പരസ്യ​സാ​ക്ഷീ​ക​ര​ണ​ത്തി​നുള്ള പുതിയ കാൽവയ്‌പ്‌

1. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ വെച്ച മാതൃക എന്ത്‌?

¹ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ വീടു​തോ​റും പ്രസം​ഗി​ക്കു​ന്ന​തി​ലും അധികം ചെയ്‌തു. അവർ പരസ്യ​മാ​യി സാക്ഷീ​ക​രി​ച്ചു. (പ്രവൃ. 20:20) ഉദാഹ​ര​ണ​ത്തിന്‌, അനേകരെ കണ്ടെത്താൻ കഴിയു​മെന്ന്‌ മനസ്സി​ലാ​ക്കി അവർ ആലയത്തി​ലും പോയി. (പ്രവൃ. 5:42) ആതൻസി​ലാ​യി​രു​ന്ന​പ്പോൾ അപ്പൊസ്‌ത​ല​നായ പൗലോസ്‌ എല്ലാദി​വ​സ​വും ചന്തസ്ഥല​ത്തു​ള്ള​വ​രോ​ടു പ്രസം​ഗി​ച്ചു. (പ്രവൃ. 17:17) സുവാർത്ത വ്യാപി​പ്പി​ക്കു​ന്ന​തി​നുള്ള നമ്മുടെ പ്രാഥ​മിക മാർഗം ഇന്നും വീടു​തോ​റു​മുള്ള ശുശ്രൂഷ തന്നെയാണ്‌. എന്നിരു​ന്നാ​ലും, പാർക്കിങ്‌ സ്ഥലങ്ങൾ, ബിസി​നെസ്സ്‌ സ്ഥാപനങ്ങൾ, പാർക്കു​കൾ, തിരക്കുള്ള പൊതു​വ​ഴി​കൾ എന്നിങ്ങനെ ആളുകളെ കണ്ടെത്താ​നാ​കുന്ന സ്ഥലങ്ങളി​ലെ​ല്ലാം നാം പോകു​ന്നു. സാധി​ക്കു​ന്നി​ട​ത്തെ​ല്ലാം പരസ്യ​സാ​ക്ഷീ​ക​രണം നടത്താൻ ഓരോ പ്രസാ​ധ​ക​നെ​യും പ്രോ​ത്സാ​ഹി​പ്പി​ക്കു​ന്നു​ണ്ടെ​ങ്കി​ലും അനേകർക്കും പരസ്യ​സാ​ക്ഷീ​ക​ര​ണ​ത്തി​ലെ ആവേശ​ക​ര​മായ ഈ പുതിയ ക്രമീ​ക​ര​ണ​ത്തിൽ പങ്കെടു​ക്കാ​നുള്ള അവസര​മുണ്ട്‌.

2. പരസ്യ​സാ​ക്ഷീ​ക​ര​ണ​ത്തിൽ ഏർപ്പെ​ടു​മ്പോൾ എന്തൊക്കെ മുൻക​രു​ത​ലു​കൾ നാം എടുക്കണം?

