ആഗസ്റ്റ്‌—പ്രവർത്ത​ന​ത്തി​ന്റെ ഒരു ചരി​ത്ര​മാ​സം!

ഒരു പുതിയ ലഘുലേഖ ഭൂമി​യി​ലെ​ങ്ങും വിതരണം ചെയ്യ​പ്പെ​ടും

1. ഏതു പ്രത്യേക പ്രചാരണ പരിപാ​ടി​യാണ്‌ ദൈവ​രാ​ജ്യ​ത്തി​ന്റെ 100-ാം വാർഷി​കം അടുക്കു​മ്പോൾ ഭൂമി​യി​ലെ​ങ്ങും നടത്ത​പ്പെ​ടുക?

¹ ദൈവ​രാ​ജ്യ​ത്തി​ന്റെ പിറവി​യു​ടെ 100-ാം വാർഷി​കം അടുക്കു​ന്നു. ഒരു പ്രത്യേക പ്രചാരണ പരിപാ​ടി​യി​ലൂ​ടെ യഹോ​വയെ ബഹുമാ​നി​ക്കു​ന്നത്‌ എത്രയോ ഉചിത​മാണ്‌! ആഗസ്റ്റി​ലു​ട​നീ​ളം “ജീവി​ത​ത്തെ​ക്കു​റി​ച്ചുള്ള സുപ്ര​ധാ​ന​ചോ​ദ്യ​ങ്ങൾക്ക്‌ ഉത്തരം എവിടെ കണ്ടെത്താ​നാ​കും?” എന്ന ലഘുലേഖ ഭൂമി​യി​ലെ​ങ്ങും വിതരണം ചെയ്യു​ന്ന​തിൽ നാം ഏർപ്പെ​ടും. ഈ ലഘുലേഖ വായന​ക്കാ​രെ ഉത്തരങ്ങൾക്കാ​യി ബൈബി​ളി​ലേക്കു തിരി​യാൻ പ്രോ​ത്സാ​ഹി​പ്പി​ക്കു​ക​യും jw.org അതിന്‌ എങ്ങനെ സഹായി​ക്കു​മെന്ന്‌ വിശദീ​ക​രി​ക്കു​ക​യും ചെയ്യുന്നു. ഇന്റർനെ​റ്റി​ന്റെ ഉപയോ​ഗം സർവസാ​ധാ​രണം ആയിരി​ക്കു​ന്നു. ഇന്റർനെറ്റ്‌ വീട്ടു​കാ​രനു പരിചി​ത​മ​ല്ലെ​ങ്കിൽ മരിച്ചവർ വീണ്ടും ജീവി​ക്കു​മോ? (T-35) എന്നതോ ഉചിത​മായ മറ്റേ​തെ​ങ്കി​ലും ലഘു​ലേ​ഖ​യോ കൊടു​ക്കാ​വു​ന്ന​താണ്‌.

2. ആഗസ്റ്റി​ലു​ട​നീ​ളം “യഹോ​വയെ അത്യുച്ച ഘോഷ​ണ​ത്തോ​ടെ സ്‌തു​തി​ക്കു​ന്ന​തിൽ” നമുക്ക്‌ എന്തു ചെയ്യാ​നാ​കും?

