നമ്മൾ ഒരിക്ക​ലും ഒറ്റയ്‌ക്കല്ല

1-2. (എ) പ്രശ്‌നങ്ങൾ നേരി​ടു​മ്പോൾ നമ്മൾ ഒറ്റയ്‌ക്കല്ല എന്നു പറയാ​നാ​കു​ന്നത്‌ എന്തു​കൊണ്ട്‌? (ബി) ഈ ലേഖന​ത്തിൽ നമ്മൾ എന്തു പഠിക്കും?

ജീവി​ത​ത്തിൽ വലിയ പ്രശ്‌നങ്ങൾ നേരി​ടേ​ണ്ടി​വ​രു​മ്പോൾ ഒരു കൊടും​കാ​ട്ടിൽ ഒറ്റപ്പെ​ട്ടു​പോ​യ​തു​പോ​ലെ നമുക്ക്‌ തോന്നി​യേ​ക്കാം. എന്നാൽ നമ്മൾ ഒരിക്ക​ലും ഒറ്റയ്‌ക്കല്ല. നമ്മുടെ സ്വർഗീ​യ​പി​താ​വായ യഹോവ നമ്മുടെ പ്രശ്‌നങ്ങൾ കാണു​ന്നുണ്ട്‌. അതു മാത്രമല്ല യഹോവ തന്റെ വിശ്വ​സ്‌ത​ദാ​സർക്ക്‌ ഇങ്ങനെ ഒരു ഉറപ്പ്‌ കൊടു​ത്തി​രി​ക്കു​ന്നു: ‘ഞാൻ നിന്നെ സഹായി​ക്കും.’—യശ. 41:10.

² ജീവി​ത​ത്തിൽ പ്രശ്‌നങ്ങൾ നേരി​ടു​മ്പോൾ ഓർക്കുക: യഹോവ ഒരിക്ക​ലും നമ്മളെ മറന്നു​ക​ള​യില്ല; നമ്മളെ ഉപേക്ഷി​ക്കു​ക​യോ തനിച്ചാ​ക്കു​ക​യോ ഇല്ല. ഈ ലേഖന​ത്തിൽ യഹോവ എങ്ങനെ​യാണ്‌ (1) നമ്മളെ വഴിന​യി​ക്കു​ന്ന​തെ​ന്നും (2) നമുക്കു​വേണ്ടി കരുതു​ന്ന​തെ​ന്നും (3) നമ്മളെ സംരക്ഷി​ക്കു​ന്ന​തെ​ന്നും (4) നമ്മളെ ആശ്വസി​പ്പി​ക്കു​ന്ന​തെ​ന്നും പഠിക്കും.

യഹോവ നമ്മളെ വഴിന​യി​ക്കു​ന്നു

3-4. യഹോവ നമ്മളെ എങ്ങനെ​യാ​ണു വഴിന​യി​ക്കു​ന്നത്‌? (സങ്കീർത്തനം 48:14)

³ സങ്കീർത്തനം 48:14 വായി​ക്കുക. മനുഷ്യർക്ക്‌ സ്വന്തം കാലടി​കൾ നിയ​ന്ത്രി​ക്കാ​നാ​കി​ല്ലെന്ന്‌ യഹോ​വ​യ്‌ക്ക്‌ അറിയാം. അതു​കൊണ്ട്‌ യഹോവ ഇന്നു തന്റെ ദാസരെ വഴിന​യി​ക്കു​ന്നുണ്ട്‌. അത്‌ എങ്ങനെ​യാണ്‌? ഒരു വിധം ബൈബിൾത്താ​ളു​ക​ളി​ലൂ​ടെ​യാണ്‌. (സങ്കീ. 119:105) തന്റെ വചനത്തി​ലൂ​ടെ യഹോവ നമ്മളെ നല്ല തീരു​മാ​ന​ങ്ങ​ളെ​ടു​ക്കാ​നും ഇപ്പോ​ഴും ഭാവി​യി​ലും സന്തോ​ഷ​ത്തോ​ടെ​യി​രി​ക്കാൻ സഹായി​ക്കുന്ന ഗുണങ്ങൾ വളർത്തി​യെ​ടു​ക്കാ​നും സഹായി​ക്കു​ന്നു.a ഉദാഹ​ര​ണ​ത്തിന്‌, ദേഷ്യം വെച്ചു​കൊ​ണ്ടി​രി​ക്ക​രു​തെ​ന്നും എല്ലാ കാര്യ​ങ്ങ​ളി​ലും സത്യസ​ന്ധ​രാ​യി​രി​ക്ക​ണ​മെ​ന്നും മറ്റുള്ള​വരെ ഹൃദയ​ത്തിൽനിന്ന്‌ ആഴമായി സ്‌നേ​ഹി​ക്ക​ണ​മെ​ന്നും ബൈബിൾ നമ്മളെ പഠിപ്പി​ക്കു​ന്നു. (സങ്കീ. 37:8; എബ്രാ. 13:18; 1 പത്രോ. 1:22) ഇതു​പോ​ലുള്ള ഗുണങ്ങൾ നല്ല മാതാ​പി​താ​ക്ക​ളും വിവാ​ഹ​യി​ണ​ക​ളും സുഹൃ​ത്തു​ക്ക​ളും ആയിരി​ക്കാൻ നമ്മളെ സഹായി​ക്കും.

