യുവസ​ഹോ​ദ​ര​ന്മാ​രേ, മർക്കോ​സി​നെ​യും തിമൊ​ഥെ​യൊ​സി​നെ​യും അനുക​രി​ക്കു​ക

1-2. ദൈവ​സേ​വ​ന​ത്തിൽ കൂടുതൽ ചെയ്യു​ന്ന​തി​നു തടസ്സമാ​കാ​മാ​യി​രുന്ന എന്തൊക്കെ കാര്യങ്ങൾ മർക്കോ​സി​നും തിമൊ​ഥെ​യൊ​സി​നും ഉണ്ടായി​രു​ന്നു?

യുവസ​ഹോ​ദ​ര​ന്മാ​രേ, യഹോ​വ​യു​ടെ സേവന​ത്തിൽ കൂടുതൽ ചെയ്യാ​നും സഭയിലെ സഹോ​ദ​ര​ങ്ങളെ കൂടു​ത​ലാ​യി സഹായി​ക്കാ​നും നിങ്ങൾ ആഗ്രഹി​ക്കു​ന്നു​ണ്ടോ? ഉണ്ടെന്ന്‌ ഉറപ്പാണ്‌. ചെറു​പ്പ​ക്കാ​രായ നിങ്ങൾ ഇങ്ങനെ കൂടുതൽ ചെയ്യാൻ മുന്നോ​ട്ടു​വ​രു​ന്നതു കാണു​മ്പോൾ എത്ര സന്തോ​ഷ​മാ​ണെ​ന്നോ! (സങ്കീ. 110:3) എന്നാൽ പലപ്പോ​ഴും അതു നിങ്ങൾക്ക്‌ അത്ര എളുപ്പ​മാ​യി​രി​ക്കില്ല. നിങ്ങളു​ടെ ജീവിതം എന്തായി​ത്തീ​രു​മെ​ന്നോ യഹോവ നിങ്ങളെ എങ്ങോ​ട്ടാ​യി​രി​ക്കും നയിക്കു​ന്ന​തെ​ന്നോ നിശ്ചയ​മി​ല്ലാ​ത്ത​തു​കൊണ്ട്‌ ദൈവ​സേ​വ​ന​ത്തിൽ കൂടുതൽ ചെയ്യാൻ നിങ്ങൾ മടിച്ചു​നിൽക്കു​ക​യാ​ണോ? ഇനി, വേണ്ടത്ര കഴിവി​ല്ലെന്ന ചിന്തയാ​ണോ ഒരു നിയമനം സ്വീക​രി​ക്കു​ന്ന​തിൽനിന്ന്‌ നിങ്ങളെ തടയു​ന്നത്‌? എങ്കിൽ ഓർക്കുക: നിങ്ങൾക്കു മാത്രമല്ല ഇങ്ങനെ​യൊ​ക്കെ തോന്നി​യി​ട്ടു​ള്ളത്‌.

² മർക്കോ​സി​നും തിമൊ​ഥെ​യൊ​സി​നും ഉണ്ടായി​രു​ന്നു അത്തരം പ്രശ്‌നങ്ങൾ. എന്നാൽ തങ്ങളുടെ ജീവിതം എന്തായി​ത്തീ​രു​മെ​ന്നോ തങ്ങൾക്കു വേണ്ടത്ര യോഗ്യ​ത​യി​ല്ലെ​ന്നോ ചിന്തിച്ച്‌ മറ്റുള്ള​വരെ സേവി​ക്കു​ന്ന​തിൽനിന്ന്‌ അവർ പിന്മാ​റി​നി​ന്നില്ല. സാധ്യ​ത​യ​നു​സ​രിച്ച്‌ മർക്കോസ്‌ അമ്മയു​ടെ​കൂ​ടെ നല്ല ഒരു വീട്ടിൽ സുഖമാ​യി കഴിയു​മ്പോ​ഴാണ്‌ അപ്പോ​സ്‌ത​ല​നായ പൗലോ​സി​ന്റെ​യും ബർന്നബാ​സി​ന്റെ​യും കൂടെ ആദ്യത്തെ മിഷന​റി​യാ​ത്ര​യ്‌ക്കു പോരാൻ അദ്ദേഹത്തെ ക്ഷണിക്കു​ന്നത്‌. (പ്രവൃ. 12:12, 13, 25) യഹോ​വ​യു​ടെ സേവന​ത്തിൽ കൂടുതൽ ചെയ്യാൻ മർക്കോസ്‌ തനിക്കു പരിചി​ത​മായ വീടും ചുറ്റു​പാ​ടു​ക​ളും ഒക്കെ ഉപേക്ഷിച്ച്‌ അവരു​ടെ​കൂ​ടെ പോയി. ആദ്യം അന്ത്യോ​ക്യ​യി​ലേ​ക്കാ​ണു പോയത്‌. പിന്നീട്‌ പൗലോ​സി​ന്റെ​യും ബർന്നബാ​സി​ന്റെ​യും കൂടെ ദൂരെ​യുള്ള മറ്റു സ്ഥലങ്ങളി​ലേ​ക്കും പോയി. (പ്രവൃ. 13:1-5) തിമൊ​ഥെ​യൊ​സി​ന്റെ കാര്യ​വും അങ്ങനെ​യാ​യി​രു​ന്നു. സാധ്യ​ത​യ​നു​സ​രിച്ച്‌ അദ്ദേഹം തന്റെ മാതാ​പി​താ​ക്ക​ളോ​ടൊ​പ്പം താമസി​ക്കു​മ്പോ​ഴാ​ണു പ്രസം​ഗ​പ്ര​വർത്ത​ന​ത്തി​നു കൂടെ വരാൻ പൗലോസ്‌ അദ്ദേഹത്തെ ക്ഷണിക്കു​ന്നത്‌. വളരെ ചെറു​പ്പ​മാ​യ​തു​കൊണ്ട്‌ പൗലോ​സി​ന്റെ​കൂ​ടെ പോകാ​നുള്ള യോഗ്യ​ത​യൊ​ന്നും തനിക്കി​ല്ലെന്നു തിമൊ​ഥെ​യൊ​സി​നു വേണ​മെ​ങ്കിൽ ചിന്തി​ക്കാ​മാ​യി​രു​ന്നു. (1 കൊരി​ന്ത്യർ 16:10, 11; 1 തിമൊ​ഥെ​യൊസ്‌ 4:12 താരത​മ്യം ചെയ്യുക.) എന്നാൽ പൗലോ​സി​ന്റെ​കൂ​ടെ പോകാൻ തയ്യാറാ​യ​തു​കൊണ്ട്‌ തിമൊ​ഥെ​യൊ​സി​നു ജീവി​ത​ത്തിൽ ഒരുപാട്‌ അനു​ഗ്ര​ഹങ്ങൾ നേടാ​നാ​യി.—പ്രവൃ. 16:3-5.