² പൊതു​സ്ഥ​ല​ങ്ങ​ളി​ലെ സാക്ഷീ​ക​ര​ണ​ത്തി​ന്റെ ചില ക്രമീ​ക​ര​ണങ്ങൾ ഈ ലേഖന​ത്തിൽ ഉണ്ട്‌. ഇന്ത്യക്കു​വേ​ണ്ടി​യുള്ള നമ്മുടെ രാജ്യ ശുശ്രൂ​ഷ​യു​ടെ പഴയ ലക്കങ്ങളിൽ വന്നിട്ടുള്ള, ശുശ്രൂ​ഷ​യിൽ ജാഗ്രത പാലി​ക്കാ​നുള്ള നിർദേ​ശ​ങ്ങൾക്കു മാറ്റം വന്നു എന്നല്ല ഇതിനർഥം. ആ നിർദേ​ശ​ങ്ങ​ളും മാർഗ​രേ​ഖ​ക​ളും ഇപ്പോ​ഴും ബാധക​മാണ്‌. വയലിൽ ഉണ്ടാ​യേ​ക്കാ​വുന്ന പ്രശ്‌നങ്ങൾ ഒഴിവാ​ക്കാൻ ആവശ്യ​മായ എല്ലാ മുൻക​രു​ത​ലു​ക​ളും നാം എടുക്കണം. പരസ്യ​സാ​ക്ഷീ​ക​ര​ണ​ത്തി​ന്റെ പുതിയ ക്രമീ​ക​ര​ണങ്ങൾ പ്രദേ​ശത്തെ പ്രവർത്ത​നത്തെ പ്രതി​കൂ​ല​മാ​യി ബാധി​ക്കു​മോ എന്ന്‌ മൂപ്പന്മാ​രു​ടെ സംഘം തങ്ങളുടെ പ്രദേ​ശ​ത്തി​ന്റെ പ്രത്യേ​കത മനസ്സിൽപ്പി​ടി​ച്ചു​കൊണ്ട്‌ ശ്രദ്ധാ​പൂർവം വിലയി​രു​ത്തണം. (കൂടുതൽ വിവര​ങ്ങൾക്കാ​യി മൂപ്പന്മാർക്ക്‌ 2012 നവംബർ 24-ലെയും 2014 ഫെബ്രു​വരി 13-ലെയും കത്തുകൾ പരി​ശോ​ധി​ക്കാ​വു​ന്ന​താണ്‌.) പ്രദേശം അനുകൂ​ല​മാ​ണെ​ങ്കി​ലും അല്ലെങ്കി​ലും വീടു​തോ​റു​മുള്ള ശുശ്രൂഷ, തെരുവു സാക്ഷീ​ക​രണം എന്നിവ നടത്തു​മ്പോൾ ചെയ്യു​ന്ന​തു​പോ​ലെ ഈ പുതിയ ക്രമീ​ക​ര​ണങ്ങൾ പ്രയോ​ജ​ന​പ്പെ​ടു​ത്തി​ക്കൊണ്ട്‌ സാക്ഷീ​ക​രി​ക്കു​മ്പോ​ഴും ഓരോ പ്രസാ​ധ​ക​നും തന്റെ കൈവശം യഹോ​വ​യു​ടെ സാക്ഷികൾ—സുവാർത്ത അറിയി​ക്കു​ന്ന​തു​മാ​യി ബന്ധപ്പെട്ട്‌ നമുക്കുള്ള അവകാ​ശ​ങ്ങ​ളും ഉത്തരവാ​ദി​ത്വ​ങ്ങ​ളും എന്ന T-85 ലഘുപ​ത്രിക കരുതണം.

3. പരീക്ഷ​ണാർഥം 2011 നവംബ​റിൽ തുടങ്ങി​യത്‌ എന്തായി​രു​ന്നു?

³ വാർഷി​ക​പു​സ്‌തകം 2013 (ഇംഗ്ലീഷ്‌) പേജ്‌ 16, 17-ൽ റിപ്പോർട്ടു ചെയ്‌തി​രു​ന്ന​തു​പോ​ലെ, 2011 നവംബ​റിൽ ന്യൂ​യോർക്ക്‌ നഗരത്തിൽ പരീക്ഷ​ണാർഥം പരസ്യ​സാ​ക്ഷീ​ക​ര​ണ​ത്തി​ന്റെ ഒരു പുതിയ തുടക്കം കുറിച്ചു. നല്ല ഫലം കിട്ടാൻ സാധ്യ​ത​യു​ള്ള​തും വഴിയാ​ത്ര​ക്കാ​രു​ടെ തിരക്ക്‌ കൂടു​ത​ലു​ള്ള​തും ആയ സ്ഥലങ്ങളിൽ അനേകം ഭാഷക​ളിൽ സാഹി​ത്യ​ങ്ങൾ മനോ​ഹ​ര​മാ​യി പ്രദർശി​പ്പിച്ച മേശക​ളും കൈവ​ണ്ടി​ക​ളും സ്ഥാപിച്ചു. സാക്ഷി​കൾക്കു പ്രവേ​ശി​ക്കാൻ അനുവാ​ദ​മി​ല്ലാത്ത കെട്ടി​ട​ങ്ങ​ളിൽ താമസി​ക്കു​ന്ന​വ​രും പലപ്പോ​ഴും വീട്ടിൽനിന്ന്‌ അകലെ​യാ​യി​രി​ക്കു​ന്ന​വ​രും ഉൾപ്പെടെ ആയിര​ക്ക​ണ​ക്കി​നു കാൽന​ട​ക്കാർ അതുവഴി ഓരോ ദിവസ​വും കടന്നു​പോ​യി. പ്രതി​ക​രണം പ്രതീ​ക്ഷ​കളെ കവച്ചു​വെ​ക്കു​ന്ന​താ​യി​രു​ന്നു. വെറും ഒരു മാസത്തി​നു​ള്ളിൽ 3,797 മാസി​ക​ക​ളും 7,986 പുസ്‌ത​ക​ങ്ങ​ളും സമർപ്പി​ച്ചു. കടന്നു​പോയ അനേക​രും ബൈബി​ള​ധ്യ​യനം ആവശ്യ​പ്പെട്ടു. ബൈബി​ള​ധ്യ​യനം തുടങ്ങു​ന്ന​തിന്‌ ഊന്നൽ നൽകി​യി​രു​ന്ന​തി​നാൽ കിട്ടിയ മേൽവി​ലാ​സങ്ങൾ അതാതു സഭകളി​ലേക്ക്‌ ഉടനടി അയച്ചു.

