ശിഷ്യ​രാ​ക്കൽവേ​ല​യിൽ ശ്രദ്ധ​കേ​ന്ദ്രീ​ക​രി​ക്കുക

1. ആളുകൾ രക്ഷപെ​ട​ണ​മെ​ങ്കിൽ എന്ത്‌ ആവശ്യ​മാണ്‌?

¹ ദൈവ​ജനം രാജ്യ​സു​വാർത്ത പ്രസം​ഗി​ക്കു​ന്ന​തിൽ തീക്ഷ്‌ണ​ത​യും നിശ്ചയ​ദാർഢ്യ​വും ഉള്ളവരാ​ണെ​ന്നാണ്‌ 2014-ലെ വാർഷിക സേവന റിപ്പോർട്ട്‌ സൂചി​പ്പി​ക്കു​ന്നത്‌. (മത്താ. 24:14) വീടു​തോ​റു​മുള്ള വേല, ലഘു​ലേ​ഖ​ക​ളും ക്ഷണക്കത്തു​ക​ളും വിതരണം ചെയ്യു​ന്ന​തി​നുള്ള പ്രത്യേക പ്രചാരണ പരിപാ​ടി​കൾ, പരസ്യ​സാ​ക്ഷീ​കരണ വിധങ്ങൾ എന്നിവ​യി​ലൂ​ടെ മുമ്പെ​ന്ന​ത്തേ​ക്കാൾ അധികം ആളുക​ളി​ലേക്ക്‌ നമ്മൾ ബൈബിൾ സന്ദേശം എത്തിക്കു​ന്നുണ്ട്‌. എന്നിരു​ന്നാ​ലും വ്യക്തികൾ രക്ഷപെ​ട​ണ​മെ​ങ്കിൽ അവരോ​ടൊത്ത്‌ നാം ബൈബിൾ പഠിച്ചു​കൊണ്ട്‌ യേശു​വി​ന്റെ ശിഷ്യ​രാ​കാൻ അവരെ സഹായി​ക്കണം.—1 തിമൊ. 2:4.

2. ബൈബി​ള​ധ്യ​യനം തുടങ്ങു​ന്നതു സംബന്ധിച്ച്‌ ശ്രദ്ധയു​ള്ള​വ​രാ​യി​രി​ക്ക​ണ​മെ​ങ്കിൽ ഏതു ചോദ്യം നമ്മോടു തന്നെ ചോദി​ക്കണം?

² ബൈബി​ള​ധ്യ​യനം തുടങ്ങാൻ എപ്പോ​ഴും ശ്രദ്ധയു​ള്ള​വ​രാ​യി​രി​ക്കുക: താത്‌പ​ര്യം കാണി​ക്കുന്ന വ്യക്തിയെ സന്ദർശി​ക്കാൻ വേണ്ട വിവരങ്ങൾ മനസ്സി​ലാ​ക്കി ബൈബി​ള​ധ്യ​യനം തുടങ്ങാൻ അദ്ദേഹത്തെ വീണ്ടും സന്ദർശി​ക്കാ​റു​ണ്ടോ? ആദ്യ സന്ദർശ​ന​ത്തിൽത്തന്നെ ഒരു ബൈബി​ള​ധ്യ​യനം നടത്തി കാണി​ച്ചിട്ട്‌ എത്ര നാളായി? മാസി​കാ​റൂ​ട്ടിൽ ഉള്ളവരെ ബൈബിൾ പഠിപ്പി​ക്കാ​മെന്ന്‌ അവസാ​ന​മാ​യി വാഗ്‌ദാ​നം ചെയ്‌തത്‌ എന്നാണ്‌? ബൈബിൾ പഠി​ക്കേ​ണ്ടത്‌ എന്തു​കൊണ്ട്‌?, ബൈബി​ള​ധ്യ​യനം—അത്‌ എന്താണ്‌? എന്നീ വീഡി​യോ​കൾ സഹജോ​ലി​ക്കാ​രെ​യും സഹപാ​ഠി​ക​ളെ​യും അയൽക്കാ​രെ​യും ബന്ധുക്ക​ളെ​യും പരിച​യ​ക്കാ​രെ​യും ഒക്കെ കാണി​ച്ചി​ട്ടു​ണ്ടോ? പരസ്യ​സാ​ക്ഷീ​ക​ര​ണ​ത്തിൽ ആയിരി​ക്കെ പ്രസി​ദ്ധീ​ക​ര​ണങ്ങൾ എടുക്കു​ന്ന​വ​രോട്‌ സൗജന്യ ബൈബി​ള​ധ്യ​യ​ന​ത്തെ​ക്കു​റിച്ച്‌ നിങ്ങൾ പറയാ​റു​ണ്ടോ?