3. (എ) മർക്കോ​സി​ന്റെ​യും തിമൊ​ഥെ​യൊ​സി​ന്റെ​യും സേവനം പൗലോസ്‌ ഇഷ്ടപ്പെ​ട്ടി​രു​ന്നെന്നു നമുക്ക്‌ എങ്ങനെ അറിയാം? (2 തിമൊ​ഥെ​യൊസ്‌ 4:6, 9, 11) (ചിത്ര​ങ്ങ​ളും കാണുക.) (ബി) ഈ ലേഖന​ത്തിൽ നമ്മൾ ഏതെല്ലാം ചോദ്യ​ങ്ങ​ളു​ടെ ഉത്തരം കണ്ടെത്തും?

³ മർക്കോ​സും തിമൊ​ഥെ​യൊ​സും ചെറു​പ്പ​ത്തിൽത്തന്നെ സഭയിലെ പല ഉത്തരവാ​ദി​ത്വ​ങ്ങ​ളും ചെയ്യാൻ പഠിച്ചു. താൻ മരിക്കാ​റായ സമയത്ത്‌ അവർ രണ്ടു പേരും തന്റെ കൂടെ​യു​ണ്ടാ​യി​രി​ക്കാൻ പൗലോസ്‌ ആഗ്രഹി​ച്ചു. കാരണം ഈ ചെറു​പ്പ​ക്കാ​രു​ടെ സേവനം പൗലോസ്‌ അത്രയ​ധി​കം ഇഷ്ടപ്പെ​ട്ടി​രു​ന്നു. (2 തിമൊ​ഥെ​യൊസ്‌ 4:6, 9, 11 വായി​ക്കുക.) മർക്കോ​സി​ന്റെ​യും തിമൊ​ഥെ​യൊ​സി​ന്റെ​യും ഏതെല്ലാം ഗുണങ്ങ​ളാ​ണു പൗലോസ്‌ അവരെ ഇഷ്ടപ്പെ​ടാ​നും വിശ്വ​സി​ക്കാ​നും ഇടയാ​ക്കി​യത്‌? ഇന്നത്തെ ചെറു​പ്പ​ക്കാ​രായ സഹോ​ദ​ര​ന്മാർക്ക്‌ എങ്ങനെ അവരുടെ മാതൃക അനുക​രി​ക്കാം? ഒരു അപ്പനെ​പ്പോ​ലെ പൗലോസ്‌ സ്‌നേ​ഹ​ത്തോ​ടെ നൽകിയ ഉപദേ​ശ​ത്തിൽനിന്ന്‌ ഇന്നത്തെ ചെറു​പ്പ​ക്കാർക്ക്‌ എങ്ങനെ പ്രയോ​ജനം നേടാം?

മർക്കോ​സി​നെ അനുക​രി​ക്കുക—സേവി​ക്കാൻ മനസ്സു​ള്ള​വ​രാ​യി​രി​ക്കുക

4-5. മറ്റുള്ള​വരെ സേവി​ക്കാൻ തയ്യാറാ​ണെന്നു മർക്കോസ്‌ എങ്ങനെ​യാ​ണു തെളി​യി​ച്ചത്‌?

⁴ മറ്റുള്ള​വരെ സേവി​ക്കുക എന്നതിന്റെ അർഥം അവരെ സഹായി​ക്കാൻ കഠിനാ​ധ്വാ​നം ചെയ്യുക എന്നാണ്‌. അതു​പോ​ലെ നമുക്കു ബുദ്ധി​മു​ട്ടാ​ണെ​ങ്കി​ലും മടുത്തു​പോ​കാ​തെ അവരെ തുടർന്നും സഹായി​ക്കു​ന്ന​തും അതിൽ ഉൾപ്പെ​ടു​ന്നു. മർക്കോസ്‌ ഇക്കാര്യ​ത്തിൽ നല്ലൊരു മാതൃ​ക​വെച്ചു. രണ്ടാം മിഷന​റി​യാ​ത്ര​യ്‌ക്കു പൗലോസ്‌ തന്നെ കൂടെ കൊണ്ടു​പോ​കാ​തി​രു​ന്ന​പ്പോൾ സാധ്യ​ത​യ​നു​സ​രിച്ച്‌ മർക്കോ​സിന്‌ ആകെ സങ്കടവും നിരാ​ശ​യും തോന്നി​ക്കാ​ണും. (പ്രവൃ. 15:37, 38) എന്നാൽ അതിന്റെ പേരിൽ സഹോ​ദ​ര​ങ്ങളെ സേവി​ക്കേണ്ടാ എന്നു മർക്കോസ്‌ തീരു​മാ​നി​ച്ചില്ല.

⁵ മർക്കോസ്‌ ബന്ധുവായ ബർന്നബാ​സി​ന്റെ​കൂ​ടെ മറ്റൊരു പ്രദേ​ശത്ത്‌ പോയി പ്രവർത്തി​ച്ചു. ഏകദേശം 11 വർഷം കഴിഞ്ഞ്‌ പൗലോസ്‌ റോമിൽ ആദ്യത്തെ തവണ തടവി​ലാ​യി​രുന്ന സമയത്ത്‌ സഹായി​ക്കാൻ ഉണ്ടായി​രു​ന്ന​വ​രു​ടെ കൂട്ടത്തിൽ മർക്കോ​സും ഉണ്ടായി​രു​ന്നു. (ഫിലേ. 23, 24) മർക്കോ​സി​ന്റെ സഹായം പൗലോസ്‌ ഒരുപാ​ടു വിലമ​തി​ച്ചു. കാരണം പൗലോസ്‌ പറഞ്ഞതു മർക്കോസ്‌ അവി​ടെ​യു​ള്ളതു തനിക്കു “വലിയ ഒരു ആശ്വാ​സ​മാണ്‌” എന്നാണ്‌.—കൊലോ. 4:10, 11.

