പ്രസം​ഗി​ക്കു​ന്ന​തി​നു മുമ്പ്‌ അന്വേ​ഷി​ക്കേ​ണ്ട​താണ്‌

1. ബഹുഭാ​ഷാ​പ്ര​ദേ​ശ​ങ്ങ​ളിൽ പ്രദേ​ശ​നി​യ​മ​നങ്ങൾ ഭാഷയു​ടെ അടിസ്ഥാ​ന​ത്തിൽ നടത്തി​യി​രി​ക്കു​ന്നത്‌ എന്തു​കൊണ്ട്‌?

¹ എ.ഡി. 33-ലെ പെന്തെ​ക്കൊ​സ്‌തിൽ പരിശു​ദ്ധാ​ത്മാ​വു ലഭിച്ച​ശേഷം യേശു​വി​ന്റെ ശിഷ്യ​ന്മാർ ഭൂമി​യു​ടെ അതിവി​ദൂ​ര​ഭാ​ഗ​ങ്ങ​ളിൽനിന്ന്‌ വന്നവ​രോ​ടു “വ്യത്യസ്‌ത ഭാഷക​ളിൽ സംസാ​രി​ക്കാൻ തുടങ്ങി.” (പ്രവൃ. 2:4) തത്‌ഫ​ല​മാ​യി 3,000 പേർ സ്‌നാ​ന​മേറ്റു. മിക്കവാ​റും സന്ദർശകർ അന്നത്തെ പൊതു​ഭാ​ഷ​യായ ഹീബ്രു​വോ ഗ്രീക്കോ അറിഞ്ഞി​രു​ന്നു. എങ്കിലും രാജ്യ​സ​ന്ദേശം ഓരോ​രു​ത്ത​രു​ടെ​യും മാതൃ​ഭാ​ഷ​യിൽത്തന്നെ പ്രസം​ഗി​ക്ക​പ്പെ​ട​ണ​മെന്ന്‌ യഹോവ ആഗ്രഹി​ച്ചു. ഇതിന്റെ ഒരു കാരണം, ആളുകൾ മാതൃ​ഭാ​ഷ​യിൽ കേൾക്കു​മ്പോ​ഴാണ്‌ സത്വരം പ്രതി​ക​രി​ക്കു​ന്നത്‌. അതിനാൽ ഇന്ന്‌ ബഹുഭാ​ഷാ​പ്ര​ദേ​ശ​ങ്ങ​ളിൽ സഭകൾക്കു പ്രദേശം നിയമി​ച്ചു​കൊ​ടു​ക്കു​ന്നതു ഭാഷയു​ടെ അടിസ്ഥാ​ന​ത്തി​ലാണ്‌. (സംഘടി​തർ പുസ്‌തകം പേ. 107 ഖ. 2-3) ഭാഷാ​ക്കൂ​ട്ട​ങ്ങൾക്കു പ്രത്യേ​ക​പ്ര​ദേശം നിയമി​ച്ചു​കൊ​ടു​ക്കാ​റി​ല്ലെ​ങ്കി​ലും അവർ മാതൃ​സ​ഭ​യു​ടെ​യോ അടുത്തുള്ള സഭകളു​ടെ​യോ പ്രദേ​ശത്ത്‌ അവരുടെ സ്വന്തഭാ​ഷ​യിൽ പ്രസം​ഗി​ക്കു​ന്നു.

2. (എ) അന്വേ​ഷ​ണ​വേല നടത്തുക എന്നാൽ എന്ത്‌, അത്‌ ആവശ്യ​മാ​യേ​ക്കാ​വു​ന്നത്‌ എവി​ടെ​യാണ്‌? (ബി) ബഹുഭാ​ഷാ​പ്ര​ദേ​ശ​ങ്ങ​ളിൽ പ്രവർത്തി​ക്കു​മ്പോൾ സഭകൾക്ക്‌ അന്യോ​ന്യം സഹായി​ക്കാ​നാ​കു​ന്നത്‌ എങ്ങനെ? (സി) മറ്റൊരു ഭാഷ സംസാ​രി​ക്കുന്ന താത്‌പ​ര്യ​ക്കാ​രനെ കണ്ടെത്തു​മ്പോൾ എന്തു ചെയ്യണം?

