പുതിയ ഒരു സഭയി​ലേക്കു മാറു​മ്പോൾ. . .

നിക്കോ​ളാ​സി​ന്റെ​യും സെലി​ന്റെ​യും പ്രശ്‌നം മറ്റൊ​ന്നാ​യി​രു​ന്നു. പുതിയ ഒരു സഭയി​ലേക്കു മാറാ​നുള്ള ഫ്രാൻസ്‌ ബ്രാഞ്ചിൽനി​ന്നുള്ള നിയമനം അവർ സ്വീക​രി​ച്ചു. അവർ പറയുന്നു: “ആദ്യത്തെ കുറച്ച്‌ ദിവസ​ത്തേക്ക്‌ നല്ല ആവേശ​മൊ​ക്കെ ഉണ്ടായി​രു​ന്നു. പക്ഷേ പിന്നെ ഞങ്ങളുടെ പഴയ കൂട്ടു​കാ​രെ​യൊ​ക്കെ മിസ്സ്‌ ചെയ്യാൻ തുടങ്ങി. പുതിയ സഭയി​ലാ​ണെ​ങ്കിൽ സഹോ​ദ​ര​ങ്ങ​ളു​മാ​യി അടുപ്പ​ത്തിൽ വരാനുള്ള സമയം ആയുമില്ല.”a പുതിയ ഒരു സഭയി​ലേക്കു മാറു​മ്പോൾ ഇത്തരം പ്രശ്‌ന​ങ്ങ​ളെ​യൊ​ക്കെ നമുക്ക്‌ എങ്ങനെ നേരി​ടാം? അവരെ മറ്റുള്ള​വർക്ക്‌ എങ്ങനെ സഹായി​ക്കാം? നിങ്ങൾക്ക്‌ എങ്ങനെ മറ്റുള്ള​വരെ പ്രോ​ത്സാ​ഹി​പ്പി​ക്കാം? മറ്റുള്ള​വ​രിൽനിന്ന്‌ എങ്ങനെ പ്രോ​ത്സാ​ഹനം സ്വീക​രി​ക്കാം?

നിങ്ങളെ സഹായി​ക്കുന്ന നാലു കാര്യങ്ങൾ

1. യഹോ​വ​യിൽ ആശ്രയി​ക്കുക. (സങ്കീ. 37:5) ജപ്പാനി​ലെ കസൂമിക്ക്‌ 20 വർഷമാ​യി പ്രവർത്തി​ച്ചു​കൊ​ണ്ടി​രുന്ന സഭയിൽനിന്ന്‌ മാറേ​ണ്ടി​വന്നു. ഭർത്താ​വി​ന്റെ ജോലി​മാ​റ്റ​മാ​യി​രു​ന്നു കാരണം. ആ സഹോ​ദരി എങ്ങനെ​യാണ്‌ തന്റെ ‘വഴികൾ യഹോ​വയെ ഏൽപ്പി​ച്ചത്‌?’ സഹോ​ദരി പറയുന്നു: “ഞാൻ എല്ലാ കാര്യ​ങ്ങ​ളും യഹോ​വ​യോ​ടു പറഞ്ഞു. എന്റെ പേടി​യും പരി​ഭ്ര​മ​വും ഒറ്റയ്‌ക്കാ​ണെ​ന്നുള്ള തോന്ന​ലും ഉത്‌ക​ണ്‌ഠ​യും എല്ലാം. അങ്ങനെ പറഞ്ഞ ഓരോ പ്രാവ​ശ്യ​വും എനിക്കു വേണ്ട ശക്തി യഹോവ തന്നു.”

