യഹോ​വ​യും യേശു​വും ചിന്തി​ക്കുന്ന വിധം അനുക​രി​ക്കു​ക

1-2. (എ) യഹോ​വയെ സ്‌നേ​ഹി​ക്കു​ന്ന​തിൽ എന്താണ്‌ ഉൾപ്പെ​ടു​ന്നത്‌? (ബി) താൻ യഹോ​വയെ മുഴു​മ​ന​സ്സോ​ടെ സ്‌നേ​ഹി​ക്കു​ന്നു​ണ്ടെന്നു യേശു എങ്ങനെ​യാ​ണു കാണി​ച്ചത്‌?

മോശ​യു​ടെ നിയമ​ത്തി​ലെ ഏറ്റവും പ്രധാ​ന​പ്പെട്ട കൽപ്പന ഏതാ​ണെന്നു യേശു വ്യക്തമാ​ക്കി: “നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​മ​ന​സ്സോ​ടും നിന്റെ മുഴു​ശ​ക്തി​യോ​ടും കൂടെ സ്‌നേ​ഹി​ക്കണം.” (മർക്കോ. 12:30) അതെ, യഹോ​വ​യോ​ടുള്ള സ്‌നേ​ഹ​ത്തിൽ നമ്മുടെ ഹൃദയം, അതായത്‌ നമ്മുടെ ആഗ്രഹ​ങ്ങ​ളും വികാ​ര​ങ്ങ​ളും എല്ലാം ഉൾപ്പെ​ടു​ന്നുണ്ട്‌. യഹോ​വ​യോ​ടുള്ള സ്‌നേ​ഹ​ത്തിൽ നമ്മുടെ മുഴു​ദേ​ഹി​യോ​ടെ​യുള്ള ഭക്തിയും നമ്മുടെ ശക്തിയും അഥവാ ഊർജ​വും ഉൾപ്പെ​ടു​ന്നു. ഇനി യഹോ​വ​യോ​ടുള്ള സ്‌നേ​ഹ​ത്തിൽ ഉൾപ്പെ​ടുന്ന മറ്റൊരു കാര്യ​മാ​ണു നമ്മുടെ മനസ്സ്‌. ഓരോ കാര്യ​ത്തെ​ക്കു​റി​ച്ചും നമ്മൾ ചിന്തി​ക്കുന്ന വിധം അതിൽപ്പെ​ടും. യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാ​നാ​ണു നമ്മൾ ശ്രമി​ക്കു​ന്നത്‌. എന്നാൽ യഹോ​വ​യു​ടെ ചിന്തകൾ പൂർണ​മാ​യി മനസ്സി​ലാ​ക്കാൻ നമുക്കു കഴിയില്ല എന്നതു ശരിയാണ്‌. എങ്കിലും ‘ക്രിസ്‌തു​വി​ന്റെ മനസ്സ്‌’ പഠിക്കു​ന്ന​തി​ലൂ​ടെ നമുക്ക്‌ യഹോ​വ​യു​ടെ ചിന്തകൾ നന്നായി മനസ്സി​ലാ​ക്കാ​നാ​കും. കാരണം യേശു യഹോ​വ​യു​ടെ ചിന്തകൾ പൂർണ​മാ​യി പകർത്തിയ ആളാണ്‌.—1 കൊരി. 2:16.

² യേശു യഹോ​വയെ പൂർണ​മ​ന​സ്സോ​ടെ സ്‌നേ​ഹി​ച്ചു. യഹോ​വ​യ്‌ക്കു തന്നെക്കു​റി​ച്ചുള്ള ഇഷ്ടം എന്താ​ണെന്നു യേശു​വിന്‌ അറിയാ​മാ​യി​രു​ന്നു. ദൈ​വേഷ്ടം ചെയ്യു​ന്ന​തി​നു കഷ്ടപ്പാ​ടു​കൾ സഹി​ക്കേ​ണ്ടി​വ​രു​മെന്ന്‌ അറിയാ​മാ​യി​രു​ന്നി​ട്ടും അതു ചെയ്യാൻ യേശു തീരു​മാ​നി​ച്ചു​റച്ചു. തന്റെ പിതാ​വി​ന്റെ ഇഷ്ടത്തിനു ചേർച്ച​യിൽ പ്രവർത്തി​ക്കുക എന്ന ലക്ഷ്യത്തിൽനിന്ന്‌ ശ്രദ്ധ പതറി​ക്കാൻ യേശു ഒന്നി​നെ​യും അനുവ​ദി​ച്ചില്ല.

