പുതിയ ലഘു​ലേ​ഖകൾ —ആകർഷ​ക​മായ രൂപകൽപ​ന​യോ​ടെ!

1. ശുശ്രൂ​ഷ​യ്‌ക്കു​വേ​ണ്ടി​യുള്ള ഏതെല്ലാം പ്രസി​ദ്ധീ​ക​ര​ണ​ങ്ങൾക്കാണ്‌ ആകർഷ​ക​മായ പുതിയ രൂപകൽപ​ന​യു​ള്ളത്‌?

¹ “ദൈവ​വ​ചനം സത്യമാ​കു​ന്നു!” എന്ന 2013-ലെ ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ അഞ്ചു പുതിയ ലഘു​ലേ​ഖകൾ പ്രകാ​ശനം ചെയ്‌തു. കൂടാതെ മരിച്ചവർ വീണ്ടും ജീവി​ക്കു​മോ? എന്ന തലക്കെ​ട്ടോ​ടു​കൂ​ടിയ രാജ്യ​വാർത്ത നമ്പർ 38-ഉം ഈ പട്ടിക​യിൽ ഉൾപ്പെ​ടു​ത്തി. ഈ ആറു ലഘു​ലേ​ഖ​ക​ളും ആകർഷ​ക​മായ വിധത്തിൽ രൂപകൽപന ചെയ്‌തി​രി​ക്കു​ന്നു. എന്തു​കൊണ്ട്‌? ഇവ വീടു​തോ​റും സമർപ്പി​ക്കു​മ്പോൾ രൂപകൽപ​ന​യി​ലുള്ള ഈ സവി​ശേ​ഷ​തകൾ നമു​ക്കെ​ങ്ങനെ നന്നായി ഉപയോ​ഗി​ക്കാ​നാ​കും?

2. പുതിയ രൂപകൽപ​ന​യു​ടെ ഉദ്ദേശ​മെ​ന്താണ്‌?

² പുതിയ രൂപകൽപന എന്തു​കൊണ്ട്‌: വീടു​തോ​റു​മുള്ള ഫലകര​മായ അവതര​ണ​ങ്ങ​ളിൽ നാലു കാര്യങ്ങൾ ഉൾപ്പെ​ടു​ന്നു. (1) സംഭാ​ഷണം തുടങ്ങാ​നാ​യി ഒരു വീക്ഷണ​ചോ​ദ്യം ചോദി​ക്കുക. (2) തിരു​വെ​ഴു​ത്തു​ക​ളിൽനിന്ന്‌ ഒരു വിഷയം പങ്കുവ​യ്‌ക്കുക. (3) വീട്ടു​കാ​രനു വായി​ക്കാ​നാ​യി സാഹി​ത്യം വാഗ്‌ദാ​നം ചെയ്യുക. (4) അടുത്ത സന്ദർശ​ന​ത്തിൽ ഉത്തരം നൽകാ​നാ​യി ഒരു ചോദ്യം ചോദി​ക്കു​ക​യും മടക്കസ​ന്ദർശനം ക്രമീ​ക​രി​ക്കു​ക​യും ചെയ്യുക. ലഘു​ലേ​ഖ​ക​ളു​ടെ പുതിയ രൂപകൽപന ഈ നാലു പടിക​ളും എളുപ്പ​ത്തിൽ ചെയ്യാൻ നമ്മെ സഹായി​ക്കു​ന്നു.

3. പുതിയ ലഘു​ലേ​ഖ​ക​ളി​ലൊന്ന്‌ ശുശ്രൂ​ഷ​യിൽ നമു​ക്കെ​ങ്ങനെ സമർപ്പി​ക്കാ​നാ​കും?