4. ഈ പുതിയ സംരംഭം വ്യാപി​പ്പി​ച്ചി​രി​ക്കു​ന്നത്‌ എങ്ങനെ, ഒരു ദമ്പതി​കൾക്ക്‌ എന്തു പ്രയോ​ജനം ലഭിച്ചു?

⁴ പുതിയ ക്രമീ​ക​രണം വിജയി​ച്ച​തി​ന്റെ വെളി​ച്ച​ത്തിൽ ജനനി​ബി​ഡ​മായ മറ്റു വൻനഗ​ര​ങ്ങ​ളി​ലേ​ക്കും ഈ പ്രവർത്തനം വ്യാപി​പ്പി​ക്കു​ക​യാണ്‌. ഒരു ദമ്പതികൾ ഇപ്രകാ​രം എഴുതി: “ഓരോ ദിവസ​വും മേശയ്‌ക്ക​രി​കെ നിന്ന്‌ ആയിര​ക്ക​ണ​ക്കി​നാ​ളു​കൾ കടന്നു​പോ​കു​ന്ന​തും അങ്ങനെ ലോക​ത്തി​നു ചുറ്റു​മുള്ള ആളുക​ളി​ലേക്ക്‌ ഈ വിശാ​ല​മായ വേല എത്തി​ച്ചേ​രു​ന്ന​തും കാണു​ന്നത്‌ ഞങ്ങളുടെ ഹൃദയ​ങ്ങ​ളിൽ മതിപ്പു​ള​വാ​ക്കു​ന്നു. ഈ ജനക്കൂ​ട്ടത്തെ കാണു​ന്ന​തും യഹോവ എത്രമാ​ത്രം അവർക്കു​വേണ്ടി കരുതു​ന്നു​വെന്ന്‌ ചിന്തി​ക്കു​ന്ന​തും ഞങ്ങളുടെ ജീവി​ത​ത്തിൽ പ്രസം​ഗ​വേ​ലയ്‌ക്കു പരമ​പ്രാ​ധാ​ന്യം കൊടു​ത്തു​കൊണ്ട്‌ തുടരാ​നുള്ള നിശ്ചയ​ദാർഢ്യ​ത്തെ ബലപ്പെ​ടു​ത്തി​യി​രി​ക്കു​ന്നു. മേശയ്‌ക്ക​രി​കി​ലൂ​ടെ കടന്നു​പോ​കുന്ന ഓരോ​രു​ത്ത​രു​ടെ​യും ഹൃദയം യഹോവ ശോധന ചെയ്‌ത്‌ യോഗ്യ​രാ​യ​വരെ കണ്ടെത്തു​ന്ന​താ​യി ഞങ്ങൾ ഭാവന​യിൽ കാണുന്നു. നമ്മുടെ കൂട്ടു​വേ​ല​ക്കാ​രായ ദൂതന്മാ​രു​മാ​യി ഇത്ര അടുപ്പം തോന്നിയ അവസരം കുറവാണ്‌.”

5. (എ) ഏതു സംരം​ഭ​മാണ്‌ പരസ്യ​സാ​ക്ഷീ​ക​ര​ണ​ത്തോ​ടു ബന്ധപ്പെട്ട്‌ പല സഭകളി​ലും സംഘടി​പ്പി​ച്ചി​ട്ടു​ള്ളത്‌? (ബി) പരസ്യ​സാ​ക്ഷീ​ക​ര​ണ​ത്തിൽ സഭകൾക്ക്‌ എങ്ങനെ സഹകരി​ച്ചു പ്രവർത്തി​ക്കാം?