² നിങ്ങൾ താമസി​ക്കു​ന്നി​ടത്ത്‌ എല്ലാവ​രും ഒരേ ഭാഷയാ​ണു സംസാ​രി​ക്കു​ന്ന​തെ​ങ്കിൽ പതിവു​പോ​ലെ ഒരു വീട്ടിൽ സംസാ​രി​ച്ച​ശേഷം അടുത്ത വീട്ടി​ലേക്കു പോകാ​നാ​കും. എന്നാൽ നിങ്ങൾ താമസി​ക്കു​ന്നത്‌ പല ഭാഷകൾ സംസാ​രി​ക്കുന്ന ഒരു നഗരത്തി​ലാ​ണെ​ങ്കിൽ സാഹച​ര്യം വ്യത്യ​സ്‌ത​മാ​യി​രു​ന്നേ​ക്കാം. മറ്റു ഭാഷാ​സ​ഭകൾ സമീപത്തു പ്രസം​ഗി​ക്കു​ന്നു​ണ്ടാ​കാം. സഭയുടെ പ്രദേ​ശത്ത്‌ വ്യത്യ​സ്‌ത​ഭാ​ഷകൾ സംസാ​രി​ക്കു​ന്ന​വ​രു​ടെ ഒരു വലിയ കൂട്ടം ഉണ്ടെങ്കിൽ വിവിധ സഭകൾ പ്രദേശം ഊഴമ​നു​സ​രി​ച്ചു പ്രവർത്തി​ക്കു​ന്ന​തി​നാ​യുള്ള ക്രമീ​ക​രണം സേവന മേൽവി​ചാ​രകൻ ചെയ്യേ​ണ്ട​താണ്‌. നേരെ​മ​റിച്ച്‌ സഭയു​ടെ​യോ കൂട്ടത്തി​ന്റെ​യോ ഭാഷ സംസാ​രി​ക്കുന്ന ചുരുക്കം ചില​രെ​യു​ള്ളു​വെ​ങ്കിൽ ഒരു അന്വേ​ഷണം സംഘടി​പ്പി​ക്കണം. ആ സഭകൾ നിങ്ങളു​ടെ ഭാഷ സംസാ​രി​ക്കു​ന്ന​വ​രെ​ക്കു​റി​ച്ചു വിവരങ്ങൾ നൽകി​യേ​ക്കാ​മെ​ങ്കി​ലും നിങ്ങളു​ടെ ഭാഷ സംസാ​രി​ക്കു​ന്ന​വരെ കണ്ടെത്തു​ന്ന​തി​നുള്ള ഉത്തരവാ​ദി​ത്വം പ്രാഥ​മി​ക​മാ​യും നിങ്ങളു​ടെ സഭയ്‌ക്കോ കൂട്ടത്തി​നോ ആണ്‌. (“അന്യോ​ന്യം സഹായി​ക്കുക” എന്ന ചതുരം കാണുക.) ആയതി​നാൽ ഒരു അന്വേ​ഷണം നടത്തി നിങ്ങളു​ടെ ഭാഷ സംസാ​രി​ക്കു​ന്ന​വരെ കണ്ടെ​ത്തേ​ണ്ട​തു​ണ്ടാ​യി​രി​ക്കാം. ഈ അന്വേ​ഷ​ണ​വേല എങ്ങനെ നടത്താ​നാ​കും?

3. ഒരു സഭയോ കൂട്ടമോ അന്വേ​ഷ​ണ​വേല എവിടെ നടത്തും എന്നും എത്ര സമയം ചെലവ​ഴി​ക്കും എന്നും തീരു​മാ​നി​ക്കു​ന്ന​തി​ന്റെ അടിസ്ഥാ​നം എന്താണ്‌?

³ അന്വേ​ഷ​ണ​വേല സംഘടി​പ്പി​ക്കു​ന്നു: ബഹുഭാ​ഷാ​പ്ര​ദേ​ശ​ങ്ങ​ളിൽ അന്വേ​ഷ​ണ​വേ​ല​യ്‌ക്കു ചെലവ​ഴി​ക്കേണ്ട സമയം സാഹച​ര്യ​ങ്ങളെ ആശ്രയി​ച്ചി​രി​ക്കും. ഉദാഹ​ര​ണ​ത്തിന്‌, ആ ഭാഷ സംസാ​രി​ക്കുന്ന എത്ര ആളുകൾ സമൂഹ​ത്തി​ലുണ്ട്‌? എത്ര പ്രസാ​ധ​ക​രുണ്ട്‌? സഭയു​ടെ​യോ കൂട്ടത്തി​ന്റെ​യോ പക്കൽ എത്ര മേൽവി​ലാ​സ​ങ്ങ​ളുണ്ട്‌? ചുറ്റു​മുള്ള ഓരോ പ്രദേ​ശ​വും ഒരു​പോ​ലെ തിര​യേ​ണ്ട​തില്ല, മറിച്ച്‌ പ്രദേ​ശാ​തിർത്തി​ക്കു​ള്ളിൽ ഏറെ ജനസാ​ന്ദ്ര​ത​യുള്ള സ്ഥലങ്ങളും താരത​മ്യേന അടുത്തു​ള്ള​വ​യും കേന്ദ്രീ​ക​രിച്ച്‌ അന്വേ​ഷണം നടത്തണം. എന്നിരു​ന്നാ​ലും പരമാ​വധി ആളുകൾക്കു യഹോ​വ​യു​ടെ നാമം വിളി​ച്ച​പേ​ക്ഷി​ക്കാ​നുള്ള അവസരം ലഭി​ക്കേ​ണ്ട​തിന്‌ അന്വേ​ഷ​ണ​വേ​ല​യ്‌ക്കു സുസം​ഘ​ടി​ത​മായ ഒരു ക്രമീ​ക​രണം പ്രധാ​ന​മാണ്‌.—റോമ. 10:13, 14.

4. (എ) അന്വേ​ഷ​ണ​വേല എങ്ങനെ സംഘടി​പ്പി​ക്കാം? (ബി) നിങ്ങളു​ടെ ഭാഷ സംസാ​രി​ക്കു​ന്ന​വരെ കണ്ടെത്താ​നുള്ള വഴികൾ ഏതൊ​ക്കെ​യാണ്‌?

