അവധി​യെ​ടു​ക്കാത്ത വേലക്കാർ!

1. ഒന്നാം നൂറ്റാ​ണ്ടി​ലെ സുവി​ശേഷ ഘോഷകർ ശുശ്രൂ​ഷ​യിൽനിന്ന്‌ ഒരിക്ക​ലും അവധി​യെ​ടു​ത്തി​രു​ന്നി​ല്ലെന്ന്‌ നമുക്ക്‌ എങ്ങനെ അറിയാം?

¹ ഒന്നാം നൂറ്റാ​ണ്ടി​ലെ തീക്ഷ്‌ണ​രായ സുവി​ശേഷ ഘോഷകർ “അവിരാ​മം” സുവാർത്ത പ്രസം​ഗി​ച്ചു; ആളുകളെ കണ്ടുമു​ട്ടിയ സ്ഥലങ്ങളി​ലെ​ല്ലാം. (പ്രവൃ. 5:42) വീടു​കൾതോ​റും പോകു​ന്ന​തി​നി​ടെ വഴിയിൽവെച്ച്‌ കണ്ടുമു​ട്ടു​ന്ന​വ​രോ​ടും അവർ സുവാർത്ത പ്രസം​ഗി​ച്ചി​ട്ടു​ണ്ടാ​കും എന്ന കാര്യ​ത്തിൽ സംശയ​മില്ല. വയൽശു​ശ്രൂഷ കഴിഞ്ഞ്‌ മടങ്ങവെ ചന്തസ്ഥലത്ത്‌ സാധനങ്ങൾ വാങ്ങു​മ്പോ​ഴും സുവി​ശേഷം അറിയി​ക്കാ​നുള്ള അവസരങ്ങൾ അവർ പാഴാ​ക്കി​യി​ട്ടു​ണ്ടാ​വില്ല. ശുശ്രൂ​ഷ​യു​ടെ കാര്യ​ത്തിൽ യേശു​വി​നെ​പ്പോ​ലെ​യാ​യി​രു​ന്നു അവരും, ഒരിക്ക​ലും അവർ പ്രസം​ഗ​വേ​ല​യിൽനിന്ന്‌ അവധി​യെ​ടു​ത്തില്ല.—മർക്കോ. 6:31-34.

2. നമ്മുടെ പേരിനെ അന്വർഥ​മാ​ക്കും​വി​ധം ജീവി​ക്കു​ന്ന​തിൽ എന്ത്‌ ഉൾപ്പെ​ടു​ന്നു?

² സദാ സജ്ജരാ​യി​രി​ക്കുക: യഹോ​വ​യു​ടെ സാക്ഷികൾ എന്ന നമ്മുടെ പേര്‌ കേവലം നമ്മൾ എന്തു ചെയ്യുന്നു എന്നതി​നെ​ക്കാൾ, നമ്മൾ ആരാണ്‌ എന്നതി​നെ​യാണ്‌ കുറി​ക്കു​ന്നത്‌. (യെശ. 43:10-12) അതു​കൊണ്ട്‌, വീടു​തോ​റു​മുള്ള സാക്ഷീ​ക​ര​ണ​ത്തിൽ മാത്രമല്ല, മറ്റു സാഹച​ര്യ​ങ്ങ​ളി​ലും നമ്മുടെ പ്രത്യാ​ശ​യെ​ക്കു​റിച്ച്‌ വിശദീ​ക​രി​ക്കാൻ നാം ഒരുങ്ങി​യി​രി​ക്കണം. (1 പത്രോ. 3:15) അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ മുൻകൂ​ട്ടി​ക്കാ​ണാ​നും അതിനാ​യി തയ്യാറാ​കാ​നും നിങ്ങൾ ശ്രമി​ക്കാ​റു​ണ്ടോ? താത്‌പ​ര്യം കാണി​ക്കു​ന്ന​വർക്ക്‌ നൽകാ​നാ​യി നിങ്ങൾ സാഹി​ത്യ​ങ്ങൾ കൂടെ​ക്ക​രു​താ​റു​ണ്ടോ? (സദൃ. 21:5) വീടു​തോ​റും പോകു​മ്പോൾ മാത്ര​മാ​ണോ നിങ്ങൾ സുവാർത്ത പ്രസം​ഗി​ക്കു​ന്നത്‌? അതോ സാഹച​ര്യം കിട്ടു​മ്പോ​ഴൊ​ക്കെ നിങ്ങൾ അതു ചെയ്യാ​റു​ണ്ടോ?