6. വിശ്വ​സ്‌ത​രായ സഹോ​ദ​ര​ന്മാ​രു​ടെ​കൂ​ടെ അടുത്ത്‌ ഇടപഴ​കി​യതു മർക്കോ​സിന്‌ എങ്ങനെ ഗുണം ചെയ്‌തു? (അടിക്കു​റി​പ്പു കാണുക.)

⁶ വിശ്വ​സ്‌ത​രായ സഹോ​ദ​ര​ന്മാ​രു​ടെ​കൂ​ടെ അടുത്ത്‌ ഇടപഴ​കി​യതു മർക്കോ​സിന്‌ ഒത്തിരി ഗുണം ചെയ്‌തു. പൗലോ​സി​ന്റെ​കൂ​ടെ കുറച്ച്‌ കാലം റോമിൽ കഴിഞ്ഞ​ശേഷം മർക്കോസ്‌ അപ്പോ​സ്‌ത​ല​നായ പത്രോ​സി​ന്റെ​കൂ​ടെ ബാബി​ലോ​ണിൽ പ്രവർത്തി​ച്ചു. അവർക്കി​ട​യിൽ നല്ലൊരു ബന്ധം വളരാൻ അതു സഹായി​ച്ചി​ട്ടുണ്ട്‌. കാരണം പത്രോസ്‌ മർക്കോ​സി​നെ​ക്കു​റിച്ച്‌ ‘എന്റെ മകൻ’ എന്നാണു പറഞ്ഞി​രി​ക്കു​ന്നത്‌. (1 പത്രോ. 5:13) അവർ ഒരുമി​ച്ചാ​യി​രുന്ന സമയത്ത്‌ സാധ്യ​ത​യ​നു​സ​രിച്ച്‌ പത്രോസ്‌ തന്റെ ഈ കൊച്ചു​കൂ​ട്ടു​കാ​ര​നോ​ടു യേശു​വി​ന്റെ ജീവി​ത​ത്തെ​യും ശുശ്രൂ​ഷ​യെ​യും കുറി​ച്ചുള്ള രസകര​മായ പല വിവര​ങ്ങ​ളും പറഞ്ഞു​കാ​ണും. അതൊ​ക്കെ​യാ​യി​രി​ക്കാം മർക്കോസ്‌ പിന്നീടു തന്റെ സുവി​ശേ​ഷ​ത്തിൽ രേഖ​പ്പെ​ടു​ത്തി​യത്‌.a

7. സെങ്‌ വ്യൂ എന്ന ചെറു​പ്പ​ക്കാ​ര​നായ സഹോ​ദരൻ മർക്കോ​സി​ന്റെ മാതൃക അനുക​രി​ച്ചത്‌ എങ്ങനെ? (ചിത്ര​വും കാണുക.)

⁷ മർക്കോസ്‌ യഹോ​വ​യു​ടെ സേവന​ത്തിൽ തിര​ക്കോ​ടെ തുടരു​ക​യും വിശ്വ​സ്‌ത​രായ സഹോ​ദ​ര​ന്മാ​രു​മാ​യി ഉറ്റബന്ധം നിലനി​റു​ത്തു​ക​യും ചെയ്‌തു. നിങ്ങൾക്ക്‌ എങ്ങനെ മർക്കോ​സി​നെ അനുക​രി​ക്കാം? നിങ്ങൾ ആഗ്രഹി​ച്ചി​ട്ടും ഒരു സേവന​പ​ദവി കിട്ടു​ന്നില്ല എന്നിരി​ക്കട്ടെ. ക്ഷമയോ​ടെ​യി​രി​ക്കുക. കൂടാതെ യഹോ​വ​യ്‌ക്കും സഹോ​ദ​ര​ങ്ങൾക്കും വേണ്ടി മറ്റ്‌ എന്തൊക്കെ ചെയ്യാ​നാ​കു​മെ​ന്നും നോക്കുക. ഇപ്പോൾ ഒരു മൂപ്പനാ​യി സേവി​ക്കുന്ന സെങ്‌ വ്യൂ സഹോ​ദ​രന്റെ മാതൃക നോക്കാം. ചെറു​പ്പ​മാ​യി​രു​ന്ന​പ്പോൾ മറ്റു യുവസ​ഹോ​ദ​ര​ന്മാ​രു​മാ​യി അദ്ദേഹം തന്നെത്തന്നെ താരത​മ്യം ചെയ്യു​മാ​യി​രു​ന്നു. അവരിൽ ചിലർക്കു മൂപ്പന്മാർ കൂടുതൽ ഉത്തരവാ​ദി​ത്വ​ങ്ങൾ നൽകു​ന്ന​താ​യി അദ്ദേഹം ശ്രദ്ധിച്ചു. മൂപ്പന്മാർ തന്നെ അവഗണി​ക്കു​ന്ന​താ​യി​ട്ടാണ്‌ അദ്ദേഹ​ത്തി​നു തോന്നി​യത്‌. അതു കണ്ടപ്പോൾ അദ്ദേഹ​ത്തിന്‌ ആകെ സങ്കടവും നിരാ​ശ​യും ആയി. അവസാനം തന്റെ സങ്കടങ്ങ​ളൊ​ക്കെ അദ്ദേഹം മൂപ്പന്മാ​രോ​ടു തുറന്നു​പ​റഞ്ഞു. ആരും ശ്രദ്ധി​ക്കു​ന്നി​ല്ലെ​ങ്കിൽപ്പോ​ലും മറ്റുള്ള​വർക്കു​വേണ്ടി തന്നെ​ക്കൊണ്ട്‌ ആകുന്ന​തു​പോ​ലെ നല്ല കാര്യങ്ങൾ ചെയ്യാൻ ഒരു മൂപ്പൻ നിർദേ​ശി​ച്ചു. അതനു​സ​രിച്ച്‌ പ്രവർത്തി​ക്കാൻ അദ്ദേഹം തയ്യാറാ​യി. അങ്ങനെ മീറ്റി​ങ്ങി​നു പോകാൻ യാത്രാ​സൗ​ക​ര്യം ആവശ്യ​മുള്ള പ്രായ​മാ​യ​വ​രെ​യും മറ്റുള്ള​വ​രെ​യും അദ്ദേഹം സഹായി​ക്കാൻതു​ടങ്ങി. ആ സമയ​ത്തെ​ക്കു​റിച്ച്‌ അദ്ദേഹം പറയു​ന്നത്‌ ഇതാണ്‌: “മറ്റുള്ള​വരെ സേവി​ക്കുക എന്നതിന്റെ ശരിക്കുള്ള അർഥം എന്താ​ണെന്നു ഞാൻ പഠിച്ചു. അവർക്ക്‌ ഏറ്റവും ആവശ്യ​മായ സഹായം കൊടു​ക്കാൻ കഴിഞ്ഞ​തിൽ എനിക്ക്‌ ഒത്തിരി സന്തോഷം തോന്നി.”

