പഠിപ്പി​ക്കാ​നുള്ള നമ്മുടെ ഉപകര​ണ​ങ്ങൾ

1. ക്രിസ്‌തീയ സുവി​ശേ​ഷകർ കരകൗ​ശ​ല​പ്പ​ണി​ക്കാ​രെ​പ്പോ​ലെ ആയിരി​ക്കു​ന്നത്‌ എങ്ങനെ?

¹ കരകൗ​ശ​ല​പ്പ​ണി​ക്കാർ പലതരം ഉപകര​ണങ്ങൾ ഉപയോ​ഗി​ക്കു​ന്നു. പ്രത്യേക ജോലി​കൾക്കാ​യി ഉപയോ​ഗി​ക്കു​ന്നവ വല്ലപ്പോ​ഴു​മൊ​ക്കെ​യാ​യി​രി​ക്കും വേണ്ടി​വ​രിക. എന്നാൽ അടിസ്ഥാന ഉപകര​ണങ്ങൾ തുടർച്ച​യാ​യി ഉപയോ​ഗി​ക്കും. അനുഭ​വ​പ​രി​ച​യ​മുള്ള കരകൗ​ശ​ല​പ്പ​ണി​ക്കാർ ഇത്തരം അടിസ്ഥാന ഉപകര​ണങ്ങൾ തങ്ങളുടെ പെട്ടി​യിൽ എപ്പോ​ഴും കരുതും. അവ ഉപയോ​ഗി​ക്കു​ന്ന​തി​ലാ​യി​രി​ക്കും അവർക്ക്‌ ഏറ്റവും വൈദഗ്‌ധ്യം. ഓരോ ക്രിസ്‌ത്യാ​നി​യെ​യും ശുശ്രൂ​ഷ​യിൽ വൈദഗ്‌ധ്യം നേടാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. “ലജ്ജിക്കാൻ വകയി​ല്ലാത്ത വേലക്കാ​ര​നാ​യി” തുടരാ​നാണ്‌ ബൈബിൾ പറയു​ന്നത്‌. (2 തിമൊ. 2:15) നമ്മുടെ ഉപകര​ണ​ങ്ങ​ളിൽ ഏറ്റവും പ്രധാ​ന​പ്പെ​ട്ടത്‌ ഏതാണ്‌? അത്‌ ദൈവ​വ​ച​ന​മാണ്‌—‘ശിഷ്യരെ ഉളവാ​ക്കാൻ’ നാം ഉപയോ​ഗി​ക്കുന്ന മുഖ്യ ഉപകരണം. (മത്താ. 28:19, 20) അതിനാൽ “സത്യവ​ച​നത്തെ ശരിയാം​വണ്ണം കൈകാ​ര്യം​ചെയ്‌തു​കൊണ്ട്‌” അതിൽ വിദഗ്‌ധ​രാ​കാൻ നാം ശ്രമി​ക്കണം. എന്നാൽ നിരന്ത​ര​മാ​യി ഉപയോ​ഗി​ക്കുന്ന മറ്റു പഠിപ്പി​ക്കൽ ഉപകര​ണ​ങ്ങ​ളും നമുക്കുണ്ട്‌. അവയും വൈദഗ്‌ധ്യ​ത്തോ​ടെ ഉപയോ​ഗിച്ച്‌ ആളുകളെ സത്യം പഠിപ്പി​ക്കാൻ എല്ലാ ക്രിസ്‌ത്യാ​നി​ക​ളും പഠിക്കണം.—സദൃ. 22:29.

2. നമ്മുടെ അടിസ്ഥാന പഠിപ്പി​ക്കൽ ഉപകര​ണങ്ങൾ ഏവയാണ്‌?