നിങ്ങൾക്ക്‌ എങ്ങനെ യഹോ​വ​യി​ലുള്ള ആശ്രയം വർധി​പ്പി​ക്കാം? ഒരു ചെടി വളരാൻ വെള്ളവും പോഷ​ക​ങ്ങ​ളും ആവശ്യ​മു​ള്ള​തു​പോ​ലെ വിശ്വാ​സം വളരണ​മെ​ങ്കി​ലും അതിനെ പോഷി​പ്പി​ക്കണം. മുമ്പ്‌ കണ്ട നിക്കോ​ളാസ്‌ സഹോ​ദരൻ പറയു​ന്നത്‌, യഹോ​വ​യു​ടെ ഇഷ്ടം ചെയ്യാൻവേണ്ടി ത്യാഗങ്ങൾ ചെയ്‌ത അബ്രാ​ഹാ​മി​നെ​യും യേശു​വി​നെ​യും പൗലോ​സി​നെ​യും പോലു​ള്ള​വ​രു​ടെ മാതൃ​ക​ക​ളെ​ക്കു​റിച്ച്‌ ധ്യാനി​ച്ചത്‌ യഹോവ സഹായി​ക്കു​മെന്ന വിശ്വാ​സം വർധി​ക്കാൻ സഹായി​ച്ചു എന്നാണ്‌. പതിവാ​യി ബൈബിൾ പഠിക്കുന്ന ഒരു ശീലം നിങ്ങൾക്കു​ണ്ടെ​ങ്കിൽ ജീവി​ത​ത്തി​ലെ മാറ്റങ്ങ​ളു​മാ​യി പൊരു​ത്ത​പ്പെ​ടാൻ അതു നിങ്ങളെ സഹായി​ക്കും. മാത്രമല്ല പുതിയ സഭയിലെ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നുള്ള പുതിയ പാഠങ്ങ​ളും നിങ്ങൾക്കു ലഭിക്കും.

2. താരത​മ്യം ചെയ്യാ​തി​രി​ക്കുക. (സഭാ. 7:10) ബെനി​നിൽനിന്ന്‌ ഐക്യ​നാ​ടു​ക​ളി​ലേക്കു മാറിയ ജൂൾ സഹോ​ദ​രന്‌ സംസ്‌കാ​ര​ത്തി​ലെ മാറ്റവു​മാ​യാണ്‌ പൊരു​ത്ത​പ്പെ​ടേ​ണ്ടി​വ​ന്നത്‌. “കാണുന്ന ഓരോ​രു​ത്ത​രോ​ടും എന്റെ ജീവച​രി​ത്രം മുഴുവൻ പറഞ്ഞു​പ​റഞ്ഞ്‌ ഞാൻ മടുത്തു.” അദ്ദേഹ​ത്തി​ന്റെ സ്വന്തം നാട്ടിൽ അങ്ങനെ​യാ​യി​രു​ന്നില്ല. അതു​കൊണ്ട്‌ പുതിയ സഭയിലെ സഹോ​ദ​ര​ങ്ങ​ളിൽനി​ന്നൊ​ക്കെ സഹോ​ദരൻ മാറി​നിൽക്കാൻ തുടങ്ങി. എന്നാൽ സഹോ​ദ​ര​ങ്ങളെ കൂടു​തൽക്കൂ​ടു​തൽ അടുത്ത​റി​യാൻ തുടങ്ങി​യ​പ്പോൾ അദ്ദേഹ​ത്തി​ന്റെ ചിന്തയ്‌ക്കു മാറ്റം വന്നു. സഹോ​ദരൻ പറയു​ന്നത്‌ ഇങ്ങനെ​യാണ്‌: “ഭൂമി​യിൽ എവി​ടെ​യാ​യി​രു​ന്നാ​ലും അടിസ്ഥാ​ന​പ​ര​മാ​യി മനുഷ്യ​രെ​ല്ലാം ഒരു​പോ​ലെ​യാണ്‌ എന്ന്‌ എനിക്കു മനസ്സി​ലാ​യി. പറയു​ക​യും പ്രവർത്തി​ക്കു​ക​യും ഒക്കെ ചെയ്യു​ന്നത്‌ പല രീതി​യി​ലാ​ണെന്നു മാത്രം. ആളുകൾ എങ്ങനെ​യാ​ണോ അങ്ങനെ​തന്നെ അവരെ അംഗീ​ക​രി​ക്കുക. അതാണു പ്രധാനം.” അതു​കൊണ്ട്‌ പഴയ സഭയു​മാ​യി പുതിയ സഭയെ ഒരിക്ക​ലും താരത​മ്യം ചെയ്യരുത്‌. ഒരു മുൻനി​ര​സേ​വി​ക​യായ ആൻലിസ്‌ പറയു​ന്നത്‌ ഇങ്ങനെ​യാണ്‌: “പുതിയ കാര്യങ്ങൾ പഠിക്കാൻവേ​ണ്ടി​യാ​ണു ഞാൻ മാറി​യത്‌. അല്ലാതെ എല്ലാം പഴയതു​പോ​ലെ ആയിരി​ക്കും എന്നു വിചാ​രി​ച്ചി​ട്ടല്ല.”