തിമൊ​ഥെ​യൊ​സി​നെ അനുക​രി​ക്കുക—സ്‌നേഹം കാണി​ക്കു​ക

8. പൗലോസ്‌ എന്തു​കൊ​ണ്ടാ​ണു തിമൊ​ഥെ​യൊ​സി​നെ കൂടെ കൊണ്ടു​പോ​കാൻ തീരു​മാ​നി​ച്ചത്‌? (ഫിലി​പ്പി​യർ 2:19-22)

⁸ തനിക്ക്‌ ഉപദ്രവം നേരിട്ട നഗരങ്ങ​ളി​ലേക്കു മടങ്ങി​പ്പോ​യ​പ്പോൾ പൗലോ​സി​നു നല്ല ധൈര്യ​മുള്ള സഹോ​ദ​ര​ന്മാർ കൂടെ വേണമാ​യി​രു​ന്നു. ആദ്യം അദ്ദേഹം നല്ല അനുഭ​വ​പ​രി​ച​യ​മുള്ള ശീലാ​സി​നെ കൂടെ​ക്കൂ​ട്ടി. (പ്രവൃ. 15:22, 40) എന്നാൽ പിന്നീടു പൗലോസ്‌ തന്റെ കൂട്ടാ​ളി​യാ​യി തിമൊ​ഥെ​യൊ​സി​നെ​യും തിര​ഞ്ഞെ​ടു​ത്തു. എന്തു​കൊ​ണ്ടാ​യി​രി​ക്കും തിമൊ​ഥെ​യൊസ്‌ കൂടെ​യു​ണ്ടാ​യി​രി​ക്കാൻ പൗലോസ്‌ ആഗ്രഹി​ച്ചത്‌? ഒരു കാരണം തിമൊ​ഥെ​യൊ​സി​നെ​ക്കു​റിച്ച്‌ എല്ലാവർക്കും വളരെ നല്ല അഭി​പ്രാ​യ​മാ​യി​രു​ന്നു. (പ്രവൃ. 16:1, 2) മാത്രമല്ല സഹോ​ദ​ര​ങ്ങ​ളു​ടെ കാര്യ​ത്തിൽ ആത്മാർഥ​മായ താത്‌പ​ര്യ​മുള്ള ആളുമാ​യി​രു​ന്നു അദ്ദേഹം.—ഫിലി​പ്പി​യർ 2:19-22 വായി​ക്കുക.

9. സഹോ​ദ​ര​ങ്ങ​ളു​ടെ കാര്യ​ത്തിൽ തനിക്കു ശരിക്കും ചിന്തയു​ണ്ടെന്നു തിമൊ​ഥെ​യൊസ്‌ എങ്ങനെ​യാ​ണു തെളി​യി​ച്ചത്‌?

⁹ പൗലോ​സി​ന്റെ​കൂ​ടെ പ്രവർത്തി​ച്ചു​തു​ട​ങ്ങിയ കാലം​മു​തൽത്തന്നെ, സ്വന്തം കാര്യ​ത്തിൽ ഉള്ളതി​നെ​ക്കാൾ ചിന്ത മറ്റുള്ള​വ​രു​ടെ കാര്യ​ത്തിൽ ഉണ്ടെന്നു തിമൊ​ഥെ​യൊസ്‌ തെളി​യി​ച്ചു. അതു​കൊണ്ട്‌ പൗലോസ്‌ ബരോ​വ​യിൽനിന്ന്‌ പോയ​പ്പോൾ തിമൊ​ഥെ​യൊ​സി​നെ അവിടെ വിട്ടി​ട്ടു​പോ​യി. അവി​ടെ​യുള്ള പുതിയ സഹോ​ദ​ര​ങ്ങ​ളു​ടെ കാര്യ​ത്തിൽ തിമൊ​ഥെ​യൊസ്‌ വേണ്ട താത്‌പ​ര്യ​മെ​ടു​ക്കു​മെന്നു പൗലോ​സിന്‌ ഉറപ്പു​ണ്ടാ​യി​രു​ന്നു. (പ്രവൃ. 17:13, 14) അപ്പോൾ ശീലാ​സും അവിടെ തങ്ങിയ​തു​കൊണ്ട്‌ തിമൊ​ഥെ​യൊ​സിന്‌ അദ്ദേഹ​ത്തിൽനിന്ന്‌ പലതും പഠിക്കാ​നാ​യി. എന്നാൽ പിന്നീടു പൗലോസ്‌ തിമൊ​ഥെ​യൊ​സി​നെ തനിച്ച്‌ തെസ്സ​ലോ​നി​ക്യ​യി​ലേക്ക്‌ അയച്ചു. അവി​ടെ​യുള്ള ക്രിസ്‌ത്യാ​നി​കളെ ബലപ്പെ​ടു​ത്തു​ന്ന​തി​നു​വേ​ണ്ടി​യാ​യി​രു​ന്നു അത്‌. (1 തെസ്സ. 3:2, അടിക്കു​റിപ്പ്‌) തുടർന്നുള്ള 15-ഓളം വർഷം​കൊണ്ട്‌ തിമൊ​ഥെ​യൊസ്‌ ‘കരയു​ന്ന​വ​രു​ടെ​കൂ​ടെ കരയാൻ’ അതായത്‌, കഷ്ടതയി​ലാ​യി​രി​ക്കു​ന്ന​വ​രോ​ടു സഹാനു​ഭൂ​തി കാണി​ക്കാൻ പഠിച്ചു. (റോമ. 12:15; 2 തിമൊ. 1:4) യുവസ​ഹോ​ദ​ര​ന്മാർക്ക്‌ എങ്ങനെ തിമൊ​ഥെ​യൊ​സി​ന്റെ മാതൃക അനുക​രി​ക്കാം?

