പ്രയാ​സ​സാ​ഹ​ച​ര്യ​ങ്ങ​ളിൽ സഹിച്ചു​നിൽക്കാൻ മറ്റുള്ള​വരെ സഹായിക്കുക

1. തന്റെ ദാസന്മാ​രു​ടെ പ്രാർഥ​ന​യ്‌ക്ക്‌ യഹോവ മിക്ക​പ്പോ​ഴും എങ്ങനെ​യാണ്‌ ഉത്തരം നൽകു​ന്നത്‌?

ആരെങ്കി​ലും യഹോ​വ​യോ​ടു മുട്ടി​പ്പാ​യി പ്രാർഥി​ക്കു​മ്പോൾ ആ പ്രാർഥ​ന​യ്‌ക്ക്‌ ഉത്തരം കൊടു​ക്കാൻ യഹോ​വ​യ്‌ക്കു നിങ്ങളെ ഉപയോ​ഗി​ക്കാ​നാ​കു​മെന്ന്‌ അറിയാ​മോ? നിങ്ങൾ ഒരു മൂപ്പനാ​ണെ​ങ്കി​ലും ശുശ്രൂ​ഷാ​ദാ​സ​നാ​ണെ​ങ്കി​ലും മുൻനി​ര​സേ​വ​ക​നാ​ണെ​ങ്കി​ലും ഇനി ഒരു പ്രചാ​ര​ക​നാ​ണെ​ങ്കി​ലും യഹോ​വ​യ്‌ക്ക്‌ അങ്ങനെ ചെയ്യാ​നാ​കും. നിങ്ങൾ ചെറു​പ്പ​ക്കാ​ര​നോ പ്രായ​മു​ള്ള​യാ​ളോ സഹോ​ദ​ര​നോ സഹോ​ദ​രി​യോ ആയിരു​ന്നാ​ലും യഹോ​വ​യ്‌ക്ക്‌ അതിനു കഴിയും. യഹോ​വയെ സ്‌നേ​ഹി​ക്കുന്ന ഒരു വ്യക്തി സഹായ​ത്തി​നാ​യി പ്രാർഥി​ക്കു​മ്പോൾ ആ വ്യക്തിക്കു ‘വലിയ ഒരു ആശ്വാ​സ​മാ​കാൻ’ മൂപ്പന്മാ​രെ​യോ വിശ്വ​സ്‌ത​രായ മറ്റു സഹോ​ദ​ര​ങ്ങ​ളെ​യോ മിക്ക​പ്പോ​ഴും യഹോവ ഉപയോ​ഗി​ക്കാ​റുണ്ട്‌. (കൊലോ. 4:11) ഈ വിധത്തിൽ യഹോ​വ​യ്‌ക്കും സഹോ​ദ​ര​ങ്ങൾക്കും വേണ്ടി പ്രവർത്തി​ക്കാ​നാ​കു​ന്നതു നമുക്കു വലിയ സന്തോഷം തരുന്ന ഒരു കാര്യ​മാണ്‌. ഒരു രോഗം പടർന്നു​പി​ടി​ക്കു​മ്പോ​ഴോ ദുരന്തം ഉണ്ടാകു​മ്പോ​ഴോ സഹോ​ദ​ര​ങ്ങൾക്ക്‌ ഉപദ്രവം സഹി​ക്കേ​ണ്ടി​വ​രു​മ്പോ​ഴോ ഒക്കെ അവരെ സഹായി​ക്കാൻ നമുക്കു പലതും ചെയ്യാ​നാ​കും.

രോഗം പടർന്നുപിടിക്കുമ്പോൾ

2. ഒരു രോഗം പടർന്നു​പി​ടി​ക്കുന്ന സമയത്ത്‌ മറ്റുള്ള​വരെ സഹായി​ക്കു​ന്നതു ബുദ്ധി​മു​ട്ടാ​യി​ത്തീർന്നേ​ക്കാ​വു​ന്നത്‌ എന്തു​കൊണ്ട്‌?

² ഒരു രോഗം പടർന്നു​പി​ടി​ക്കുന്ന സമയത്ത്‌ മറ്റുള്ള​വരെ സഹായി​ക്കു​ന്നതു മിക്ക​പ്പോ​ഴും ബുദ്ധി​മു​ട്ടാ​യി​രു​ന്നേ​ക്കാം. ഉദാഹ​ര​ണ​ത്തിന്‌, സുഹൃ​ത്തു​ക്കളെ ചെന്നു​കാ​ണാൻ നമുക്ക്‌ ആഗ്രഹ​മു​ണ്ടാ​യി​രി​ക്കും. പക്ഷേ അതു സുരക്ഷി​ത​മാ​യി​രി​ക്കില്ല. സാമ്പത്തി​ക​മാ​യി ബുദ്ധി​മുട്ട്‌ അനുഭ​വി​ക്കുന്ന ഒരു കുടും​ബത്തെ ഒരു നേരത്തെ ഭക്ഷണത്തി​നു വീട്ടി​ലേക്കു വിളി​ക്ക​ണ​മെ​ന്നു​ണ്ടെ​ങ്കി​ലും അതും ചില​പ്പോൾ നടക്കില്ല. ഇനി, നമ്മു​ടെ​തന്നെ കുടും​ബം രോഗ​മോ സാമ്പത്തിക പ്രശ്‌ന​മോ നേരി​ടു​ന്ന​തു​കൊണ്ട്‌ ആഗ്രഹി​ക്കുന്ന രീതി​യിൽ മറ്റുള്ള​വരെ സഹായി​ക്കാൻ നമുക്കു കഴിയാ​തെ​വ​ന്നേ​ക്കാം. എങ്കിലും അവർക്കു​വേണ്ടി എന്തെങ്കി​ലു​മൊ​ക്കെ ചെയ്യണ​മെന്ന്‌ അപ്പോ​ഴും നമുക്കു​ണ്ടാ​കും. ആ ശ്രമങ്ങൾ യഹോവ കാണു​ക​യും അതിൽ സന്തോ​ഷി​ക്കു​ക​യും ചെയ്യു​ന്നുണ്ട്‌. (സുഭാ. 3:27; 19:17) നമുക്കു ചെയ്യാ​നാ​കുന്ന ചില കാര്യങ്ങൾ എന്തൊ​ക്കെ​യാണ്‌?