⁴ അന്വേ​ഷണം ആവശ്യ​മാ​യി​രി​ക്കു​ന്നി​ട​ങ്ങ​ളിൽ ഒന്നില​ധി​കം തവണ പോകു​ന്നത്‌ ഒഴിവാ​ക്കാ​നാ​യി മൂപ്പന്മാ​രു​ടെ സംഘം, വിശേ​ഷിച്ച്‌ സേവന മേൽവി​ചാ​രകൻ, അന്വേ​ഷ​ണ​വേല സംഘടി​പ്പി​ക്കു​ക​യും മേൽനോ​ട്ടം വഹിക്കു​ക​യും വേണം. (1 കൊരി. 9:26) ഭാഷാ​ക്കൂ​ട്ട​ങ്ങ​ളിൽ നേതൃ​ത്വ​മെ​ടു​ക്കാൻ മാതൃ​സ​ഭ​യി​ലെ മൂപ്പന്മാ​രു​ടെ സംഘം തിര​ഞ്ഞെ​ടു​ക്കു​ന്നത്‌ യോഗ്യ​ത​യുള്ള ഒരു സഹോ​ദ​രനെ ആയിരി​ക്കണം; ഒരു മൂപ്പനോ ശുശ്രൂ​ഷാ​ദാ​സ​നോ ആണെങ്കിൽ ഏറെ നല്ലത്‌. അനേകം സഭകൾക്കും കൂട്ടങ്ങൾക്കും അന്വേ​ഷ​ണ​ത്തി​നാ​യി ക്രമീ​കൃ​ത​മായ ഒരു രീതി​യുണ്ട്‌. ഒരുപക്ഷേ അവർ ഡയറക്‌റ്റ​റി​യോ ഇന്റർനെ​റ്റോ ഉപയോ​ഗിച്ച്‌ തങ്ങളുടെ മാതൃ​ഭാഷ സംസാ​രി​ക്കു​ന്ന​വ​രു​ടെ ഇടയി​ലുള്ള സാധാ​ര​ണ​പേ​രു​കൾ കണ്ടെത്തു​ന്നു. എന്നിട്ട്‌, ഏതെല്ലാം മേൽവി​ലാ​സങ്ങൾ സഭാ​പ്ര​ദേ​ശ​ത്തിൽ ഉൾപ്പെ​ടു​ത്ത​ണ​മെന്നു തീരു​മാ​നി​ക്കാ​നാ​യി ഫോൺവി​ളി​ക്കു​ക​യോ സന്ദർശനം നടത്തു​ക​യോ ചെയ്യുന്നു. പ്രാ​യോ​ഗി​ക​മാ​ണെ​ങ്കിൽ മാതൃ​സ​ഭ​യി​ലെ മൂപ്പന്മാ​രു​ടെ സംഘം സഭയി​ലു​ള്ള​വ​രെ​യെ​ല്ലാം ഇടക്കിടെ അന്വേ​ഷ​ണ​വേ​ല​യിൽ ഉൾപ്പെ​ടു​ത്താൻ ക്രമീ​ക​രി​ച്ചേ​ക്കാം.—“പ്രത്യേ​ക​ഭാഷ സംസാ​രി​ക്കു​ന്ന​വരെ കണ്ടെത്തുക” എന്ന ചതുരം കാണുക.

5. (എ) അന്വേ​ഷ​ണ​വേ​ല​യിൽ ഏർപ്പെ​ടുന്ന പ്രസാ​ധ​കർക്കുള്ള ചില നിർദേ​ശങ്ങൾ ഏവ? (ബി) അന്വേ​ഷണം നടത്തു​മ്പോൾ നമുക്ക്‌ ആളുക​ളോട്‌ എന്തു പറയാ​നാ​കും?