3. തെരു​വി​ലും ബസ്‌ സ്റ്റോപ്പി​ലും റെയിൽവേ സ്റ്റേഷനി​ലും പാർക്കി​ലും ബിസി​നസ്‌ സ്ഥലങ്ങളി​ലും മറ്റുമുള്ള സാക്ഷീ​ക​ര​ണത്തെ കുറി​ക്കാൻ “പരസ്യ” സാക്ഷീ​ക​രണം എന്ന പദം ഉപയോ​ഗി​ക്കാ​വു​ന്നത്‌ എന്തു​കൊണ്ട്‌?

³ “പരസ്യ” സാക്ഷീ​ക​രണം: തെരു​വി​ലും ബസ്‌ സ്റ്റോപ്പി​ലും റെയിൽവേ സ്റ്റേഷനി​ലും പാർക്കി​ലും ബിസി​നസ്‌ സ്ഥലങ്ങളി​ലും മറ്റും നടത്തുന്ന സാക്ഷീ​ക​ര​ണത്തെ കുറി​ക്കാൻ എന്തു പദമാണ്‌ ഉപയോ​ഗി​ക്കാൻ കഴിയുക? “പരസ്യ​മാ​യും” വീടു​തോ​റും താൻ പ്രസം​ഗി​ച്ചു​വെന്ന്‌ അപ്പൊ​സ്‌ത​ല​നായ പൗലോസ്‌ പറയു​ക​യു​ണ്ടാ​യി. (പ്രവൃ. 20:20) അതു​കൊണ്ട്‌ പ്രസ്‌തുത സാക്ഷീ​ക​ര​ണത്തെ കുറി​ക്കാൻ “പരസ്യ” സാക്ഷീ​ക​രണം എന്ന പദം ഉചിത​മാ​യി​രി​ക്കും. വീടു​തോ​റു​മുള്ള സാക്ഷീ​ക​രണം എത്ര ഫലപ്ര​ദ​മാ​ണെന്നു നമുക്ക​റി​യാം. തുടർന്നും, ആളുക​ളു​ടെ പക്കൽ രാജ്യ​സ​ന്ദേശം എത്തിക്കാൻ പ്രധാ​ന​മാ​യും നാം ആ രീതി​ത​ന്നെ​യാ​യി​രി​ക്കും അവലം​ബി​ക്കുക. എന്നുവ​രി​കി​ലും, ഒന്നാം നൂറ്റാ​ണ്ടി​ലെ രാജ്യ​ഘോ​ഷകർ വീടു​ക​ളി​ലല്ല, ആളുക​ളി​ലാണ്‌ ശ്രദ്ധ​കേ​ന്ദ്രീ​ക​രി​ച്ചത്‌ എന്ന കാര്യം നാം മനസ്സിൽപ്പി​ടി​ക്കണം. സത്യ​ത്തെ​ക്കു​റി​ച്ചു സംസാ​രി​ക്കാ​നുള്ള ഒരവസ​ര​വും അവർ പാഴാ​ക്കി​യില്ല. പരസ്യ​മാ​യും അനൗപ​ചാ​രി​ക​മാ​യും വീടു​തോ​റും അവർ സുവി​ശേഷം അറിയി​ച്ചു. ആ ആദിമ ക്രിസ്‌ത്യാ​നി​ക​ളെ​പ്പോ​ലെ സുവാർത്ത പ്രസം​ഗി​ക്കാ​നുള്ള ധാരാളം അവസരങ്ങൾ നമുക്കു​മുണ്ട്‌—തെരു​വി​ലും ബസ്‌ സ്റ്റോപ്പി​ലും റെയിൽവേ സ്റ്റേഷനി​ലും പാർക്കി​ലും ബിസി​നസ്‌ സ്ഥലങ്ങളി​ലും ഒക്കെ. ആ ക്രിസ്‌ത്യാ​നി​ക​ളു​ടെ മനോ​ഭാ​വം പകർത്തി​ക്കൊണ്ട്‌ നമുക്കും നമ്മുടെ ശുശ്രൂഷ പൂർണ​മാ​യി നിറ​വേ​റ്റാം!—2 തിമൊ. 4:5.