3. ഡെയ്‌സി സഹോ​ദ​രി​യു​ടെ സഭയിലെ മൂപ്പന്മാ​രിൽനിന്ന്‌ നമുക്ക്‌ എന്തു പഠിക്കാം? (യിരെമ്യ 23:4)

³ മൂപ്പന്മാർക്ക്‌ എന്തു ചെയ്യാം? നിങ്ങൾ ഒരു മൂപ്പനാ​ണെ​ങ്കിൽ സഹോ​ദ​ര​ങ്ങളെ അടുത്ത​റി​യാൻ ശ്രമി​ക്കുക. (യിരെമ്യ 23:4 വായി​ക്കുക.) കഴിഞ്ഞ ലേഖന​ത്തിൽ കണ്ട ഡെയ്‌സി സഹോ​ദരി പറയുന്നു: “എന്റെ വയൽസേ​വ​ന​ഗ്രൂ​പ്പി​ലെ മൂപ്പന്മാർ ശുശ്രൂ​ഷ​യ്‌ക്കും മറ്റു കൂടി​വ​ര​വു​കൾക്കും ഞങ്ങളോ​ടൊ​പ്പം പതിവാ​യി കൂടു​മാ​യി​രു​ന്നു.”b ആ മൂപ്പന്മാർ അങ്ങനെ ചെയ്‌തി​രു​ന്ന​തു​കൊണ്ട്‌ കോവിഡ്‌-19 മഹാമാ​രി കാരണം സഹോ​ദ​രി​ക്കു ചില കുടും​ബാം​ഗ​ങ്ങളെ നഷ്ടപ്പെട്ട സമയത്ത്‌ വേണ്ട സഹായം നൽകാൻ അവർക്ക്‌ എളുപ്പ​മാ​യി​രു​ന്നു.

4. മൂപ്പന്മാർക്കു ഡെയ്‌സി സഹോ​ദ​രി​യെ സഹായി​ക്കാൻ കഴിഞ്ഞത്‌ എന്തു​കൊണ്ട്‌, എന്താണ്‌ അതിൽനി​ന്നുള്ള പാഠം?

⁴ ഡെയ്‌സി സഹോ​ദരി പറയുന്നു: “മൂപ്പന്മാ​രു​മാ​യി​ട്ടു നല്ല അടുത്ത സൗഹൃ​ദ​മു​ണ്ടാ​യി​രു​ന്ന​തു​കൊണ്ട്‌ വിഷമ​മേ​റിയ സാഹച​ര്യ​ങ്ങ​ളിൽ, എന്റെ പേടി​യും ഉത്‌ക​ണ്‌ഠ​യും ഒക്കെ അവരോ​ടു തുറന്നു​പ​റ​യാൻ എളുപ്പ​മാ​യി​രു​ന്നു.” ഇതിൽനിന്ന്‌ മൂപ്പന്മാർക്ക്‌ എന്തു പഠിക്കാം? ഒരു പ്രയാ​സ​സാ​ഹ​ച​ര്യം ഉണ്ടാകു​ന്ന​തി​നു മുമ്പു​തന്നെ സഹോ​ദ​ര​ങ്ങൾക്ക്‌ ഇടയവേല ചെയ്യുക. അവരുടെ സുഹൃ​ത്തു​ക്ക​ളാ​കുക. രോഗം പടർന്നു​പി​ടി​ക്കുന്ന സമയത്ത്‌ ചില​പ്പോൾ സഹോ​ദ​ര​ങ്ങളെ നേരിട്ട്‌ ചെന്നു​കാ​ണാൻ സാധി​ക്കാ​തെ​വ​ന്നേ​ക്കാം. അപ്പോൾ മറ്റു വിധങ്ങ​ളിൽ അവരുടെ വിവരങ്ങൾ അറിയാൻ ശ്രമി​ക്കുക. ഡെയ്‌സി സഹോ​ദരി ഇങ്ങനെ തുടർന്നു: “ചില​പ്പോൾ ഒരു ദിവസം​തന്നെ പല മൂപ്പന്മാർ ഫോൺ വിളി​ക്കു​ക​യോ മെസേജ്‌ അയയ്‌ക്കു​ക​യോ ചെയ്‌തി​ട്ടുണ്ട്‌. അവർ കാണി​ച്ചു​തന്ന തിരു​വെ​ഴു​ത്തു​കൾ എനിക്ക്‌ അപ്പോൾത്തന്നെ അറിയാ​വു​ന്ന​വ​യാ​യി​രു​ന്നെ​ങ്കി​ലും ആ സമയത്ത്‌ അതൊക്കെ എന്നെ ഒരുപാട്‌ ആശ്വസി​പ്പി​ച്ചു.”

5. സഹോ​ദ​ര​ങ്ങ​ളു​ടെ ആവശ്യങ്ങൾ എന്തൊ​ക്കെ​യാ​ണെന്നു മൂപ്പന്മാർക്ക്‌ എങ്ങനെ മനസ്സി​ലാ​ക്കാം, അവർക്ക്‌ എങ്ങനെ സഹോ​ദ​ര​ങ്ങളെ സഹായി​ക്കാം?

⁵ മൂപ്പന്മാർക്കു സഹോ​ദ​ര​ങ്ങ​ളു​ടെ ആവശ്യങ്ങൾ മനസ്സി​ലാ​ക്കാ​നാ​കുന്ന ഒരു വിധം നയപൂർവം ചോദ്യ​ങ്ങൾ ചോദി​ക്കു​ന്ന​താണ്‌. (സുഭാ. 20:5) അവർക്ക്‌ ആവശ്യ​ത്തി​നു ഭക്ഷണവും മരുന്നും മറ്റ്‌ അവശ്യ​വ​സ്‌തു​ക്ക​ളും ഒക്കെയു​ണ്ടോ? ജോലി​യോ താമസ​സൗ​ക​ര്യ​മോ നഷ്ടപ്പെ​ടാൻ സാധ്യ​ത​യു​ണ്ടോ? ഇനി, ഗവൺമെന്റ്‌ ആനുകൂ​ല്യ​ങ്ങൾ കിട്ടാൻ വേണ്ട കാര്യങ്ങൾ ചെയ്യു​ന്ന​തിന്‌ അവർക്ക്‌ എന്തെങ്കി​ലും സഹായം ആവശ്യ​മാ​ണോ? മൂപ്പന്മാർക്ക്‌ ഇതൊക്കെ അവരോ​ടു ചോദിച്ച്‌ മനസ്സി​ലാ​ക്കാ​നാ​കും. ഡെയ്‌സി സഹോ​ദ​രി​ക്കും സഹോ​ദ​രങ്ങൾ വേണ്ട സാധന​ങ്ങ​ളൊ​ക്കെ എത്തിച്ചു​കൊ​ടു​ത്തു. എങ്കിലും മൂപ്പന്മാർ കാണിച്ച സ്‌നേ​ഹ​വും തിരു​വെ​ഴു​ത്തു​ക​ളി​ലൂ​ടെ നൽകിയ പ്രോ​ത്സാ​ഹ​ന​വും ആണ്‌ പിടി​ച്ചു​നിൽക്കാൻ സഹോ​ദ​രി​യെ കൂടുതൽ സഹായി​ച്ചത്‌. സഹോ​ദരി പറയുന്നു: “മൂപ്പന്മാർ എന്നോ​ടൊ​പ്പ​മി​രുന്ന്‌ പ്രാർഥി​ക്കു​മാ​യി​രു​ന്നു. അവർ എന്താണു പ്രാർഥി​ച്ചത്‌ എന്നൊ​ന്നും ഞാൻ ഇപ്പോൾ ഓർക്കു​ന്നില്ല. എങ്കിലും അപ്പോൾ എനിക്കു തോന്നിയ ആശ്വാസം ഞാൻ ഒരിക്ക​ലും മറക്കില്ല. ‘ഞാൻ നിന്റെ​കൂ​ടെ​യുണ്ട്‌’ എന്ന്‌ യഹോവ എന്നോടു പറയു​ന്ന​തു​പോ​ലെ​യാണ്‌ എനിക്ക്‌ അപ്പോൾ അനുഭ​വ​പ്പെ​ട്ടത്‌.”—യശ. 41:10, 13.