⁵ അന്വേ​ഷ​ണ​വേ​ല​യിൽ ഓരോ തവണയും ഏർപ്പെ​ടു​മ്പോൾ നമുക്കു വ്യക്തമായ ലക്ഷ്യമു​ണ്ടാ​യി​രി​ക്കണം. ഇതും ശുശ്രൂ​ഷ​യു​ടെ ഭാഗമാ​യ​തി​നാൽ നാം യോഗ്യ​മായ വസ്‌ത്രം ധരിക്കണം. അന്വേ​ഷ​ണ​ത്തി​നി​ടെ ആ ഭാഷ സംസാ​രി​ക്കു​ന്ന​തും അവതര​ണങ്ങൾ പരിശീ​ലി​ക്കു​ന്ന​തും, ഉത്സാഹം നിലനിർത്താ​നും ഭാഷാ​പ്രാ​പ്‌തി മെച്ച​പ്പെ​ടു​ത്താ​നും സഹായി​ക്കു​ന്ന​താ​യി അനേകർ കണ്ടെത്തി​യി​രി​ക്കു​ന്നു. അന്വേ​ഷ​ണ​ത്തിൽ ചെലവ​ഴി​ക്കുന്ന സമയം റിപ്പോർട്ടു ചെയ്യാ​മെ​ങ്കി​ലും പ്രദേ​ശ​ഭൂ​പ​ട​ങ്ങ​ളും പട്ടിക​ക​ളും തയ്യാറാ​ക്കു​ന്ന​തി​നു ചെലവ​ഴി​ക്കുന്ന സമയം റിപ്പോർട്ടു ചെയ്യരുത്‌. ആ ഭാഷ സംസാ​രി​ക്കുന്ന ഒരുവനെ കണ്ടുമു​ട്ടു​മ്പോൾ സുവാർത്ത പങ്കു​വെ​ക്കാൻ നമ്മാലാ​വതു ചെയ്യു​ക​യും പിന്നീടു സത്വരം ആ വ്യക്തി​യെ​ക്കു​റി​ച്ചു സേവന മേൽവി​ചാ​ര​ക​നെ​യോ പ്രദേ​ശ​രേ​ഖകൾ പുതു​ക്കാൻ ഏൽപ്പി​ച്ചി​രി​ക്കുന്ന സഹോ​ദ​ര​നെ​യോ അറിയി​ക്കണം. വീട്ടു​കാ​രൻ താത്‌പ​ര്യം കാണി​ച്ചാ​ലും ഇല്ലെങ്കി​ലും ഇതു ചെയ്യണം. അന്വേ​ഷ​ണ​വേല പ്രധാ​ന​മാ​ണെ​ങ്കി​ലും നാം സമനി​ല​യോ​ടെ ശുശ്രൂ​ഷ​യു​ടെ എല്ലാ വശങ്ങളി​ലും പങ്കുപ​റ്റണം.—“അന്വേ​ഷ​ണ​വേ​ല​യിൽ പറയേ​ണ്ടത്‌” എന്ന ചതുരം കാണുക.

6. ബധിരരെ അന്വേ​ഷി​ക്കു​ന്ന​തിൽ ഏതൊക്കെ വെല്ലു​വി​ളി​ക​ളാ​ണു​ള്ളത്‌?

⁶ ബധിരരെ അന്വേ​ഷി​ക്കുക: ബധിരരെ അന്വേ​ഷി​ക്കു​ന്നത്‌ വെല്ലു​വി​ളി​കൾ നിറഞ്ഞ​തും കാര്യ​മായ ശ്രമവും ക്ഷമയും വേണ്ടതു​മായ ഒരു വേലയാണ്‌. ഒരു ബധിരനെ പേരി​ലൂ​ടെ​യോ ബാഹ്യാ​കാ​ര​ത്താ​ലോ വസ്‌ത്ര​ധാ​ര​ണ​ത്താ​ലോ തിരി​ച്ച​റി​യാ​നാ​വില്ല. കൂടാതെ, കുടും​ബാം​ഗ​ങ്ങ​ളും സുഹൃ​ത്തു​ക്ക​ളും സുരക്ഷ​യെ​പ്രതി പ്രസാ​ധ​കർക്കു വേണ്ട വിവരങ്ങൾ നൽകാൻ മടി​ച്ചേ​ക്കാം. ബധിരരെ അന്വേ​ഷി​ക്കു​ന്ന​തി​നാ​യി താഴെ കൊടു​ത്തി​രി​ക്കുന്ന നിർദേ​ശങ്ങൾ മറ്റു ഭാഷ സംസാ​രി​ക്കു​ന്ന​വരെ അന്വേ​ഷി​ക്കു​ന്ന​തി​ലും ഉപയോ​ഗി​ക്കാ​വു​ന്ന​താണ്‌.

7. (എ) ബധിരരെ കണ്ടെത്താൻ ഏതു മാർഗങ്ങൾ ഉപയോ​ഗി​ക്കാം? (ബി) വീട്ടു​കാ​രന്റെ ആശങ്കകൾ എങ്ങനെ അകറ്റാം?