3. അപ്പോ​സ്‌ത​ല​നായ പത്രോസ്‌ യേശു​വിൽനിന്ന്‌ എന്തു പഠിച്ചു? എന്തു ചെയ്യാ​നാ​ണു പത്രോസ്‌ സഹക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ച്ചത്‌? (1 പത്രോസ്‌ 4:1)

³ പത്രോ​സി​നും മറ്റ്‌ അപ്പോ​സ്‌ത​ല​ന്മാർക്കും യേശു​വി​നോ​ടൊ​പ്പം ധാരാളം സമയം ചെലവ​ഴി​ക്കാൻ കഴിഞ്ഞു. അങ്ങനെ യേശു ചിന്തി​ക്കുന്ന വിധം നേരിട്ട്‌ കണ്ട്‌ പഠിക്കാൻ അവർക്ക്‌ അവസരം ലഭിച്ചു. ദൈവ​പ്ര​ചോ​ദി​ത​മാ​യി തന്റെ ആദ്യത്തെ കത്ത്‌ എഴുതി​യ​പ്പോൾ ക്രിസ്‌തു​വി​ന്റെ അതേ മനോ​ഭാ​വം ആയുധ​മാ​യി ധരിക്കാൻ പത്രോസ്‌ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. (1 പത്രോസ്‌ 4:1 വായി​ക്കുക.) പത്രോസ്‌ ഈ വാക്യ​ത്തിൽ സൈന്യ​വു​മാ​യി ബന്ധപ്പെട്ട “ആയുധ​മാ​യി ധരിക്കുക” എന്ന വാക്കാണ്‌ ഉപയോ​ഗി​ച്ചി​രി​ക്കു​ന്നത്‌. അതെ, ക്രിസ്‌ത്യാ​നി​കൾ ക്രിസ്‌തു​വി​ന്റെ മനോ​ഭാ​വം അഥവാ ചിന്താ​രീ​തി അനുക​രി​ക്കു​ക​യാ​ണെ​ങ്കിൽ അതു ശക്തമായ ഒരു ആയുധ​മാ​യി പ്രവർത്തി​ക്കും. പാപം ചെയ്യാ​നുള്ള ചായ്‌വി​നും സാത്താൻ ഭരിക്കുന്ന ലോക​ത്തി​നും എതിരെ പോരാ​ടാ​നുള്ള ഒരു ആയുധം!—2 കൊരി. 10:3-5; എഫെ. 6:12.

4. ഈ ലേഖന​ത്തിൽ നമ്മൾ എന്തു പഠിക്കും?

⁴ ഈ ലേഖന​ത്തിൽ, യേശു ചിന്തിച്ച വിധവും അത്‌ എങ്ങനെ അനുക​രി​ക്കാ​മെ​ന്നും നമ്മൾ കാണും. നമുക്ക്‌ എങ്ങനെ (1) യഹോവ ചിന്തി​ക്കുന്ന വിധം അനുക​രി​ക്കാ​മെ​ന്നും (2) താഴ്‌മ​യു​ള്ള​വ​രാ​യി​രി​ക്കാ​മെ​ന്നും (3) സുബോ​ധ​മു​ള്ള​വ​രാ​യി​രി​ക്കാ​മെ​ന്നും കാണും.

യഹോവ ചിന്തി​ക്കുന്ന വിധം അനുക​രി​ക്കു​ക

5. പത്രോസ്‌ യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാ​തി​രുന്ന ഒരു സാഹച​ര്യം വിശദീ​ക​രി​ക്കുക.

⁵ യഹോവ ചിന്തി​ക്കു​ന്ന​തു​പോ​ലെ പത്രോസ്‌ ചിന്തി​ക്കാ​തി​രുന്ന ഒരു സാഹച​ര്യം നോക്കാം. താൻ യരുശ​ലേ​മി​ലേക്കു പോ​കേ​ണ്ട​താ​ണെ​ന്നും മതനേ​താ​ക്ക​ന്മാർ തന്നെ പിടി​കൂ​ടി ഉപദ്ര​വി​ക്കു​മെ​ന്നും ഒടുവിൽ കൊല​പ്പെ​ടു​ത്തു​മെ​ന്നും യേശു അപ്പോ​സ്‌ത​ല​ന്മാ​രോ​ടു പറഞ്ഞു. (മത്താ. 16:21) ഇസ്രാ​യേ​ലി​ന്റെ പ്രത്യാ​ശ​യും വാഗ്‌ദാ​നം ചെയ്‌ത മിശി​ഹ​യും ആയ യേശു വധിക്ക​പ്പെ​ടാൻ യഹോവ അനുവ​ദി​ക്കു​മെന്ന കാര്യം അംഗീ​ക​രി​ക്കാൻ പത്രോ​സി​നു ബുദ്ധി​മു​ട്ടു തോന്നി​ക്കാ​ണും. (മത്താ. 16:16) അതു​കൊണ്ട്‌ പത്രോസ്‌ യേശു​വി​നെ മാറ്റി​നി​റു​ത്തി ഇങ്ങനെ പറഞ്ഞു: “കർത്താവേ, അങ്ങനെ പറയരുത്‌. അങ്ങയ്‌ക്ക്‌ ഒരിക്ക​ലും അങ്ങനെ​യൊ​ന്നും സംഭവി​ക്കില്ല.” (മത്താ. 16:22) ഈ വിഷയ​ത്തിൽ യഹോവ ചിന്തി​ച്ച​തു​പോ​ലെയല്ല പത്രോസ്‌ ചിന്തി​ച്ചത്‌. അതു​കൊണ്ട്‌ പത്രോ​സി​ന്റെ ചിന്ത യേശു​വി​ന്റേ​തു​മാ​യും യോജി​ച്ചില്ല.