6. മറ്റുള്ള​വരെ സഹായി​ക്കാൻ സഭയിലെ ഓരോ​രു​ത്തർക്കും എന്തെല്ലാം ചെയ്യാം? (ചിത്രം കാണുക.)

⁶ മറ്റുള്ള​വർക്ക്‌ എന്തു ചെയ്യാം? സഭയിലെ സഹോ​ദ​ര​ങ്ങൾക്കു വേണ്ടതു ചെയ്‌തു​കൊ​ടു​ക്കു​ന്ന​തി​നു മൂപ്പന്മാർ നേതൃ​ത്വ​മെ​ടു​ക്കാൻ നമ്മൾ പ്രതീ​ക്ഷി​ക്കും. എന്നാൽ നമ്മൾ എല്ലാവ​രും മറ്റുള്ള​വരെ പ്രോ​ത്സാ​ഹി​പ്പി​ക്കാ​നും സഹായി​ക്കാ​നും യഹോവ ആഗ്രഹി​ക്കു​ന്നുണ്ട്‌. (ഗലാ. 6:10) സ്‌നേ​ഹ​ത്തോ​ടെ ചെയ്യുന്ന ചെറിയ ഒരു കാര്യം​പോ​ലും രോഗ​ത്താൽ ബുദ്ധി​മു​ട്ടു​ന്ന​വരെ ഒരുപാട്‌ ആശ്വസി​പ്പി​ക്കും. നമുക്കു ചെയ്യാ​നാ​കുന്ന ചില കാര്യങ്ങൾ എന്തൊ​ക്കെ​യാണ്‌? ഒരു കൊച്ചു കുട്ടിക്ക്‌, ചില​പ്പോൾ ഒരു കാർഡ്‌ ഉണ്ടാക്കു​ക​യോ പടം വരച്ചു​കൊ​ടു​ക്കു​ക​യോ ചെയ്‌തു​കൊണ്ട്‌ ഒരു സഹോ​ദ​രനെ പ്രോ​ത്സാ​ഹി​പ്പി​ക്കാൻ കഴി​ഞ്ഞേ​ക്കും. ചെറു​പ്പ​ക്കാ​ര​നായ ഒരു സഹോ​ദ​രനു പ്രായ​മായ ഒരു സഹോ​ദ​രി​ക്കു​വേണ്ടി സാധനങ്ങൾ വാങ്ങി​ക്കൊ​ടു​ക്കു​ക​യും മറ്റും ചെയ്യാം. ഇനി, രോഗാ​വ​സ്ഥ​യി​ലാ​യി​രി​ക്കുന്ന ആർക്കെ​ങ്കി​ലും ഒരു നേരത്തെ ഭക്ഷണം ഉണ്ടാക്കി വീട്ടിൽ എത്തിച്ചു​കൊ​ടു​ക്കാൻ നമുക്കു കഴിയു​മോ? ഒരു രോഗം പടർന്നു​പി​ടി​ക്കുന്ന സമയത്ത്‌ സഭയിലെ എല്ലാവർക്കും പ്രോ​ത്സാ​ഹനം ആവശ്യ​മാണ്‌. അതു​കൊണ്ട്‌ മീറ്റി​ങ്ങു​കൾക്കു​ശേഷം സഹോ​ദ​ര​ങ്ങ​ളോ​ടു സംസാ​രി​ക്കാ​നാ​യി കുറച്ച്‌ അധികം സമയം ചെലവ​ഴി​ക്കാൻ നമുക്കാ​കു​മോ? മീറ്റിങ്ങ്‌ കൂടു​ന്നതു രാജ്യ​ഹാ​ളിൽ പോയോ വീഡി​യോ കോൺഫ​റൻസി​ങ്ങി​ലൂ​ടെ​യോ ആയാലും നമുക്ക്‌ അങ്ങനെ ചെയ്യാം. മൂപ്പന്മാർക്കും പ്രോ​ത്സാ​ഹനം ആവശ്യ​മാണ്‌. അവർക്ക്‌ ഒരുപാട്‌ ഉത്തരവാ​ദി​ത്വ​ങ്ങ​ളുണ്ട്‌. ഒരു രോഗം പടർന്നു​പി​ടി​ക്കുന്ന സമയത്ത്‌ കൂടു​ത​ലാ​യി പലതും ചെയ്യാ​നു​ള്ള​തു​കൊണ്ട്‌ അവർ വളരെ തിരക്കി​ലാ​യി​രി​ക്കും. അതു​കൊണ്ട്‌ അവരെ പ്രോ​ത്സാ​ഹി​പ്പി​ക്കാ​നാ​യി ചില സഹോ​ദ​രങ്ങൾ നന്ദി പറഞ്ഞു​കൊ​ണ്ടുള്ള കാർഡു​കൾ അവർക്കു കൊടു​ക്കാ​റുണ്ട്‌. ഇങ്ങനെ​യെ​ല്ലാം “പരസ്‌പരം പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും” ചെയ്യു​ന്ന​തിൽ നമ്മൾ ഓരോ​രു​ത്ത​രും നമ്മുടെ പങ്കു ചെയ്യു​മ്പോൾ അത്‌ എത്ര നന്നായി​രി​ക്കും!—1 തെസ്സ. 5:11.

ദുരന്തം ഉണ്ടാകുമ്പോൾ

7. ഒരു ദുരന്തം കാരണം എന്തെല്ലാം പ്രശ്‌നങ്ങൾ നേരി​ട്ടേ​ക്കാം?

⁷ ഒരു ദുരന്തം ഉണ്ടാകു​മ്പോൾ കണ്ണടച്ചു​തു​റ​ക്കുന്ന വേഗത്തി​ലാ​യി​രി​ക്കാം ആളുക​ളു​ടെ ജീവിതം കീഴ്‌മേൽ മറിയു​ന്നത്‌. അതിന്‌ ഇരയാ​കു​ന്ന​വർക്കു തങ്ങളുടെ വസ്‌തു​വ​ക​ക​ളോ വീടോ ചില​പ്പോൾ ഉറ്റവ​രെ​പ്പോ​ലു​മോ നഷ്ടപ്പെ​ട്ടേ​ക്കാം. നമ്മുടെ സഹോ​ദ​രീ​സ​ഹോ​ദ​ര​ന്മാ​രും ഇത്തരം ആപത്തു​ക​ളിൽനിന്ന്‌ ഒഴിവു​ള്ള​വരല്ല. അങ്ങനെ​യു​ള്ള​വരെ സഹായി​ക്കാൻ നമുക്ക്‌ എന്തു ചെയ്യാ​നാ​കും?

8. ഒരു ദുരന്തം ഉണ്ടാകു​ന്ന​തി​നു മുമ്പു​തന്നെ മൂപ്പന്മാർക്കും കുടും​ബ​നാ​ഥ​ന്മാർക്കും എന്തു ചെയ്യാം?