⁷ അന്വേ​ഷ​ണ​വേല നടത്തു​ന്ന​തിൽ ആംഗ്യ​ഭാ​ഷാ സഭകളും കൂട്ടങ്ങ​ളും വിജയി​ച്ചി​രി​ക്കു​ന്നു. അയൽവാ​സി​യോ സഹപ്ര​വർത്ത​ക​നോ സഹപാ​ഠി​യോ ആംഗ്യ​ഭാഷ ഉപയോ​ഗി​ക്കു​ന്ന​താ​യി വീട്ടു​കാ​രൻ നിരീ​ക്ഷി​ച്ചി​ട്ടു​ണ്ടാ​കാം. ചില രാജ്യ​ങ്ങ​ളിൽ, ബധിര​രായ കുട്ടി​ക​ളു​ണ്ടെന്ന്‌ പൊതു​ജ​നത്തെ അറിയി​ക്കു​ന്ന​തി​നുള്ള അടയാ​ളങ്ങൾ വഴി​യോ​രത്ത്‌ അദ്ദേഹം കണ്ടിട്ടു​ണ്ടാ​കാം. ചില​പ്പോൾ അദ്ദേഹ​ത്തി​നു ബധിര​നായ ബന്ധുവു​ണ്ടാ​കാം. നിങ്ങളു​ടെ സന്ദർശ​നോ​ദ്ദേശം ഏറെക്കു​റെ സന്ദേഹ​മു​ണ്ടാ​ക്കു​മെന്ന്‌ ഓർക്കുക. ആത്മാർഥ​മായ സൗഹൃ​ദ​മ​നോ​ഭാ​വ​വും സത്യസ​ന്ധ​വും ആദര​വോ​ടു​കൂ​ടി​യ​തും ആയ വിശദീ​ക​രണം ചുരു​ക്കി​പ്പ​റ​യു​ന്നതു വീട്ടു​കാ​രന്റെ ആശങ്ക അകറ്റി​യേ​ക്കാം. ബധിര​നായ ഒരാളെ പരിച​യ​മു​ണ്ടോ എന്നു വീട്ടു​കാ​ര​നോട്‌ അന്വേ​ഷി​ക്കു​ന്ന​തി​നി​ടെ ആംഗ്യ​ഭാ​ഷ​യി​ലുള്ള ബൈബി​ളോ മറ്റു ഡി.വി.ഡി.-കളോ കാണി​ച്ച​തി​നാൽ ചിലർക്ക്‌ നല്ല ഫലം ലഭിച്ചി​രി​ക്കു​ന്നു. ബധിര​രായ അത്തരക്കാ​രോ​ടു ബൈബിൾപ്ര​ത്യാ​ശ​യെ​ക്കു​റി​ച്ചു പറയാൻ ആഗ്രഹി​ക്കു​ന്നെ​ന്നും അവർ സൂചി​പ്പി​ക്കും. വിവരങ്ങൾ നൽകാൻ വീട്ടു​കാ​രൻ മടി​ച്ചേ​ക്കാ​മെ​ങ്കി​ലും നിങ്ങളു​ടെ മേൽവി​ലാ​സ​മോ സഭാ​യോ​ഗ​ങ്ങൾക്കുള്ള ക്ഷണക്കത്തോ ബധിര​നായ ബന്ധുവി​നോ സുഹൃ​ത്തി​നോ കൊടു​ക്കാ​നാ​യി അദ്ദേഹം സ്വീക​രി​ച്ചേ​ക്കാം.

8. അടുത്തുള്ള സഭയ്‌ക്ക്‌ എങ്ങനെ​യാണ്‌ ഒരു ആംഗ്യ​ഭാ​ഷാ​സ​ഭയെ സഹായി​ക്കാൻ കഴിയു​ന്നത്‌?

⁸ വർഷത്തിൽ ഒന്നോ രണ്ടോ ദിവസം ആംഗ്യ​ഭാ​ഷാ​സ​ഭ​യ്‌ക്കു തങ്ങളുടെ പ്രദേ​ശ​ത്തുള്ള നഗരത്തി​ലെ ബധിരരെ കണ്ടെത്താ​നാ​യി അടുത്തുള്ള മറ്റൊരു ഭാഷ സംസാ​രി​ക്കുന്ന സഭയെ ക്ഷണിക്കാ​വു​ന്ന​താണ്‌. ആംഗ്യ​ഭാ​ഷാ​സഭ നടത്തുന്ന വയൽസേ​വ​ന​യോ​ഗ​ത്തിൽ ഇതു സംബന്ധി​ച്ചുള്ള നിർദേ​ശ​ങ്ങ​ളും അവതര​ണ​വും ഉൾപ്പെ​ടു​ത്താം. അന്വേ​ഷ​ണ​വേ​ല​യിൽ ഏർപ്പെ​ടുന്ന ഓരോ ചെറിയ കൂട്ടത്തി​ലും ആംഗ്യ​ഭാ​ഷ​യി​ലെ കുറഞ്ഞത്‌ ഒരു പ്രസാ​ധ​ക​നെ​യോ പ്രസാ​ധി​ക​യെ​യോ, അവർ അന്വേ​ഷി​ക്കേണ്ട പ്രദേ​ശ​ത്തി​ന്റെ ഭൂപടം നൽകി നിയമി​ക്കുക.

9. ബധിര​രായ ആളുകൾ വിനോ​ദ​ത്തി​നും സഹവാ​സ​ത്തി​നും പോകുന്ന സ്ഥലങ്ങളി​ലും പൊതു​സേ​വ​നങ്ങൾ ലഭിക്കു​ന്നി​ട​ങ്ങ​ളി​ലും അവരെ എങ്ങനെ അന്വേ​ഷി​ക്കാ​നാ​കും?

⁹ ബധിര​രായ ആളുകൾ വിനോ​ദ​ത്തി​നും സഹവാ​സ​ത്തി​നും പോകുന്ന സ്ഥലങ്ങളി​ലും അവർക്ക്‌ പൊതു​സേ​വ​നങ്ങൾ ലഭിക്കു​ന്നി​ട​ങ്ങ​ളി​ലും അവരെ അന്വേ​ഷി​ക്കാ​വു​ന്ന​താണ്‌. പ്രസാ​ധകർ സാഹച​ര്യ​ത്തി​നു ചേരുന്ന വസ്‌ത്രം ധരി​ക്കേ​ണ്ട​താണ്‌. സന്നിഹി​ത​രാ​യി​രി​ക്കുന്ന മുഴു​കൂ​ട്ട​ത്തി​ന്റെ​യും മുമ്പാകെ സംസാ​രി​ക്കു​ന്ന​തി​നു പകരം വിവേ​ച​ന​യോ​ടെ ഒന്നോ രണ്ടോ വ്യക്തി​ക​ളു​മാ​യി സംഭാ​ഷണം നടത്തു​ന്ന​താണ്‌ നല്ലത്‌. സംഭാ​ഷണം ഫലകര​മാ​ണെ​ങ്കിൽ, ബന്ധപ്പെ​ടു​ന്ന​തി​നുള്ള വിവരങ്ങൾ കൈമാ​റാ​നാ​യേ​ക്കും.

