ഫലകര​മാ​യി ബൈബി​ള​ധ്യ​യ​നങ്ങൾ നടത്തുക

1. ബൈബി​ള​ധ്യ​യ​നങ്ങൾ നടത്തുന്ന പ്രസാ​ധ​ക​രു​ടെ ഉത്തരവാ​ദി​ത്വം എന്താണ്‌?

¹ യഹോവ “ആകർഷി​ച്ചി​ട്ട​ല്ലാ​തെ ആർക്കും” അവനെ സേവി​ക്കാ​നാ​കില്ല. (യോഹ. 6:44) ഇത്‌ ശരിയാ​ണെ​ങ്കി​ലും, ബൈബി​ള​ധ്യ​യ​നങ്ങൾ നടത്തു​ന്നവർ വിദ്യാർഥി​കളെ സ്വർഗീ​യ​പി​താ​വി​ലേക്ക്‌ അടുക്കാൻ സഹായി​ക്കണം. (യാക്കോ. 4:8) ഇതിനു നല്ല തയ്യാറാ​കൽ ആവശ്യ​മാണ്‌. വിദ്യാർഥി​കൾ അർഥം ഗ്രഹിച്ച്‌ പുരോ​ഗതി വരുത്ത​ണ​മെ​ങ്കിൽ വെറുതെ ഓരോ ഖണ്ഡിക​യും വായിച്ച്‌ ചോദ്യം ചോദി​ക്കു​ന്നത്‌ മതിയാ​കു​ന്നില്ല.

2. ഫലകര​മായ ഒരു ബൈബി​ള​ധ്യ​യനം എന്തു സാധ്യ​മാ​ക്കും?

² ഫലകര​മാ​യി പഠിപ്പി​ക്ക​ണ​മെ​ങ്കിൽ പ്രസാ​ധകർ താഴെ​പ്പ​റ​യുന്ന കാര്യ​ങ്ങ​ളിൽ വിദ്യാർഥി​കളെ സഹായി​ക്കണം. (1) ബൈബിൾ എന്തു പഠിപ്പി​ക്കു​ന്നു​വെന്ന്‌ മനസ്സി​ലാ​ക്കുക, (2) അത്‌ അംഗീ​ക​രി​ക്കുക, (3) പ്രവൃ​ത്തി​പ​ഥ​ത്തിൽ കൊണ്ടു​വ​രിക. (യോഹ. 3:16; 17:3; യാക്കോ. 2:26) ഈ പടിക​ളി​ലൂ​ടെ ഒരുവനെ നയിക്കാൻ മാസങ്ങൾ വേണ്ടി​വ​രും. ഇവ ഓരോ​ന്നും ഒരാൾ യഹോ​വ​യു​മാ​യി ഒരു ബന്ധത്തി​ലേ​ക്കും തന്നെത്തന്നെ അർപ്പി​ക്കു​ന്ന​തി​ലേ​ക്കും വളരു​ന്ന​തി​ന്റെ ഓരോ ഘട്ടങ്ങളാണ്‌.

3. ഫലകര​മാ​യി പഠിപ്പി​ക്കുന്ന അധ്യാ​പകർ വീക്ഷണ​ചോ​ദ്യ​ങ്ങൾ ഉപയോ​ഗി​ക്കു​ന്നത്‌ എന്തു​കൊണ്ട്‌?

