പ്രകൃതി ദുരന്തങ്ങൾ നേരി​ടാൻ നിങ്ങൾ സജ്ജരാ​ണോ?

1. ദുരന്തങ്ങൾ നേരി​ടാൻ ഒരുങ്ങി​യി​രി​ക്കു​ന്നതു ബുദ്ധി​യാ​യി​രി​ക്കു​ന്നത്‌ എന്തു​കൊണ്ട്‌?

¹ ഓരോ വർഷവും ഭൂകമ്പം, സുനാമി, കാലവർഷം, കൊടു​ങ്കാറ്റ്‌, ചുഴലി​ക്കാറ്റ്‌, വെള്ള​പ്പൊ​ക്കം എന്നിവ നമ്മുടെ സഹോ​ദ​രീ​സ​ഹോ​ദ​ര​ന്മാർ ഉൾപ്പെടെ ലോക​ത്തി​നു ചുറ്റു​മുള്ള ദശലക്ഷ​ങ്ങളെ ബാധി​ക്കു​ന്നു. പ്രകൃ​തി​ദു​ര​ന്തങ്ങൾ അപ്രതീ​ക്ഷി​ത​മാ​യി സംഭവി​ക്കു​ന്ന​തി​നാ​ലും അവ നമ്മിൽ ആരെ വേണ​മെ​ങ്കി​ലും ബാധി​ച്ചേ​ക്കാ​മെ​ന്ന​തി​നാ​ലും നാം ഒരുങ്ങി​യി​രി​ക്കു​ന്നതു ബുദ്ധി​യാ​യി​രി​ക്കും.—സദൃ. 21:5.

2. മേൽവി​ലാ​സ​വും ഫോൺന​മ്പ​രിൽ വരുത്തുന്ന മാറ്റവും നാം മൂപ്പന്മാ​രെ അപ്പപ്പോൾ അറിയി​ക്കേ​ണ്ടത്‌ എന്തു​കൊണ്ട്‌?

² മുന്നമേ തയ്യാറാ​കുക: ചില​പ്പോ​ഴൊ​ക്കെ, ദുരന്തങ്ങൾ ഉണ്ടാകു​ന്ന​തി​നു​മുമ്പ്‌ അവയെ​ക്കു​റി​ച്ചു മുന്നറി​യി​പ്പു നൽകാൻ അധികാ​രി​കൾക്കു കഴിയു​ന്നു. പ്രസ്‌തുത മുന്നറി​യി​പ്പു​കൾക്കു ചെവി​കൊ​ടു​ക്കു​ന്നതു പ്രധാ​ന​മാണ്‌. (സദൃ. 22:3) അത്തരം സാഹച​ര്യ​ങ്ങ​ളിൽ, മൂപ്പന്മാർ സഭയി​ലുള്ള എല്ലാവ​രു​മാ​യും ബന്ധപ്പെ​ടാൻ ശ്രമി​ക്കും. ആവശ്യ​മായ തയ്യാ​റെ​ടു​പ്പു​കൾ നടത്താൻ അവരെ സഹായി​ക്കുക എന്നതാണ്‌ അതിന്റെ ഉദ്ദേശ്യം. എല്ലാവ​രും സുരക്ഷി​ത​രാ​ണോ, എന്തെങ്കി​ലും സഹായം ആവശ്യ​മു​ണ്ടോ എന്നൊക്കെ അറിയാ​നാ​യി ദുരന്ത​ത്തി​നു​ശേ​ഷ​വും അവർ അങ്ങനെ ചെയ്യു​ന്ന​താ​യി​രി​ക്കും. എന്നാൽ അതിനുള്ള കൃത്യ​മായ മേൽവി​ലാ​സ​വും മറ്റും മൂപ്പന്മാ​രു​ടെ കൈവ​ശ​മി​ല്ലെ​ങ്കിൽ വില​യേ​റിയ സമയം നഷ്ടമാ​യേ​ക്കാം. അതു​കൊണ്ട്‌ പ്രസാ​ധകർ തങ്ങളുടെ മേൽവി​ലാ​സ​വും ഫോൺന​മ്പ​രിൽ വരുത്തുന്ന മാറ്റവും അപ്പപ്പോൾ സെക്ര​ട്ട​റി​യെ​യും പുസ്‌ത​കാ​ധ്യ​യന മേൽവി​ചാ​ര​ക​നെ​യും അറിയി​ക്കു​ന്നതു നല്ലതാണ്‌.