⁸ മൂപ്പന്മാർക്ക്‌ എന്തു ചെയ്യാം? മൂപ്പന്മാ​രേ, ദുരന്തം ഉണ്ടാകു​ന്ന​തി​നു മുമ്പു​തന്നെ ഒരുങ്ങി​യി​രി​ക്കാൻ സഹോ​ദ​ര​ങ്ങളെ സഹായി​ക്കുക. ഒരു പ്രശ്‌ന​മു​ണ്ടാ​കു​മ്പോൾ സുരക്ഷി​ത​രാ​യി​രി​ക്കാ​നും മൂപ്പന്മാ​രെ ബന്ധപ്പെ​ടാ​നും എന്താണു ചെയ്യേ​ണ്ട​തെന്നു സഭയിലെ എല്ലാവർക്കും അറിയാ​മെന്ന്‌ ഉറപ്പു​വ​രു​ത്തുക. കഴിഞ്ഞ ലേഖന​ത്തിൽ കണ്ട മാർഗ​രെറ്റ്‌ സഹോ​ദരി പറയുന്നു: “മൂപ്പന്മാർ പ്രാ​ദേ​ശിക ആവശ്യങ്ങൾ എന്ന പരിപാ​ടി​യിൽ, കാട്ടുതീ എപ്പോൾ വേണ​മെ​ങ്കി​ലും പടർന്നു​പി​ടി​ക്കാം, അപകട​സാ​ധ്യത മാറി​യി​ട്ടില്ല എന്നു ഞങ്ങളെ ഓർമി​പ്പി​ച്ചു. വീട്‌ വിട്ട്‌ പോകാൻ അധികാ​രി​കൾ ആവശ്യ​പ്പെ​ടു​ക​യോ സാഹച​ര്യം ഗുരു​ത​ര​മാ​കു​ന്ന​താ​യി തോന്നു​ക​യോ ചെയ്‌താൽ ഉടൻതന്നെ അവിടം വിട്ട്‌ പോക​ണ​മെന്ന്‌ അവർ ഞങ്ങളോ​ടു പറഞ്ഞു.” മൂപ്പന്മാർ നൽകിയ ആ നിർദേ​ശങ്ങൾ ശരിക്കും തക്കസമ​യ​ത്തു​ള്ള​താ​യി​രു​ന്നു. കാരണം അഞ്ച്‌ ആഴ്‌ച കഴിഞ്ഞ​പ്പോൾത്തന്നെ അവിടെ വലി​യൊ​രു കാട്ടുതീ ഉണ്ടായി. ഇനി, കുടും​ബ​നാ​ഥ​ന്മാർക്ക്‌ എന്തു ചെയ്യാം? ഒരു ദുരന്തം ഉണ്ടായാൽ കുട്ടികൾ ഉൾപ്പെടെ വീട്ടിലെ ഓരോ​രു​ത്ത​രും ചെയ്യേണ്ട കാര്യങ്ങൾ കുടും​ബാ​രാ​ധ​ന​യിൽ അവർക്കു ചർച്ച ചെയ്യാ​നാ​കും. അങ്ങനെ മുന്നമേ തയ്യാറാ​യി​രി​ക്കു​ക​യാ​ണെ​ങ്കിൽ പ്രശ്‌ന​മു​ണ്ടാ​കുന്ന സമയത്ത്‌ ശാന്തരാ​യി​രി​ക്കാൻ നമുക്കു കൂടുതൽ എളുപ്പ​മാ​യി​രി​ക്കും.

9. ഒരു ദുരന്തം ഉണ്ടാകു​ന്ന​തി​നു മുമ്പും അതിനു ശേഷവും മൂപ്പന്മാർക്ക്‌ എങ്ങനെ തങ്ങളുടെ പ്രവർത്തനം ഏകോ​പി​പ്പി​ക്കാം?

⁹ നിങ്ങൾ ഒരു ഗ്രൂപ്പ്‌ മേൽവി​ചാ​ര​ക​നാ​ണെ​ങ്കിൽ ഗ്രൂപ്പി​ലെ സഹോ​ദ​ര​ങ്ങളെ ബന്ധപ്പെ​ടാ​നുള്ള ഫോൺ നമ്പരും അഡ്രസ്സും കൈവ​ശ​മു​ണ്ടെന്നു ദുരന്തം ഉണ്ടാകു​ന്ന​തി​നു മുമ്പു​തന്നെ ഉറപ്പാ​ക്കണം. ആ വിവര​ങ്ങ​ളു​ടെ ഒരു ലിസ്റ്റ്‌ ഉണ്ടാക്കു​ക​യും അവ കൃത്യ​മാ​ണെന്ന്‌ ഇടയ്‌ക്കി​ടെ ഉറപ്പു​വ​രു​ത്തു​ക​യും ചെയ്യുക. അങ്ങനെ​യാ​കു​മ്പോൾ ദുരന്തം ഉണ്ടാകുന്ന സമയത്ത്‌ ഓരോ പ്രചാ​ര​ക​നെ​യും ബന്ധപ്പെ​ടാ​നും അവരുടെ ആവശ്യങ്ങൾ മനസ്സി​ലാ​ക്കാ​നും എത്രയും പെട്ടെന്ന്‌ ആ വിവരങ്ങൾ മൂപ്പന്മാ​രു​ടെ സംഘത്തി​ന്റെ ഏകോ​പ​കന്‌ അയച്ചു​കൊ​ടു​ക്കാ​നും നിങ്ങൾക്കാ​കും. അദ്ദേഹം ആ വിവരങ്ങൾ സർക്കിട്ട്‌ മേൽവി​ചാ​ര​കനു കൈമാ​റും. സഹോ​ദ​ര​ന്മാർ ഇങ്ങനെ കൂട്ടായി ശ്രമി​ക്കു​മ്പോൾ, എത്രയും പെട്ടെന്നു സഹോ​ദ​ര​ങ്ങൾക്കു സഹായം എത്തിച്ചു​കൊ​ടു​ക്കാ​നാ​കും. മാർഗ​രെറ്റ്‌ സഹോ​ദ​രി​യു​ടെ പ്രദേ​ശത്ത്‌ കാട്ടുതീ പടർന്ന​പ്പോൾ അവിടത്തെ സഹോ​ദ​ര​ങ്ങളെ ബന്ധപ്പെ​ടാ​നും താമസ​സ്ഥലം വിട്ട്‌ പോ​കേ​ണ്ടി​വന്ന 450-ഓളം സഹോ​ദ​ര​ങ്ങൾക്കു വേണ്ട സഹായം എത്തിച്ചു​കൊ​ടു​ക്കാ​നും മൂപ്പന്മാർ കഠിന​ശ്രമം ചെയ്‌തു. അവരുടെ പ്രവർത്ത​നത്തെ ഏകോ​പി​പ്പി​ച്ചു​കൊ​ണ്ടി​രുന്ന സർക്കിട്ട്‌ മേൽവി​ചാ​രകൻ ഉറങ്ങു​ക​പോ​ലും ചെയ്യാതെ 36 മണിക്കൂ​റാണ്‌ അതിനു​വേണ്ടി തുടർച്ച​യാ​യി പ്രവർത്തി​ച്ചത്‌. (2 കൊരി. 11:27) അങ്ങനെ താമസ​സൗ​ക​ര്യം ആവശ്യ​മാ​യി​രുന്ന എല്ലാവ​രെ​യും സഹായി​ക്കാൻ അവർക്കാ​യി.