6. തന്റെ ചിന്തകൾ യഹോ​വ​യു​ടെ ചിന്തകൾക്കു ചേർച്ച​യി​ലാ​ണെന്നു യേശു എങ്ങനെ​യാ​ണു കാണി​ച്ചത്‌?

⁶ തന്റെ സ്വർഗീ​യ​പി​താ​വി​ന്റെ ചിന്തക​ളു​മാ​യി പൂർണ​മാ​യും യോജി​ക്കു​ന്ന​താ​യി​രു​ന്നു യേശു​വി​ന്റെ ചിന്തകൾ. യേശു പത്രോ​സി​നോട്‌ ഇങ്ങനെ പറഞ്ഞു: “സാത്താനേ, എന്റെ മുന്നിൽനിന്ന്‌ മാറൂ! നീ എന്റെ വഴിയിൽ ഒരു തടസ്സമാണ്‌. നിന്റെ ചിന്തകൾ ദൈവ​ത്തി​ന്റെ ചിന്തകളല്ല, മനുഷ്യ​രു​ടേ​താണ്‌.” (മത്താ. 16:23) പത്രോസ്‌ നല്ല ഉദ്ദേശ്യ​ത്തോ​ടെ​യാ​യി​രി​ക്കാം അങ്ങനെ പറഞ്ഞ​തെ​ങ്കി​ലും യേശു അതു തള്ളിക്ക​ളഞ്ഞു. താൻ വേദനകൾ അനുഭ​വിച്ച്‌ മരിക്കണം എന്നതാണു ദൈവ​ത്തി​ന്റെ ഉദ്ദേശ്യ​മെന്നു യേശു​വിന്‌ അറിയാ​മാ​യി​രു​ന്നു. ദൈവ​ത്തി​ന്റെ ചിന്തകൾ തന്റേതാ​ക്ക​ണ​മെന്ന വില​യേ​റിയ പാഠം ആ സാഹച​ര്യ​ത്തിൽ പത്രോസ്‌ പഠിച്ചു. ഇതു നമുക്കും നല്ലൊരു പാഠമാണ്‌, അല്ലേ?

7. യഹോ​വ​യു​ടെ ചിന്തകൾക്കു ചേർച്ച​യിൽ മാറ്റം വരുത്താൻ താൻ തയ്യാറാ​ണെന്നു പത്രോസ്‌ കാണി​ച്ചത്‌ എങ്ങനെ​യാണ്‌? (പുറം​താ​ളി​ലെ ചിത്രം കാണുക.)

⁷ യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാൻ തനിക്ക്‌ ആഗ്രഹ​മു​ണ്ടെന്നു പത്രോസ്‌ പിന്നീടു തെളി​യി​ച്ചു. പരി​ച്ഛേ​ദ​ന​യേൽക്കാത്ത ജനതക​ളിൽപ്പെ​ട്ടവർ ദൈവ​ജ​ന​ത്തി​ന്റെ ഭാഗമാ​കാ​നുള്ള സമയം വന്നെത്തി. ജനതക​ളിൽപ്പെട്ട കൊർന്നേ​ല്യൊ​സി​നോ​ടു സാക്ഷീ​ക​രി​ക്കാ​നുള്ള നിയമനം പത്രോ​സി​നു കിട്ടി. ജൂതന്മാർ പൊതു​വേ ജനതക​ളിൽപ്പെ​ട്ട​വ​രു​മാ​യി അടുത്ത്‌ ഇടപഴ​കു​ന്നത്‌ ഒഴിവാ​ക്കി​യി​രു​ന്നു. അതു​കൊണ്ട്‌ ഈ നിയമ​ന​ത്തി​നു​വേണ്ടി തയ്യാറാ​കാൻ പത്രോ​സി​നു സഹായം ആവശ്യ​മാ​യി വന്നതിൽ അതിശ​യി​ക്കാ​നില്ല. ഇക്കാര്യ​ത്തിൽ ദൈവ​ത്തി​ന്റെ ഇഷ്ടം തിരി​ച്ച​റി​ഞ്ഞ​പ്പോൾ പത്രോസ്‌ തന്റെ ചിന്തക​ളിൽ മാറ്റം വരുത്തി. അതു​കൊണ്ട്‌, തന്നെ അയച്ച​പ്പോൾ അദ്ദേഹം “ഒരു മടിയും കൂടാതെ” പോയി. (പ്രവൃ. 10:28, 29) പത്രോസ്‌ കൊർന്നേ​ല്യൊ​സി​നോ​ടും വീട്ടി​ലു​ള്ള​വ​രോ​ടും സാക്ഷീ​ക​രി​ക്കു​ക​യും അവർ സ്‌നാ​ന​മേൽക്കു​ക​യും ചെയ്‌തു. ജനതക​ളിൽപ്പെ​ട്ട​വ​രിൽനിന്ന്‌ ആദ്യം ക്രിസ്‌ത്യാ​നി​യാ​യതു കൊർന്നേ​ല്യൊ​സാണ്‌.—പ്രവൃ. 10:21-23, 34, 35, 44-48.