ഇനി, മൂപ്പന്മാ​രും പുതിയ സഭയി​ലേക്കു മാറു​മ്പോൾ അതിനെ പഴയ സഭയു​മാ​യി താരത​മ്യം ചെയ്യരുത്‌. പുതിയ സഭയിൽ വ്യത്യ​സ്‌ത​മായ രീതി​യി​ലാ​യി​രി​ക്കാം കാര്യങ്ങൾ ചെയ്യു​ന്നത്‌. അത്‌ എപ്പോ​ഴും തെറ്റാ​യി​രി​ക്ക​ണ​മെ​ന്നില്ല എന്ന്‌ ഓർക്കുക. അഭി​പ്രാ​യങ്ങൾ പറയു​ന്ന​തി​നു മുമ്പ്‌ അവിടത്തെ സാഹച​ര്യ​ങ്ങ​ളെ​ക്കു​റിച്ച്‌ പഠിക്കു​ന്നത്‌ ബുദ്ധി​യാ​യി​രി​ക്കും. (സഭാ. 3:1, 7ബി) പുതിയ സഭയിൽ നിങ്ങളു​ടെ ആശയങ്ങൾ അടി​ച്ചേൽപ്പി​ക്കു​ന്ന​തി​നു പകരം അവർ നിങ്ങളു​ടെ മാതൃക കണ്ട്‌ പഠിക്കു​ന്ന​താ​യി​രി​ക്കും നല്ലത്‌.—2 കൊരി. 1:24.

3. സഭയോ​ടൊ​പ്പം ഉത്സാഹ​ത്തോ​ടെ പ്രവർത്തി​ക്കുക. (ഫിലി. 1:27) പുതിയ ഒരു സ്ഥലത്തേക്കു മാറു​മ്പോൾ നമ്മൾ നല്ല തിരക്കി​ലാ​യി​രി​ക്കും. ചില​പ്പോൾ ക്ഷീണവും തോന്നാം. എങ്കിലും തുടക്കം​മു​തലേ മീറ്റി​ങ്ങു​കൾ കൂടു​ന്നത്‌ വളരെ പ്രധാ​ന​മാണ്‌. കഴിയു​ന്നി​ട​ത്തോ​ളം നേരി​ട്ടു​തന്നെ പോകുക. പുതിയ സഭയിൽ നിങ്ങൾ പോകു​ന്നി​ല്ലെ​ങ്കിൽ, അല്ലെങ്കിൽ വല്ലപ്പോ​ഴും മാത്ര​മാ​ണു നിങ്ങളെ കാണു​ന്ന​തെ​ങ്കിൽ, സഹോ​ദ​രങ്ങൾ എങ്ങനെ സഹായി​ക്കാ​നാണ്‌? രണ്ടു പെൺമ​ക്ക​ളു​മാ​യി സൗത്ത്‌ ആഫ്രി​ക്ക​യി​ലെ വലിയ ഒരു നഗരത്തി​ലേക്കു മാറി​ത്താ​മ​സിച്ച സഹോ​ദ​രി​യാണ്‌ ലുസിന്റ. സഹോ​ദരി പറയുന്നു: “പുതിയ സഭയിലെ സഹോ​ദ​ര​ങ്ങ​ളു​മാ​യി നല്ല അടുപ്പ​ത്തി​ലാ​കാൻ എന്റെ കൂട്ടു​കാർ എന്നോടു പറഞ്ഞു. ഞങ്ങൾ മറ്റുള്ള​വ​രു​ടെ കൂടെ ശുശ്രൂ​ഷ​യ്‌ക്കു പോയി. മീറ്റി​ങ്ങു​ക​ളിൽ ഉത്തരം പറഞ്ഞു. ഇനി, ഞങ്ങളുടെ വീട്‌ വയൽസേ​വ​ന​യോ​ഗ​ത്തി​നും വിട്ടു​കൊ​ടു​ത്തു.”