10. ബിസി​നെസ്സ്‌ സ്ഥാപന​ങ്ങ​ളിൽ പ്രസാ​ധ​കർക്ക്‌ ഏതു രീതി​യിൽ അന്വേ​ഷണം നടത്താം?

¹⁰ ബിസി​നെസ്സ്‌ സ്ഥാപന​ങ്ങ​ളു​ടെ ഭൂപടം തയ്യാറാ​ക്കി അനു​യോ​ജ്യ​മായ സമയത്ത്‌ സന്ദർശി​ക്കു​ന്ന​താ​യി​രി​ക്കും മറ്റൊരു സാധ്യത. ഒരു ഭൂപട​ത്തിൽ അനേകം പെ​ട്രോൾ പമ്പുകൾ കണ്ടേക്കാം. മറ്റൊ​ന്നിൽ കടകളും അലക്കു​ശാ​ല​ക​ളും ഹോട്ട​ലു​ക​ളും മറ്റു ബിസി​നെസ്സ്‌ സ്ഥാപന​ങ്ങ​ളും ഉണ്ടായി​രു​ന്നേ​ക്കാം. ഒരു ഭൂപട​ത്തിൽ ഒരേ തരത്തി​ലുള്ള ബിസി​നെസ്സ്‌ സ്ഥാപന​ങ്ങ​ളാ​ണു​ള്ള​തെ​ങ്കിൽ പ്രസാ​ധ​കർക്ക്‌ സമാന​മായ സമീപ​ന​രീ​തി അവലം​ബി​ച്ചു​കൊണ്ട്‌ വൈദ​ഗ്‌ധ്യ​വും പരിച​യ​സ​മ്പ​ത്തും നേടാ​നാ​കും. ഉദാഹ​ര​ണ​ത്തിന്‌, ഹോട്ട​ലു​ക​ളിൽ ബധിര​രെ​യും താമസി​പ്പി​ക്കു​മെ​ന്ന​തി​നാൽ അവിടത്തെ അധികാ​രി​ക​ളോട്‌ നമ്മുടെ സന്ദർശ​നോ​ദ്ദേശം ചുരു​ക്ക​മാ​യി വിശദീ​ക​രി​ക്കാ​നും അവിടെ വരുന്ന ബധിരർക്കു കൊടു​ക്കാ​നാ​യി ഡി.വി.ഡി.-യും സഭാ​യോ​ഗ​ങ്ങൾക്കുള്ള ക്ഷണക്കത്തും അടങ്ങിയ പാക്കറ്റ്‌ ഹോട്ടൽ അധികാ​രി​കളെ ഏൽപ്പി​ക്കാ​നാ​കും. ചില ബിസി​നെസ്സ്‌ സ്ഥാപന​ങ്ങ​ളി​ലെ ജോലി​ക്കാ​രോ സ്ഥിരം ഇടപാ​ടു​കാ​രോ ആയ ആരെങ്കി​ലും ആംഗ്യ​ഭാഷ ഉപയോ​ഗി​ക്കു​ന്നു​ണ്ടോ എന്ന്‌ ആരായാ​വു​ന്ന​താണ്‌. പ്രദേ​ശത്ത്‌ ബധിരർക്കുള്ള സ്‌കൂ​ളു​ണ്ടെ​ങ്കിൽ അവരുടെ ലൈ​ബ്ര​റി​യി​ലേ​ക്കാ​യി നമ്മുടെ ഡി.വി.ഡി.-കൾ കൊടു​ക്കാ​വു​ന്ന​താണ്‌.

11. അന്വേ​ഷ​ണ​വേല ശുശ്രൂ​ഷ​യു​ടെ പ്രധാ​ന​ഭാ​ഗ​മാ​യി​രി​ക്കു​ന്നത്‌ എന്തു​കൊണ്ട്‌?

¹¹ ഒരു പ്രധാ​ന​പ്പെട്ട വേല: ഒരു പ്രത്യേക ഭാഷ സംസാ​രി​ക്കു​ന്ന​വരെ കണ്ടെത്തുക ശ്രമക​ര​മാണ്‌. കൂടാതെ, താമസ​ത്തി​നാ​യി ആളുകൾ വരിക​യും പോകു​ക​യും ചെയ്‌തു​കൊ​ണ്ടി​രി​ക്കു​ന്ന​തി​നാൽ പ്രദേ​ശ​രേഖ പുതു​ക്കു​ന്നത്‌ ഒരു വെല്ലു​വി​ളി​യാണ്‌. എങ്കിൽത​ന്നെ​യും അനേകം പ്രദേ​ശ​ങ്ങ​ളിൽ അന്വേ​ഷ​ണ​വേല ശുശ്രൂ​ഷ​യു​ടെ ഒരു പ്രധാ​ന​വ​ശ​മാണ്‌. നമുക്ക്‌ ഈ നിയമനം നൽകിയ യഹോവ പക്ഷപാ​ത​മു​ള്ള​വനല്ല. (പ്രവൃ. 10:34) “സകലതരം മനുഷ്യ​രും രക്ഷ പ്രാപി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽഎ​ത്ത​ണ​മെ​ന്നു​മ​ത്രേ അവൻആ​ഗ്ര​ഹി​ക്കു​ന്നത്‌.” (1 തിമൊ. 2:3, 4) ആയതി​നാൽ സകലഭാ​ഷ​യിൽനി​ന്നും “ഉത്തമവും നല്ലതു​മായ ഹൃദയ”നിലയു​ള​ള​വരെ കണ്ടെത്തു​ന്ന​തിൽ നമുക്ക്‌ യഹോ​വ​യോ​ടും മറ്റുള്ള​വ​രോ​ടും സഹകരി​ക്കാം.—ലൂക്കോ. 8:15.