8. നമ്മുടെ ചിന്തകൾ യഹോ​വ​യു​ടെ ചിന്തകൾക്കു ചേർച്ച​യി​ലാ​ണെന്നു നമുക്ക്‌ എങ്ങനെ കാണി​ക്കാം? (1 പത്രോസ്‌ 3:8-ഉം അടിക്കു​റി​പ്പും)

⁸ വർഷങ്ങൾക്കു ശേഷം, “ഒരേ ചിന്തയും ഒരേ മനസ്സും” ഉള്ളവരാ​യി​രി​ക്കാൻ പത്രോസ്‌ സഹക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. (1 പത്രോസ്‌ 3:8-ഉം അടിക്കു​റി​പ്പും വായി​ക്കുക.) ദൈവ​ജ​ന​മെന്ന നിലയിൽ ബൈബി​ളിൽ കാണുന്ന യഹോ​വ​യു​ടെ ചിന്ത അനുക​രി​ച്ചു​കൊണ്ട്‌ നമുക്ക്‌ ഒരേ ചിന്തയും മനസ്സും ഉള്ളവരാ​യി​രി​ക്കാൻ കഴിയും. ഉദാഹ​ര​ണ​ത്തിന്‌, ദൈവ​രാ​ജ്യ​ത്തി​നു ജീവി​ത​ത്തിൽ ഒന്നാം സ്ഥാനം കൊടു​ക്കാൻ യേശു തന്റെ അനുഗാ​മി​ക​ളോട്‌ ആവശ്യ​പ്പെട്ടു. (മത്താ. 6:33) അതു മനസ്സിൽപ്പി​ടി​ച്ചു​കൊണ്ട്‌ നിങ്ങളു​ടെ സഭയിലെ ഒരു പ്രചാ​രകൻ മുഴു​സ​മ​യ​സേ​വ​ന​ത്തി​ന്റെ ഏതെങ്കി​ലും ഒരു മേഖല​യിൽ പ്രവർത്തി​ക്കാൻ തീരു​മാ​നി​ച്ചേ​ക്കാം. ‘ഇത്‌ അത്ര എളുപ്പ​മുള്ള കാര്യ​മാ​ണോ’ എന്നൊക്കെ പറഞ്ഞ്‌ നിരു​ത്സാ​ഹ​പ്പെ​ടു​ത്തു​ക​യോ ആ ലക്ഷ്യത്തിൽനിന്ന്‌ പിന്തി​രി​പ്പി​ക്കു​ക​യോ ചെയ്യു​ന്ന​തി​നു പകരം ആ സേവന​ത്തി​ന്റെ നല്ല വശങ്ങൾ എടുത്തു​കാ​ണി​ക്കു​ക​യും അവരെ പിന്തു​ണ​യ്‌ക്കാ​മെന്നു പറയു​ക​യും ചെയ്‌തു​കൂ​ടേ?

താഴ്‌മ​യു​ള്ള​വ​രാ​യി​രി​ക്കുക

9-10. യേശു അസാധാ​ര​ണ​മായ താഴ്‌മ കാണി​ച്ചത്‌ എങ്ങനെ​യാണ്‌?

⁹ തന്റെ മരണത്തി​നു തൊട്ടു​മു​മ്പുള്ള രാത്രി​യിൽ യേശു പത്രോ​സി​നെ​യും മറ്റ്‌ അപ്പോ​സ്‌ത​ല​ന്മാ​രെ​യും താഴ്‌മ​യു​ടെ ഒരു പ്രധാ​ന​പ്പെട്ട പാഠം പഠിപ്പി​ച്ചു. തന്റെ അവസാ​നത്തെ അത്താഴ​ത്തി​നു മുമ്പ്‌ അതിനു​വേണ്ടി ചില ഒരുക്കങ്ങൾ നടത്താൻ യേശു പത്രോ​സി​നെ​യും യോഹ​ന്നാ​നെ​യും ആണ്‌ ഏൽപ്പി​ച്ചത്‌. അതിഥി​കൾക്കു ഭക്ഷണത്തി​നു മുമ്പ്‌ കാലു കഴുകു​ന്ന​തി​നാ​യി പാത്ര​വും തോർത്തും ഉണ്ടെന്ന്‌ ഉറപ്പു​വ​രു​ത്തു​ന്ന​തും സാധ്യ​ത​യ​നു​സ​രിച്ച്‌ ആ ഉത്തരവാ​ദി​ത്വ​ത്തിൽ ഉൾപ്പെ​ട്ടി​രു​ന്നു. എന്നാൽ കാലുകൾ കഴുകുക എന്ന ആ എളിയ​ജോ​ലി ചെയ്യാൻ താഴ്‌മ​യോ​ടെ ആരു മുന്നോ​ട്ടു വരുമാ​യി​രു​ന്നു?

