പ്രവാ​ച​ക​ന്മാ​രു​ടെ മാതൃക അനുക​രി​ക്കുക—ഹബക്കൂക്‌

1. നമ്മുടെ സാഹച​ര്യം ഹബക്കൂ​ക്കി​ന്റേ​തി​നോട്‌ സമാന​മാ​യി​രി​ക്കു​ന്നത്‌ എന്തു​കൊണ്ട്‌?

¹ ലോക​മെ​മ്പാ​ടും ദുഷ്ടത അടിക്കടി വർധി​ച്ചു​വ​രു​ന്നതു കാണു​മ്പോൾ “നീ എന്നെ നീതി​കേടു കാണു​മാ​റാ​ക്കു​ന്ന​തും പീഡനം വെറുതെ നോക്കു​ന്ന​തും എന്തിന്‌”എന്ന്‌ യഹോ​വ​യോട്‌ ചോദിച്ച ഹബക്കൂ​ക്കി​നെ​പ്പോ​ലെ നമുക്കും തോന്നി​യേ​ക്കാം. (ഹബ. 1:3; 2 തിമൊ. 3:1, 13) ഹബക്കൂക്‌ എഴുതിയ സന്ദേശം ധ്യാനി​ക്കു​ന്ന​തും അവന്റെ വിശ്വസ്‌തത മാതൃ​ക​യാ​ക്കു​ന്ന​തും യഹോ​വ​യു​ടെ ന്യായ​വി​ധി​ദി​വ​സ​ത്തി​നാ​യി കാത്തി​രി​ക്കുന്ന നമ്മളെ സഹിച്ചു​നിൽക്കാൻ സഹായി​ക്കും.—2 പത്രോ. 3:7.

2. വിശ്വസ്‌ത​ത​യോ​ടെ​യാണ്‌ നമ്മൾ ഇപ്പോൾ ജീവി​ക്കു​ന്ന​തെന്ന്‌ എങ്ങനെ കാണി​ക്കാം?

² വിശ്വസ്‌ത​ത​യോ​ടെ ജീവി​ക്കുക: ചുറ്റു​മുള്ള മോശ​മായ സാഹച​ര്യ​ങ്ങ​ളെ​പ്രതി തളർന്നു​പോ​കു​ന്ന​തി​നു പകരം ഹബക്കൂക്‌ ആത്മീയ​മാ​യി ഉണർവു​ള്ള​വ​നും പ്രവർത്ത​ന​നി​ര​ത​നും ആയി തുടർന്നു. (ഹബ. 2:1) “നീതി​മാ​നോ വിശ്വാ​സ​ത്താൽ ജീവി​ച്ചി​രി​ക്കും” എന്നും പ്രവചനം കൃത്യ​സ​മ​യ​ത്തു​തന്നെ നിറ​വേ​റു​മെ​ന്നും യഹോവ തന്റെ പ്രവാ​ച​കന്‌ ഉറപ്പു​നൽകി. (ഹബ. 2:2-4) അന്ത്യത്തി​ന്റെ പരമാ​ന്ത്യ​ത്തിൽ ജീവി​ച്ചി​രി​ക്കുന്ന ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം ഇത്‌ എന്താണ്‌ അർഥമാ​ക്കു​ന്നത്‌? എന്നാണ്‌ അവസാനം വരുന്ന​തെന്ന്‌ ചിന്തി​ച്ചു​കൊ​ണ്ടി​രി​ക്കു​ന്ന​തി​നു പകരം അവസാനം സുനി​ശ്ചി​ത​മാ​യും വരുമെന്ന കാര്യ​ത്തിൽ നമുക്ക്‌ ഉറപ്പു​ള്ള​വ​രാ​യി​രി​ക്കാം. നമ്മുടെ വിശ്വസ്‌തത, ഉണർന്നി​രി​ക്കാ​നും ശുശ്രൂ​ഷയ്‌ക്ക്‌ ഒന്നാം സ്ഥാനം നൽകാ​നും നമ്മളെ പ്രചോ​ദി​പ്പി​ക്കും.—എബ്രാ. 10:38, 39.

