വ്യക്തി​പ​ര​മായ പഠനത്തിൽനിന്ന്‌ പൂർണ​പ്ര​യോ​ജനം നേടുക

എന്തുകൊണ്ട്‌ പ്രധാനം: ദൈവ​വ​ച​ന​ത്തി​ന്റെ വ്യക്തി​പ​ര​മായ പഠനം “സത്യത്തി​ന്റെ വീതി​യും നീളവും ഉയരവും ആഴവും പൂർണ​മാ​യി ഗ്രഹി​ക്കാൻ” നമ്മളെ സഹായി​ക്കു​ന്നു. (എഫ 3:18) കൂടാതെ, ഈ ദുഷ്ട​ലോ​ക​ത്തിൽ ജീവി​ക്കു​മ്പോൾ കുറ്റമ​റ്റ​വ​രും കറ പുരളാ​ത്ത​വ​രും ആയി നിലനിൽക്കാ​നും ‘ജീവന്റെ വചനം മുറുകെ പിടി​ക്കാ​നും’ അതു നമ്മളെ സഹായി​ക്കും. (ഫിലി 2:15, 16) വ്യക്തി​പ​ര​മാ​യി പഠിക്കു​മ്പോൾ നമ്മുടെ ആവശ്യ​ത്തിന്‌ അനുസ​രിച്ച്‌ കാര്യങ്ങൾ തിര​ഞ്ഞെ​ടുത്ത്‌ പഠിക്കാൻ നമുക്കു കഴിയും. ദൈവ​വ​ചനം വായി​ക്കാ​നും പഠിക്കാ​നും ചെലവി​ടുന്ന സമയം പൂർണ​മാ​യി പ്രയോ​ജ​ന​പ്പെ​ടു​ത്താൻ നമുക്ക്‌ എങ്ങനെ കഴിയും?

എങ്ങനെ ചെയ്യാം:

• നിങ്ങൾ വ്യക്തി​പ​ര​മായ പഠനത്തിന്‌ ഉപയോ​ഗി​ക്കുന്ന ബൈബിൾ അച്ചടിച്ച പതിപ്പാ​ണെ​ങ്കി​ലും ഇലക്‌​ട്രോ​ണിക്‌ രൂപത്തി​ലു​ള്ള​താ​ണെ​ങ്കി​ലും വാക്യ​ങ്ങൾക്ക്‌ അടിവ​ര​യി​ടു​ക​യും കുറി​പ്പു​കൾ എഴുതു​ക​യും ചെയ്യുക

• ദൈവ​വ​ചനം വായി​ക്കു​മ്പോൾ ഈ ചോദ്യ​ങ്ങ​ളെ​ക്കു​റിച്ച്‌ ചിന്തി​ക്കുക: ‘ആര്‌? എന്ത്‌? എപ്പോൾ? എവിടെ? എന്തു​കൊണ്ട്‌? എങ്ങനെ?’

• വിവരങ്ങൾ ശേഖരി​ക്കാൻ ശ്രമി​ക്കുക. ലഭ്യമായ ഉപകര​ണങ്ങൾ ഉപയോ​ഗിച്ച്‌ ഒരു വിഷയ​ത്തെ​ക്കു​റി​ച്ചോ വാക്യ​ത്തെ​ക്കു​റി​ച്ചോ ഗവേഷണം ചെയ്യാം

• വായി​ക്കുന്ന വിവരങ്ങൾ നിങ്ങൾക്ക്‌ എങ്ങനെ പ്രയോ​ജനം ചെയ്യു​മെന്നു മനസ്സി​ലാ​ക്കു​ന്ന​തി​നു ധ്യാനി​ക്കു​ക

• പഠിക്കുന്ന കാര്യങ്ങൾ നിങ്ങളു​ടെ അനുദിന ജീവി​ത​ത്തിൽ ബാധക​മാ​ക്കുക.—ലൂക്ക 6:47, 48

വ്യക്തിപരമായ പഠനത്തി​ലൂ​ടെ ‘ജീവന്റെ വചനം മുറുകെ പിടി​ക്കാം’ എന്ന വീഡി​യോ കാണി​ക്കുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• വ്യക്തി​പ​ര​മായ പഠന​ത്തെ​ക്കു​റിച്ച്‌ ചിലർ എന്താണു പറയു​ന്നത്‌?

• ഓരോ പ്രാവ​ശ്യ​വും വ്യക്തി​പ​ര​മായ പഠനം പ്രാർഥ​ന​യോ​ടെ തുട​ങ്ങേ​ണ്ടത്‌ എന്തു​കൊണ്ട്‌?

• ഒരു ബൈബിൾഭാ​ഗം കുറച്ചു​കൂ​ടെ നന്നായി മനസ്സി​ലാ​ക്കാൻ നമ്മളെ എന്തു സഹായി​ക്കും?

• ബൈബി​ളിൽ വ്യത്യസ്‌ത തരത്തി​ലുള്ള അടയാ​ളങ്ങൾ നമുക്ക്‌ എങ്ങനെ ഉപയോ​ഗി​ക്കാം?

• ദൈവ​വ​ചനം പഠിക്കു​മ്പോൾ ധ്യാനി​ക്കു​ന്നത്‌ അത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

• പഠിക്കുന്ന കാര്യങ്ങൾ നമുക്ക്‌ എങ്ങനെ​യൊ​ക്കെ ഉപയോ​ഗി​ക്കാം?