⁵ പ്രാ​ദേ​ശി​ക​മാ​യി സംഘടി​പ്പി​ക്കുന്ന പരസ്യ​സാ​ക്ഷീ​ക​രണം: മൂപ്പന്മാ​രു​ടെ പല സംഘങ്ങ​ളും തങ്ങളുടെ പ്രദേ​ശ​ങ്ങ​ളിൽ ഈ പുതിയ സംരംഭം സംഘടി​പ്പി​ച്ചി​രി​ക്കു​ന്നു. ഈ സംരം​ഭ​ത്തിൽ സഭയുടെ പ്രദേശ അതിർത്തി​ക്കു​ള്ളിൽ പ്രസാ​ധകർ മേശയും കൈവ​ണ്ടി​യും തിരക്കുള്ള പ്രദേ​ശത്ത്‌ സാഹി​ത്യം പ്രദർശി​പ്പി​ക്കാ​നാ​യി ഉപയോ​ഗി​ക്കു​ന്നു.—“നല്ല സഹകരണം ആവശ്യ​മാണ്‌” എന്ന ചതുരം കാണുക.

6. പ്രാ​യോ​ഗി​ക​മാ​കു​ന്നി​ടത്ത്‌, മൂപ്പന്മാർ പ്രാ​ദേ​ശി​ക​മാ​യി പരസ്യ​സാ​ക്ഷീ​ക​രണം സംഘടി​പ്പി​ക്കു​ന്നത്‌ എങ്ങനെ?

⁶ സഭയുടെ പ്രദേ​ശത്ത്‌ കാൽന​ട​യാ​ത്ര​ക്കാർ ധാരാ​ള​മുള്ള തിര​ക്കേ​റിയ സ്ഥലങ്ങൾ ഉണ്ടോ എന്നു നിർണ​യിച്ച്‌ അവിടെ പരസ്യ​സാ​ക്ഷീ​ക​രണം പ്രാ​യോ​ഗി​ക​മാ​ണോ​യെന്ന്‌ മൂപ്പന്മാർ വിലയി​രു​ത്തണം. മേശയും കൈവ​ണ്ടി​യും പ്രദർശി​പ്പി​ക്കാ​നുള്ള സ്ഥലങ്ങളിൽ ഗതാഗത ഹബ്ബുകൾ, പൊതു സ്ഥലങ്ങൾ, പാർക്കു​കൾ, തിര​ക്കേ​റിയ തെരു​വു​കൾ, ഷോപ്പിങ്‌ മാളുകൾ, കോ​ളേജ്‌ കാമ്പസു​കൾ, വിമാ​ന​ത്താ​വ​ളങ്ങൾ, വാർഷിക പരിപാ​ടി​കൾ നടക്കുന്ന ഇടങ്ങൾ എന്നിവ ഉൾപ്പെ​ടു​ത്താം. എല്ലാ ആഴ്‌ച​യി​ലും ഒരേ സ്ഥലത്ത്‌, ഒരേ ദിവസം, ഒരേ സമയം തന്നെ മേശയോ സാഹിത്യ കൈവ​ണ്ടി​യോ വെക്കു​ന്നതു പ്രയോ​ജ​ന​ക​ര​മാണ്‌. ഒറ്റപ്പെട്ട വലിയ കടകൾക്കു​മു​മ്പിൽ വെക്കു​ന്ന​തി​നേ​ക്കാൾ ഒരു ഷോപ്പിങ്‌ മാളിനു പുറത്ത്‌ മേശയോ കൈവ​ണ്ടി​യോ സ്ഥാപി​ക്കു​ന്ന​താണ്‌ കൂടുതൽ ഫലപ്രദം. കാരണം അങ്ങനെ​യുള്ള കടകളിൽ സാധനങ്ങൾ വാങ്ങാൻ വരുന്നവർ അവർക്കാ​വ​ശ്യ​മു​ള്ളതു വാങ്ങി മടങ്ങി​പ്പോ​കു​ന്നു. തിര​ക്കേ​റിയ നടപ്പാ​ത​പോ​ലുള്ള ചില സ്ഥലങ്ങൾ ചെറിയ കൈവ​ണ്ടി​യിൽ സാഹി​ത്യം പ്രദർശി​പ്പി​ക്കു​ന്ന​തിന്‌ അനു​യോ​ജ്യ​മാ​യി​രി​ക്കും. നമ്മുടെ വെബ്‌സൈ​റ്റിൽനി​ന്നും മൂപ്പന്മാർക്ക്‌ വീക്ഷാ​ഗോ​പു​രം, ഉണരുക! മാസി​ക​ക​ളു​ടെ​യും ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ​യും പ്രദർശന ഉപാധി​കൾ ഉണ്ടാക്കാ​നാ​വ​ശ്യ​മായ പ്രത്യേക ഫയലുകൾ ഡൗൺലോഡ്‌ ചെയ്യാ​നാ​കും. ഇത്തരത്തി​ലുള്ള പരസ്യ​സാ​ക്ഷീ​ക​ര​ണ​ത്തിൽ ഉപയോ​ഗി​ക്കാ​നാ​യി ഈ ഫയലുകൾ പ്രത്യേ​ക​മാ​യി തയ്യാറാ​ക്കി​യി​ട്ടുണ്ട്‌. പ്രാ​ദേ​ശി​ക​വി​കാ​രങ്ങൾ വൃണ​പ്പെ​ടു​ത്താത്ത, ആകർഷ​ക​മായ വിധത്തി​ലാ​യി​രി​ക്കണം പ്രദർശി​പ്പി​ക്കാ​നുള്ള സാഹി​ത്യം തിര​ഞ്ഞെ​ടു​ക്കേ​ണ്ടത്‌. പങ്കെടു​ക്കു​ന്നവർ സേവന മേൽവി​ചാ​ര​കന്റെ നിർദേശം അടുത്തു പിൻപ​റ്റു​ക​യും വേണം. പ്രദേ​ശ​വാ​സി​യ​ല്ലാത്ത ഒരു താത്‌പ​ര്യ​ക്കാ​രന്റെ മേൽവി​ലാ​സം ലഭിക്കു​മ്പോൾ ദയവായി ബന്ധപ്പെ​ടുക (S-43) ഫാറം പെട്ടെ​ന്നു​തന്നെ പൂരി​പ്പിച്ച്‌ സെക്ര​ട്ട​റി​ക്കു കൊടു​ക്കുക.