[5-ാം പേജിലെ ചതുരം]

അന്യോന്യം സഹായി​ക്കു​ക

ഒരു അന്യഭാ​ഷാ​സ​ഭ​യ്‌ക്കോ കൂട്ടത്തി​നോ തങ്ങളുടെ ഭാഷയി​ലു​ള്ള​വരെ കണ്ടെത്താൻ അയൽസ​ഭ​ക​ളിൽനി​ന്നു സഹായം ആവശ്യ​മാ​ണെ​ങ്കിൽ സേവന മേൽവി​ചാ​ര​കന്‌ മറ്റു ഭാഷാ​സ​ഭ​ക​ളി​ലെ മൂപ്പന്മാ​രെ സമീപി​ക്കാം. അടുത്തു​ള്ള​തും ആ ഭാഷ ഉപയോ​ഗി​ക്കുന്ന മതിയായ ജനസം​ഖ്യ​യു​ള്ള​തും ആയ സഭകളെ സമീപി​ക്കു​ന്ന​താ​യി​രി​ക്കും അഭികാ​മ്യം. ആ സഭകളി​ലെ പ്രസാ​ധകർ പ്രസ്‌തുത ഭാഷക്കാ​രെ കണ്ടെത്തു​മ്പോൾ അവരുടെ മേൽവി​ലാ​സം എഴുതി സ്വന്തം സഭയിലെ സേവന മേൽവി​ചാ​ര​കന്റെ പക്കൽ കൊടു​ക്ക​ണ​മെന്ന്‌ പ്രസാ​ധ​കരെ അറിയി​ക്കേ​ണ്ട​താണ്‌. സേവന മേൽവി​ചാ​രകൻ ഈ മേൽവി​ലാ​സങ്ങൾ സഹായം അഭ്യർഥി​ക്കുന്ന സഭയ്‌ക്കോ കൂട്ടത്തി​നോ കൈമാ​റണം. ബഹുഭാ​ഷാ പ്രദേശം പ്രവർത്തി​ക്കു​ന്ന​തി​നും താത്‌പ​ര്യ​ക്കാ​രെ അനു​യോ​ജ്യ​മായ സഭയി​ലേ​യ്‌ക്കോ കൂട്ടത്തി​ലേ​യ്‌ക്കോ നയിക്കു​ന്ന​തി​നും ഉൾപ്പെ​ട്ടി​രി​ക്കുന്ന സഭകളി​ലെ സേവന മേൽവി​ചാ​ര​ക​ന്മാർക്ക്‌, വേണ്ട ക്രമീ​ക​രണം നടത്താ​വു​ന്ന​താണ്‌.

ഏതെങ്കിലും വ്യക്തി യഥാർഥ​താ​ത്‌പ​ര്യം കാണി​ക്കു​ന്നെ​ങ്കിൽ (അഥവാ ബധിര​നാ​ണെ​ങ്കിൽ) ഉടനടി പ്രസാ​ധകർ ദയവായി ബന്ധപ്പെ​ടുക (S-43) ഫാറം പൂരി​പ്പിച്ച്‌ സഭാ സെക്ര​ട്ട​റി​ക്കു നൽകേ​ണ്ട​താണ്‌. ഇത്‌ ആ വ്യക്തിക്ക്‌ ആത്മീയ​സ​ഹാ​യം വേഗത്തിൽ ലഭിക്കാൻ ഇടയാക്കും.—km 5/11 പേ. 3 കാണുക.

[6-ാം പേജിലെ ചിത്രം]

പ്രത്യേകഭാഷ സംസാ​രി​ക്കു​ന്ന​വരെ കണ്ടെത്തുക

• മറ്റുള്ള​വ​രോട്‌ അന്വേ​ഷി​ക്കുക—ബൈബിൾവി​ദ്യാർഥി​കൾ, കുടും​ബാം​ഗങ്ങൾ, സഹജോ​ലി​ക്കാർ എന്നിവ​രോട്‌.

• പൊതു​വായ പേരുകൾ കണ്ടെത്താൻ ടെലി​ഫോൺ ഡയറക്‌റ്ററി ഉപയോ​ഗി​ക്കുക. പേരുകൾ മേൽവി​ലാ​സ​ത്തി​ന​നു​സ​രിച്ച്‌ ക്രമീ​ക​രി​ച്ചി​രി​ക്കുന്ന ഒരു ഡയറക്‌റ്ററി ഇന്റർനെ​റ്റിൽനി​ന്നോ ടെലി​ഫോൺ കമ്പനി​യിൽനി​ന്നോ ലഭ്യമാ​യേ​ക്കാം.