³ അവ ഉപയോ​ഗി​ക്കാ​വുന്ന വിധം: (1) അഭിവാ​ദ്യം ചെയ്‌ത ശേഷം, വീട്ടു​കാ​രനെ ലഘു​ലേ​ഖ​യു​ടെ മുൻവ​ശ​ത്തുള്ള ചിന്തി​പ്പി​ക്കുന്ന ചോദ്യം കാണി​ക്കുക. നൽകി​യി​രി​ക്കുന്ന ഉത്തരങ്ങ​ളിൽനിന്ന്‌ അദ്ദേഹ​ത്തി​ന്റെ അഭി​പ്രാ​യം ആരായുക. (2) ലഘുലേഖ തുറന്ന്‌ “ബൈബിൾ പറയു​ന്നത്‌” എന്ന ഭാഗം വിചി​ന്തനം ചെയ്യുക. സാഹച​ര്യം അനുവ​ദി​ക്കു​ന്നെ​ങ്കിൽ തിരു​വെ​ഴു​ത്തു​കൾ ബൈബി​ളിൽനി​ന്നു നേരിട്ടു വായി​ക്കുക. വീട്ടു​കാ​രനു സമയം ഉണ്ടെങ്കിൽ “ഈ തിരു​വെ​ഴു​ത്തിൽനിന്ന്‌ എങ്ങനെ പ്രയോ​ജനം നേടാം” എന്ന ഭാഗം ചർച്ച ചെയ്യുക. (3) ലഘുലേഖ വാഗ്‌ദാ​നം ചെയ്യുക, അദ്ദേഹ​ത്തി​ന്റെ സൗകര്യം അനുസ​രിച്ച്‌ ബാക്കി ഭാഗം വായി​ക്കാൻ പ്രോ​ത്സാ​ഹി​പ്പി​ക്കുക. (4) തിരി​കെ​പ്പോ​രു​ന്ന​തി​നു മുമ്പ്‌ “നിങ്ങൾക്ക്‌ എന്തു തോന്നു​ന്നു?” എന്നതിനു താഴെ​യുള്ള ചോദ്യം കാണി​ക്കു​ക​യും അടുത്ത തവണ ഈ ചോദ്യ​ത്തി​നുള്ള ബൈബി​ളി​ലെ ഉത്തരം നൽകാ​നുള്ള ക്രമീ​ക​ര​ണ​വും ചെയ്യുക.

4. മടക്കസ​ന്ദർശ​ന​ത്തിൽ ഈ ലഘുലേഖ എങ്ങനെ ഉപയോ​ഗി​ക്കാം?

⁴ മടക്കസ​ന്ദർശ​ന​വും എളുപ്പ​മാണ്‌. കഴിഞ്ഞ സന്ദർശ​ന​ത്തി​ന്റെ ഉപസം​ഹാ​ര​ത്തിൽ ചോദിച്ച ചോദ്യ​ത്തി​നുള്ള ഉത്തരത്തി​നാ​യി ലഘു​ലേ​ഖ​യു​ടെ പുറകു​വ​ശത്തു പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ ഉപയോ​ഗി​ക്കുക. തിരി​കെ​പ്പോ​രു​ന്ന​തി​നു മുമ്പ്‌ വീട്ടു​കാ​രനെ സുവാർത്താ ലഘുപ​ത്രി​ക​യു​ടെ ചിത്രം കാണി​ക്കു​ക​യും ലഘുപ​ത്രിക പരിച​യ​പ്പെ​ടു​ത്തു​ക​യും ചെയ്യുക. ഈ വിഷയ​ത്തെ​ക്കു​റിച്ച്‌ കൂടുതൽ വിവരങ്ങൾ നൽകുന്ന നിർദ്ദിഷ്ട പാഠം കാണി​ക്കുക, ലഘുപ​ത്രിക വാഗ്‌ദാ​നം ചെയ്യുക. അദ്ദേഹം അതു സ്വീക​രി​ക്കു​ന്നെ​ങ്കിൽ അടുത്ത സന്ദർശ​ന​ത്തിൽ ഈ ലഘുപ​ത്രിക ചർച്ച ചെയ്യാൻ ക്രമീ​ക​രി​ക്കുക. നിങ്ങൾ ഒരു ബൈബി​ള​ധ്യ​യനം ആരംഭി​ച്ചു​ക​ഴി​ഞ്ഞു! അല്ലെങ്കിൽ ലഘുപ​ത്രി​ക​യ്‌ക്കു പകരമാ​യി മറ്റൊരു ലഘുലേഖ വാഗ്‌ദാ​നം ചെയ്‌തു​കൊണ്ട്‌ അതു ചർച്ച ചെയ്യാ​നാ​യി അടുത്ത സന്ദർശനം ക്രമീ​ക​രി​ക്കുക.

5. നമ്മുടെ ശുശ്രൂ​ഷ​യിൽ ലഘു​ലേ​ഖ​കൾക്ക്‌ എന്തു മൂല്യ​മാ​ണു​ള്ളത്‌?

⁵ 130 വർഷങ്ങ​ളാ​യി നാം ശുശ്രൂ​ഷ​യിൽ ലഘു​ലേ​ഖകൾ ഉപയോ​ഗി​ച്ചു​വ​രു​ന്നു. ഇവയുടെ വലിപ്പ​വും കെട്ടും​മ​ട്ടും മാറി​യെ​ങ്കി​ലും വളരെ ഫലകര​മായ സാക്ഷീ​കരണ ഉപകര​ണ​ങ്ങ​ളാണ്‌ ഇവ എന്നു തെളി​ഞ്ഞി​രി​ക്കു​ന്നു. ഭൂവ്യാ​പ​ക​മാ​യി ബൈബിൾ പരിജ്ഞാ​നം പരത്തു​ന്ന​തിൽ തുടരാൻ ഈ പുതിയ രൂപകൽപന നമുക്കു നന്നായി പ്രയോ​ജ​ന​പ്പെ​ടു​ത്താം.—സദൃ. 15:7എ.