10. വൂ ജെ സഹോ​ദരൻ മറ്റുള്ള​വ​രു​ടെ കാര്യ​ത്തിൽ കൂടുതൽ താത്‌പ​ര്യ​മെ​ടു​ക്കാൻ പഠിച്ചത്‌ എങ്ങനെ?

¹⁰ വൂ ജെ സഹോ​ദരൻ മറ്റുള്ള​വ​രു​ടെ കാര്യ​ത്തിൽ കൂടുതൽ താത്‌പ​ര്യ​മെ​ടു​ക്കാൻ പഠിച്ചു. കുറെ​ക്കൂ​ടി ചെറു​പ്പ​മാ​യി​രു​ന്ന​പ്പോൾ പ്രായ​മായ സഹോ​ദ​ര​ങ്ങ​ളോ​ടു സംസാ​രി​ക്കാൻ അദ്ദേഹ​ത്തി​നു ബുദ്ധി​മു​ട്ടാ​യി​രു​ന്നു. അതു​കൊണ്ട്‌ രാജ്യ​ഹാ​ളിൽവെച്ച്‌ അവരെ കണ്ടാൽ വെറുതേ അഭിവാ​ദനം ചെയ്‌തിട്ട്‌ കൂടു​ത​ലൊ​ന്നും പറയാതെ പോകു​ക​യാ​യി​രു​ന്നു പതിവ്‌. ഒരു മൂപ്പൻ വൂ ജെ സഹോ​ദ​ര​നോ​ടു സഭയിലെ സഹോ​ദ​ര​ങ്ങ​ളു​മാ​യി സംഭാ​ഷണം തുടങ്ങാ​നുള്ള ഒരു വഴി പറഞ്ഞു​കൊ​ടു​ത്തു. ആ സഹോ​ദ​ര​ങ്ങ​ളിൽ വൂ ജെ ഇഷ്ടപ്പെ​ടു​ന്നത്‌ എന്താ​ണെന്ന്‌ അവരോ​ടു പറയുക എന്നതാ​യി​രു​ന്നു അത്‌. മറ്റേയാൾക്കു താത്‌പ​ര്യ​മുള്ള വിഷയം എന്തായി​രി​ക്കും എന്നതി​നെ​ക്കു​റിച്ച്‌ ചിന്തി​ക്കാ​നും ആ മൂപ്പൻ പറഞ്ഞു. അദ്ദേഹം പറഞ്ഞതു​പോ​ലെ ചെയ്യാൻ വൂ ജെ തയ്യാറാ​യി. വൂ ജെ ഇന്ന്‌ ഒരു മൂപ്പനാണ്‌. അദ്ദേഹം പറയുന്നു: “പല പ്രായ​ത്തി​ലുള്ള ആളുക​ളു​മാ​യി സംസാ​രി​ക്കാൻ ഇന്ന്‌ എനിക്ക്‌ എളുപ്പ​മാണ്‌. മറ്റുള്ള​വ​രു​ടെ സാഹച​ര്യ​ങ്ങ​ളും പ്രശ്‌ന​ങ്ങ​ളും കുറെ​ക്കൂ​ടി നന്നായി മനസ്സി​ലാ​ക്കാൻ എനിക്കു കഴിയു​ന്നു. അങ്ങനെ അവരുടെ ആവശ്യങ്ങൾ അറിഞ്ഞ്‌ സഹായി​ക്കു​ന്ന​തി​ന്റെ സന്തോഷം ഇപ്പോൾ എനിക്കുണ്ട്‌.”

11. സഭയിലെ സഹോ​ദ​ര​ങ്ങ​ളു​ടെ കാര്യ​ത്തിൽ താത്‌പ​ര്യ​മെ​ടു​ക്കാൻ യുവസ​ഹോ​ദ​ര​ന്മാർക്ക്‌ എങ്ങനെ പഠിക്കാം? (ചിത്ര​വും കാണുക.)

