ക്രിസ്‌ത്യാനികളായി ജീവിക്കാം
എന്താണ്‌ എനിക്ക്‌ ഏറ്റവും പ്രധാനം?
യാക്കോബ്‌ ദൂതനോട്‌ ഒരു പ്രധാനപ്പെട്ട കാര്യത്തിനു മല്ലുപിടിച്ചു. ഏതു കാര്യത്തിന്‌? യഹോവയുടെ അനുഗ്രഹത്തിനായി. (ഉൽ 32:24-31; ഹോശ 12:3, 4) ഇനി, നമ്മളെക്കുറിച്ചോ? യഹോവയെ അനുസരിക്കാനും യഹോവയുടെ അനുഗ്രഹം നേടാനും നമ്മുടെ ശക്തി മുഴുവനും ഉപയോഗിക്കാൻ നമ്മൾ തയ്യാറാണോ? ഉദാഹരണത്തിന്‌, നമുക്കു മീറ്റിങ്ങുള്ള ദിവസം കൂടുതൽ സമയം ജോലിചെയ്യാൻ ആവശ്യപ്പെട്ടാൽ, നമ്മൾ എന്തു തീരുമാനിക്കും? നമ്മുടെ സമയം, ആരോഗ്യം, വസ്‌തുവകകൾ എല്ലാത്തിന്റെയും ഏറ്റവും നല്ലത്‌ യഹോവയ്‌ക്കു കൊടുക്കുകയാണെങ്കിൽ, “ഒന്നിനും കുറവില്ലാത്ത വിധം” യഹോവ നമ്മുടെ മേൽ “അനുഗ്രഹം” ചൊരിയും. (മല 3:10) അതെ, യഹോവ നമ്മളെ വഴിനയിക്കും, നമ്മളെ സംരക്ഷിക്കും, നമ്മുടെ ആവശ്യങ്ങൾ നിറവേറ്റുകയും ചെയ്യും.—മത്ത 6:33; എബ്ര 13:5.
ആത്മീയലക്ഷ്യങ്ങളോടു പറ്റിനിൽക്കുക എന്ന വീഡിയോ അവതരണം കാണുക. എന്നിട്ട്‌ പിൻവരുന്ന ചോദ്യങ്ങൾക്ക്‌ ഉത്തരം കണ്ടെത്തുക:
സഹോദരി ഇഷ്ടപ്പെട്ടിരുന്ന ഏതു കാര്യമാണ്‌ സഹോദരിക്കു പരിശോധനയായത്‌?
നമ്മുടെ ജോലി നമുക്ക്‌ ഒരു പരിശോധനയായേക്കാവുന്നത്‌ എങ്ങനെ?
പക്വതയുള്ള ഒരു ക്രിസ്‌ത്യാനിയായതിനു ശേഷവും തിമൊഥെയൊസ്‌ ആത്മീയ ലക്ഷ്യങ്ങൾ വെക്കേണ്ടിയിരുന്നത്‌ എന്തുകൊണ്ട്‌?—1തിമ 4:16
ജീവിതത്തിൽ നിങ്ങൾക്ക്‌ ഏറ്റവും പ്രധാനപ്പെട്ടത്‌ എന്താണ്‌?
നമ്മുടെ “ഏറ്റവും പ്രധാന ജോലി” ഏതാണെന്ന്‌ നമുക്ക്‌ എങ്ങനെ കാണിക്കാം?