³ ബൈബിൾവി​ദ്യാർഥി എന്തായി​രി​ക്കും ചിന്തി​ക്കു​ന്നത്‌? വിദ്യാർഥി പഠിക്കുന്ന കാര്യങ്ങൾ ഗ്രഹി​ക്കു​ക​യും അംഗീ​ക​രി​ക്കു​ക​യും വേണം. നാം ഇതു തിരി​ച്ച​റി​യ​ണ​മെ​ങ്കിൽ അധികം സംസാ​രി​ക്കാ​തെ വിദ്യാർഥി​യെ സ്വന്തം വാക്കു​ക​ളിൽ അഭി​പ്രാ​യങ്ങൾ പറയാൻ പ്രോ​ത്സാ​ഹി​പ്പി​ക്കണം. (യാക്കോ. 1:19) പഠിക്കുന്ന വിഷയ​ത്തെ​ക്കു​റിച്ച്‌ ബൈബിൾ പറയു​ന്നത്‌ അദ്ദേഹ​ത്തിന്‌ ശരിക്കും മനസ്സി​ലാ​കു​ന്നു​ണ്ടോ? അവ സ്വന്തം വാക്കു​ക​ളിൽ വിശദീ​ക​രി​ക്കാ​നാ​കു​മോ? പഠിച്ചതു സംബന്ധിച്ച്‌ അദ്ദേഹം എന്തു വിചാ​രി​ക്കു​ന്നു? പഠിപ്പി​ക്കുന്ന കാര്യങ്ങൾ പ്രാ​യോ​ഗി​ക​മാ​ണെന്ന്‌ അദ്ദേഹം വിശ്വ​സി​ക്കു​ന്നു​ണ്ടോ? (1 തെസ്സ. 2:13) പഠിക്കു​ന്ന​ത​നു​സ​രിച്ച്‌ സ്വന്തം ജീവി​ത​ത്തിൽ മാറ്റങ്ങൾ വരുത്ത​ണ​മെന്ന്‌ അദ്ദേഹ​ത്തിന്‌ തോന്നു​ന്നു​ണ്ടോ? (കൊലോ. 3:10) ഇത്തരം ചോദ്യ​ങ്ങൾക്ക്‌ ഉത്തരം ലഭിക്കാ​നാ​യി നാം നയത്തോ​ടെ വീക്ഷണ​ചോ​ദ്യ​ങ്ങൾ ചോദി​ച്ചിട്ട്‌ അദ്ദേഹ​ത്തി​നു പറയാ​നു​ള്ളത്‌ ശ്രദ്ധി​ക്കണം.—മത്താ. 16:13-16.

4. ബൈബി​ളിൽനി​ന്നു പഠിപ്പി​ക്കു​ന്നത്‌ മനസ്സി​ലാ​ക്കാ​നോ നടപ്പി​ലാ​ക്കാ​നോ ഒരു വിദ്യാർഥിക്ക്‌ ബുദ്ധി​മു​ട്ടാ​ണെ​ങ്കിൽ എന്തു ചെയ്യാ​നാ​കും?

⁴ ശീലങ്ങ​ളും ചിന്താ​രീ​തി​ക​ളും ആഴത്തിൽ വേരൂ​ന്നി​യ​താ​യ​തി​നാൽ അവ ഒഴിവാ​ക്കാൻ സമയ​മെ​ടു​ക്കും. (2 കൊരി. 10:5) പഠിച്ച കാര്യങ്ങൾ വിദ്യാർഥി അംഗീ​ക​രി​ക്കു​ക​യോ പ്രാവർത്തി​ക​മാ​ക്കു​ക​യോ ചെയ്യു​ന്നി​ല്ലെ​ങ്കിൽ എന്തു ചെയ്യാ​നാ​കും? നമ്മുടെ ഭാഗത്ത്‌ ക്ഷമയു​ണ്ടെ​ങ്കിൽ ദൈവ​വ​ച​ന​വും പരിശു​ദ്ധാ​ത്മാ​വും വിദ്യാർഥി​യു​ടെ ഹൃദയ​ത്തിൽ പ്രവർത്തി​ക്കാൻ ന്യായ​മായ സമയം നാം അനുവ​ദി​ക്കും. (1 കൊരി. 3:6, 7; എബ്രാ. 4:12) വിദ്യാർഥിക്ക്‌ ഒരു ബൈബിൾവി​ഷയം മനസ്സി​ലാ​ക്കാ​നോ ബാധക​മാ​ക്കാ​നോ ബുദ്ധി​മു​ട്ടാ​ണെ​ങ്കിൽ നിർബ​ന്ധി​ക്കു​ന്ന​തി​നു പകരം വേറൊ​രു വിഷയ​ത്തി​ലേക്ക്‌ പോകു​ന്ന​താ​യി​രി​ക്കും നല്ലത്‌. നാം ക്ഷമയോ​ടും സ്‌നേ​ഹ​ത്തോ​ടും​കൂ​ടി പഠിപ്പി​ക്കു​ന്നെ​ങ്കിൽ ഭാവി​യിൽ മാറ്റങ്ങൾ വരുത്താൻ വിദ്യാർഥി മനസ്സു​കാ​ട്ടി​യേ​ക്കാം.