പുതിയ സഭയിലെ സഹോ​ദ​ര​ങ്ങ​ളോ​ടൊ​പ്പം “തോ​ളോ​ടു​തോൾ ചേർന്ന്‌” പ്രവർത്തി​ക്കു​മ്പോൾ നിങ്ങളു​ടെ​യും മറ്റുള്ള​വ​രു​ടെ​യും ‘സന്തോ​ഷ​വാർത്ത​യി​ലുള്ള വിശ്വാ​സം’ ശക്തമാ​കും. സഭയി​ലുള്ള എല്ലാവ​രു​ടെ​യും കൂടെ മാറി​മാ​റി വയൽസേ​വ​ന​ത്തി​നു പോകാൻ മുമ്പു പറഞ്ഞ ആൻലി​സി​നെ മൂപ്പന്മാർ പ്രോ​ത്സാ​ഹി​പ്പി​ച്ചു. അതു​കൊണ്ട്‌ ഗുണമു​ണ്ടാ​യി. സഹോ​ദരി പറയുന്നു: “സഭയുടെ ഭാഗമാ​കാ​നുള്ള ഏറ്റവും നല്ല വഴി ഇതാ​ണെന്ന്‌ എനിക്കു മനസ്സി​ലാ​യി.” ഇനി, രാജ്യ​ഹാ​ളി​ന്റെ ക്ലീനി​ങ്ങും അറ്റകു​റ്റ​പ്പ​ണി​ക​ളും പോലുള്ള പ്രവർത്ത​ന​ങ്ങൾക്കാ​യി സ്വമന​സ്സാ​ലെ മുന്നോ​ട്ടു​വ​രുക. ‘ഇത്‌ എന്റെയും സഭയാണ്‌’ എന്നു സഹോ​ദ​ര​ങ്ങ​ളോ​ടു നിങ്ങൾ പറയു​ന്നതു പോ​ലെ​യാണ്‌ അത്‌. സഭയു​ടെ​കൂ​ടെ എത്ര ഉത്സാഹ​ത്തോ​ടെ നിങ്ങൾ പ്രവർത്തി​ക്കു​ന്നോ അത്ര പെട്ടെന്ന്‌ പുതിയ കുടും​ബം അവരിൽ ഒരാളാ​യി നിങ്ങളെ കാണും. ആ സഭയുടെ ഭാഗമാ​ണെന്ന്‌ നിങ്ങൾക്കും തോന്നും.

4. പുതിയ കൂട്ടു​കാ​രെ കണ്ടെത്തുക. (2 കൊരി. 6:11-13) മറ്റുള്ള​വ​രോ​ടു താത്‌പ​ര്യം കാണി​ക്കു​ന്ന​താണ്‌ അവരെ കൂട്ടു​കാ​രാ​ക്കാ​നുള്ള ഏറ്റവും നല്ല വഴി. അതു​കൊണ്ട്‌ മീറ്റി​ങ്ങു​കൾക്കു മുമ്പും ശേഷവും അവരെ അടുത്ത​റി​യാൻ വേണ്ടത്ര സമയം കണ്ടെത്തുക. അവരുടെ പേരു പഠിക്കാൻ പ്രത്യേ​കം ശ്രമം ചെയ്യുക. പേരുകൾ ഓർത്തി​രി​ക്കു​ക​യും സ്‌നേ​ഹ​ത്തോ​ടെ പെരു​മാ​റു​ക​യും ഒക്കെ ചെയ്യു​മ്പോൾ ആളുകൾക്ക്‌ നമ്മളോട്‌ അടുപ്പം തോന്നും. അങ്ങനെ​യാണ്‌ നല്ല സുഹൃ​ദ്‌ബ​ന്ധങ്ങൾ ഉണ്ടാകു​ന്നത്‌.