10. മൂപ്പന്മാർ ഇടയ​വേ​ലയെ വളരെ പ്രധാ​ന​പ്പെ​ട്ട​താ​യി കാണേ​ണ്ടത്‌ എന്തു​കൊണ്ട്‌? (യോഹ​ന്നാൻ 21:15)

¹⁰ തിരു​വെ​ഴു​ത്തു​കൾ ഉപയോ​ഗിച്ച്‌ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും അവർക്കു വേണ്ട ആശ്വാസം നൽകാ​നും ഉള്ള ഉത്തരവാ​ദി​ത്വ​വും മൂപ്പന്മാർക്കുണ്ട്‌. (1 പത്രോ. 5:2) ഒരു ദുരന്തം ഉണ്ടാകു​മ്പോൾ അവർ ആദ്യം ചെയ്യു​ന്നത്‌, സഹോ​ദ​ര​ങ്ങ​ളെ​ല്ലാം സുരക്ഷി​ത​രാ​ണോ അവർക്കു വേണ്ട ഭക്ഷണവും വസ്‌ത്ര​വും താമസ​സൗ​ക​ര്യ​വും ഉണ്ടോ എന്ന്‌ ഉറപ്പു​വ​രു​ത്തു​ക​യാ​യി​രി​ക്കും. എങ്കിലും മാസങ്ങൾക്കു​ശേ​ഷം​പോ​ലും തിരു​വെ​ഴു​ത്തു​കൾ ഉപയോ​ഗിച്ച്‌ അവരെ പ്രോ​ത്സാ​ഹി​പ്പി​ക്കു​ക​യും ആശ്വസി​പ്പി​ക്കു​ക​യും ചെയ്യേ​ണ്ടി​വ​ന്നേ​ക്കാം. (യോഹ​ന്നാൻ 21:15 വായി​ക്കുക.) “ദുരന്ത​ത്തി​ന്റെ ആഘാത​ത്തിൽനിന്ന്‌ പുറത്തു​വ​രാൻ ഒരുപാ​ടു സമയ​മെ​ടു​ക്കും” എന്ന്‌ ഒരു ബ്രാഞ്ച്‌ കമ്മിറ്റി അംഗമാ​യി സേവി​ക്കുന്ന ഹാരോൾഡ്‌ സഹോ​ദരൻ പറയുന്നു. ദുരന്ത​ത്തിന്‌ ഇരയായ ഒരുപാ​ടു സഹോ​ദ​ര​ങ്ങളെ കാണു​ക​യും അവരോ​ടു സംസാ​രി​ക്കു​ക​യും ചെയ്‌ത ഒരു വ്യക്തി​യാണ്‌ അദ്ദേഹം. അദ്ദേഹം ഇങ്ങനെ തുടർന്നു: “ദുരന്ത​ത്തിന്‌ ഇരയാ​കു​ന്നവർ പെട്ടെ​ന്നു​തന്നെ ഒരു സാധാരണ ജീവി​ത​ത്തി​ലേക്കു മടങ്ങി​വ​ന്നേ​ക്കാം. എങ്കിലും ചില ഓർമകൾ, പ്രത്യേ​കി​ച്ചും മരണത്തിൽ നഷ്ടപ്പെട്ട ഒരാ​ളെ​ക്കു​റി​ച്ചോ തങ്ങൾക്കു വളരെ പ്രിയ​പ്പെട്ട ഒരു വസ്‌തു​വി​നെ​ക്കു​റി​ച്ചോ ഇനി തലനാ​രി​ഴ​യ്‌ക്കു ജീവൻ രക്ഷപ്പെ​ട്ട​തി​നെ​ക്കു​റി​ച്ചോ ഒക്കെയുള്ള ഓർമകൾ കുറെ​ക്കാ​ലം മനസ്സിൽ തങ്ങിനി​ന്നേ​ക്കാം. അതു​കൊ​ണ്ടു​തന്നെ അന്ന്‌ അനുഭ​വിച്ച ആ വേദനകൾ ഇടയ്‌ക്കി​ടെ മനസ്സി​ലേ​ക്കു​വ​രാൻ സാധ്യ​ത​യുണ്ട്‌. അങ്ങനെ​യൊ​ക്കെ തോന്നു​ന്നതു തികച്ചും സ്വാഭാ​വി​ക​മാണ്‌. അത്‌ ഒരിക്ക​ലും അവർക്കു വിശ്വാ​സ​മി​ല്ലാ​ത്ത​തു​കൊ​ണ്ടല്ല.”

11. കുടും​ബ​ങ്ങൾക്ക്‌ തുടർന്നും എന്തു സഹായം ആവശ്യ​മാണ്‌?

¹¹ “കരയു​ന്ന​വ​രു​ടെ​കൂ​ടെ കരയുക” എന്ന നിർദേ​ശ​മ​നു​സ​രിച്ച്‌ മൂപ്പന്മാർ പ്രവർത്തി​ക്കു​ന്നു. (റോമ. 12:15) ദുരന്ത​ത്തിന്‌ ഇരയാ​യ​വരെ യഹോ​വ​യും സഹോ​ദ​ര​ങ്ങ​ളും ഇപ്പോ​ഴും സ്‌നേ​ഹി​ക്കു​ന്നു​ണ്ടെന്നു മൂപ്പന്മാർക്ക്‌ അവരോ​ടു പറയാ​നാ​കും. ഇനി, കുടും​ബ​ങ്ങൾക്കാ​കട്ടെ പ്രാർഥ​ന​യും പഠനവും മീറ്റി​ങ്ങു​കൾക്കു ഹാജരാ​കു​ന്ന​തും പ്രസം​ഗ​പ്ര​വർത്ത​ന​ത്തി​നു പോകു​ന്ന​തും ഉൾപ്പെ​ടെ​യുള്ള ആത്മീയ​കാ​ര്യ​ങ്ങൾ ക്രമമാ​യി ചെയ്യു​ന്ന​തി​നു സഹായം ആവശ്യ​മാണ്‌. കൂടാതെ ഒരു ദുരന്ത​ത്തി​നും കവർന്നെ​ടു​ക്കാ​നാ​കാത്ത കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ മക്കളെ പ്രോ​ത്സാ​ഹി​പ്പി​ക്കു​ന്ന​തി​നും മാതാ​പി​താ​ക്കളെ സഹായി​ക്കാൻ മൂപ്പന്മാർക്കാ​കും. മാതാ​പി​താ​ക്കളേ, നിങ്ങളു​ടെ മക്കളോട്‌ യഹോവ എപ്പോ​ഴും ഒരു സുഹൃ​ത്താ​യി കൂടെ​യു​ണ്ടാ​യി​രി​ക്കു​മെ​ന്നും സഹായി​ക്കാൻ എപ്പോ​ഴും ഒരുക്ക​മാ​ണെ​ന്നും കൂടെ​ക്കൂ​ടെ പറയുക. മാത്രമല്ല, അവരെ സഹായി​ക്കാൻ മനസ്സുള്ള സഹോ​ദ​ര​ങ്ങ​ളു​ടെ ഒരു കുടും​ബം ലോക​മെ​ങ്ങു​മാ​യി അവർക്കു​ണ്ടെ​ന്നും പറഞ്ഞു​കൊ​ടു​ക്കുക.—1 പത്രോ. 2:17.