¹⁰ ഒരു മടിയും​കൂ​ടാ​തെ യേശു അസാധാ​ര​ണ​മായ താഴ്‌മ കാണിച്ചു. അപ്പോ​സ്‌ത​ല​ന്മാ​രെ ഞെട്ടി​ച്ചു​കൊണ്ട്‌ സാധാരണ ദാസന്മാർ ചെയ്യുന്ന ഒരു ജോലി ചെയ്യാൻ യേശു തയ്യാറാ​യി. യേശു തന്റെ പുറങ്കു​പ്പാ​യം അഴിച്ചു​വെച്ച്‌ ഒരു തോർത്ത്‌ എടുത്ത്‌ അരയിൽ ചുറ്റി, പാത്ര​ത്തിൽ വെള്ളം എടുത്ത്‌ ശിഷ്യ​ന്മാ​രു​ടെ കാലുകൾ കഴുകാൻതു​ടങ്ങി. (യോഹ. 13:4, 5) തന്നെ ഒറ്റി​ക്കൊ​ടു​ക്കു​മാ​യി​രുന്ന യൂദാ​സി​ന്റെ ഉൾപ്പെടെ 12 അപ്പോ​സ്‌ത​ല​ന്മാ​രു​ടെ​യും കാലുകൾ കഴുകാൻ നല്ല സമയ​മെ​ടു​ത്തു​കാ​ണും! എന്നിട്ടും യേശു താഴ്‌മ​യോ​ടെ ആ ജോലി പൂർത്തി​യാ​ക്കി. യേശു ക്ഷമയോ​ടെ ഇങ്ങനെ പറഞ്ഞു: “ഞാൻ എന്താണു ചെയ്‌ത​തെന്നു നിങ്ങൾക്കു മനസ്സി​ലാ​യോ? നിങ്ങൾ എന്നെ ‘ഗുരു’ എന്നും ‘കർത്താവ്‌’ എന്നും വിളി​ക്കു​ന്നു​ണ്ട​ല്ലോ. അതു ശരിയാണ്‌. കാരണം ഞാൻ നിങ്ങളു​ടെ ഗുരു​വും കർത്താ​വും ആണ്‌. കർത്താ​വും ഗുരു​വും ആയ ഞാൻ നിങ്ങളു​ടെ കാലു കഴുകി​യെ​ങ്കിൽ നിങ്ങളും തമ്മിൽത്ത​മ്മിൽ കാലു കഴുകണം.”—യോഹ. 13:12-14.

11. താഴ്‌മ​യു​ള്ള​വ​നാ​യി​രി​ക്കാൻ പഠി​ച്ചെന്നു പത്രോസ്‌ എങ്ങനെ​യാ​ണു കാണി​ച്ചത്‌? (1 പത്രോസ്‌ 5:5) (ചിത്ര​വും കാണുക.)

¹¹ പത്രോസ്‌ യേശു​വി​ന്റെ താഴ്‌മ​യിൽനിന്ന്‌ പഠിച്ചു. യേശു സ്വർഗ​ത്തി​ലേക്കു പോയ​തി​നു ശേഷം ജന്മനാ മുടന്ത​നാ​യി​രുന്ന ഒരു വ്യക്തിയെ പത്രോസ്‌ അത്ഭുത​ക​ര​മാ​യി സുഖ​പ്പെ​ടു​ത്തി. (പ്രവൃ. 1:8, 9; 3:2, 6-8) സ്വാഭാ​വി​ക​മാ​യും ഈ അത്ഭുതം കണ്ട്‌ ധാരാളം ആളുകൾ പത്രോ​സി​നു ചുറ്റും ഒരുമി​ച്ചു​കൂ​ടി. (പ്രവൃ. 3:11) പ്രാമു​ഖ്യ​ത​യ്‌ക്കും സ്ഥാനമാ​ന​ങ്ങൾക്കും പ്രാധാ​ന്യം കൊടു​ത്തി​രുന്ന ഒരു ചുറ്റു​പാ​ടിൽ വളർന്നു​വന്ന പത്രോസ്‌ ഈ മഹത്ത്വം സ്വീക​രി​ച്ചോ? ഇല്ല. ആ മഹത്ത്വ​മെ​ല്ലാം താഴ്‌മ​യോ​ടെ യഹോ​വ​യി​ലേ​ക്കും യേശു​വി​ലേ​ക്കും തിരി​ച്ചു​വി​ട്ടു​കൊണ്ട്‌ പത്രോസ്‌ ഇങ്ങനെ പറഞ്ഞു: “യേശു​വി​ന്റെ പേരാണ്‌, ആ പേരി​ലുള്ള ഞങ്ങളുടെ വിശ്വാ​സ​മാണ്‌, നിങ്ങൾ കാണുന്ന ഈ മനുഷ്യ​നു ബലം ലഭിക്കാൻ ഇടയാ​ക്കി​യത്‌.” (പ്രവൃ. 3:12-16) പിന്നീട്‌, പത്രോസ്‌ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ താഴ്‌മ വളർത്തി​യെ​ടു​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ പറയാൻ ‘ധരിക്കുക’ എന്ന പദമാണ്‌ ഉപയോ​ഗി​ച്ചത്‌. ശിഷ്യ​ന്മാ​രു​ടെ കാലുകൾ കഴുകു​ന്ന​തി​നു മുമ്പായി യേശു ഒരു തോർത്ത്‌ എടുത്ത്‌ അരയിൽ ചുറ്റിയ രംഗം ഇപ്പോൾ നമ്മുടെ മനസ്സി​ലേക്ക്‌ ഓടി​യെ​ത്തി​യേ​ക്കാം.—1 പത്രോസ്‌ 5:5 വായി​ക്കുക.