¹¹ യുവസ​ഹോ​ദ​ര​ന്മാ​രേ, മറ്റുള്ള​വ​രു​ടെ കാര്യ​ത്തിൽ താത്‌പ​ര്യം കാണി​ക്കാൻ നിങ്ങൾക്കും പഠി​ച്ചെ​ടു​ക്കാ​നാ​കും. മീറ്റി​ങ്ങി​നു വരു​മ്പോൾ പല പ്രായ​ത്തി​ലും പശ്ചാത്ത​ല​ത്തി​ലും ഉള്ള ആളുക​ളോ​ടു സംസാ​രി​ക്കാൻ മുൻ​കൈ​യെ​ടു​ക്കുക. അവർക്ക്‌ എങ്ങനെ​യു​ണ്ടെന്നു ചോദി​ക്കു​ക​യും അവർ പറയു​ന്നതു ശ്രദ്ധിച്ച്‌ കേൾക്കു​ക​യും ചെയ്യാം. അവർക്ക്‌ എന്തു സഹായ​മാ​ണു വേണ്ട​തെന്നു തിരി​ച്ച​റി​യാൻ അതു നിങ്ങളെ സഹായി​ക്കും. ഒരുപക്ഷേ പ്രായ​മായ ഒരു ദമ്പതി​കൾക്കു JW ലൈ​ബ്രറി ഉപയോ​ഗി​ക്കാൻ സഹായം ആവശ്യ​മാ​യി​രി​ക്കാം. അതല്ലെ​ങ്കിൽ പ്രസം​ഗ​പ്ര​വർത്ത​ന​ത്തിന്‌ അവരുടെ കൂടെ​പ്പോ​കാൻ ആരുമി​ല്ലെന്നു നിങ്ങൾ തിരി​ച്ച​റി​ഞ്ഞേ​ക്കാം. ഫോണി​ലോ ടാബി​ലോ JW ലൈ​ബ്രറി എടുക്കാ​നോ പ്രസം​ഗ​പ്ര​വർത്ത​ന​ത്തിന്‌ അവരെ കൂട്ടി​ക്കൊ​ണ്ടു​പോ​കാ​നോ നിങ്ങൾക്കു കഴിയു​മോ? ഇങ്ങനെ മറ്റുള്ള​വരെ സഹായി​ക്കാൻ മുൻ​കൈ​യെ​ടു​ക്കു​മ്പോൾ സഭയിൽ നിങ്ങൾ നല്ലൊരു മാതൃ​ക​വെ​ക്കു​ക​യാണ്‌.

പൗലോ​സി​ന്റെ ഉപദേശം നിങ്ങൾക്കും പ്രയോ​ജനം ചെയ്യും

12. തിമൊ​ഥെ​യൊ​സി​നു പൗലോസ്‌ നൽകിയ ഉപദേ​ശ​ത്തിൽനിന്ന്‌ യുവസ​ഹോ​ദ​ര​ന്മാർക്ക്‌ എങ്ങനെ പ്രയോ​ജനം നേടാം?

¹² ജീവി​ത​ത്തിൽ സന്തോഷം കണ്ടെത്താ​നും യഹോ​വയെ കൂടുതൽ നന്നായി സേവി​ക്കാ​നും ആവശ്യ​മായ ഉപദേശം പൗലോസ്‌ തിമൊ​ഥെ​യൊ​സി​നു നൽകി. (1 തിമൊ. 1:18; 2 തിമൊ. 4:5) ഒരു അപ്പനെ​പ്പോ​ലെ പൗലോസ്‌ തിമൊ​ഥെ​യൊ​സി​നു നൽകിയ ആ ഉപദേ​ശ​ങ്ങ​ളിൽനിന്ന്‌ യുവസ​ഹോ​ദ​ര​ന്മാ​രേ, നിങ്ങൾക്കും പ്രയോ​ജനം നേടാ​നാ​കും. എങ്ങനെ? തിമൊ​ഥെ​യൊ​സി​നു പൗലോസ്‌ എഴുതിയ ആ രണ്ടു കത്തുക​ളും നിങ്ങൾക്ക്‌ എഴുതി​യ​താണ്‌ എന്നപോ​ലെ വായി​ക്കുക. അതിലെ ഉപദേ​ശങ്ങൾ നിങ്ങളു​ടെ ജീവി​ത​ത്തിൽ എങ്ങനെ പകർത്താ​മെന്നു ചിന്തി​ക്കുക. പൗലോസ്‌ നൽകിയ ചില ഉപദേ​ശങ്ങൾ എന്തൊ​ക്കെ​യാ​യി​രു​ന്നു?

13. യഹോ​വ​യു​മാ​യി ഒരു അടുത്ത ബന്ധത്തി​ലേക്കു വരാൻ നിങ്ങളെ എന്തു സഹായി​ക്കും?

¹³ “ദൈവ​ഭ​ക്ത​നാ​കുക എന്ന ലക്ഷ്യം​വെച്ച്‌ നിന്നെ​ത്തന്നെ പരിശീ​ലി​പ്പി​ക്കുക.” (1 തിമൊ. 4:7ബി) എന്താണു ദൈവ​ഭക്തി? ദൈവത്തെ സന്തോ​ഷി​പ്പി​ക്കാ​നുള്ള ആഗ്രഹ​ത്തോ​ടെ യഹോ​വ​യു​മാ​യി ഒരു അടുത്ത ബന്ധം ഉണ്ടായി​രി​ക്കു​ന്ന​താണ്‌ അത്‌. നമുക്ക്‌ ഈ ഗുണം ജന്മനാ കിട്ടാ​ത്ത​തു​കൊണ്ട്‌ നമ്മൾ അതു വളർത്തി​യെ​ടു​ക്കേ​ണ്ട​തുണ്ട്‌. നമുക്ക്‌ അത്‌ എങ്ങനെ ചെയ്യാം? “പരിശീ​ലി​പ്പി​ക്കുക” എന്നു പരിഭാഷ ചെയ്‌തി​രി​ക്കുന്ന ഗ്രീക്കു​പദം മിക്ക​പ്പോ​ഴും ഒരു മത്സരത്തി​നു​വേണ്ടി തയ്യാറാ​കുന്ന കായി​ക​താ​ര​ത്തി​ന്റെ കഠിന​മായ പരിശീ​ല​നത്തെ സൂചി​പ്പി​ക്കാ​നാണ്‌ ഉപയോ​ഗി​ക്കാ​റു​ള്ളത്‌. അവർ ശ്രദ്ധ പതറി​ക്കുന്ന കാര്യങ്ങൾ ഒഴിവാ​ക്കു​ക​യും ലക്ഷ്യത്തിൽ എത്തി​ച്ചേ​രാൻ സഹായി​ക്കുന്ന നല്ല ശീലങ്ങൾ വളർത്തി​യെ​ടു​ക്കു​ക​യും വേണം. നമ്മളും അതു​പോ​ലെ യഹോ​വ​യു​മാ​യി ഒരു അടുത്ത ബന്ധത്തി​ലേക്കു വരാൻ സഹായി​ക്കുന്ന നല്ല ശീലങ്ങൾ വളർത്തി​യെ​ടു​ക്കേ​ണ്ട​തുണ്ട്‌.

