത്തുകൾ ഈ വിധത്തിൽ നനച്ചു​കൊ​ടു​ത്താൽ, അവ മുളച്ചു​വ​ളർന്ന്‌, “മുപ്പതും അറുപ​തും നൂറും മേനി വിളവു” നൽകു​ന്ന​തു​കണ്ട്‌ സന്തോ​ഷി​ക്കാൻ നമുക്കാ​കും.—മർക്കോ. 4:20.