അവരെ ഹൃദ്യ​മാ​യി സ്വാഗതം ചെയ്യുക

ആരെയാണ്‌ ഹൃദ്യ​മാ​യി സ്വാഗതം ചെയ്യേ​ണ്ടത്‌? നമ്മുടെ ക്രിസ്‌തീയ യോഗ​ങ്ങൾക്ക്‌ വരുന്ന എല്ലാവ​രെ​യും. അവർ ചില​പ്പോൾ പുതി​യ​വ​രാ​കാം, അല്ലെങ്കിൽ വർഷങ്ങ​ളാ​യി നമുക്ക്‌ അറിയാ​വു​ന്ന​വ​രാ​കാം. (റോമ 15:7; എബ്ര 13:2) അവർ മറ്റൊരു രാജ്യ​ത്തു​നിന്ന്‌ ഇവിടെ സന്ദർശി​ക്കാ​നെ​ത്തിയ സഹോ​ദ​ര​ങ്ങ​ളാ​കാം, അല്ലെങ്കിൽ കുറെ വർഷങ്ങൾക്കു ശേഷം യോഗ​ങ്ങൾക്കു വരുന്ന ഒരു നിഷ്‌ക്രി​യ​നാ​കാം. അവരുടെ സ്ഥാനത്ത്‌ നിങ്ങ​ളെ​ത്തന്നെ ഒന്നു സങ്കൽപ്പി​ച്ചു​നോ​ക്കുക. ഹൃദ്യ​മായ ഒരു സ്വാഗതം ലഭിച്ചാൽ അതു നിങ്ങൾ തീർച്ച​യാ​യും വിലമ​തി​ക്കും, അല്ലേ? (മത്ത 7:12) അങ്ങനെ​യെ​ങ്കിൽ രാജ്യ​ഹാ​ളിൽ ഒരിട​ത്തു​തന്നെ ഒതുങ്ങി​ക്കൂ​ടാ​തെ മീറ്റി​ങ്ങി​നു മുമ്പും ശേഷവും മറ്റുള്ള​വ​രോ​ടു സംസാ​രി​ക്കാൻ എന്തു​കൊണ്ട്‌ ഒരു ശ്രമം ചെയ്‌തു​കൂ​ടാ? ഇത്‌ സ്‌നേ​ഹ​വും ഊഷ്‌മ​ള​ത​യും നിറഞ്ഞ ഒരു അന്തരീക്ഷം സൃഷ്ടി​ക്കും, യഹോ​വ​യ്‌ക്കു മഹത്ത്വ​വും നൽകും. (മത്ത 5:16) കൂടി​വ​ന്നി​രി​ക്കുന്ന എല്ലാവ​രോ​ടും സംസാ​രി​ക്കാൻ എപ്പോ​ഴും സാധി​ക്കി​ല്ലാ​യി​രി​ക്കാം. എന്നാൽ ഓരോ​രു​ത്ത​രും അവരവ​രു​ടെ പരമാ​വധി ശ്രമി​ക്കു​മ്പോൾ എല്ലാവർക്കും ഹൃദ്യ​മായ സ്വാഗതം ലഭിക്കും.a

സ്‌മാ​ര​കാ​ച​ര​ണം​പോ​ലുള്ള പ്രത്യേക അവസര​ങ്ങ​ളിൽ മാത്രമല്ല നമ്മൾ ആതിഥ്യ​മ​ര്യാ​ദ കാണി​ക്കേ​ണ്ടത്‌. ക്രിസ്‌തീയസ്‌നേഹം പ്രവൃ​ത്തി​ക​ളി​ലൂ​ടെ കാണു​ക​യും അറിയു​ക​യും ചെയ്യു​മ്പോൾ പുതി​യ​വ​രായ ആളുകൾ ദൈവത്തെ സ്‌തു​തി​ക്കാ​നും സത്യാ​രാ​ധ​ന​യിൽ നമ്മളോ​ടൊ​പ്പം ചേരാ​നും പ്രേരി​ത​രാ​യി​ത്തീ​രും.—യോഹ 13:35.