• വായന​ശാല, സർക്കാർ ഓഫീ​സു​കൾ, കോ​ളേ​ജു​കൾ എന്നിങ്ങനെ പൊതു​സേ​വ​നങ്ങൾ ലഭ്യമാ​ക്കുന്ന സ്ഥലങ്ങളിൽ വിവേ​ച​ന​യോ​ടെ അന്വേ​ഷി​ക്കുക.

• ഭാഷാ​സ​മൂ​ഹങ്ങൾ ക്രമീ​ക​രി​ക്കുന്ന പൊതു​പ​രി​പാ​ടി​കൾ സംബന്ധിച്ച അറിയി​പ്പു​കൾക്കാ​യി ദിനപ​ത്രം പരി​ശോ​ധി​ക്കുക.

• അന്യഭാ​ഷ​ക്കാർക്കു സേവനങ്ങൾ ലഭ്യമാ​ക്കുന്ന കടകൾ, ബിസി​നെസ്സ്‌ സ്ഥാപനങ്ങൾ എന്നിവ സന്ദർശി​ക്കുക.

• അന്യഭാ​ഷ​ക്കാ​രെ കാണാ​റുള്ള ബിസി​നെസ്സ്‌ സ്ഥാപന​ങ്ങ​ളി​ലും സർവക​ലാ​ശാ​ലാ വിദ്യാർഥി​കേ​ന്ദ്ര​ങ്ങ​ളി​ലും മറ്റു പൊതു​സ്ഥ​ല​ങ്ങ​ളി​ലും അധികാ​രി​ക​ളു​ടെ സമ്മത​ത്തോ​ടെ സാഹി​ത്യം പ്രദർശി​പ്പി​ക്കുക.

[7-ാം പേജിലെ ചതുരം]

അന്വേഷണവേലയിൽ പറയേ​ണ്ടത്‌

സൗഹാർദപരമായ തുറന്ന സമീപനം ആളുക​ളു​ടെ സംശയം ദൂരി​ക​രി​ക്കും. അന്യഭാ​ഷ​യി​ലുള്ള സാഹി​ത്യം ആദ്യമേ കാണി​ക്കു​ന്നത്‌ സഹായ​ക​മാ​യി​രി​ക്കും.

അഭിവാദനത്തിനു ശേഷം നിങ്ങൾക്ക്‌ ഇങ്ങനെ പറയാം: “ഞങ്ങൾ ______ ഭാഷ സംസാ​രി​ക്കു​ന്ന​വരെ അന്വേ​ഷി​ക്കു​ക​യാണ്‌. അങ്ങനെ​യുള്ള ആരെ​യെ​ങ്കി​ലും നിങ്ങൾക്ക്‌ അറിയാ​മോ?”

ബധിരരെ അന്വേ​ഷി​ക്കു​മ്പോൾ നിങ്ങൾക്ക്‌ ഈ രീതി അവലം​ബി​ക്കാം: “ഹലോ. ഞാൻ നിങ്ങളെ ഒരു സംഗതി കാണി​ക്കട്ടേ? (കൊണ്ടു​ന​ട​ക്കാ​വുന്ന വീഡി​യോ ഉപയോ​ഗി​ച്ചു​കൊണ്ട്‌ ഡി.വി.ഡി.-യിലുള്ള പുതിയ ലോക ഭാഷാ​ന്ത​ര​ത്തിൽനിന്ന്‌ ഒരു വാക്യം കാണി​ക്കുക.) ഇത്‌ അമേരി​ക്കൻ ആംഗ്യ​ഭാ​ഷ​യി​ലുള്ള ബൈബി​ളി​ന്റെ ഒരു ഭാഗമാണ്‌. ഈ ബൈബിൾ കൂടാതെ സൗജന്യ​മാ​യി ബധിര​രു​ടെ ആത്മീയാ​വ​ശ്യ​ങ്ങൾ നിവർത്തി​ക്കാ​നു​ത​കുന്ന അനേകം വീഡി​യോ​കൾ ഞങ്ങളുടെ പക്കലുണ്ട്‌. ആംഗ്യ​ഭാഷ ഉപയോ​ഗി​ക്കുന്ന ബധിര​രെ​യോ കേൾക്കാൻ പ്രയാ​സ​മുള്ള ആരെ​യെ​ങ്കി​ലു​മോ നിങ്ങൾക്ക്‌ അറിയാ​മോ?” വീട്ടു​കാ​രന്‌ ആരെയും ഓർക്കാൻ കഴിയു​ന്നി​ല്ലെ​ങ്കിൽ, അദ്ദേഹം ബധിരരെ കണ്ടിരി​ക്കാ​നി​ട​യുള്ള സ്ഥലങ്ങ​ളെ​ക്കു​റിച്ച്‌ (ഉദാഹ​ര​ണ​ത്തിന്‌ ജോലി​സ്ഥലം, സ്‌കൂൾ, സമീപ​പ്ര​ദേശം) പറയു​ന്നത്‌ പലപ്പോ​ഴും നന്നായി​രി​ക്കും.