3. നാം താമസി​ക്കു​ന്നത്‌ ദുരന്ത​സാ​ധ്യ​ത​യുള്ള ഒരു സ്ഥലത്താ​ണെ​ങ്കിൽ മൂപ്പന്മാ​രു​മാ​യി നമുക്ക്‌ എങ്ങനെ സഹകരി​ക്കാ​നാ​കും?

³ ദുരന്തസാധ്യതയുള്ള ഒരു സ്ഥലത്താണു സഭ സ്ഥിതി​ചെ​യ്യു​ന്ന​തെ​ങ്കിൽ ആ പ്രദേ​ശ​ത്തി​നു വെളി​യിൽ താമസി​ക്കു​ന്ന​തും ഒരു അടിയ​ന്തിര സാഹച​ര്യ​ത്തിൽ ബന്ധപ്പെ​ടേ​ണ്ട​തു​മായ ഒരു ബന്ധുവി​ന്റെ​യോ സുഹൃ​ത്തി​ന്റെ​യോ പേരും ഫോൺന​മ്പ​രും നൽകാൻ മൂപ്പന്മാർക്കു പ്രസാ​ധ​ക​രോട്‌ ആവശ്യ​പ്പെ​ടാ​വു​ന്ന​താണ്‌. ഒഴിഞ്ഞു​പോ​യവർ എവി​ടെ​യൊ​ക്കെ​യാ​ണെന്നു കണ്ടുപി​ടി​ക്കാൻ ഇത്‌ അവരെ സഹായി​ക്കും. അടിയ​ന്തിര സാഹച​ര്യ​മു​ണ്ടാ​കു​ന്ന​പക്ഷം സഭ എന്തെല്ലാം ചെയ്യണ​മെ​ന്നതു സംബന്ധിച്ച്‌ വ്യക്തമായ ഒരു പ്ലാൻ തയ്യാറാ​ക്കാ​നും മൂപ്പന്മാർ ആഗ്രഹി​ച്ചേ​ക്കാം. അടിയ​ന്തിര സാഹച​ര്യ​ത്തിൽ ഓരോ​രു​ത്തർക്കും ഉണ്ടായി​രി​ക്കേണ്ട അവശ്യ വസ്‌തു​ക്ക​ളു​ടെ ഒരു ലിസ്റ്റ്‌, ആളുകളെ ഒഴിപ്പി​ക്കാ​നുള്ള ക്രമീ​ക​ര​ണങ്ങൾ, പ്രത്യേക ആവശ്യങ്ങൾ ഉള്ളവരെ സഹായി​ക്കു​ന്ന​തി​നുള്ള ആസൂ​ത്ര​ണങ്ങൾ എന്നീ വിവരങ്ങൾ അതിൽ ഉൾപ്പെ​ടു​ത്താ​വു​ന്ന​താണ്‌. സ്‌നേ​ഹ​പു​ര​സ്സ​ര​മായ ഈ ക്രമീ​ക​ര​ണ​ങ്ങ​ളോ​ടുള്ള സഹോ​ദ​ര​ങ്ങ​ളു​ടെ സഹകരണം പ്രധാ​ന​മാണ്‌.—എബ്രാ. 13:17.

4. നമ്മുടെ പ്രദേ​ശത്ത്‌ ഒരു ദുരന്ത​മു​ണ്ടാ​കു​ന്ന​പക്ഷം എന്തു ചെയ്യണം?