12. ദുരി​താ​ശ്വാ​സ​പ്ര​വർത്ത​ന​ത്തിൽ സഹായി​ക്കാൻ മറ്റുള്ള​വർക്ക്‌ എന്തു ചെയ്യാ​നാ​കും? (ചിത്രം കാണുക.)

¹² മറ്റുള്ള​വർക്ക്‌ എന്തു ചെയ്യാം? നിങ്ങളു​ടെ പ്രദേ​ശത്ത്‌ എവി​ടെ​യെ​ങ്കി​ലു​മാണ്‌ ഒരു ദുരന്തം ഉണ്ടാകു​ന്ന​തെ​ങ്കിൽ സഹായി​ക്കാൻ ഒരുക്ക​മാ​ണെന്നു മൂപ്പന്മാ​രോ​ടു പറയുക. വീടു വിട്ട്‌ പോ​രേ​ണ്ടി​വന്ന സഹോ​ദ​ര​ങ്ങൾക്കോ ദുരി​താ​ശ്വാ​സ​പ്ര​വർത്ത​ന​ങ്ങൾക്കാ​യി വരുന്ന​വർക്കോ താമസ​സൗ​ക​ര്യം കൊടു​ക്കാൻ ഒരുപക്ഷേ നിങ്ങൾക്കു കഴി​ഞ്ഞേ​ക്കും. ഇനി, ദുരന്ത​ത്തിൽ അകപ്പെട്ട സഹോ​ദ​ര​ങ്ങൾക്ക്‌ ഭക്ഷണമോ മറ്റ്‌ അവശ്യ​വ​സ്‌തു​ക്ക​ളോ എത്തിച്ചു​കൊ​ടു​ക്കാൻ നിങ്ങൾക്കു സാധി​ക്കും. ദൂരെ ഒരു സ്ഥലത്താണു ദുരന്തം ഉണ്ടാകു​ന്ന​തെ​ങ്കി​ലും നിങ്ങൾക്കു ചെയ്യാ​നാ​കുന്ന ചില കാര്യ​ങ്ങ​ളുണ്ട്‌. എന്തൊ​ക്കെ​യാണ്‌ അത്‌? ഒന്നാമ​താ​യി, അവർക്കു​വേണ്ടി പ്രാർഥി​ക്കാ​നാ​കും. (2 കൊരി. 1:8-11) കൂടാതെ ലോക​വ്യാ​പ​ക​വേ​ല​യ്‌ക്കാ​യി സംഭാ​വ​നകൾ നൽകി​ക്കൊണ്ട്‌ ദുരി​താ​ശ്വാ​സ​പ്ര​വർത്ത​നത്തെ പിന്തു​ണ​യ്‌ക്കാം. (2 കൊരി. 8:2-5) ഇനി, അകലെ​യുള്ള ഒരു സ്ഥലത്ത്‌ പോയി സഹായി​ക്കാൻ കഴിയു​മെ​ങ്കിൽ അതിനു തയ്യാറാ​ണെന്ന കാര്യം മൂപ്പന്മാ​രോ​ടു പറയുക. നിങ്ങളെ ക്ഷണിക്കു​ക​യാ​ണെ​ങ്കിൽ അതോ​ടൊ​പ്പം വേണ്ട പരിശീ​ല​ന​വും നിങ്ങൾക്കു കിട്ടി​യേ​ക്കാം. അങ്ങനെ​യാ​കു​മ്പോൾ ആവശ്യം​വ​രുന്ന സമയത്ത്‌ നിങ്ങളെ ഉപയോ​ഗി​ക്കാ​നാ​കും.

ഉപദ്രവം സഹിക്കേണ്ടിവരുമ്പോൾ

13. നമ്മുടെ പ്രവർത്ത​ന​ത്തി​നു നിരോ​ധ​ന​മുള്ള ദേശങ്ങ​ളി​ലെ സഹോ​ദ​ര​ങ്ങൾക്ക്‌ എന്തെല്ലാം ബുദ്ധി​മു​ട്ടു​കൾ നേരി​ട്ടേ​ക്കാം?

¹³ നമ്മുടെ പ്രവർത്ത​ന​ത്തി​നു നിരോ​ധ​ന​മുള്ള ചില ദേശങ്ങ​ളിൽ സഹോ​ദ​ര​ങ്ങൾക്ക്‌ ഉപദ്രവം സഹി​ക്കേ​ണ്ടി​വ​രു​മ്പോൾ കാര്യങ്ങൾ കൂടുതൽ വഷളാ​കാ​റുണ്ട്‌. അവി​ടെ​യുള്ള സഹോ​ദ​ര​ങ്ങൾക്കും സാമ്പത്തിക ബുദ്ധി​മുട്ട്‌ ഉണ്ടാകു​ന്നു, രോഗം വരുന്നു, പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ടു​ന്നു. എന്നാൽ നിരോ​ധ​ന​മു​ള്ള​തു​കൊണ്ട്‌ മൂപ്പന്മാർക്ക്‌ അവർ ആഗ്രഹി​ക്കു​ന്ന​തു​പോ​ലെ അവരെ ചെന്നു​കാ​ണാ​നോ സംസാ​രി​ക്കാ​നോ കഴി​ഞ്ഞെ​ന്നു​വ​രില്ല. കഴിഞ്ഞ ലേഖന​ത്തിൽ കണ്ട ആൻഡ്രേ സഹോ​ദ​രന്റെ കാര്യ​ത്തിൽ അങ്ങനെ സംഭവി​ച്ചു. സഹോ​ദ​രന്റെ വയൽസേ​വ​ന​ഗ്രൂ​പ്പി​ലുള്ള ഒരു സഹോ​ദ​രി​ക്കു സാമ്പത്തി​ക​മാ​യി ബുദ്ധി​മു​ട്ടു​ണ്ടാ​യി. അതിനു ശേഷം സഹോ​ദരി ഒരു കാറപ​ക​ട​ത്തിൽപ്പെട്ടു. അതിന്റെ ഭാഗമാ​യി പല ഓപ്പ​റേ​ഷ​നു​കൾ വേണ്ടി​വന്നു, ജോലി​ക്കു പോകാ​നും കഴിഞ്ഞില്ല. പക്ഷേ നിരോ​ധ​ന​വും മഹാമാ​രി​യും ഒക്കെ ഉണ്ടായി​രു​ന്നി​ട്ടു​പോ​ലും തങ്ങളാ​ലാ​കുന്ന രീതി​യിൽ സഹോ​ദ​രി​യെ സഹായി​ക്കാൻ സഹോ​ദ​രങ്ങൾ തയ്യാറാ​യി. സഹോ​ദ​രിക്ക്‌ ആ സമയത്ത്‌ എന്താണ്‌ ആവശ്യ​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു എന്നല്ലേ അതു കാണി​ക്കു​ന്നത്‌?