⁴ നമ്മു​ടേ​തു​പോ​ലുള്ള പ്രശ്‌ന​ങ്ങ​ളും വികാ​ര​ങ്ങ​ളും ഉണ്ടായി​രുന്ന ആളുക​ളു​ടെ വിവര​ണ​ങ്ങ​ളും യഹോവ ബൈബി​ളിൽ ഉൾപ്പെ​ടു​ത്തി​യി​ട്ടുണ്ട്‌. (1 കൊരി. 10:13; യാക്കോ. 5:17) ആ വിവര​ണങ്ങൾ വായി​ക്കു​ക​യും അതിലെ പാഠങ്ങൾ പഠിക്കു​ക​യും ചെയ്യു​മ്പോൾ കുറഞ്ഞത്‌ രണ്ടു വിധങ്ങ​ളിൽ അതു നമുക്ക്‌ പ്രയോ​ജനം ചെയ്യും. ഒന്ന്‌, ഇതു​പോ​ലുള്ള പ്രശ്‌നങ്ങൾ മറ്റുള്ള​വർക്കും നേരി​ടേ​ണ്ടി​വ​ന്നി​ട്ടു​ണ്ടെ​ന്നും യഹോ​വ​യു​ടെ സഹായ​ത്താൽ അവർ സഹിച്ചു​നി​ന്നി​ട്ടു​ണ്ടെ​ന്നും നമ്മൾ മനസ്സി​ലാ​ക്കും. (1 പത്രോ. 5:9) രണ്ട്‌, ഇതു​പോ​ലുള്ള പ്രശ്‌നങ്ങൾ എങ്ങനെ കൈകാ​ര്യം ചെയ്യണ​മെന്ന്‌ നമ്മൾ പഠിക്കും.—റോമ. 15:4.

5. നമ്മളെ വഴിന​യി​ക്കാ​നാ​യി യഹോവ ആരെ​യൊ​ക്കെ ഉപയോ​ഗി​ക്കു​ന്നു?

⁵ യഹോവ നമ്മളെ വഴിന​യി​ക്കാ​നാ​യി സഹാരാ​ധ​ക​രെ​യും ഉപയോ​ഗി​ക്കു​ന്നുണ്ട്‌.b ഉദാഹ​ര​ണ​ത്തിന്‌, സർക്കിട്ട്‌ മേൽവി​ചാ​ര​ക​ന്മാർ നമ്മളെ പ്രോ​ത്സാ​ഹി​പ്പി​ക്കാ​നാ​യി ക്രമമാ​യി സഭകൾ സന്ദർശി​ക്കാ​റുണ്ട്‌. അവരുടെ പ്രസം​ഗങ്ങൾ വിശ്വാ​സ​ത്തിൽ ശക്തരാ​കാ​നും സഭയിൽ ഐക്യം നിലനി​റു​ത്താ​നും സഹായി​ക്കു​ന്നു. (പ്രവൃ. 15:40–16:5) അതു​പോ​ലെ ക്രിസ്‌തീ​യ​മൂ​പ്പ​ന്മാർക്ക്‌ സഭയിലെ ഓരോ പ്രചാ​ര​ക​രു​ടെ കാര്യ​ത്തി​ലും നല്ല ചിന്തയുണ്ട്‌. (1 പത്രോ. 5:2, 3) മാതാ​പി​താ​ക്കൾ ആത്മീയ​മാ​യി വളരാൻ വേണ്ട സഹായം മക്കൾക്കു കൊടു​ക്കു​ന്നു. ചിന്താ​പ്രാ​പ്‌തി വളർത്തി​യെ​ടു​ക്കാ​നും നല്ല ശീലങ്ങൾ നട്ടുവ​ളർത്താ​നും അവരെ സഹായി​ക്കു​ന്നു. (സുഭാ. 22:6) ഇനി, പക്വത​യുള്ള ക്രിസ്‌തീ​യ​സ​ഹോ​ദ​രി​മാർ ചെറു​പ്പ​ക്കാ​രായ സഹോ​ദ​രി​മാ​രെ സഹായി​ക്കു​ന്നു. അതിനാ​യി അവർ നല്ല മാതൃക വെക്കു​ക​യും ആവശ്യ​മായ ഉപദേ​ശങ്ങൾ കൊടു​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുന്നു.—തീത്തോ. 2:3-5.

6. യഹോ​വ​യു​ടെ വഴിന​ട​ത്തി​പ്പിൽനിന്ന്‌ പ്രയോ​ജനം നേടാൻ നമ്മൾ എന്തു ചെയ്യണം?

⁶ ദൈവം നമ്മളെ വഴിന​യി​ക്കാ​നാ​യി എന്തെല്ലാം കാര്യ​ങ്ങ​ളാണ്‌ ചെയ്യു​ന്ന​തെന്ന്‌ നമ്മൾ കണ്ടു. എന്നാൽ നമുക്ക്‌ എങ്ങനെ അതി​നോട്‌ വിലമ​തി​പ്പു കാണി​ക്കാം. സുഭാ​ഷി​തങ്ങൾ 3:5, 6 ഇങ്ങനെ പറയുന്നു: “പൂർണ​ഹൃ​ദ​യ​ത്തോ​ടെ യഹോ​വ​യിൽ ആശ്രയി​ക്കുക; സ്വന്തം വിവേ​ക​ത്തിൽ ആശ്രയം വെക്കരുത്‌.” നമ്മൾ അങ്ങനെ ചെയ്യു​മ്പോൾ ‘ദൈവം നമ്മുടെ വഴികൾ നേരെ​യാ​ക്കും,’ അതായത്‌ യഹോ​വ​യിൽ ആശ്രയി​ക്കു​മ്പോൾ പല പ്രശ്‌ന​ങ്ങ​ളും ഒഴിവാ​ക്കാ​നും സന്തോ​ഷ​മുള്ള ഒരു ജീവിതം നയിക്കാ​നും നമുക്കു കഴിയും. ദൈവം സ്‌നേ​ഹ​ത്തോ​ടെ നമുക്ക്‌ ഓരോ​രു​ത്തർക്കും വേണ്ട ഉപദേശം തരുന്ന​തിൽ നമ്മൾ എത്ര നന്ദിയു​ള്ള​വ​രാണ്‌!—സങ്കീ. 32:8.