⁴ ദുരന്തശേഷം: നിങ്ങളു​ടെ പ്രദേ​ശത്ത്‌ ഒരു ദുരന്ത​മു​ണ്ടാ​കു​ന്ന​പക്ഷം നിങ്ങൾ എന്തു ചെയ്യണം? നിങ്ങളു​ടെ കുടും​ബ​ത്തി​ന്റെ അടിയ​ന്തി​രാ​വ​ശ്യ​ങ്ങൾ നിറ​വേ​റ്റ​പ്പെ​ടു​ന്നു​വെന്ന്‌ ഉറപ്പു​വ​രു​ത്തുക. സാധ്യ​മെ​ങ്കിൽ, ബാധി​ക്ക​പ്പെ​ട്ടി​രി​ക്കുന്ന മറ്റുള്ള​വർക്കും അവശ്യ സഹായങ്ങൾ ചെയ്‌തു​കൊ​ടു​ക്കുക. എത്രയും പെട്ടെന്ന്‌ നിങ്ങളു​ടെ പുസ്‌ത​കാ​ധ്യ​യന മേൽവി​ചാ​ര​ക​നോ മറ്റൊരു മൂപ്പനോ ആയി ബന്ധപ്പെ​ടാൻ ശ്രമി​ക്കുക. നിങ്ങൾ സുരക്ഷി​ത​രും സഹായം ആവശ്യ​മി​ല്ലാത്ത അവസ്ഥയി​ലും ആണെങ്കിൽപ്പോ​ലും അങ്ങനെ ചെയ്യേ​ണ്ട​താണ്‌. മറിച്ച്‌ സഹായം ആവശ്യ​മാ​ണെ​ങ്കിൽ നിങ്ങളെ സഹായി​ക്കാൻ സഹോ​ദ​രങ്ങൾ സകല ശ്രമവും ചെയ്യു​ന്നു​ണ്ടെന്ന്‌ ഉറപ്പു​ള്ള​വ​രാ​യി​രി​ക്കുക. (1 കൊരി. 13:4, 7) നിങ്ങളു​ടെ സാഹച​ര്യം യഹോ​വ​യ്‌ക്ക്‌ അറിയാ​മെന്ന്‌ ഓർക്കുക; അവനിൽ ആശ്രയി​ക്കുക, അവൻ നിങ്ങളെ പുലർത്തും. (സങ്കീ. 37:39; 62:8) മറ്റുള്ള​വരെ ആത്മീയ​വും വൈകാ​രി​ക​വു​മാ​യി പിന്തു​ണ​യ്‌ക്കേണ്ട അവസര​ങ്ങ​ളു​ണ്ടോ​യെന്നു ശ്രദ്ധി​ക്കുക. (2 കൊരി. 1:3, 4) കഴിയു​ന്നത്ര നേരത്തെ ദിവ്യാ​ധി​പത്യ പ്രവർത്ത​നങ്ങൾ പുനരാ​രം​ഭി​ക്കുക.—മത്താ. 6:33.

5. ക്രിസ്‌ത്യാ​നി​ക​ളെന്ന നിലയിൽ ദുരന്ത​സാ​ധ്യ​തകൾ നമ്മെ എങ്ങനെ ബാധി​ക്കു​ന്നു?

⁵ ദുരന്തസാധ്യതകൾ ലോകത്തെ ഉത്‌ക​ണ്‌ഠ​യി​ലാ​ഴ്‌ത്തു​ന്നെ​ങ്കി​ലും നമുക്ക്‌ ആത്മവി​ശ്വാ​സ​ത്തോ​ടെ ഭാവി​യി​ലേക്കു നോക്കാൻ കഴിയും. സകല ദുരന്ത​ങ്ങ​ളും ഉടൻതന്നെ കഴിഞ്ഞ​കാല സംഗതി​ക​ളാ​യി മാറും. (വെളി. 21:4, 5) അതുവ​രേ​ക്കും, നമുക്കു മറ്റുള്ള​വ​രോ​ടു തീക്ഷ്‌ണ​ത​യോ​ടെ സുവാർത്ത ഘോഷി​ക്കു​ക​യും കഷ്ടനഷ്ട​ങ്ങ​ളു​ടെ സമയങ്ങൾ നേരി​ടാൻ ഒരുങ്ങു​ന്ന​തി​നാ​യി ന്യായ​മായ പടികൾ സ്വീക​രി​ക്കു​ക​യും ചെയ്യാം.