മറ്റുള്ള​വർക്ക്‌ നമ്മളോട്‌ ഇഷ്ടം തോന്നു​മോ എന്ന്‌ ഒരുപാട്‌ ചിന്തി​ക്കേണ്ടാ. നമ്മൾ എങ്ങനെ​യാ​ണോ അങ്ങനെ​തന്നെ നമ്മളെ മനസ്സി​ലാ​ക്കാൻ അവർക്ക്‌ അവസരം കൊടു​ക്കുക. മുമ്പ്‌ കണ്ട ലുസിന്റ സഹോ​ദരി പറയുന്നു: “മുൻ​കൈ​യെ​ടുത്ത്‌ മറ്റുള്ള​വരെ ഞങ്ങളുടെ വീട്ടി​ലേക്കു ക്ഷണിച്ച​തു​കൊണ്ട്‌ ഇപ്പോൾ ഞങ്ങൾക്ക്‌ നല്ല അടുപ്പ​മുള്ള കൂട്ടു​കാ​രുണ്ട്‌.” നമുക്കും ഇങ്ങനെ ചെയ്‌തു​നോ​ക്കാം.

“അന്യോ​ന്യം സ്വീക​രി​ക്കുക”

ആദ്യമാ​യി ഒരു പുതിയ രാജ്യ​ഹാ​ളി​ലേക്കു ചെല്ലു​മ്പോൾ പലർക്കും ബുദ്ധി​മു​ട്ടു തോന്നി​യേ​ക്കാം. അതു​കൊണ്ട്‌ പുതിയ ആളുകൾ വരു​മ്പോൾ നമുക്ക്‌ എങ്ങനെ അവരുടെ ബുദ്ധി​മുട്ട്‌ കുറയ്‌ക്കാൻ പറ്റും? അപ്പോ​സ്‌ത​ല​നായ പൗലോസ്‌ പ്രോ​ത്സാ​ഹി​പ്പി​ച്ച​തു​പോ​ലെ “അന്യോ​ന്യം സ്വീക​രി​ക്കുക,” “ക്രിസ്‌തു നിങ്ങളെ സ്വീക​രി​ച്ച​തു​പോ​ലെ.” (റോമ. 15:7) ക്രിസ്‌തു​വി​നെ അനുക​രി​ച്ചു​കൊണ്ട്‌ മൂപ്പന്മാ​രും പുതി​യ​വരെ സ്വീക​രി​ക്കണം. (“പുതിയ സഭയി​ലേക്കു മാറു​മ്പോൾ ചെയ്യേ​ണ്ടത്‌” എന്ന ചതുരം കാണുക.) അതു​കൊണ്ട്‌ പുതി​യ​വർക്ക്‌ ആ സഭ ഒരു കുടും​ബം​പോ​ലെ തോന്നു​ന്ന​തിൽ കുട്ടികൾ ഉൾപ്പെടെ എല്ലാവർക്കും പങ്കുണ്ട്‌.

ആളുകളെ വീട്ടി​ലേക്കു ക്ഷണിക്കു​ന്നതു മാത്രമല്ല അവരെ സ്വീക​രി​ക്കു​ന്ന​തിൽ ഉൾപ്പെ​ടു​ന്നത്‌. അവർക്കു വേണ്ട സഹായം ചെയ്‌തു കൊടു​ക്കു​ക​യും വേണം. ഉദാഹ​ര​ണ​ത്തിന്‌, ഒരു സഹോ​ദരി പുതു​താ​യി വന്ന മറ്റൊരു സഹോ​ദ​രി​യെ സഹായി​ച്ചത്‌ എങ്ങനെ​യാ​ണെന്നു നോക്കാം. ആ സഹോ​ദ​രി​യെ ടൗണി​ലേക്കു കൂട്ടി​ക്കൊ​ണ്ടു​പോ​കു​ക​യും അവിടത്തെ യാത്രാ​സൗ​ക​ര്യ​മൊ​ക്കെ പറഞ്ഞു​കൊ​ടു​ക്കു​ക​യും ചെയ്‌തു. അത്‌ ആ സഹോ​ദ​രി​ക്കു വലി​യൊ​രു സഹായ​മാ​യി. പുതിയ സാഹച​ര്യ​ത്തോട്‌ ഇണങ്ങാൻ അത്‌ വളരെ​യ​ധി​കം സഹായി​ച്ചു.