യഹോവ നമുക്കു​വേണ്ടി കരുതു​ന്നു

7. യഹോവ നമുക്കു​വേണ്ടി എങ്ങനെ​യാണ്‌ കരുതു​ന്നത്‌? (ഫിലി​പ്പി​യർ 4:19)

⁷ ഫിലി​പ്പി​യർ 4:19 വായി​ക്കുക. ഭക്ഷണം, വസ്‌ത്രം, താമസം പോലുള്ള ആവശ്യ​ങ്ങൾക്കാ​യി നമ്മൾ അധ്വാ​നി​ക്കു​മ്പോൾ യഹോവ നമ്മുടെ ശ്രമങ്ങളെ അനു​ഗ്ര​ഹി​ക്കും. (മത്താ. 6:33; 2 തെസ്സ. 3:12) ഈ ആവശ്യ​ങ്ങ​ളെ​ക്കു​റിച്ച്‌ ഓർത്ത്‌ നമുക്ക്‌ ഉത്‌കണ്‌ഠ തോന്നി​യേ​ക്കാം എന്നതു ശരിയാണ്‌. എന്നാൽ അമിത​മാ​യി ഉത്‌ക​ണ്‌ഠ​പ്പെ​ട​രുത്‌ എന്നാണ്‌ യഹോവ നമ്മളോട്‌ പറയു​ന്നത്‌. (മത്താ. 6:25) എന്തു​കൊണ്ട്‌? തന്റെ വിശ്വ​സ്‌താ​രാ​ധ​കർക്ക്‌ സഹായം ആവശ്യ​മാ​യി വരു​മ്പോൾ യഹോവ അവരെ ഒരിക്ക​ലും ഉപേക്ഷി​ക്കില്ല. (മത്താ. 6:8; എബ്രാ. 13:5) അതു​കൊണ്ട്‌ യഹോ​വ​യിൽ നമുക്ക്‌ പൂർണ​മാ​യി ആശ്രയി​ക്കാം.

8. യഹോവ ദാവീ​ദി​നു​വേണ്ടി എന്താണു ചെയ്‌തത്‌?

⁸ യഹോവ എങ്ങനെ​യാണ്‌ ദാവീ​ദി​നു​വേണ്ടി കരുതി​യത്‌ എന്നു നമുക്ക്‌ നോക്കാം. ശൗലിനെ പേടിച്ച്‌ ഒളിച്ചു​ക​ഴിഞ്ഞ വർഷങ്ങ​ളിൽ ദാവീ​ദി​ന്റെ​യും കൂടെ​യു​ള്ള​വ​രു​ടെ​യും ആവശ്യ​ങ്ങൾക്കു​വേണ്ടി യഹോവ കരുതി. യഹോവ തങ്ങൾക്കു​വേണ്ടി കരുതിയ ആ നാളു​ക​ളെ​ക്കു​റിച്ച്‌ ദാവീദ്‌ ഇങ്ങനെ എഴുതി: “ഞാൻ ഒരിക്കൽ ചെറു​പ്പ​മാ​യി​രു​ന്നു, ഇപ്പോ​ഴോ പ്രായം ചെന്നി​രി​ക്കു​ന്നു; എന്നാൽ, ഒരു നീതി​മാൻപോ​ലും ഉപേക്ഷി​ക്ക​പ്പെ​ട്ട​താ​യോ അവന്റെ മക്കൾ ആഹാരം ഇരക്കു​ന്ന​താ​യോ ഇതുവരെ കണ്ടിട്ടില്ല.” (സങ്കീ. 37:25) ഇതു​പോ​ലെ ബുദ്ധി​മു​ട്ടുള്ള സമയങ്ങ​ളിൽ നമുക്കും നമ്മുടെ സഹോ​ദ​ര​ങ്ങൾക്കും വേണ്ടി യഹോവ കരുതിയ വിധങ്ങൾ നമ്മളും കണ്ടിട്ടു​ണ്ടാ​കും.

9. ദുരന്ത​ങ്ങ​ളു​ണ്ടാ​കു​മ്പോൾ യഹോവ തന്റെ ആരാധ​കർക്കു​വേണ്ടി കരുതു​ന്നത്‌ എങ്ങനെ​യാണ്‌? (ചിത്ര​ങ്ങ​ളും കാണുക.)

⁹ ദുരന്തങ്ങൾ ഉണ്ടാകു​മ്പോ​ഴും യഹോവ നമുക്കു​വേണ്ടി കരുതു​ന്നു. ഉദാഹ​ര​ണ​ത്തിന്‌, ഒന്നാം നൂറ്റാ​ണ്ടിൽ ഒരു ക്ഷാമം ഉണ്ടായി. അപ്പോൾ പല സ്ഥലങ്ങളി​ലെ​യും സഹോ​ദ​ര​ങ്ങളെ ഉപയോ​ഗി​ച്ചു​കൊണ്ട്‌ യഹോവ ദുരന്ത​ത്താൽ ബാധി​ക്ക​പ്പെട്ട സഹോ​ദ​ര​ങ്ങൾക്ക്‌ സഹായം എത്തിച്ചു​കൊ​ടു​ത്തു. (പ്രവൃ. 11:27-30; റോമ. 15:25, 26) ഇന്നും ഒരു ദുരന്തം ഉണ്ടാകു​മ്പോൾ സഹോ​ദ​ര​ങ്ങളെ ഉപയോ​ഗി​ച്ചു​കൊണ്ട്‌ യഹോവ കരുതും. ദുരന്തം ബാധിച്ച സ്ഥലത്തേക്ക്‌ ആവശ്യ​മായ ഭക്ഷണവും വെള്ളവും വസ്‌ത്ര​വും മരുന്നും ഒക്കെ സഹോ​ദ​രങ്ങൾ എത്തിച്ചു​കൊ​ടു​ക്കു​ന്നു. അതു​പോ​ലെ നിർമാ​ണ​പ്ര​വർത്ത​ന​ത്തി​ലുള്ള സഹോ​ദ​രങ്ങൾ നശിച്ചു​പോയ വീടു​ക​ളും രാജ്യ​ഹാ​ളു​ക​ളും പുതു​ക്കി​പ്പ​ണി​യാൻ സഹായി​ക്കു​ന്നു. എന്നാൽ അതു മാത്രമല്ല, വീടോ പ്രിയ​പ്പെ​ട്ട​വ​രെ​യോ ഒക്കെ നഷ്ടപ്പെ​ട്ട​വർക്ക്‌ സഹോ​ദ​രങ്ങൾ പെട്ടെ​ന്നു​തന്നെ വേണ്ട ആശ്വാ​സ​വും പ്രോ​ത്സാ​ഹ​ന​വും ബൈബി​ളിൽനിന്ന്‌ കൊടു​ക്കും.c