14. ബൈബിൾ വായി​ക്കു​മ്പോൾ നമ്മുടെ ലക്ഷ്യം എന്തായി​രി​ക്കണം, ഒരു ദൃഷ്ടാ​ന്ത​ത്തി​ലൂ​ടെ വിവരി​ക്കുക.

¹⁴ ദിവസ​വും ബൈബിൾ വായി​ക്കുക എന്നൊരു ശീലം വളർത്തി​യെ​ടു​ക്കു​ന്നതു പ്രധാ​ന​മാണ്‌. അങ്ങനെ ചെയ്യു​മ്പോൾ ഒരു കാര്യം ഓർക്കുക: യഹോ​വ​യോ​ടു കൂടുതൽ അടുക്കുക എന്നതാണു നിങ്ങളു​ടെ ലക്ഷ്യം. ഉദാഹ​ര​ണ​ത്തിന്‌, യേശു​വി​നെ​യും ധനിക​നായ യുവഭ​ര​ണാ​ധി​കാ​രി​യെ​യും കുറി​ച്ചുള്ള വിവര​ണ​ത്തിൽനിന്ന്‌ നിങ്ങൾക്ക്‌ എന്തു പഠിക്കാം? (മർക്കോ. 10:17-22) യേശു​വാ​ണു മിശിഹ എന്ന്‌ ആ ഭരണാ​ധി​കാ​രിക്ക്‌ അറിയാ​മാ​യി​രു​ന്നു. എന്നാൽ യേശു​വി​നെ അനുഗ​മി​ക്കാൻമാ​ത്ര​മുള്ള വിശ്വാ​സം അയാൾക്ക്‌ ഇല്ലാ​തെ​പോ​യി. എന്നിട്ടും യേശു​വിന്‌ അയാ​ളോ​ടു സ്‌നേഹം തോന്നി. യേശു എത്ര ദയയോ​ടെ​യാണ്‌ അയാ​ളോട്‌ സംസാ​രി​ച്ച​തെന്നു നിങ്ങൾ ശ്രദ്ധി​ച്ചോ? അയാൾ ശരിയായ ഒരു തീരു​മാ​ന​മെ​ടു​ക്കാൻ ഉറപ്പാ​യും യേശു ആഗ്രഹി​ച്ചു. യേശു​വി​നു തോന്നിയ സ്‌നേഹം യഹോ​വ​യും ആ യുവഭ​ര​ണാ​ധി​കാ​രി​യെ എത്രമാ​ത്രം സ്‌നേ​ഹി​ക്കു​ന്നു എന്നാണു കാണി​ച്ചത്‌. (യോഹ. 14:9) ഈ വിവര​ണ​ത്തെ​ക്കു​റി​ച്ചും നിങ്ങളു​ടെ സാഹച​ര്യ​ങ്ങ​ളെ​ക്കു​റി​ച്ചും ചിന്തി​ക്കു​മ്പോൾ നിങ്ങ​ളോ​ടു​തന്നെ ഇങ്ങനെ ചോദി​ക്കുക: യഹോ​വ​യോ​ടു കൂടുതൽ അടുക്കാ​നും മറ്റുള്ള​വരെ കൂടുതൽ നന്നായി സേവി​ക്കാ​നും ഞാൻ എന്താണു ചെയ്യേ​ണ്ടത്‌?

15. ഒരു യുവസ​ഹോ​ദരൻ മറ്റുള്ള​വർക്കു നല്ലൊരു മാതൃ​ക​യാ​യി​രി​ക്കേ​ണ്ടത്‌ എന്തു​കൊണ്ട്‌, ഒരു ദൃഷ്ടാ​ന്ത​ത്തി​ലൂ​ടെ വിശദീ​ക​രി​ക്കുക. (1 തിമൊ. 4:12, 13)

¹⁵ “വിശ്വ​സ്‌തർക്ക്‌ ഒരു മാതൃ​ക​യാ​യി​രി​ക്കുക.” (1 തിമൊ. 4:12, 13 വായി​ക്കുക.) വായി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തി​ലെ കഴിവ്‌ മാത്രമല്ല സ്‌നേഹം, വിശ്വാ​സം, നിർമലത പോലുള്ള ഗുണങ്ങൾ വളർത്തി​യെ​ടു​ക്കാ​നും പൗലോസ്‌ തിമൊ​ഥെ​യൊ​സി​നെ പ്രോ​ത്സാ​ഹി​പ്പി​ച്ചു. എന്തു​കൊണ്ട്‌? കാരണം, വെറുതേ ഒരു കാര്യം പറയു​ന്ന​തി​നെ​ക്കാൾ അക്കാര്യ​ത്തിൽ നല്ല മാതൃ​ക​വെ​ക്കു​ന്നതു കൂടുതൽ പ്രയോ​ജനം ചെയ്യും. ഉദാഹ​ര​ണ​ത്തിന്‌, ശുശ്രൂ​ഷ​യി​ലെ നമ്മുടെ ഉത്സാഹം എങ്ങനെ വർധി​പ്പി​ക്കാം എന്നതി​നെ​ക്കു​റിച്ച്‌ നിങ്ങൾ ഒരു പ്രസംഗം നടത്തു​ക​യാണ്‌ എന്നിരി​ക്കട്ടെ. പ്രസം​ഗ​പ്ര​വർത്ത​ന​ത്തിൽ നിങ്ങൾ കഴിവി​ന്റെ പരമാ​വധി ചെയ്യു​ന്നു​ണ്ടെ​ങ്കിൽ ആത്മവി​ശ്വാ​സ​ത്തോ​ടെ നിങ്ങൾക്ക്‌ ആ പ്രസംഗം നടത്താ​നാ​കും. നിങ്ങൾ ഇക്കാര്യ​ത്തിൽ നല്ലൊരു മാതൃക വെക്കു​ന്നു​ണ്ടെ​ങ്കിൽ നിങ്ങൾ പറയു​ന്ന​തി​നു ചേർച്ച​യിൽ പ്രവർത്തി​ക്കാൻ കേൾവി​ക്കാർക്കു കൂടുതൽ പ്രചോ​ദനം തോന്നും.—1 തിമൊ. 3:13.