14. പ്രശ്‌ന​ങ്ങ​ളു​ണ്ടാ​കു​മ്പോൾ മൂപ്പന്മാർക്ക്‌ എങ്ങനെ യഹോ​വ​യിൽ ആശ്രയി​ക്കാം?

¹⁴ മൂപ്പന്മാർക്ക്‌ എന്തു ചെയ്യാം? ആൻഡ്രേ യഹോ​വ​യോ​ടു പ്രാർഥി​ച്ചു; തനിക്കു ചെയ്യാ​നാ​കു​ന്ന​തെ​ല്ലാം ചെയ്‌തു. യഹോവ എങ്ങനെ​യാണ്‌ അതി​നോ​ടു പ്രതി​ക​രി​ച്ചത്‌? സഹോ​ദ​രി​യെ പല വിധങ്ങ​ളിൽ സഹായി​ക്കാൻ കഴിയുന്ന ഒരുപാ​ടു സഹോ​ദ​ര​ങ്ങളെ യഹോവ അതിനു പ്രേരി​പ്പി​ച്ചു. ചിലർ സഹോ​ദ​രി​യെ ആശുപ​ത്രി​യിൽ കൊണ്ടു​പോ​കാൻ തയ്യാറാ​യി, മറ്റു ചിലർ പണം​കൊ​ടുത്ത്‌ സഹായി​ച്ചു. ആ സമയത്ത്‌ സഹോ​ദ​രങ്ങൾ ഒത്തൊ​രു​മിച്ച്‌ ധൈര്യ​ത്തോ​ടെ പ്രവർത്തി​ച്ച​തു​കൊണ്ട്‌ യഹോവ അവരെ അനു​ഗ്ര​ഹി​ച്ചു, സഹോ​ദ​രി​യു​ടെ ആവശ്യങ്ങൾ നടക്കു​ക​യും ചെയ്‌തു. (എബ്രാ. 13:16) മൂപ്പന്മാ​രേ, നിങ്ങളു​ടെ പ്രദേ​ശത്ത്‌ നമ്മുടെ പ്രവർത്ത​ന​ത്തി​നു നിയ​ന്ത്ര​ണ​ങ്ങ​ളു​ണ്ടെ​ങ്കിൽ ചില ഉത്തരവാ​ദി​ത്വ​ങ്ങൾ ചെയ്യാൻ മറ്റുള്ള​വ​രു​ടെ സഹായം സ്വീക​രി​ക്കുക. (യിരെ. 36:5, 6) ഏറ്റവും പ്രധാ​ന​മാ​യി, യഹോ​വ​യിൽ ആശ്രയി​ക്കുക. സഹോ​ദ​ര​ങ്ങ​ളു​ടെ ആവശ്യം നടത്തി​ക്കൊ​ടു​ക്കാൻ യഹോ​വ​യ്‌ക്കു നിങ്ങളെ സഹായി​ക്കാ​നാ​കും.

15. നിരോ​ധ​ന​വും മറ്റും ഉണ്ടാകു​മ്പോൾ നമ്മുടെ ഇടയിലെ ഐക്യം എങ്ങനെ കാത്തു​സൂ​ക്ഷി​ക്കാം?

¹⁵ മറ്റുള്ള​വർക്ക്‌ എന്തു ചെയ്യാം? നിരോ​ധ​ന​മൊ​ക്കെ​യു​ള്ള​പ്പോൾ കുറച്ച്‌ പേർ മാത്ര​മാ​യി നമ്മൾ കൂടി​വ​രേ​ണ്ടി​വ​ന്നേ​ക്കാം. അതു​കൊണ്ട്‌ എല്ലാ സഹോ​ദ​ര​ങ്ങ​ളു​മാ​യും ഇപ്പോൾത്തന്നെ സമാധാ​ന​ത്തി​ലാ​യി​രി​ക്കു​ന്നതു വളരെ പ്രധാ​ന​മാണ്‌. സാത്താ​നോ​ടു പോരാ​ടുക, സഹോ​ദ​ര​ങ്ങ​ളോ​ടല്ല. സഹോ​ദ​ര​ങ്ങ​ളു​മാ​യി എന്തെങ്കി​ലും പ്രശ്‌ന​മു​ണ്ടാ​യാൽ ഒന്നുകിൽ അതു കണ്ടി​ല്ലെന്നു വെക്കാം, അല്ലെങ്കിൽ എത്രയും പെട്ടെന്ന്‌ അതു പറഞ്ഞു​തീർക്കുക. (സുഭാ. 19:11; എഫെ. 4:26) പരസ്‌പരം സഹായി​ക്കാൻ മുൻ​കൈ​യെ​ടുത്ത്‌ പ്രവർത്തി​ക്കുക. (തീത്തോ. 3:14) അപകട​ത്തിൽപ്പെട്ട ആ സഹോ​ദ​രി​യു​ടെ കാര്യ​ത്തിൽ എല്ലാവ​രും ഒരുമിച്ച്‌ പ്രവർത്തി​ച്ച​തു​കൊണ്ട്‌ എന്തു പ്രയോ​ജ​ന​മു​ണ്ടാ​യി? സഹോ​ദ​രി​യു​ടെ ആവശ്യങ്ങൾ നടന്നു. മാത്രമല്ല അവരുടെ ഇടയിലെ സ്‌നേ​ഹ​വും ഐക്യ​വും വർധിച്ചു. അവർ ഒരു കുടും​ബ​ത്തി​ലെ അംഗങ്ങ​ളെ​പ്പോ​ലെ​യാ​യി.—സങ്കീ. 133:1.

16. കൊ​ലോ​സ്യർ 4:3, 18 പറയു​ന്ന​ത​നു​സ​രിച്ച്‌ ഉപദ്രവം സഹിക്കുന്ന സഹോ​ദ​ര​ങ്ങളെ നമുക്ക്‌ എങ്ങനെ സഹായി​ക്കാം?