10-11. ബോറി​സി​ന്റെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁰ തന്റെ ദാസർക്കു​വേണ്ടി മാത്രമല്ല തന്നെ ആരാധി​ക്കാ​ത്ത​വർക്കു​വേ​ണ്ടി​യും യഹോവ കരുതു​ന്നു. അതു​പോ​ലെ നമ്മളും വിശ്വാ​സ​ത്തിൽ അല്ലാത്ത​വർക്കും സാധി​ക്കു​ന്നി​ട​ത്തോ​ളം നന്മ ചെയ്യണം. (ഗലാ. 6:10) അങ്ങനെ ചെയ്യു​ന്നത്‌ പലപ്പോ​ഴും നല്ലൊരു സാക്ഷ്യ​മാ​കാ​റുണ്ട്‌. യു​ക്രെ​യി​നി​ലുള്ള ഒരു സ്‌കൂൾ പ്രിൻസി​പ്പ​ലായ ബോറി​സി​ന്റെ കാര്യ​മെ​ടു​ക്കുക. ഒരു യഹോ​വ​യു​ടെ സാക്ഷി അല്ലായി​രു​ന്നെ​ങ്കി​ലും അദ്ദേഹം സ്‌കൂ​ളി​ലു​ണ്ടാ​യി​രുന്ന സാക്ഷി​ക​ളായ കുട്ടി​ക​ളോട്‌ നന്നായാണ്‌ ഇടപെ​ട്ടത്‌. അദ്ദേഹം അവരുടെ വിശ്വാ​സ​ങ്ങളെ മാനി​ച്ചി​രു​ന്നു. യുദ്ധം കാരണം യു​ക്രെ​യി​നി​ലെ സുരക്ഷി​ത​മായ മറ്റൊരു ഭാഗ​ത്തേക്ക്‌ മാറി​ത്താ​മ​സി​ക്കാൻ അദ്ദേഹം തീരു​മാ​നി​ച്ച​പ്പോൾ യഹോ​വ​യു​ടെ സാക്ഷികൾ അദ്ദേഹത്തെ സഹായി​ച്ചു. പിന്നീട്‌ അദ്ദേഹം യേശു​വി​ന്റെ മരണത്തി​ന്റെ സ്‌മാ​ര​കാ​ച​ര​ണ​ത്തി​നു വന്നു. അദ്ദേഹം ഇങ്ങനെ പറഞ്ഞു: “യഹോ​വ​യു​ടെ സാക്ഷികൾ എന്നോട്‌ വളരെ നന്നായാണ്‌ ഇടപെ​ട്ടത്‌. അവർ എന്നെ ഒരുപാ​ടു സഹായി​ച്ചു. അവരോട്‌ എനിക്ക്‌ ഒത്തിരി നന്ദിയുണ്ട്‌.”

¹¹ നമ്മൾ യഹോ​വയെ അനുക​രി​ച്ചു​കൊണ്ട്‌ എല്ലാ ആളുക​ളെ​യും, യഹോ​വ​യു​ടെ സാക്ഷികൾ അല്ലാത്ത​വ​രെ​പ്പോ​ലും സഹായി​ക്കു​ന്നു. (ലൂക്കോ. 6:31, 36) നമ്മുടെ ആ സ്‌നേഹം കണ്ട്‌ അവരും യേശു​വി​ന്റെ ശിഷ്യ​രാ​ക​ണ​മെ​ന്നാണ്‌ നമ്മുടെ ആഗ്രഹം. (1 പത്രോ. 2:12) എന്നാൽ അങ്ങനെ സംഭവി​ച്ചാ​ലും ഇല്ലെങ്കി​ലും നമുക്ക്‌ അപ്പോ​ഴും കൊടു​ക്കു​ന്ന​തി​ന്റെ സന്തോഷം കിട്ടും.—പ്രവൃ. 20:35.

യഹോവ നമ്മളെ സംരക്ഷി​ക്കു​ന്നു

12. ഒരു കൂട്ടമെന്ന നിലയിൽ യഹോവ തന്റെ ആരാധ​കർക്ക്‌ എന്ത്‌ സംരക്ഷ​ണ​മാണ്‌ കൊടു​ക്കു​ന്നത്‌? (സങ്കീർത്തനം 91:1, 2, 14)