² നമ്മുടെ അടിസ്ഥാന പഠിപ്പി​ക്കൽ ഉപകര​ണങ്ങൾ: ബൈബി​ളി​നു പുറമെ മറ്റ്‌ ഏത്‌ ഉപകര​ണ​ങ്ങ​ളാണ്‌ നാം ഉപയോ​ഗി​ക്കേ​ണ്ടത്‌? ബൈബിൾ സത്യങ്ങൾ ആളുകളെ പഠിപ്പി​ക്കാ​നാ​യി നമുക്കുള്ള പ്രഥമ ഉപകരണം ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​മാണ്‌. ഈ പുസ്‌തകം വിദ്യാർഥി​യെ പഠിപ്പിച്ച ശേഷം “ദൈവസ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ” എന്ന പുസ്‌തകം ഉപയോ​ഗി​ച്ചു​കൊണ്ട്‌ അനുദിന ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കാൻ അദ്ദേഹത്തെ നമ്മൾ പഠിപ്പി​ക്കും. അതിനാൽ ഈ രണ്ടു പ്രസി​ദ്ധീ​ക​ര​ണ​ങ്ങ​ളും കൈകാ​ര്യം ചെയ്യാൻ നമ്മൾ പ്രാവീ​ണ്യം നേടണം. നമ്മുടെ പഠിപ്പി​ക്കൽ ഉപകര​ണ​ങ്ങ​ളിൽ, ചില ലഘുപ​ത്രി​ക​ക​ളും പെടുന്നു. ദൈവ​ത്തിൽനി​ന്നുള്ള സുവാർത്ത! എന്ന ലഘുപ​ത്രി​ക​യാണ്‌ ബൈബി​ള​ധ്യ​യ​നങ്ങൾ തുടങ്ങാ​നുള്ള നമ്മുടെ പ്രധാന ഉപകര​ണ​ങ്ങ​ളിൽ ഒന്ന്‌. വീട്ടു​കാർ അ​ക്രൈസ്‌ത​വ​രാ​ണെ​ങ്കിൽ ദൈവ​ത്തിൽനി​ന്നുള്ള സുവാർത്ത! പഠിക്കു​ന്ന​തി​നു​മുമ്പ്‌ ഒരു ചവിട്ടു​പ​ടി​യാ​യി കുടും​ബ​ജീ​വി​തം സന്തോ​ഷ​ഭ​രി​ത​മാ​ക്കൂ! എന്ന ലഘുപ​ത്രിക ഉപയോ​ഗി​ക്കാ​വു​ന്ന​താണ്‌. നമ്മുടെ പ്രദേ​ശത്ത്‌ വായനാ പ്രാപ്‌തി കുറഞ്ഞ ആളുകൾ ഉണ്ടെങ്കിൽ അഥവാ നമ്മുടെ പ്രസി​ദ്ധീ​ക​ര​ണങ്ങൾ ഇല്ലാത്ത ഒരു ഭാഷയാണ്‌ അവർ സംസാ​രി​ക്കു​ന്ന​തെ​ങ്കിൽ ദൈവം പറയു​ന്നതു കേൾക്കു​വിൻ!, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്നീ പ്രസി​ദ്ധീ​ക​ര​ണങ്ങൾ ഉപയോ​ഗി​ക്കാം. ഇന്ന്‌ യഹോ​വ​യു​ടെ ഇഷ്ടം ചെയ്യു​ന്നത്‌ ആരാണ്‌? എന്ന ലഘുപ​ത്രിക, വിദ്യാർഥി​കളെ സംഘട​ന​യി​ലേക്ക്‌ നയിക്കാ​നുള്ള ഒരു അടിസ്ഥാന ഉപകര​ണ​മാണ്‌. ശിഷ്യരെ ഉളവാ​ക്കാൻ സഹായി​ക്കുന്ന, ബൈബിൾ പഠി​ക്കേ​ണ്ടത്‌ എന്തു​കൊണ്ട്‌?, രാജ്യ​ഹാ​ളിൽ എന്താണ്‌ നടക്കു​ന്നത്‌?, ദൈവ​ത്തിന്‌ ഒരു പേരു​ണ്ടോ? എന്നീ വീഡി​യോ​കൾ നന്നായി ഉപയോ​ഗി​ക്കാ​നും നാം പഠിക്കണം.

3. ഇനി വരാനുള്ള നമ്മുടെ രാജ്യ​ശു​ശ്രൂ​ഷ​യി​ലെ ലക്കങ്ങൾ നമ്മെ എന്തിന്‌ സഹായി​ക്കും?

³ പഠിപ്പി​ക്കാൻ നാം ഉപയോ​ഗി​ക്കുന്ന അടിസ്ഥാന പ്രസി​ദ്ധീ​ക​ര​ണങ്ങൾ കൈകാ​ര്യം ചെയ്യു​ന്ന​തിൽ വൈദഗ്‌ധ്യം നേടാൻ ഇനി വരാനുള്ള നമ്മുടെ രാജ്യ​ശു​ശ്രൂ​ഷ​യി​ലെ ലക്കങ്ങൾ നമ്മെ സഹായി​ക്കും. ഈ ഉപകര​ണങ്ങൾ തന്മയത്വ​ത്തോ​ടെ ഉപയോ​ഗി​ക്കാൻ ശ്രമി​ക്കു​ന്നെ​ങ്കിൽ ഈ നിശ്വസ്‌ത ഉപദേശം നമ്മൾ അനുസ​രി​ക്കു​ക​യാ​യി​രി​ക്കും: “നിന്നെ​ക്കു​റി​ച്ചും നിന്റെ പ്രബോ​ധ​ന​ത്തെ​ക്കു​റി​ച്ചും എപ്പോ​ഴും ശ്രദ്ധാ​ലു​വാ​യി​രി​ക്കുക. ഈ കാര്യ​ങ്ങ​ളിൽ ഉറച്ചു​നിൽക്കുക. അങ്ങനെ​ചെയ്‌താൽ, നിന്നെ​ത്ത​ന്നെ​യും നിന്റെ വാക്കു കേൾക്കു​ന്ന​വ​രെ​യും നീ രക്ഷിക്കും.”—1 തിമൊ. 4:16.