² സ്‌തു​തി​യു​ടെ അത്യു​ച്ച​ഘോ​ഷണം: ആഗസ്റ്റ്‌ മാസത്തിൽ സഹായ പയനിയർ ആകാൻ ആഗ്രഹി​ക്കു​ന്ന​വർക്കു​വേണ്ടി ഒരു പ്രത്യേക കരുതൽ ചെയ്‌തി​രി​ക്കു​ന്നു. ഇതുവഴി പ്രസാ​ധ​കർക്കു ശുശ്രൂഷ വർധി​പ്പി​ക്കാ​നാ​കും. ആ മാസത്തിൽ സഹായ പയനി​യ​റിങ്‌ ചെയ്യുന്ന സ്‌നാ​ന​മേറ്റ പ്രസാ​ധ​കർക്ക്‌ 30 മണിക്കൂർ വ്യവസ്ഥ അനുവ​ദി​ച്ചി​രി​ക്കു​ന്നു. ആഗസ്റ്റ്‌ മാസത്തിൽ അഞ്ചു വെള്ളി​യാ​ഴ്‌ച​ക​ളും ശനിയാ​ഴ്‌ച​ക​ളും ഞായറാ​ഴ്‌ച​ക​ളും ഉള്ളതി​നാൽ ലൗകിക ജോലി​ക്കാ​രോ സ്‌കൂ​ളിൽ പോകു​ന്ന​വ​രോ ആയ മിക്ക സ്‌നാ​ന​മേറ്റ പ്രസാ​ധ​കർക്കും സഹായ പയനി​യ​റിങ്‌ ചെയ്യാ​നാ​കും. പുരോ​ഗതി പ്രാപി​ക്കുന്ന ബൈബിൾ വിദ്യാർഥി​യോ പ്രസാ​ധ​ക​നാ​കാൻ ആഗ്രഹി​ക്കുന്ന ഒരു കുട്ടി​യോ നിങ്ങൾക്കു​ണ്ടെ​ങ്കിൽ മൂപ്പന്മാ​രു​ടെ സംഘത്തി​ന്റെ ഏകോ​പ​ക​നോട്‌ ഉടൻ സംസാ​രി​ക്കുക. ചരിത്ര പ്രധാ​ന​മായ ഈ മാസത്തിൽ അവർ പ്രസാ​ധ​ക​രാ​യി നമ്മോ​ടൊ​പ്പം ചേരു​ന്നത്‌ എത്ര പ്രോ​ത്സാ​ഹ​ജ​ന​ക​മാണ്‌! പല സാധാരണ പയനി​യർമാ​രും വാർഷിക മണിക്കൂർ വ്യവസ്ഥ​യിൽ എത്തിക്ക​ഴി​യു​മെ​ന്ന​തി​നാൽ ആഗസ്റ്റ്‌ മാസത്തിൽ അവധി എടുക്കാ​റു​ണ്ടെ​ങ്കി​ലും, ഈ പ്രത്യേക പ്രചാരണ പരിപാ​ടി​യിൽ ഗണ്യമായ പങ്കുണ്ടാ​യി​രി​ക്കാ​നാ​യി തങ്ങളുടെ പട്ടിക​യിൽ പൊരു​ത്ത​പ്പെ​ടു​ത്ത​ലു​കൾ വരുത്താ​നാ​യേ​ക്കും. ആഗസ്റ്റ്‌ മാസത്തിൽ “യഹോ​വയെ അത്യു​ച്ച​ഘോ​ഷ​ണ​ത്തോ​ടെ സ്‌തു​തി​ക്കു​ന്ന​തിൽ” കുടും​ബ​ങ്ങൾക്ക്‌ എന്തു ചെയ്യാ​നാ​കും എന്നു ചർച്ച ചെയ്യാ​നുള്ള സമയം ഇതാണ്‌.—എസ്രാ 3:11; സദൃ. 15:22.

3. ഈ പ്രത്യേക പ്രചാരണ പരിപാ​ടി​യി​ലൂ​ടെ എന്താണ്‌ നാം പ്രത്യാ​ശി​ക്കു​ന്നത്‌?

³ നാം ഇതിനു​മു​മ്പും സമാന​മായ പ്രചാരണ വേലയിൽ പങ്കെടു​ത്തി​ട്ടു​ണ്ടെ​ങ്കി​ലും ഇത്‌ ചരി​ത്ര​പ​ര​മായ ഒന്നായി​രി​ക്കു​മെന്ന്‌ നമ്മൾ പ്രത്യാ​ശി​ക്കു​ന്നു. ആഗസ്റ്റ്‌ മാസം, മണിക്കൂ​റി​ലോ പ്രസാ​ധ​ക​രു​ടെ​യും സഹായ പയനി​യർമാ​രു​ടെ​യും എണ്ണത്തി​ലോ ഒരു അത്യു​ച്ച​ത്തി​ലെ​ത്താൻ സാധി​ക്കു​മോ? 2014 സേവന വർഷം അവസാ​നി​ക്കവെ, ആഗസ്റ്റിനെ എക്കാല​ത്തെ​യും വലിയ സാക്ഷീ​ക​ര​ണ​മാ​സം ആക്കാൻ ഭൂവ്യാ​പ​ക​മാ​യി തന്റെ ജനം ചെയ്യുന്ന ശ്രമങ്ങളെ യഹോവ അനു​ഗ്ര​ഹി​ക്കു​മാ​റാ​കട്ടെ!—മത്താ. 24:14.