വളരാ​നുള്ള ഒരു അവസരം

ഒരു വെട്ടു​ക്കി​ളി ചിറകു വിരിച്ച്‌ പറക്കാ​റാ​കു​ന്ന​തി​നു മുമ്പു​തന്നെ പല പ്രാവ​ശ്യം അതിന്റെ തൊലി ഉരിഞ്ഞു​ക​ള​യാ​റുണ്ട്‌. അതു​പോ​ലെ ഒരു പുതിയ സഭയി​ലേക്കു മാറു​മ്പോൾ യഹോ​വ​യു​ടെ സേവന​ത്തിൽ ചിറകു വിരി​ക്കാൻ നിങ്ങൾക്കു തടസ്സമാ​യേ​ക്കാ​വുന്ന എല്ലാ കാര്യ​ങ്ങ​ളും നീക്കി​ക്ക​ള​യുക. നിക്കോ​ളാ​സും സെലി​നും ഉറപ്പി​ച്ചു​പ​റ​യുന്ന കാര്യം ഇതാണ്‌: “പുതിയ ഒരു സ്ഥലത്തേക്കു മാറു​ന്നത്‌ നല്ലൊരു പരിശീ​ല​ന​മാണ്‌. കാരണം പുതിയ ആളുക​ളോ​ടും സാഹച​ര്യ​ങ്ങ​ളോ​ടും ഇണങ്ങി​ച്ചേ​ര​ണ​മെ​ങ്കിൽ പുതിയ ഗുണങ്ങൾ വളർത്തി​യെ​ടു​ത്തേ പറ്റൂ.” തന്റെ കുടും​ബ​ത്തിന്‌ എങ്ങനെ​യാണ്‌ പ്രയോ​ജനം കിട്ടി​യ​തെന്ന്‌ തുടക്ക​ത്തിൽ കണ്ട ജീൻ ചാൾസ്‌ പറയുന്നു: “ഈ മാറ്റം ചിറകു വിരി​ക്കാൻ ഞങ്ങളുടെ മക്കളെ സഹായി​ച്ചു. കുറച്ച്‌ മാസങ്ങൾ കഴിഞ്ഞ​പ്പോൾത്തന്നെ ഞങ്ങളുടെ മകൾ ഇടദി​വ​സത്തെ മീറ്റി​ങ്ങിൽ നിയമ​നങ്ങൾ നടത്താൻ തുടങ്ങി. ഞങ്ങളുടെ മകൻ സ്‌നാ​ന​മേൽക്കാത്ത ഒരു പ്രചാ​ര​ക​നു​മാ​യി.”