¹⁶ നമ്മുടെ പ്രവർത്ത​ന​ത്തി​നു ഗവൺമെന്റ്‌ നിരോ​ധനം ഏർപ്പെ​ടു​ത്തി​യി​ട്ടുള്ള സ്ഥലങ്ങളിൽ ആയിര​ക്ക​ണ​ക്കി​നു സഹോ​ദ​ര​ങ്ങ​ളാ​ണു വിശ്വ​സ്‌ത​മാ​യി യഹോ​വയെ സേവി​ക്കു​ന്നത്‌. വിശ്വാ​സ​ത്തി​ന്റെ പേരിൽ അവരിൽ ചിലർ ജയിലി​ലാണ്‌. അവർക്കും അവരുടെ കുടും​ബാം​ഗ​ങ്ങൾക്കും വേണ്ടി നമുക്കു പ്രാർഥി​ക്കാം. ഇനി, ജയിലിൽ കഴിയുന്ന ഈ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും അവർക്കു വേണ്ട സാധനങ്ങൾ എത്തിച്ചു​കൊ​ടു​ക്കാ​നും കോട​തി​യിൽ അവരുടെ കേസ്‌ വാദി​ക്കാ​നും വേണ്ടി പ്രവർത്തി​ക്കുന്ന സഹോ​ദ​ര​ങ്ങ​ളു​മുണ്ട്‌. അറസ്റ്റു ചെയ്യ​പ്പെ​ടാൻ സാധ്യ​ത​യു​ണ്ടാ​യി​ട്ടു​പോ​ലും അതൊക്കെ അവഗണി​ച്ചു​കൊണ്ട്‌ അവർ ധൈര്യ​ത്തോ​ടെ പ്രവർത്തി​ക്കു​ന്നു. അവരെ​യും നമുക്കു പ്രാർഥ​ന​യിൽ ഓർക്കാം.c (കൊ​ലോ​സ്യർ 4:3, 18 വായി​ക്കുക.) നിങ്ങളു​ടെ പ്രാർഥന ഈ സഹോ​ദ​ര​ങ്ങ​ളെ​യെ​ല്ലാം ഒരുപാ​ടു സഹായി​ക്കും എന്നോർക്കുക!—2 തെസ്സ. 3:1, 2; 1 തിമൊ. 2:1, 2.

17. ഉപദ്ര​വത്തെ നേരി​ടു​ന്ന​തി​നു​വേണ്ടി ഇപ്പോൾത്തന്നെ നിങ്ങൾക്ക്‌ എങ്ങനെ ഒരുങ്ങാം?

¹⁷ ഉപദ്ര​വത്തെ നേരി​ടാ​നാ​യി നിങ്ങൾക്കും കുടും​ബാം​ഗ​ങ്ങൾക്കും ഇപ്പോൾത്തന്നെ ഒരുങ്ങാ​നാ​കും. (പ്രവൃ. 14:22) സംഭവി​ക്കാൻ സാധ്യ​ത​യുള്ള കാര്യ​ങ്ങ​ളെ​ക്കു​റിച്ച്‌ ഓർത്ത്‌ തല പുണ്ണാ​ക്കു​ന്ന​തി​നു പകരം യഹോ​വ​യു​മാ​യുള്ള സൗഹൃദം ശക്തമാ​ക്കാൻ ശ്രമി​ക്കുക. അങ്ങനെ ചെയ്യാൻ മക്കളെ​യും സഹായി​ക്കുക. എപ്പോ​ഴെ​ങ്കി​ലും ഉത്‌കണ്‌ഠ തോന്നു​ന്നെ​ങ്കിൽ നിങ്ങളു​ടെ വിഷമ​ങ്ങ​ളെ​ല്ലാം യഹോ​വ​യോ​ടു തുറന്നു​പ​റ​യുക. (സങ്കീ. 62:7, 8) എന്തു​കൊണ്ട്‌ യഹോ​വ​യിൽ പൂർണ​മാ​യി ആശ്രയി​ക്കാ​നാ​കും എന്നതി​നെ​ക്കു​റിച്ച്‌ കുടും​ബം ഒരുമിച്ച്‌ ചർച്ച ചെയ്യുക.d ദുരന്ത​ത്തി​ന്റെ കാര്യ​ത്തി​ലെ​ന്ന​പോ​ലെ​തന്നെ ഉപദ്ര​വ​ത്തി​ന്റെ കാര്യ​ത്തി​ലും, അതിനെ നേരി​ടാൻ മുന്നമേ ഒരുങ്ങു​ക​യും യഹോ​വ​യിൽ ആശ്രയി​ക്കു​ക​യും ചെയ്യു​ന്നതു ധൈര്യ​മു​ള്ള​വ​രാ​യി​രി​ക്കാ​നും ശാന്തരാ​യി​രി​ക്കാ​നും നിങ്ങളു​ടെ മക്കളെ സഹായി​ക്കും.

18. എങ്ങനെ​യുള്ള ഒരു ഭാവി​യാ​ണു നമ്മളെ കാത്തി​രി​ക്കു​ന്നത്‌?

¹⁸ ദൈവ​സ​മാ​ധാ​നം ഉണ്ടായി​രി​ക്കു​ന്നതു സുരക്ഷി​ത​ത്വ​ബോ​ധം തോന്നാൻ നമ്മളെ സഹായി​ക്കും. (ഫിലി. 4:6, 7) ഒരു രോഗം പടർന്നു​പി​ടി​ക്കു​മ്പോ​ഴോ ദുരന്തം ആഞ്ഞടി​ക്കു​മ്പോ​ഴോ ഉപദ്രവം സഹി​ക്കേ​ണ്ടി​വ​രു​മ്പോ​ഴോ സമാധാ​നം തന്നു​കൊണ്ട്‌ യഹോവ നമ്മളെ ശാന്തരാ​ക്കും. നമുക്കു വേണ്ട പ്രോ​ത്സാ​ഹനം തരാനാ​യി യഹോവ ഇന്നു കഠിനാ​ധ്വാ​നി​ക​ളായ മൂപ്പന്മാ​രെ ഉപയോ​ഗി​ക്കു​ന്നുണ്ട്‌. ഇനി, മറ്റുള്ള​വരെ സഹായി​ക്കാ​നുള്ള അവസര​വും യഹോവ നമുക്കു തരുന്നു. കാര്യ​ങ്ങ​ളൊ​ക്കെ സമാധാ​ന​പൂർണ​മാ​യി​രി​ക്കുന്ന ഈ സമയത്ത്‌ വേണ്ട ഒരുക്കങ്ങൾ നടത്തു​ന്നെ​ങ്കിൽ ‘മഹാക​ഷ്ട​ത​യു​ടെ’ സമയത്ത്‌ വലിയ പരീക്ഷ​ണ​ങ്ങളെ നേരി​ടാൻ നമ്മൾ തയ്യാറാ​യി​രി​ക്കും. (മത്താ. 24:21) കഷ്ടതയു​ടെ ആ സമയത്ത്‌ നമ്മു​ടെ​തന്നെ സമാധാ​നം നമ്മൾ നിലനി​റു​ത്തണം, അങ്ങനെ ചെയ്യാൻ മറ്റുള്ള​വരെ സഹായി​ക്കു​ക​യും വേണം. എന്നാൽ ഒരു കാര്യം ഓർക്കാം: ആ സംഭവ​ത്തി​നു ശേഷം നമ്മളെ ഉത്‌ക​ണ്‌ഠ​പ്പെ​ടു​ത്തുന്ന ഒരു പ്രശ്‌ന​വും നമുക്കു നേരി​ടേ​ണ്ടി​വ​രില്ല. നമ്മൾ ആസ്വദി​ക്ക​ണ​മെന്ന്‌ യഹോവ എന്നും ആഗ്രഹി​ച്ചി​ട്ടുള്ള പൂർണ​മായ, നിലനിൽക്കുന്ന സമാധാ​നം നമുക്ക്‌ അന്നുണ്ടാ​യി​രി​ക്കും.—യശ. 26:3, 4.