¹² സങ്കീർത്തനം 91:1, 2, 14 വായി​ക്കുക. ഇന്ന്‌ തന്റെ ആരാധ​കരെ ആത്മീയ​മാ​യി സംരക്ഷി​ക്കു​മെന്ന്‌ യഹോവ ഉറപ്പു​ത​ന്നി​ട്ടുണ്ട്‌. അതായത്‌, താനു​മാ​യുള്ള ബന്ധത്തെ തകർത്തേ​ക്കാ​വുന്ന ഏതൊരു കാര്യ​ത്തിൽനി​ന്നും അവരെ സംരക്ഷി​ക്കു​മെന്ന്‌. അതു​പോ​ലെ ശുദ്ധാ​രാ​ധന ദുഷി​പ്പി​ക്കാൻ യഹോവ സാത്താനെ അനുവ​ദി​ക്കു​ക​യു​മില്ല. (യോഹ. 17:15) ഇനി വരാൻ പോകുന്ന ‘മഹാക​ഷ്ട​ത​യു​ടെ’ സമയത്തും, തന്റെ ജനത്തെ ഒരു കൂട്ടമെന്ന നിലയിൽ സംരക്ഷി​ക്കു​മെന്ന്‌ യഹോവ ഉറപ്പു​ത​ന്നി​ട്ടുണ്ട്‌. യഹോവ നമ്മുടെ വിശ്വാ​സം ശക്തമാക്കി നിറു​ത്താൻ സഹായി​ക്കും. ഇക്കാര്യ​ത്തി​ലെ​ല്ലാം നമുക്ക്‌ പൂർണ​വി​ശ്വാ​സം ഉണ്ടായി​രി​ക്കാം.—വെളി. 7:9, 14.

13. വ്യക്തി​ക​ളെന്ന നിലയിൽ യഹോവ നമ്മളെ എങ്ങനെ​യാണ്‌ സംരക്ഷി​ക്കു​ന്നത്‌?

¹³ വ്യക്തി​ക​ളെന്ന നിലയിൽ യഹോവ നമ്മളെ എങ്ങനെ​യാണ്‌ സംരക്ഷി​ക്കു​ന്നത്‌? ഒന്നാമ​താ​യി, ബൈബി​ളി​ലൂ​ടെ യഹോവ ശരിയും തെറ്റും തിരി​ച്ച​റി​യാൻ നമ്മളെ സഹായി​ക്കു​ന്നു. (എബ്രാ. 5:14) ബൈബി​ളി​ലെ തത്ത്വങ്ങൾക്കു ചേർച്ച​യിൽ നമ്മൾ ജീവി​ക്കു​മ്പോൾ ആത്മീയ​വും ഭൗതി​ക​വും ആയ അപകടങ്ങൾ നമുക്ക്‌ ഒഴിവാ​ക്കാ​നാ​കും. (സങ്കീ. 91:4) ഇനി, അതു കൂടാതെ സഭയി​ലൂ​ടെ​യും യഹോവ നമ്മളെ സംരക്ഷി​ക്കു​ന്നു. (യശ. 32:1, 2) നമ്മുടെ സഹോ​ദ​രങ്ങൾ യഹോ​വയെ സ്‌നേ​ഹി​ക്കു​ക​യും യഹോ​വ​യു​ടെ ഇഷ്ടത്തിനു ചേർച്ച​യിൽ ജീവി​ക്കു​ക​യും ചെയ്യു​ന്ന​വ​രാണ്‌. അവരു​ടെ​കൂ​ടെ മീറ്റി​ങ്ങി​നും ശുശ്രൂ​ഷ​യി​ലും മറ്റ്‌ അവസര​ങ്ങ​ളി​ലും സമയം ചെലവ​ഴി​ക്കു​മ്പോൾ മോശ​മായ കാര്യങ്ങൾ ഒഴിവാ​ക്കാ​നുള്ള പ്രോ​ത്സാ​ഹനം നമുക്ക്‌ ലഭിക്കും.—സുഭാ. 13:20.

14. (എ) എല്ലാ പ്രശ്‌ന​ങ്ങ​ളിൽനി​ന്നും യഹോവ നമ്മളെ സംരക്ഷി​ക്കാ​ത്തത്‌ എന്തു​കൊണ്ട്‌? (ബി) സങ്കീർത്തനം 9:10 നമുക്ക്‌ എന്ത്‌ ഉറപ്പു​ത​രു​ന്നു? (അടിക്കു​റി​പ്പും കാണുക.)

¹⁴ യഹോവ തന്റെ ദാസരെ മുൻകാ​ല​ങ്ങ​ളിൽ ജീവൻ അപകട​ത്തി​ലാ​യേ​ക്കാ​വുന്ന സാഹച​ര്യ​ങ്ങ​ളിൽനിന്ന്‌ സംരക്ഷി​ച്ചി​ട്ടുണ്ട്‌. എന്നാൽ എപ്പോ​ഴും ദൈവം അങ്ങനെ ചെയ്‌തി​ട്ടില്ല. ചില​പ്പോൾ നമുക്ക്‌ ‘അപ്രതീ​ക്ഷി​ത​സം​ഭ​വങ്ങൾ’ നേരി​ടേ​ണ്ടി​വ​ന്നേ​ക്കാം എന്നു ബൈബിൾ പറയുന്നു. (സഭാ. 9:11) ഇനി, ചരിത്രം നോക്കി​യാൽ തന്റെ ആരാധ​കർക്ക്‌ ഉപദ്ര​വങ്ങൾ നേരി​ടു​ക​യും ജീവൻ നഷ്ടപ്പെ​ടു​ക​യും ചെയ്‌തി​ട്ടുണ്ട്‌. സാത്താൻ ഒരു നുണയ​നാ​ണെന്നു തെളി​യി​ക്കാൻ വേണ്ടി​യാണ്‌ യഹോവ അത്‌ അനുവ​ദി​ച്ചത്‌. (ഇയ്യോ. 2:4-6; മത്താ. 23:34) ഇന്നു നമുക്കും ഈ പ്രശ്‌ന​ങ്ങ​ളൊ​ക്കെ നേരി​ടേ​ണ്ടി​വ​രു​ന്നുണ്ട്‌. എന്നാൽ ആ പ്രശ്‌ന​ങ്ങ​ളൊ​ന്നും മാറ്റി​യി​ല്ലെ​ങ്കി​ലും തന്നെ സ്‌നേ​ഹി​ക്കു​ന്ന​വരെ ഉപേക്ഷി​ക്കില്ല എന്ന്‌ യഹോവ ഉറപ്പു​ത​രു​ന്നു.d—സങ്കീ. 9:10.