12. പത്രോ​സി​നെ​പ്പോ​ലെ നമുക്ക്‌ എങ്ങനെ താഴ്‌മ വളർത്തു​ന്ന​തിൽ തുടരാം?

¹² താഴ്‌മ ധരിക്കുന്ന കാര്യ​ത്തിൽ നമുക്ക്‌ പത്രോ​സി​ന്റെ മാതൃക അനുക​രി​ക്കാം. യഥാർഥ​താ​ഴ്‌മ​യിൽ നമ്മൾ പറയുന്ന വാക്കു​ക​ളെ​ക്കാൾ അധികം ഉൾപ്പെ​ടു​ന്നു​ണ്ടെന്ന്‌ ഓർക്കുക. താഴ്‌മ എന്നതിനു പത്രോസ്‌ ഉപയോ​ഗിച്ച വാക്കിൽ നമ്മുടെ ഉള്ളിന്റെ ഉള്ളിലെ ചിന്തക​ളും ഉൾപ്പെ​ടു​ന്നുണ്ട്‌. അതായത്‌, നമ്മളെ​ക്കു​റി​ച്ചും മറ്റുള്ള​വ​രെ​ക്കു​റി​ച്ചും നമുക്കുള്ള ചിന്തകൾ. നമ്മൾ മറ്റുള്ള​വർക്കു​വേണ്ടി എന്തെങ്കി​ലും ചെയ്യു​ന്നത്‌ യഹോ​വ​യെ​യും ആളുക​ളെ​യും സ്‌നേ​ഹി​ക്കു​ന്ന​തു​കൊ​ണ്ടാണ്‌, അല്ലാതെ പ്രശംസ നേടാനല്ല. നമ്മുടെ ശ്രമങ്ങൾ മറ്റുള്ളവർ ശ്രദ്ധി​ച്ചി​ല്ലെ​ങ്കി​ലും നമ്മളാൽ കഴിയുന്ന വിധം യഹോ​വ​യെ​യും സഹോ​ദ​ര​ങ്ങ​ളെ​യും സന്തോ​ഷ​ത്തോ​ടെ സേവി​ക്കു​മ്പോൾ നമ്മൾ താഴ്‌മ​യു​ള്ള​വ​രാ​ണെന്നു തെളി​യി​ക്കു​ക​യാണ്‌.—മത്താ. 6:1-4.

‘സുബോ​ധ​മു​ള്ള​വ​രാ​യി​രി​ക്കുക’

13. ‘സുബോ​ധ​മു​ള്ള​വ​രാ​യി​രി​ക്കു​ന്ന​തിൽ’ എന്താണ്‌ ഉൾപ്പെ​ടു​ന്ന​തെന്നു വിശദീ​ക​രി​ക്കുക.

¹³ ‘സുബോ​ധ​മു​ള്ള​വ​രാ​യി​രി​ക്കു​ന്ന​തിൽ’ എന്താണ്‌ ഉൾപ്പെ​ടു​ന്നത്‌? (1 പത്രോ. 4:7) സുബോ​ധ​മുള്ള ഒരു ക്രിസ്‌ത്യാ​നി യഹോ​വ​യു​ടെ ചിന്തകൾ പ്രതി​ഫ​ലി​പ്പി​ക്കുന്ന നല്ല തീരു​മാ​ന​ങ്ങ​ളെ​ടു​ക്കാൻ നന്നായി ശ്രമി​ക്കും. യഹോ​വ​യു​മാ​യുള്ള ബന്ധത്തെ​ക്കാൾ പ്രധാ​ന​മാ​യി ജീവി​ത​ത്തിൽ ഒന്നുമി​ല്ലെന്ന്‌ ആ വ്യക്തി ഓർക്കും. അതു​പോ​ലെ തന്നെക്കു​റി​ച്ചു​തന്നെ അദ്ദേഹ​ത്തി​നു സമനി​ല​യുള്ള ഒരു വീക്ഷണ​മു​ണ്ടാ​യി​രി​ക്കും. തനിക്ക്‌ എല്ലാം അറിയാ​മെന്ന്‌ അദ്ദേഹം ചിന്തി​ക്കില്ല. കൂടാതെ താഴ്‌മ​യോ​ടെ പ്രാർഥ​ന​യിൽ യഹോ​വയെ സമീപി​ച്ചു​കൊണ്ട്‌ യഹോ​വ​യി​ലുള്ള ആശ്രയം തെളി​യി​ക്കു​ക​യും ചെയ്യും.a

