വയൽസേവനത്തിനു സജ്ജരാകാം | ശുശ്രൂഷയിലെ നിങ്ങളുടെ സന്തോഷം വർധിപ്പിക്കുക
ഉത്സാഹത്തോടെ പഠിപ്പിക്കുക
ഉത്സാഹം ഒരാളിൽനിന്ന്‌ മറ്റൊരാളിലേക്കു പകരുന്ന ഒന്നാണ്‌. കേൾവിക്കാരുടെ ശ്രദ്ധ പിടിച്ചുപറ്റാൻ അതു സഹായിക്കും. നമ്മൾ അറിയിക്കുന്ന സന്ദേശത്തെ നമ്മൾ വിലയുള്ളതായി കാണുന്നെന്നും അതു തെളിയിക്കും. നമ്മുടെ പശ്ചാത്തലമോ വ്യക്തിത്വമോ ഏതു തരത്തിലുള്ളതായാലും നമുക്ക്‌ ഉത്സാഹം വളർത്തിയെടുക്കാനാകും. (റോമ 12:11) എങ്ങനെ?
ആദ്യംതന്നെ, നമ്മുടെ സന്ദേശം എത്ര പ്രധാനപ്പെട്ടതാണെന്നു ചിന്തിക്കുക. ‘നല്ല കാര്യങ്ങളെക്കുറിച്ചുള്ള സന്തോഷവാർത്തയാണ്‌’ നമുക്ക്‌ അറിയിക്കാനുള്ളത്‌. (റോമ 10:15) രണ്ടാമത്‌, നമ്മൾ അറിയിക്കുന്ന സന്തോഷവാർത്ത ആളുകൾക്ക്‌ എങ്ങനെ പ്രയോജനം ചെയ്യുമെന്നു ചിന്തിക്കുക. ശരിക്കും അവർ കേൾക്കേണ്ട വാർത്തതന്നെയാണു നമുക്കു പറയാനുള്ളത്‌. (റോമ 10:13, 14) ഇനി, സംസാരിക്കുമ്പോൾ സ്വാഭാവികമായ ആംഗ്യങ്ങളും ആത്മാർഥമായ മുഖഭാവവും നല്ല ചുറുചുറുക്കും ഉണ്ടായിരിക്കണം.
ശിഷ്യരാക്കൽവേലയുടെ സന്തോഷം ആസ്വദിക്കാൻ നിങ്ങളുടെ വൈദഗ്‌ധ്യം മെച്ചപ്പെടുത്തുക—ഉത്സാഹത്തോടെ പഠിപ്പിക്കുന്നതിൽ എന്ന വീഡിയോ കാണുക. എന്നിട്ട്‌, പിൻവരുന്ന ചോദ്യങ്ങൾക്ക്‌ ഉത്തരം പറയുക:
ഹണിയെ ബൈബിൾ പഠിപ്പിക്കുമ്പോൾ നീതയുടെ ഉത്സാഹം കുറഞ്ഞുപോകാൻ കാരണം എന്താണ്‌?
തന്റെ ഉത്സാഹം വീണ്ടെടുക്കാൻ നീതയെ സഹായിച്ചത്‌ എന്താണ്‌?
നമ്മുടെ ഉത്സാഹം മറ്റുള്ളവരിലേക്കും പകരും
നമ്മുടെ കേൾവിക്കാരുടെ നല്ല ഗുണങ്ങളിൽ ശ്രദ്ധ കേന്ദ്രീകരിക്കേണ്ടത്‌ എന്തുകൊണ്ട്‌?
നമ്മുടെ ഉത്സാഹം ബൈബിൾവിദ്യാർഥികളെയും മറ്റുള്ളവരെയും എങ്ങനെ സ്വാധീനിച്ചേക്കാം?