യഹോവ നമ്മളെ ആശ്വസി​പ്പി​ക്കു​ന്നു

15. പ്രാർഥ​ന​യും ദൈവ​വ​ച​ന​വും സഹക്രി​സ്‌ത്യാ​നി​ക​ളും നമ്മളെ എങ്ങനെ​യാണ്‌ ആശ്വസി​പ്പി​ക്കു​ന്നത്‌? (2 കൊരി​ന്ത്യർ 1:3, 4)

¹⁵ 2 കൊരി​ന്ത്യർ 1:3, 4 വായി​ക്കുക. ഇടയ്‌ക്കൊ​ക്കെ നമുക്ക്‌ വിഷമ​മോ ഉത്‌ക​ണ്‌ഠ​യോ നിരാ​ശ​യോ ഒക്കെ തോന്നി​യേ​ക്കാം. നിങ്ങൾ ഇപ്പോൾ അങ്ങനെ​യൊ​രു സാഹച​ര്യ​ത്തി​ലൂ​ടെ​യാ​യി​രി​ക്കാം കടന്നു​പോ​കു​ന്നത്‌. ‘എന്റെ വിഷമങ്ങൾ ആരും മനസ്സി​ലാ​ക്കു​ന്നില്ല, ഞാൻ ഒറ്റയ്‌ക്കാണ്‌’ എന്ന്‌ ചില​പ്പോൾ നിങ്ങൾക്കു തോന്നി​യേ​ക്കാം. എന്നാൽ യഹോവ നമ്മുടെ വേദന കാണു​ന്നു​ണ്ടെന്ന്‌ മാത്രമല്ല, ‘കഷ്ടതക​ളി​ലെ​ല്ലാം നമ്മളെ ആശ്വസി​പ്പി​ക്കു​ക​യും ചെയ്യും.’ യഹോവ എങ്ങനെ​യാണ്‌ അതു ചെയ്യു​ന്നത്‌? നമ്മൾ നമ്മുടെ വിഷമ​ങ്ങ​ളെ​ല്ലാം പ്രാർഥ​ന​യിൽ യഹോ​വ​യോട്‌ തുറന്നു​പ​റ​യു​മ്പോൾ “മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം” നമുക്കു തരും. (ഫിലി. 4:6, 7) ഇനി, ബൈബി​ളി​ലൂ​ടെ​യും നമുക്ക്‌ ആശ്വാസം ലഭിക്കു​ന്നു. ബൈബിൾ വായി​ക്കു​മ്പോൾ, യഹോവ നമ്മളെ എത്ര​ത്തോ​ളം സ്‌നേ​ഹി​ക്കു​ന്നു​ണ്ടെന്ന്‌ നമുക്കു മനസ്സി​ലാ​കും. അതു​പോ​ലെ ജ്ഞാനി​ക​ളാ​യി​രി​ക്കാ​നും നല്ലൊരു പ്രത്യാശ ഉണ്ടായി​രി​ക്കാ​നും അതു നമ്മളെ സഹായി​ക്കും. ഇനി, ആശ്വാസം കിട്ടുന്ന മറ്റൊരു വഴിയാണ്‌ ക്രിസ്‌തീ​യ​യോ​ഗങ്ങൾ. അവിടെ നമ്മുടെ സഹോ​ദ​രീ​സ​ഹോ​ദ​ര​ന്മാ​രോ​ടൊ​പ്പം ആയിരി​ക്കു​ന്ന​തും ബൈബി​ളിൽനിന്ന്‌ പ്രോ​ത്സാ​ഹനം ലഭിക്കു​ന്ന​തും നമുക്കു ശരിക്കും ഒരു ആശ്വാ​സ​മാണ്‌.

16. നേഥ​ന്റെ​യും പ്രിസി​ല്ല​യു​ടെ​യും അനുഭ​വ​ത്തിൽനിന്ന്‌ നിങ്ങൾ എന്തു പഠിച്ചു?