7. ഈ വിധത്തിൽ പരസ്യ​സാ​ക്ഷീ​ക​രണം നട​ത്തുന്നത്‌ എങ്ങനെ?

⁷ സാക്ഷീ​ക​രണം നിർവ​ഹി​ക്കുന്ന വിധം: ആരെങ്കി​ലും മേശയു​ടെ​യോ സാഹിത്യ കൈവ​ണ്ടി​യു​ടെ​യോ അടു​ത്തേക്കു വരുന്ന​തു​വരെ പ്രസാ​ധകർ കാത്തി​രി​ക്കും. ആരെങ്കി​ലും സമീപി​ക്കു​മ്പോൾ അദ്ദേഹ​ത്തി​നു താത്‌പ​ര്യ​മുള്ള സാഹി​ത്യം എടുക്കാൻ ക്ഷണിക്കു​ന്നു. അദ്ദേഹ​ത്തി​ന്റെ ചോദ്യ​ങ്ങൾക്കു തിരു​വെ​ഴു​ത്തു​ക​ളിൽനിന്ന്‌ ഉത്തരം നൽകാൻ പ്രസാ​ധകർ സന്തോ​ഷ​മു​ള്ള​വ​രാ​യി​രി​ക്കും. അദ്ദേഹം സാഹി​ത്യം സ്വീക​രി​ക്കു​ന്ന​പക്ഷം സംഭാ​വ​ന​യെ​പ്പറ്റി പ്രസാ​ധകർ പരാമർശി​ക്കില്ല. എന്നാൽ അദ്ദേഹം നമ്മുടെ പ്രവർത്ത​ന​ത്തി​ന്റെ സാമ്പത്തിക സ്രോ​ത​സ്സി​നെ​ക്കു​റി​ച്ചു തിരക്കു​ന്നെ​ങ്കിൽ, സാഹി​ത്യ​ത്തിൽ കൊടു​ത്തി​ട്ടുള്ള മേൽവി​ലാ​സ​ത്തിൽ സംഭാവന അയയ്‌ക്കാ​മെന്നു പറയാം. സാധ്യ​മെ​ങ്കിൽ പ്രസാ​ധകർ ഇപ്രകാ​രം ചോദി​ക്കും: “ആരെങ്കി​ലും നിങ്ങളെ വീട്ടിൽ സന്ദർശി​ക്കാൻ താത്‌പ​ര്യ​പ്പെ​ടു​ന്നു​വോ?” അല്ലെങ്കിൽ “ഈ പ്രസി​ദ്ധീ​ക​രണം ഉപയോ​ഗിച്ച്‌ ഒരു തിരു​വെ​ഴു​ത്തു ചർച്ചയ്‌ക്കു താത്‌പ​ര്യ​മു​ണ്ടോ?”