3. യഹോ​വയെ സേവി​ക്കു​ന്ന​തി​ലുള്ള നമ്മുടെ സന്തോഷം നിലനി​റു​ത്തേ​ണ്ടത്‌ എന്തു​കൊണ്ട്‌?

³ യഹോ​വ​യിൽ ആനന്ദി​ച്ചാർക്കുക: മാഗോഗ്‌ ദേശത്തെ ഗോഗ്‌ യഹോ​വ​യു​ടെ ജനത്തി​നെ​തി​രെ തിരി​യു​മ്പോൾ നമ്മുടെ വിശ്വാ​സ​ത്തിന്‌ പരി​ശോ​ധ​ന​യു​ണ്ടാ​കും. (യെഹെ. 38:2, 10-12) ഇത്‌, ഒടുവിൽ വിജയി​ക്കാ​നി​രി​ക്കു​ന്ന​വർക്കു​പോ​ലും കഷ്ടതക​ളു​ണ്ടാ​ക്കും. ഭക്ഷണം കിട്ടാ​താ​യേ​ക്കാം, വസ്‌തു​വ​കകൾ നഷ്ടമാ​യേ​ക്കാം, ജീവി​ത​നി​ല​വാ​രങ്ങൾ താഴ്‌ന്നേ​ക്കാം. ഇവയോട്‌ നമ്മൾ എങ്ങനെ​യാ​യി​രി​ക്കും പ്രതി​ക​രി​ക്കുക? ഇത്തരം സാഹച​ര്യ​ങ്ങൾ ഹബക്കൂ​ക്കും പ്രതീ​ക്ഷി​ച്ചി​രു​ന്നു. എന്നിരു​ന്നാ​ലും, യഹോ​വയെ സേവി​ക്കു​ന്ന​തി​ലുള്ള സന്തോഷം നിലനി​റു​ത്താൻ ഹബക്കൂക്‌ ദൃഢനി​ശ്ചയം ചെയ്‌തി​രു​ന്നു. (ഹബ. 3:16-19) അതു​പോ​ലെ, “യഹോ​വ​യി​ങ്കലെ സന്തോഷം” ഭാവി​യി​ലെ പരി​ശോ​ധ​നകൾ സഹിച്ചു​നിൽക്കാൻ ആവശ്യ​മായ ബലം നൽകി നമ്മളെ​യും സഹായി​ക്കും.—നെഹെ. 8:10; എബ്രാ. 12:2.

4. ഇന്നും ഭാവി​യി​ലും നമുക്ക്‌ എങ്ങനെ ആനന്ദി​ക്കാം?

⁴ വരാനി​രി​ക്കുന്ന ന്യായ​വി​ധി​യെ അതിജീ​വി​ക്കു​ന്ന​വർക്ക്‌ തുടർന്നും ദൈവി​ക​നി​ല​വാ​രങ്ങൾ അനുസ​രിച്ച്‌ ജീവി​ക്കാ​നുള്ള പരിശീ​ലനം യഹോവ നൽകും. (ഹബ. 2:14) പുനരു​ത്ഥാ​ന​ത്തിൽ വരുന്ന​വ​രും യഹോ​വ​യെ​ക്കു​റിച്ച്‌ പഠിക്കും. അതു​കൊണ്ട്‌, ഇപ്പോൾ യഹോ​വ​യെ​യും യഹോ​വ​യു​ടെ അത്ഭുത​ക​ര​മായ പ്രവൃ​ത്തി​ക​ളെ​യും കുറിച്ച്‌ സംസാ​രി​ക്കാൻ കിട്ടുന്ന സകല അവസര​വും വിനി​യോ​ഗി​ക്കുക.—സങ്കീ. 34:1; 71:17.