എന്നാൽ, മറ്റൊരു സ്ഥലത്തേക്കു മാറി​ത്താ​മ​സി​ക്കാൻ നിങ്ങളു​ടെ സാഹച​ര്യം അനുവ​ദി​ക്കു​ന്നി​ല്ലെ​ങ്കി​ലോ? ഉദാഹ​ര​ണ​ത്തിന്‌, ആവശ്യം അധിക​മു​ള്ളി​ട​ത്തേക്കു പോകു​ന്ന​തു​പോ​ലെ? അങ്ങനെ​യെ​ങ്കിൽ ഇപ്പോ​ഴത്തെ സഭയിൽത്തന്നെ ഒരു പുതിയ തുടക്കം ആയിക്കൂ​ടേ? ഈ ലേഖന​ത്തിൽ പറഞ്ഞ കാര്യ​ങ്ങ​ളൊ​ക്കെ ഒന്നു പരീക്ഷി​ച്ചു​നോ​ക്ക​രു​തോ? അതായത്‌, യഹോ​വ​യിൽ ആശ്രയി​ക്കുക, ശുശ്രൂ​ഷ​യിൽ മറ്റുള്ള​വ​രോ​ടൊ​പ്പം പ്രവർത്തി​ച്ചു​കൊണ്ട്‌ സഭാ​പ്ര​വർത്ത​ന​ങ്ങ​ളിൽ പൂർണ​മാ​യി ഉൾപ്പെ​ടുക. പുതിയ സുഹൃ​ദ്‌ബ​ന്ധങ്ങൾ കണ്ടെത്തുക, അതല്ലെ​ങ്കിൽ ഇപ്പോ​ഴുള്ള സുഹൃ​ദ്‌ബ​ന്ധങ്ങൾ ശക്തമാ​ക്കുക. നിങ്ങളു​ടെ സഭയി​ലേക്കു പുതു​താ​യി വന്നവരെ, അല്ലെങ്കിൽ എന്തെങ്കി​ലും ആവശ്യ​മു​ള്ള​വരെ നിങ്ങൾക്കൊ​ന്നു സഹായി​ക്കാൻ കഴിയു​മോ? അങ്ങനെ ചെയ്യു​ന്നത്‌ നിങ്ങളു​ടെ​തന്നെ ആത്മീയ​വ​ളർച്ചയെ സഹായി​ക്കും. കാരണം യഥാർഥ​ക്രി​സ്‌ത്യാ​നി​കളെ തിരി​ച്ച​റി​യി​ക്കുന്ന സ്‌നേ​ഹ​മാ​ണ​ല്ലോ അതിലൂ​ടെ കാണി​ക്കു​ന്നത്‌. (യോഹ. 13:35) “അങ്ങനെ​യുള്ള ബലിക​ളി​ലാ​ണു ദൈവം പ്രസാ​ദി​ക്കു​ന്നത്‌” എന്ന്‌ നിങ്ങൾക്ക്‌ ഉറപ്പോ​ടെ വിശ്വ​സി​ക്കാം.—എബ്രാ. 13:16.

ബുദ്ധി​മു​ട്ടു​ക​ളൊ​ക്കെ ഉണ്ടെങ്കി​ലും പല സഹോ​ദ​ര​ങ്ങ​ളും പുതിയ സഭകളി​ലേക്കു മാറി സന്തോഷം ആസ്വദി​ക്കു​ന്നു. നിങ്ങൾക്കും അതിനു കഴിയും! “പുതിയ സഭയി​ലേക്കു മാറി​യത്‌ കാര്യങ്ങൾ വിശാ​ല​മാ​യി കാണാൻ സഹായി​ച്ചു” എന്നാണ്‌ ആൻലിസ്‌ പറയു​ന്നത്‌. മാറി​ത്താ​മ​സി​ക്കു​മ്പോൾ “മുമ്പ്‌ കണ്ടിട്ടി​ല്ലാ​ത്ത​വി​ധം യഹോ​വ​യു​ടെ സഹായം അനുഭ​വി​ച്ച​റി​യാൻ കഴിയും” എന്ന്‌ കസൂമിക്ക്‌ ഇപ്പോൾ ഉറപ്പായി. ഇനി, ജൂൾസ്‌ പറയു​ന്നത്‌ എന്താ​ണെ​ന്നോ? “എനിക്ക്‌ ഇപ്പോൾ നല്ല കൂട്ടു​കാ​രുണ്ട്‌. അതു​കൊണ്ട്‌ എന്നെ ഇവിടെ ആവശ്യ​മി​ല്ലെന്നു ഞാൻ ചിന്തി​ക്കാ​റേ​യില്ല. പുതിയ സഭയു​മാ​യിട്ട്‌ ഞാൻ അത്രയ്‌ക്ക്‌ അടുത്തു. അതു​കൊണ്ട്‌ ഇപ്പോൾ ഇവിടം​വിട്ട്‌ പോകാ​നാണ്‌ എനിക്കു വിഷമം.”