സ്‌നാനത്തിലേക്കുള്ള യാത്രയിൽ നിങ്ങൾ എവിടെയെത്തി?
ക്രിസ്ത്യാനികളായി ജീവിക്കാം
യഹോവയെ സേവിക്കാൻ തീരുമാനിക്കുക
നിങ്ങൾ ചെറുപ്പക്കാരനായ ഒരു പ്രചാരകനോ ഒരു ബൈബിൾവിദ്യാർഥിയോ ആണോ? നിങ്ങൾ സ്‌നാനമേൽക്കാൻ ലക്ഷ്യം വെച്ചിട്ടുണ്ടോ? ആകട്ടെ, എന്തുകൊണ്ടാണ്‌ നിങ്ങൾ സ്‌നാനമേൽക്കേണ്ടത്‌? യഹോവയുമായുള്ള ഒരു പ്രത്യേകബന്ധത്തിന്റെ തുടക്കമാണ്‌ സമർപ്പണവും സ്‌നാനവും. (സങ്ക 91:1) കൂടാതെ, അത്‌ നമ്മളെ രക്ഷയിലേക്കു നയിക്കും. (1പത്ര 3:21) നിങ്ങൾക്ക്‌ എങ്ങനെ ആ ലക്ഷ്യത്തിൽ എത്താൻ കഴിയും?
നിങ്ങൾ പഠിക്കുന്നത്‌ സത്യമാണെന്ന്‌ സ്വയം പരിശോധിച്ച്‌ ഉറപ്പു വരുത്തുക. ഏതെങ്കിലും വിഷയത്തെക്കുറിച്ച്‌ സംശയം തോന്നിയാൽ നിങ്ങൾതന്നെ ഗവേഷണം ചെയ്‌ത്‌ ഉത്തരം കണ്ടെത്തുക. (റോമ 12:2) ഏതെല്ലാം കാര്യങ്ങളിലാണ്‌ നിങ്ങൾ മാറ്റം വരുത്തേണ്ടതെന്ന്‌ തിരിച്ചറിയുക, വേണ്ട മാറ്റങ്ങൾ വരുത്തുക. പക്ഷേ, യഹോവയെ സന്തോഷിപ്പിക്കാനുള്ള ആഗ്രഹമായിരിക്കണം അതിനു നിങ്ങളെ പ്രേരിപ്പിക്കേണ്ടത്‌. (സുഭ 27:11; എഫ 4:23, 24) സഹായത്തിനായി എപ്പോഴും പ്രാർഥിക്കുക. യഹോവ തന്റെ പരിശുദ്ധാത്മാവിനെ ഉപയോഗിച്ചുകൊണ്ട്‌ നിങ്ങളെ ശക്തീകരിക്കുകയും പിന്തുണയ്‌ക്കുകയും ചെയ്യുമെന്ന്‌ ഉറപ്പുണ്ടായിരിക്കുക. (1പത്ര 5:10, 11) നിങ്ങൾ ചെയ്യുന്ന ശ്രമം അൽപ്പംപോലും വൃഥാവാകില്ല. ഓർക്കുക, യഹോവയെ സേവിച്ചുകൊണ്ടുള്ള ജീവിതമാണ്‌ ഏറ്റവും നല്ല ജീവിതം.—സങ്ക 16:11.
സ്‌നാനത്തിലേക്കുള്ള വഴി എന്ന വീഡിയോ കാണുക, എന്നിട്ട്‌ പിൻവരുന്ന ചോദ്യങ്ങൾക്ക്‌ ഉത്തരം കണ്ടെത്തുക:
സ്‌നാനപ്പെടുന്നതിന്‌ എന്തു തടസ്സങ്ങളാണ്‌ ചിലർ മറികടന്നത്‌?
യഹോവയ്‌ക്ക്‌ നിങ്ങളെത്തന്നെ സമർപ്പിക്കാൻ ആവശ്യമായ വിശ്വാസം എങ്ങനെ വളർത്തിയെടുക്കാം?
സ്‌നാനത്തിനുള്ള യോഗ്യതയിൽ എത്തിച്ചേരുന്നതിന്‌ വേണ്ട കാര്യങ്ങൾ ചെയ്യാൻ ചിലരെ പ്രേരിപ്പിച്ചത്‌ എന്താണ്‌?
തന്നെ സേവിക്കാൻ തീരുമാനിച്ചവരെ യഹോവ എങ്ങനെയാണ്‌ അനുഗ്രഹിച്ചിരിക്കുന്നത്‌?
സമർപ്പണവും സ്‌നാനവും എന്ത്‌ അർഥമാക്കുന്നു?