¹⁶ ദൈവ​വ​ചനം ഉപയോ​ഗിച്ച്‌ യഹോവ നമ്മളെ ആശ്വസി​പ്പി​ക്കു​മെ​ന്നും പ്രോ​ത്സാ​ഹി​പ്പി​ക്കു​മെ​ന്നും നമ്മൾ കണ്ടു. അതിന്‌ ഒരു ഉദാഹ​ര​ണ​മാണ്‌ ഐക്യ​നാ​ടു​ക​ളിൽനി​ന്നുള്ള നേഥ​ന്റെ​യും പ്രിസി​ല്ല​യു​ടെ​യും അനുഭവം. കുറച്ചു വർഷം മുമ്പ്‌ അവർ ആവശ്യം അധിക​മുള്ള ഒരു സ്ഥലത്തേക്കു മാറി​ത്താ​മ​സി​ക്കാൻ തീരു​മാ​നി​ച്ചു. നേഥൻ പറയുന്നു: “യഹോവ ഞങ്ങളുടെ ശ്രമങ്ങളെ അനു​ഗ്ര​ഹി​ക്കു​മെന്ന്‌ ഞങ്ങൾക്ക്‌ ഉറപ്പാ​യി​രു​ന്നു.” എന്നാൽ അവിടെ എത്തിയ​തി​നു ശേഷം അവർക്ക്‌ ആരോ​ഗ്യ​പ്ര​ശ്‌ന​ങ്ങ​ളും സാമ്പത്തി​ക​ബു​ദ്ധി​മു​ട്ടു​ക​ളും നേരി​ടേ​ണ്ടി​വന്നു. അവർ വീട്ടി​ലേക്കു തിരി​ച്ചു​വ​ന്നെ​ങ്കി​ലും അവരുടെ സാമ്പത്തി​ക​പ്ര​ശ്‌നങ്ങൾ മാറി​യില്ല. നേഥൻ പറയുന്നു: “യഹോവ എന്തു​കൊ​ണ്ടാണ്‌ വിചാ​രി​ച്ച​തു​പോ​ലെ ഞങ്ങളെ അനു​ഗ്ര​ഹി​ക്കാ​ത്തത്‌ എന്ന്‌ ഞങ്ങൾ ചിന്തിച്ചു. ഞാൻ എന്തെങ്കി​ലും തെറ്റു ചെയ്‌തി​ട്ടാ​ണോ ഇങ്ങനെ​യൊ​ക്കെ സംഭവി​ക്കു​ന്നത്‌ എന്നു​പോ​ലും ഞാൻ ഓർത്തു​പോ​യി.” എന്നാൽ യഹോവ തങ്ങളെ ഉപേക്ഷി​ച്ചി​ട്ടി​ല്ലെന്ന കാര്യം അവർ പിന്നീട്‌ മനസ്സി​ലാ​ക്കി. നേഥൻ പറയുന്നു: “ബുദ്ധി​മു​ട്ടുള്ള ആ സമയങ്ങ​ളിൽ ബൈബിൾ ഞങ്ങൾക്ക്‌ ജ്ഞാനമുള്ള ഒരു സുഹൃ​ത്തി​നെ​പ്പോ​ലെ​യാ​യി​രു​ന്നു. അത്‌ ഞങ്ങളെ പ്രോ​ത്സാ​ഹി​പ്പി​ക്കു​ക​യും വഴിന​യി​ക്കു​ക​യും ചെയ്‌തു. പ്രശ്‌ന​ങ്ങ​ളി​ലേക്കു ശ്രദ്ധി​ക്കു​ന്ന​തി​നു പകരം അതു സഹിച്ചു​നിൽക്കാൻ യഹോവ എങ്ങനെ​യാണ്‌ ഞങ്ങളെ സഹായി​ച്ച​തെന്നു ഞങ്ങൾ ചിന്തിച്ചു. അങ്ങനെ ചെയ്‌തത്‌ ഭാവി​യിൽ ഉണ്ടാ​യേ​ക്കാ​വുന്ന പ്രശ്‌ന​ങ്ങൾക്കു​വേണ്ടി ഒരുങ്ങാൻ സഹായി​ച്ചു.”

17. ഹെൽഗ സഹോ​ദ​രിക്ക്‌ എങ്ങനെ​യാണ്‌ ആശ്വാസം കിട്ടി​യത്‌? (ചിത്ര​വും കാണുക.)

¹⁷ നമ്മുടെ സഹോ​ദ​രീ​സ​ഹോ​ദ​ര​ന്മാ​രി​ലൂ​ടെ​യും യഹോവ നമ്മളെ ആശ്വസി​പ്പി​ക്കു​ന്നു. ഹംഗറി​യി​ലുള്ള ഹെൽഗ സഹോ​ദ​രി​യു​ടെ അനുഭവം അതാണു കാണി​ക്കു​ന്നത്‌. വർഷങ്ങ​ളോ​ളം ഹെൽഗ പല ബുദ്ധി​മു​ട്ടു​ക​ളും നേരിട്ടു. അതു കാരണം സഹോ​ദ​രിക്ക്‌ നിരാ​ശ​യും വിലയി​ല്ലാ​ത്ത​വ​ളാ​ണെന്ന തോന്ന​ലും ഉണ്ടായി. എന്നാൽ സഹോ​ദ​രീ​സ​ഹോ​ദ​ര​ന്മാ​രെ ഉപയോ​ഗി​ച്ചു​കൊണ്ട്‌ യഹോവ തന്നെ ആശ്വസി​പ്പി​ക്കു​ന്നു​ണ്ടാ​യി​രു​ന്നു എന്നു സഹോ​ദരി മനസ്സി​ലാ​ക്കി. ഹെൽഗ പറയുന്നു: “ജോലി​യും സുഖമി​ല്ലാത്ത മകനെ നോക്കു​ന്ന​തും മറ്റു ബുദ്ധി​മു​ട്ടു​ക​ളും എല്ലാം കൂടി​യാ​യ​പ്പോൾ പിടി​ച്ചു​നിൽക്കാൻ ആകില്ല എന്ന്‌ എനിക്കു തോന്നി. എന്നാൽ അപ്പോ​ഴെ​ല്ലാം യഹോവ എന്നെ സഹായി​ക്കു​ന്നത്‌ ഞാൻ തിരി​ച്ച​റി​ഞ്ഞു. കഴിഞ്ഞ 30 വർഷത്തിൽ ഒരു ദിവസം​പോ​ലും യഹോവ എന്നെ ആശ്വസി​പ്പി​ക്കാ​തി​രു​ന്നി​ട്ടില്ല. സഹോ​ദ​ര​ങ്ങ​ളു​ടെ ദയയുള്ള, ആശ്വസി​പ്പി​ക്കുന്ന വാക്കു​ക​ളി​ലൂ​ടെ യഹോവ എന്നെ ശക്തീക​രി​ച്ചു. ഞാൻ തളർന്നി​രു​ന്ന​പ്പോൾ, എനിക്ക്‌ ഏറ്റവും ആവശ്യ​മായ സമയ​ത്തൊ​ക്കെ, സഹോ​ദ​ര​ങ്ങ​ളു​ടെ അഭിന​ന്ദ​ന​വാ​ക്കു​ക​ളോ മെസ്സേ​ജോ കാർഡോ ഒക്കെ എനിക്കു കിട്ടി.”