8. ഈ പുതിയ സംരം​ഭ​ത്തിൽ പങ്കെടു​ക്കു​ന്നത്‌ പ്രതി​ഫ​ല​ദാ​യകം ആയിരു​ന്നി​ട്ടു​ള്ളത്‌ എങ്ങനെ?

⁸ ഈ വിധത്തി​ലുള്ള സാക്ഷീ​ക​രണം പ്രതി​ഫ​ല​ദാ​യ​ക​മാണ്‌. ഇന്ത്യയി​ലെ ഒരു സഭ ഈ വിധം പരീക്ഷി​ച്ച​പ്പോൾ ഒരു മണിക്കൂ​റിൽ 1000-ത്തിൽപ്പരം മാസി​കകൾ സമർപ്പി​ക്കാ​നും 200 താത്‌പ​ര്യ​ക്കാ​രു​ടെ മേൽവി​ലാ​സം ശേഖരി​ക്കാ​നും സാധിച്ചു. ബാംഗ്ലൂ​രിൽ ഒരു ബഹുനില കച്ചവട സ്ഥാപന​ത്തി​നു വെളി​യിൽ പ്രദർശി​പ്പി​ച്ചി​രുന്ന മേശയ്‌ക്ക്‌ അരികി​ലേ​ക്കു​വന്ന ഒരു ട്രാഫിക്‌ ഇൻസ്‌പെക്‌ടർക്കു നടന്നു​കൊ​ണ്ടി​രി​ക്കുന്ന വേലയിൽ മതിപ്പു തോന്നി. കുടുംബ സന്തുഷ്ടി​യു​ടെ രഹസ്യം, യുവജ​നങ്ങൾ ചോദി​ക്കു​ന്നു എന്നീ പുസ്‌ത​കങ്ങൾ അദ്ദേഹം സ്വീക​രി​ച്ചു. ആന്ധ്രാപ്ര​ദേ​ശിൽ നടത്തിയ പരസ്യ​സാ​ക്ഷീ​കരണ വേലയിൽ, സാക്ഷി​കളെ കണ്ടെത്താൻ അതിയാ​യി ആഗ്രഹി​ച്ചി​രുന്ന ഒരു താത്‌പ​ര്യ​ക്കാ​രനെ കണ്ടുമു​ട്ടി. അദ്ദേഹം ഇപ്പോൾ ബൈബിൾ പഠിക്കു​ക​യും യോഗ​ങ്ങൾക്കു ഹാജരാ​കു​ക​യും ചെയ്യുന്നു.

9. സഭയിൽ പരസ്യ​സാ​ക്ഷീ​ക​ര​ണ​ത്തി​നു സംഘടി​ത​മായ ക്രമീ​ക​ര​ണ​മി​ല്ലെ​ങ്കിൽ, പരസ്യ​മാ​യി പ്രസം​ഗി​ക്കാ​നുള്ള എന്തെല്ലാം അവസരങ്ങൾ ഇപ്പോൾത​ന്നെ​യുണ്ട്‌?

