‘സംഭാ​ഷ​ണ​ത്തി​നുള്ള ചില മാതൃ​കകൾ’ എങ്ങനെ​യാണ്‌ ഉപയോ​ഗി​ക്കേ​ണ്ടത്‌?

നമ്മുടെ ക്രിസ്‌തീയ ജീവി​ത​വും സേവന​വും​—യോഗ​ത്തി​നുള്ള പഠനസ​ഹാ​യി​യു​ടെ പുറം​താ​ളിൽ, 2018 ജനുവരി ലക്കം മുതൽ സംഭാ​ഷ​ണ​ത്തി​നുള്ള മാതൃ​കകൾ വരാൻ തുടങ്ങി. അത്‌ എങ്ങനെ ഉപയോ​ഗി​ക്കാൻ കഴിയും?

വിദ്യാർഥിനിയമനങ്ങൾ നടത്തു​മ്പോൾ: മാതൃ​കാ​സം​ഭാ​ഷ​ണ​ത്തിൽ കൊടു​ത്തി​ട്ടുള്ള ചോദ്യ​വും തിരു​വെ​ഴു​ത്തും മടക്കസ​ന്ദർശ​ന​ത്തി​നുള്ള ചോദ്യ​വും നിങ്ങൾ ഉപയോ​ഗി​ക്കണം. എന്നാൽ മാതൃ​കാ​സം​ഭാ​ഷ​ണ​ത്തി​ന്റെ വീഡി​യോ​യി​ലെ അവതരണം അതേപടി പകർത്തണം എന്നല്ല ഇതിനർഥം. നിങ്ങൾക്കു വേറൊ​രു സെറ്റി​ങ്ങും മുഖവു​ര​യും ഒക്കെ ഉപയോ​ഗി​ക്കാം, വേറൊ​രു രീതി​യിൽ ആശയങ്ങൾ വികസി​പ്പി​ക്കാം. ഇനി, പരിപാ​ടി​ക്കുള്ള നിർദേ​ശ​ങ്ങ​ളിൽ പ്രസി​ദ്ധീ​ക​രണം കൊടു​ക്കാൻ പറഞ്ഞി​ട്ടി​ല്ലെ​ങ്കി​ലും ആഗ്രഹി​ക്കു​ന്നെ​ങ്കിൽ പഠിപ്പി​ക്കാ​നുള്ള ഉപകര​ണ​ങ്ങ​ളി​ലെ ഒരു പ്രസി​ദ്ധീ​ക​രണം കൊടു​ക്കാം.

ശുശ്രൂഷയിൽ: പ്രചാ​ര​കർക്ക്‌ ശുശ്രൂ​ഷ​യിൽ ഉപയോ​ഗി​ക്കാൻ പറ്റുന്ന ചില ആശയങ്ങൾ കൊടു​ക്കാ​നാണ്‌ മാതൃ​കാ​സം​ഭാ​ഷ​ണങ്ങൾ തയ്യാറാ​ക്കു​ന്നത്‌. വീട്ടു​കാ​രൻ കൂടുതൽ അറിയാൻ നല്ല താത്‌പ​ര്യം കാണി​ക്കു​ന്നെ​ങ്കി​ലോ? നിങ്ങൾക്കു സംഭാ​ഷണം തുടരാ​വു​ന്ന​താണ്‌. വേണ​മെ​ങ്കിൽ, മടക്കസ​ന്ദർശ​ന​ത്തി​നു തന്നിരി​ക്കുന്ന വിവര​ങ്ങ​ളും ഉപയോ​ഗി​ക്കാം. നിങ്ങൾക്ക്‌ മാതൃ​കാ​സം​ഭാ​ഷ​ണ​ങ്ങ​ളിൽ ചെറിയ മാറ്റങ്ങൾ വരുത്തി ഉപയോ​ഗി​ക്കാ​നും കഴിയും. അതു​പോ​ലെ, തികച്ചും വ്യത്യ​സ്‌ത​മായ അവതര​ണ​ങ്ങ​ളും ആകാം. ഒരു മുൻമാ​സത്തെ വിഷയ​മോ മറ്റൊരു തിരു​വെ​ഴു​ത്തോ ആണോ നിങ്ങളു​ടെ പ്രദേ​ശത്തെ ആളുകളെ കൂടുതൽ ആകർഷി​ക്കുക? അല്ലെങ്കിൽ, ഏതെങ്കി​ലും ആനുകാ​ലി​ക​സം​ഭ​വ​ങ്ങ​ളോ വാർത്ത​ക​ളോ ആണോ? സംഭാ​ഷ​ണ​ത്തി​നുള്ള മാതൃ​കകൾ എങ്ങനെ ഉപയോ​ഗി​ക്കാ​നാണ്‌ നിങ്ങളു​ടെ തീരു​മാ​ന​മെ​ങ്കി​ലും ‘എല്ലാം സന്തോ​ഷ​വാർത്ത​യ്‌ക്കു​വേണ്ടി, അതു മറ്റുള്ള​വരെ അറിയി​ക്കാൻവേണ്ടി’ നമുക്ക്‌ ചെയ്യാം.​—1കൊ 9:22, 23.