14. പത്രോസ്‌ യഹോ​വ​യിൽ ആശ്രയി​ക്കാൻ പരാജ​യ​പ്പെട്ട ഒരു സാഹച​ര്യം ഏതാണ്‌?

¹⁴ തന്റെ മരണത്തി​ന്റെ തലേരാ​ത്രി യേശു ശിഷ്യ​ന്മാ​രോട്‌ ഇങ്ങനെ പറഞ്ഞു: “ഈ രാത്രി നിങ്ങൾ എല്ലാവ​രും എന്നെ ഉപേക്ഷി​ക്കും.” പക്ഷേ പത്രോസ്‌ ആത്മവി​ശ്വാ​സ​ത്തോ​ടെ ഇങ്ങനെ പറഞ്ഞു: “മറ്റെല്ലാ​വ​രും അങ്ങയെ ഉപേക്ഷി​ച്ചാ​ലും ഒരിക്ക​ലും ഞാൻ അങ്ങയെ ഉപേക്ഷി​ക്കില്ല.” എന്നാൽ “എപ്പോ​ഴും ഉണർന്നി​രുന്ന്‌ പ്രാർഥി​ക്കണം” എന്നൊരു ഉപദേശം ആ രാത്രി യേശു ചില ശിഷ്യ​ന്മാർക്കു കൊടു​ത്തി​രു​ന്നു. (മത്താ. 26:31, 33, 41) ആ ഉപദേശം പത്രോസ്‌ അനുസ​രി​ച്ചി​രു​ന്നെ​ങ്കിൽ താൻ യേശു​വി​ന്റെ ഒരു ശിഷ്യ​നാ​ണെന്നു സമ്മതി​ക്കാ​നുള്ള ധൈര്യം ഒരുപക്ഷേ പത്രോ​സി​നു കിട്ടു​മാ​യി​രു​ന്നു. എന്നാൽ പത്രോസ്‌ തന്റെ യജമാ​നനെ തള്ളിപ്പ​റ​യു​ക​യാ​ണു ചെയ്‌തത്‌. അതെക്കു​റിച്ച്‌ ഓർത്ത്‌ പിന്നീട്‌ അദ്ദേഹ​ത്തിന്‌ ഒരുപാ​ടു കുറ്റ​ബോ​ധം തോന്നു​ക​യും ചെയ്‌തു.—മത്താ. 26:69-75.

15. ഭൂമി​യി​ലെ തന്റെ അവസാ​ന​രാ​ത്രി​യിൽ യേശു എങ്ങനെ​യാ​ണു സുബോ​ധ​ത്തോ​ടെ പ്രവർത്തി​ച്ചത്‌?

¹⁵ യേശു യഹോ​വ​യിൽ പൂർണ​മാ​യി ആശ്രയി​ച്ചു. പൂർണ​നാ​യി​രു​ന്നെ​ങ്കി​ലും മരിക്കു​ന്ന​തി​നു തലേരാ​ത്രി കൂടെ​ക്കൂ​ടെ യേശു പ്രാർഥി​ച്ചു. തന്നെക്കു​റി​ച്ചുള്ള യഹോ​വ​യു​ടെ ഇഷ്ടത്തിനു ചേർച്ച​യിൽ ധൈര്യ​ത്തോ​ടെ പ്രവർത്തി​ക്കാൻ അതാണു യേശു​വി​നെ സഹായി​ച്ചത്‌. (മത്താ. 26:39, 42, 44; യോഹ. 18:4, 5) യേശു കൂടെ​ക്കൂ​ടെ പ്രാർഥി​ക്കു​ന്നതു കണ്ടത്‌ പത്രോ​സി​നെ തീർച്ച​യാ​യും സ്വാധീ​നി​ച്ചു.