⁹ നിങ്ങളു​ടെ വ്യക്തി​പ​ര​മായ ശുശ്രൂ​ഷ​യിൽ പരസ്യ​സാ​ക്ഷീ​ക​രണം: ചില സഭകൾക്ക്‌ തങ്ങളുടെ പ്രദേ​ശത്ത്‌ മേശയി​ലും കൈവ​ണ്ടി​യി​ലും സാഹി​ത്യ​ങ്ങൾ പ്രദർശി​പ്പി​ക്കാൻതക്ക കാൽന​ട​യാ​ത്ര​ക്കാ​രു​ടെ തിരക്ക്‌ ഉള്ള സ്ഥലങ്ങൾ ഇല്ലായി​രു​ന്നേ​ക്കാം. അങ്ങനെ​യുള്ള സഭകളി​ലെ പ്രസാ​ധ​കർക്കും തങ്ങളുടെ വ്യക്തി​പ​ര​മായ ശുശ്രൂ​ഷ​യിൽ പരസ്യ​സാ​ക്ഷീ​ക​രണം ഉൾപ്പെ​ടു​ത്തു​ന്ന​തി​നെ​ക്കു​റി​ച്ചു ചിന്തി​ക്കാ​നാ​കും. നിങ്ങളു​ടെ പ്രദേ​ശത്ത്‌ ഷോപ്പിങ്‌ സ്ഥലങ്ങളോ തിരക്കുള്ള സ്റ്റോറു​ക​ളോ ഉണ്ടോ? ആളുകൾ കൂടി​വ​രുന്ന സ്ഥലമോ പാർക്കു​ക​ളോ ഉണ്ടോ? പ്രദേ​ശത്ത്‌ ഇടയ്‌ക്കി​ടെ പൊതു​പ​രി​പാ​ടി​കൾ നടത്ത​പ്പെ​ടാ​റു​ണ്ടോ? അങ്ങനെ​യെ​ങ്കിൽ, മൂപ്പന്മാ​രു​ടെ അഭി​പ്രാ​യം ആരാഞ്ഞ​ശേഷം, വിവേ​ച​ന​യോ​ടെ ഇത്തരം സ്ഥലങ്ങളിൽ നിങ്ങൾക്കും പരസ്യ​സാ​ക്ഷീ​ക​രണം ആസ്വദി​ക്കാ​നാ​യേ​ക്കും.

10. ആളുകളെ കണ്ടെത്താ​വുന്ന ഇടങ്ങളി​ലെ​ല്ലാം പ്രസം​ഗി​ക്കാൻ നാം ബോധ​പൂർവ​മായ ശ്രമം നടത്തേ​ണ്ടത്‌ എന്തു​കൊണ്ട്‌?

¹⁰ “സകലതരം മനുഷ്യ​രും രക്ഷ പ്രാപി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽ എത്തണ​മെന്നു”​മാണ്‌ യഹോവ ആഗ്രഹി​ക്കു​ന്നത്‌. (1 തിമൊ. 2:4) അതു​കൊണ്ട്‌ അന്ത്യം വരുന്ന​തി​നു മുമ്പേ, കഴിയു​ന്നത്ര ആളുക​ളു​ടെ പക്കൽ രാജ്യ​സ​ന്ദേശം എത്തിക്കാൻ നാം ശ്രമി​ക്കു​ന്നു. (മത്താ. 24:14) പല സ്ഥലങ്ങളി​ലും ആളുകളെ വീട്ടിൽ കണ്ടെത്തു​ന്നത്‌ ഒരു വെല്ലു​വി​ളി​യാണ്‌. എങ്കിലും, വീട്ടിൽനിന്ന്‌ അകലെ​യാ​യി​രി​ക്കുന്ന അത്തരക്കാ​രോ​ടു പൊതു സ്ഥലത്തു​വെച്ചു സംസാ​രി​ക്കാ​നാ​കും. ചിലർക്ക്‌ സുവാർത്ത കേൾക്കാ​നുള്ള ഒരേ​യൊ​രു അവസരം പരസ്യ​സാ​ക്ഷീ​ക​ര​ണ​ത്തി​ലൂ​ടെ ആയിരി​ക്കാം. അതു​കൊണ്ട്‌ എവി​ടെ​യെ​ല്ലാം ആളുകളെ കാണു​ന്നു​വോ അവി​ടെ​യെ​ല്ലാം പ്രസം​ഗി​ച്ചു​കൊണ്ട്‌ നമ്മുടെ ശുശ്രൂഷ നിറപ​ടി​യാ​യി നിവർത്തി​ക്കാം.—2 തിമൊ. 4:5.