18. നമുക്ക്‌ എങ്ങനെ മറ്റുള്ള​വരെ ആശ്വസി​പ്പി​ക്കാം?

¹⁸ മറ്റുള്ള​വരെ ആശ്വസി​പ്പി​ച്ചു​കൊണ്ട്‌ നമുക്ക്‌ യഹോ​വയെ അനുക​രി​ക്കാ​നുള്ള വലിയ പദവി​യുണ്ട്‌. മറ്റുള്ളവർ സംസാ​രി​ക്കു​മ്പോൾ അത്‌ ശ്രദ്ധ​യോ​ടെ കേൾക്കു​ക​യും അവരെ ആശ്വസി​പ്പി​ക്കുന്ന രീതി​യിൽ സംസാ​രി​ക്കു​ക​യും പ്രാ​യോ​ഗി​ക​മായ വിധങ്ങ​ളിൽ അവരെ സഹായി​ക്കു​ക​യും ചെയ്‌തു​കൊണ്ട്‌ നമുക്ക്‌ അതു ചെയ്യാം. (സുഭാ. 3:27) നമ്മൾ എല്ലാ ആളുക​ളെ​യും ആശ്വസി​പ്പി​ക്കണം. അതിൽ യഹോ​വയെ സേവി​ക്കാ​ത്ത​വ​രും ഉൾപ്പെ​ടും. അതു​കൊണ്ട്‌ നമുക്കു പരിച​യ​മുള്ള ആരെങ്കി​ലും രോഗാ​വ​സ്ഥ​യി​ലാ​ണെ​ന്നോ അവർക്ക്‌ എന്തെങ്കി​ലും വിഷമ​മു​ണ്ടെ​ന്നോ മനസ്സി​ലാ​ക്കി​യാൽ അവരെ ചെന്ന്‌ കാണു​ക​യും അവർ പറയു​ന്നത്‌ ശ്രദ്ധി​ക്കു​ക​യും ദൈവ​വ​ച​ന​ത്തിൽനിന്ന്‌ ആശ്വസി​പ്പി​ക്കുന്ന എന്തെങ്കി​ലും കാര്യങ്ങൾ പറയു​ക​യും ചെയ്യുക. അങ്ങനെ ‘ഏതു സാഹച​ര്യ​ത്തി​ലും ആശ്വാസം തരുന്ന ദൈവത്തെ’ അനുക​രി​ക്കു​മ്പോൾ അതു നമ്മുടെ സഹോ​ദ​ര​ങ്ങ​ളെ​യും വിശ്വാ​സ​ത്തിൽ ഇല്ലാത്ത​വ​രെ​യും സഹായി​ക്കും. നമ്മുടെ സഹോ​ദ​ര​ങ്ങളെ ബുദ്ധി​മു​ട്ടു​ക​ളിൽ പിടി​ച്ചു​നിൽക്കാൻ അതുവഴി നമുക്കു സഹായി​ക്കാ​നാ​കും. ഇനി, ദൈവത്തെ അറിയാത്ത ആളുകൾക്ക്‌ യഹോ​വ​യെ​ക്കു​റിച്ച്‌ അറിയാ​നുള്ള ആഗ്രഹം തോന്നാ​നും അത്‌ ഇടയാ​ക്കി​യേ​ക്കാം.—മത്താ. 5:16.

യഹോവ എപ്പോ​ഴും നമ്മുടെ കൂടെ​യുണ്ട്‌

19. യഹോവ നമുക്കു​വേണ്ടി എന്തു ചെയ്യുന്നു, നമുക്ക്‌ യഹോ​വയെ എങ്ങനെ അനുക​രി​ക്കാം?

¹⁹ സ്‌നേ​ഹ​മുള്ള മാതാ​പി​താ​ക്ക​ളെ​പ്പോ​ലെ യഹോ​വ​യ്‌ക്കു തന്റെ ആരാധ​ക​രെ​ക്കു​റിച്ച്‌ ചിന്തയുണ്ട്‌. നമ്മൾ പ്രശ്‌ന​ങ്ങ​ളി​ലൂ​ടെ കടന്നു​പോ​കു​മ്പോൾ യഹോവ നമ്മളെ ഒരിക്ക​ലും ഉപേക്ഷി​ക്കില്ല. യഹോവ നമ്മളെ വഴിന​യി​ക്കു​ക​യും നമുക്കു​വേണ്ടി കരുതു​ക​യും നമ്മളെ സംരക്ഷി​ക്കു​ക​യും ആശ്വസി​പ്പി​ക്കു​ക​യും ചെയ്യും. യഹോ​വയെ അനുക​രി​ച്ചു​കൊണ്ട്‌ പ്രശ്‌ന​ങ്ങ​ളി​ലൂ​ടെ കടന്നു​പോ​കു​ന്ന​വരെ നമുക്ക്‌ ആശ്വസി​പ്പി​ക്കു​ക​യും സഹായി​ക്കു​ക​യും ചെയ്യാം. പ്രശ്‌ന​ങ്ങ​ളും വിഷമ​ങ്ങ​ളും നമ്മുടെ ജീവി​ത​ത്തിൽ ഉണ്ടാകു​മെ​ന്നത്‌ ശരിയാണ്‌. എന്നാൽ യഹോ​വ​യു​ടെ ഈ വാക്കുകൾ നമുക്ക്‌ ഉറപ്പോ​ടെ വിശ്വ​സി​ക്കാം: “പേടി​ക്കേണ്ടാ, ഞാൻ നിന്റെ​കൂ​ടെ​യുണ്ട്‌.” (യശ. 41:10) ഈ വാക്കുകൾ നമുക്ക്‌ നല്ല ധൈര്യം തരുന്നി​ല്ലേ? അതെ, നമ്മൾ ഒരിക്ക​ലും ഒറ്റയ്‌ക്കല്ല.