16. സുബോ​ധം വളർത്തി​യെ​ടു​ത്തെന്നു പത്രോസ്‌ എങ്ങനെ​യാ​ണു കാണി​ച്ചത്‌? (1 പത്രോസ്‌ 4:7)

¹⁶ അങ്ങനെ, പ്രാർഥി​ച്ചു​കൊണ്ട്‌ യഹോ​വ​യിൽ കൂടുതൽ ആശ്രയി​ക്കാൻ പത്രോസ്‌ പഠിച്ചു. പ്രസം​ഗി​ക്കാ​നുള്ള നിയമനം നിറ​വേ​റ്റു​ന്ന​തി​നു അവർക്കു പരിശു​ദ്ധാ​ത്മാവ്‌ ലഭിക്കു​മെന്നു പുനരു​ത്ഥാ​ന​പ്പെട്ട യേശു പത്രോ​സി​നും മറ്റ്‌ അപ്പോ​സ്‌ത​ല​ന്മാർക്കും ഉറപ്പു​കൊ​ടു​ത്തു. എന്നാൽ അതുവരെ യരുശ​ലേം വിട്ട്‌ പോക​രു​തെന്നു യേശു അവരോ​ടു പറഞ്ഞു. (ലൂക്കോ. 24:49; പ്രവൃ. 1:4, 5) പരിശു​ദ്ധാ​ത്മാ​വി​നു​വേണ്ടി കാത്തി​രുന്ന ആ സമയത്ത്‌ പത്രോസ്‌ എന്താണു ചെയ്‌തത്‌? പത്രോ​സും സഹക്രി​സ്‌ത്യാ​നി​ക​ളും “പ്രാർഥ​ന​യിൽ മുഴു​കി​യി​രു​ന്നു.” (പ്രവൃ. 1:13, 14) പിന്നീട്‌ തന്റെ ഒന്നാമത്തെ കത്തിൽ സുബോ​ധ​ത്തോ​ടെ​യി​രി​ക്കാ​നും പ്രാർഥി​ച്ചു​കൊണ്ട്‌ യഹോ​വ​യിൽ ആശ്രയി​ക്കാ​നും പത്രോസ്‌ സഹക്രി​സ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. (1 പത്രോസ്‌ 4:7 വായി​ക്കുക.) പത്രോസ്‌ യഹോ​വ​യിൽ ആശ്രയി​ക്കാൻ പഠിക്കു​ക​യും സഭയുടെ ഒരു തൂണായി മാറു​ക​യും ചെയ്‌തു.—ഗലാ. 2:9.

17. ജന്മനാ എന്തൊക്കെ കഴിവു​കൾ ഉള്ളവരാ​ണെ​ങ്കി​ലും നമ്മൾ എന്തു ചെയ്യു​ന്ന​തിൽ തുടരണം? (ചിത്ര​വും കാണുക.)

¹⁷ സുബോ​ധ​മു​ള്ള​വ​രാ​യി​രി​ക്കാൻ നമ്മൾ കൂടെ​ക്കൂ​ടെ യഹോ​വ​യോ​ടു പ്രാർഥി​ക്കണം. ജന്മനാ എന്തൊക്കെ കഴിവു​കൾ ഉള്ളവരാ​ണെ​ങ്കി​ലും നമ്മൾ അതുതന്നെ ചെയ്യണം. അതു​കൊണ്ട്‌ ജീവി​ത​ത്തിൽ പ്രധാ​ന​പ്പെട്ട തീരു​മാ​ന​ങ്ങ​ളെ​ടു​ക്കു​ന്ന​തി​നു മുമ്പ്‌ സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക. നമുക്ക്‌ ഏറ്റവും നല്ലത്‌ എന്താ​ണെന്ന്‌ അറിയാ​വു​ന്നത്‌ യഹോ​വ​യ്‌ക്കാ​ണ​ല്ലോ!

18. എന്തു ചെയ്യാ​നാണ്‌ നിങ്ങൾ തീരു​മാ​നി​ച്ചു​റ​ച്ചി​രി​ക്കു​ന്നത്‌?

¹⁸ തന്റെ ഗുണങ്ങൾ പ്രതി​ഫ​ലി​പ്പി​ക്കാൻ കഴിയുന്ന രീതി​യിൽ നമ്മളെ സൃഷ്ടി​ച്ചി​രി​ക്കു​ന്ന​തു​കൊണ്ട്‌ യഹോ​വ​യോ​ടു നമ്മൾ എത്ര നന്ദിയു​ള്ള​വ​രാ​ണല്ലേ! (ഉൽപ. 1:26) യഹോ​വയെ നമുക്കു പൂർണ​മാ​യും അനുക​രി​ക്കാൻ കഴിയില്ല എന്നതു ശരിയാണ്‌. (യശ. 55:9) എങ്കിലും പത്രോ​സി​നെ​പ്പോ​ലെ തുടർന്നും നമുക്ക്‌ എന്തു ചെയ്യാം? യഹോവ ചിന്തി​ക്കുന്ന വിധം അനുക​രി​ക്കു​ന്ന​തിൽ തുടരാം. അതു​പോ​ലെ താഴ്‌മ​യും സുബോ​ധ​വും ഉള്ളവരാ​യി​രി​ക്കാം.