[3-ാം പേജിലെ ചതുരം]

നല്ല സഹകരണം ആവശ്യ​മാണ്‌

സമീപ സഭകളി​ലുള്ള പ്രസാ​ധകർ ചില​പ്പോൾ ഒരേ തെരു​വി​ലും പാർക്കിങ്‌ സ്ഥലത്തും കടകളു​ടെ മുമ്പി​ലും ഗതാഗത ഹബ്ബുക​ളി​ലും പ്രസം​ഗി​ക്കു​ന്ന​താ​യി റിപ്പോർട്ടു​കൾ ലഭിച്ചി​ട്ടുണ്ട്‌. വ്യത്യസ്‌ത സഭകളിൽനി​ന്നുള്ള പ്രസാ​ധകർ ഒരേ കാത്തി​രു​പ്പു​മു​റി​യിൽ മാസി​കകൾ വെച്ചിട്ടു പോരു​ക​യും ഒരേ കടയിൽ അഥവാ സ്ഥാപന​ത്തിൽ പ്രസം​ഗി​ക്കു​ക​യും ചെയ്‌തി​ട്ടുണ്ട്‌. പ്രസാ​ധകർ പല സമയത്താണ്‌ പ്രസം​ഗി​ക്കു​ന്ന​തെ​ങ്കിൽപോ​ലും ഇത്‌ ചില​പ്പോ​ഴൊ​ക്കെ ബിസി​നെ​സ്സു​കാ​രെ​യും സമീപ​വാ​സി​ക​ളെ​യും അലോ​സ​ര​പ്പെ​ടു​ത്തി​യി​ട്ടുണ്ട്‌. അതു​കൊണ്ട്‌ പരസ്യ​സാ​ക്ഷീ​ക​രണം സഭയുടെ നിയമിത പ്രദേ​ശ​ത്തി​നു​ള്ളിൽ നടത്തു​ന്ന​താണ്‌ ഏറ്റവും നല്ലത്‌.

പ്രസാധകർ അയൽ സഭയുടെ പ്രദേ​ശത്ത്‌ പരസ്യ​സാ​ക്ഷീ​ക​രണം നടത്താൻ ആഗ്രഹി​ക്കു​ന്നെ​ങ്കിൽ തങ്ങളുടെ സേവന മേൽവി​ചാ​ര​ക​നോ​ടു സംസാ​രി​ക്കേ​ണ്ട​താണ്‌. അദ്ദേഹം അയൽ സഭയിലെ സേവന മേൽവി​ചാ​ര​ക​നിൽനിന്ന്‌ അവരുടെ പ്രദേ​ശത്ത്‌ പ്രവർത്തി​ക്കു​ന്ന​തിന്‌ അനുവാ​ദം വാങ്ങേ​ണ്ട​താണ്‌. വ്യത്യസ്‌ത ഭാഷ സംസാ​രി​ക്കുന്ന സഭകൾക്ക്‌ ഒരേ പ്രദേ​ശത്ത്‌ പ്രസം​ഗി​ക്കാൻ നിയമനം ലഭിക്കു​മ്പോൾ അയൽവാ​സി​കളെ അനാവ​ശ്യ​മാ​യി അലോ​സ​ര​പ്പെ​ടു​ത്തു​ന്നത്‌ ഒഴിവാ​ക്കാൻ സേവന​മേൽവി​ചാ​ര​ക​ന്മാർ പരസ്‌പരം ആശയവി​നി​മയം നടത്തണം. പ്രവർത്തിച്ച പ്രദേശം തന്നെ വീണ്ടും ചെയ്യു​ന്നത്‌ ഒഴിവാ​ക്കാൻ, പ്രസാ​ധ​ക​രു​ടെ വ്യത്യസ്‌ത കൂട്ടങ്ങൾ വ്യത്യസ്‌ത പ്രദേ​ശത്ത്‌ അല്ലെങ്കിൽ ഒരേ പ്രദേ​ശത്ത്‌ വ്യത്യസ്‌ത സമയങ്ങ​ളിൽ പ്രസം​ഗ​വേല ചെയ്യുന്നു എന്ന്‌ സേവന​മേൽവി​ചാ​ര​ക​ന്മാർ ഉറപ്പു​വ​രു​ത്തണം. “സകലവും ഉചിത​മാ​യും ക്രമീ​കൃ​ത​മാ​യും നട”ക്കാൻ നല്ല സഹകരണം ഇടയാ​ക്കും—1 കൊരി. 14:40.