3. സത്യം വിജയ​ക​ര​മാ​യി പഠിപ്പി​ക്കാൻ എന്താണ്‌ ആവശ്യ​മാ​യി​രി​ക്കു​ന്നത്‌?

³ യഹോ​വ​യിൽനി​ന്നും യേശു​വിൽനി​ന്നും ഉള്ള സഹായം: “ശിഷ്യരെ ഉളവാ​ക്കുക” എന്ന കൽപന​യു​ടെ തുടക്ക​ത്തിൽ “പോയി” എന്ന വാക്ക്‌ യേശു ഉപയോ​ഗി​ച്ച​തി​നാൽ നമ്മൾ അതിന്‌ പ്രയത്‌നം ചെലു​ത്തു​ക​യും മുൻകൈ എടുക്കു​ക​യും വേണ​മെന്ന്‌ സൂചി​പ്പി​ക്കു​ന്നു. എന്നാൽ ഈ വേലയിൽ നമ്മൾ ഒറ്റയ്‌ക്കല്ല, പകരം നമ്മോ​ടൊ​പ്പം യേശു ഉണ്ടായി​രി​ക്കു​മെന്ന്‌ അവൻ വാഗ്‌ദാ​നം ചെയ്‌തി​രി​ക്കു​ന്നു. (മത്താ. 28:19, 20) കൂടാതെ ആളുകളെ സത്യം പഠിപ്പി​ക്കാ​നാ​യി യഹോവ തന്റെ പരിശു​ദ്ധാ​ത്മാ​വി​നെ​യും അതു​പോ​ലെ നമുക്കു വേണ്ട ഉപകര​ണ​ങ്ങ​ളും പരിശീ​ല​ന​വും നൽകി​യി​രി​ക്കു​ന്നു. (സെഖ. 4:6; 2 കൊരി. 4:7) ഈ പ്രധാ​ന​പ്പെട്ട വേലയിൽ പങ്കെടു​ക്കാൻ വേണ്ടി “ഇച്ഛിക്കാ​നും പ്രവർത്തി​ക്കാ​നും” ആയി നമുക്ക്‌ പ്രാർഥി​ക്കാം.—ഫിലി. 2:13.

4. ശിഷ്യ​രാ​ക്കൽവേ​ല​യിൽ നാം ശ്രദ്ധ കേന്ദ്രീ​ക​രി​ക്കേ​ണ്ടത്‌ എന്തു​കൊണ്ട്‌?

⁴ സുവാർത്ത പ്രസം​ഗി​ക്കു​ന്നത്‌ നമുക്ക്‌ വലിയ സന്തോഷം കൈവ​രു​ത്തു​ന്നു. എന്നാൽ ഒരാളെ സത്യം പഠിപ്പി​ച്ചു “ജീവനി​ലേ​ക്കുള്ള പാത”യിൽ നടക്കാൻ അദ്ദേഹത്തെ സഹായി​ക്കു​ന്നത്‌ കൂടുതൽ സന്തോഷം കൈവ​രു​ത്തും. (മത്താ. 7:14; 1 തെസ്സ. 2:19, 20) അതിലും പ്രധാ​ന​മാ​യി ശിഷ്യ​രാ​ക്കൽവേ​ല​യിൽ ശ്രദ്ധ കേന്ദ്രീ​ക​രി​ക്കു​ന്ന​തി​നാൽ “ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​ത്തി​ലേക്കു വരാൻ ഇച്ഛിക്കുന്ന” യഹോ​വയെ സന്തോ​ഷി​പ്പി​ക്കു​ക​യാണ്‌ നാം ചെയ്യുക.—2 പത്രോ. 3:9.