16. (എ) ഒരു യുവസ​ഹോ​ദ​രന്‌ ഏത്‌ അഞ്ചു കാര്യ​ങ്ങ​ളിൽ നല്ലൊരു മാതൃ​ക​യാ​യി​രി​ക്കാ​നാ​കും? (ബി) ഒരു യുവസ​ഹോ​ദ​രനു സംസാ​ര​ത്തിൽ എങ്ങനെ നല്ല മാതൃ​ക​വെ​ക്കാ​നാ​കും?

¹⁶ 1 തിമൊ​ഥെ​യൊസ്‌ 4:12-ൽ പൗലോസ്‌ ഒരു യുവസ​ഹോ​ദ​രനു മാതൃ​ക​യാ​യി​രി​ക്കാൻ കഴിയുന്ന അഞ്ചു കാര്യ​ങ്ങ​ളെ​ക്കു​റിച്ച്‌ പറയു​ന്നുണ്ട്‌. അവയിൽ ഓരോ​ന്നി​നെ​ക്കു​റി​ച്ചും നിങ്ങൾക്ക്‌ ആഴത്തിൽ പഠിക്കാ​നാ​കി​ല്ലേ? ഉദാഹ​ര​ണ​ത്തിന്‌, സംസാ​ര​ത്തിൽ നല്ല ഒരു മാതൃ​ക​യാ​യി​രി​ക്കാ​നാ​ണു നിങ്ങൾ ആഗ്രഹി​ക്കു​ന്ന​തെ​ന്നി​രി​ക്കട്ടെ. മറ്റുള്ള​വരെ പ്രോ​ത്സാ​ഹി​പ്പി​ക്കാ​നാ​യി എന്തൊക്കെ പറയാ​നാ​കു​മെന്നു ചിന്തി​ക്കുക. നിങ്ങൾ മാതാ​പി​താ​ക്ക​ളോ​ടൊ​പ്പ​മാ​ണു താമസി​ക്കു​ന്ന​തെ​ങ്കിൽ അവർ നിങ്ങൾക്കു ചെയ്‌തു​ത​രുന്ന കാര്യ​ങ്ങൾക്കു കൂടെ​ക്കൂ​ടെ നന്ദി പറയാ​നാ​കു​മോ? മീറ്റി​ങ്ങി​നു ശേഷം ഒരു സഹോ​ദ​ര​നോ​ടോ സഹോ​ദ​രി​യോ​ടോ അവർ നടത്തിയ പരിപാ​ടി​യിൽ നിങ്ങൾക്ക്‌ ഇഷ്ടപ്പെ​ട്ടത്‌ എന്താ​ണെന്നു പറയാ​നാ​കി​ല്ലേ? ഇനി, മീറ്റി​ങ്ങി​നു സ്വന്തം വാചക​ത്തിൽ അഭി​പ്രാ​യം പറയാ​നും നിങ്ങൾക്കു ശ്രമി​ക്കാം. സംസാ​ര​ത്തിൽ നല്ലൊരു മാതൃ​ക​യാ​യി​രി​ക്കാൻ നിങ്ങൾ ശ്രമി​ക്കു​മ്പോൾ നിങ്ങളു​ടെ ആത്മീയ​പു​രോ​ഗതി മറ്റുള്ളവർ ശ്രദ്ധി​ക്കും.—1 തിമൊ. 4:15.

17. ആത്മീയ​ല​ക്ഷ്യ​ങ്ങ​ളിൽ എത്തി​ച്ചേ​രാൻ ഒരു യുവസ​ഹോ​ദ​രനെ എന്തു സഹായി​ക്കും? (2 തിമൊ​ഥെ​യൊസ്‌ 2:22)

¹⁷ ‘യൗവന​ത്തി​ന്റേ​തായ മോഹങ്ങൾ വിട്ടോ​ടി നീതി പിന്തു​ട​രുക.’ (2 തിമൊ​ഥെ​യൊസ്‌ 2:22 വായി​ക്കുക.) ആത്മീയ​ല​ക്ഷ്യ​ങ്ങ​ളിൽനിന്ന്‌ ശ്രദ്ധ പതറി​ക്കു​ക​യും യഹോ​വ​യു​മാ​യുള്ള ബന്ധം തകർക്കു​ക​യും ചെയ്യുന്ന മോഹ​ങ്ങൾക്കെ​തി​രെ പോരാ​ടാൻ പൗലോസ്‌ തിമൊ​ഥെ​യൊ​സി​നെ പ്രോ​ത്സാ​ഹി​പ്പി​ച്ചു. വിനോ​ദ​ത്തി​നും മറ്റു കാര്യ​ങ്ങൾക്കും ആയി കൂടുതൽ സമയം ചെലവ​ഴി​ക്കു​ന്ന​തു​കൊണ്ട്‌ ദൈവ​സേ​വ​ന​ത്തി​നു​വേണ്ടി അധികം സമയം കിട്ടു​ന്നി​ല്ലെ​ന്നും നിങ്ങൾ തിരി​ച്ച​റി​ഞ്ഞേ​ക്കാം. ഉദാഹ​ര​ണ​ത്തിന്‌, സ്‌പോർട്‌സി​നോ ഇന്റർനെ​റ്റിൽ പരതു​ന്ന​തി​നോ വീഡി​യോ ഗെയി​മു​കൾ കളിക്കു​ന്ന​തി​നോ നിങ്ങൾ എത്രമാ​ത്രം സമയം ചെലവ​ഴി​ക്കു​ന്നു​ണ്ടെന്നു ചിന്തി​ക്കുക. അങ്ങനെ ചെലവ​ഴി​ക്കുന്ന സമയത്തി​ന്റെ ഒരു ഭാഗം ആത്മീയ​പ്ര​വർത്ത​ന​ങ്ങൾക്കു​വേണ്ടി ഉപയോ​ഗി​ക്കാ​നാ​കു​മോ? ഒരുപക്ഷേ നിങ്ങളു​ടെ രാജ്യ​ഹാ​ളി​ന്റെ അറ്റകു​റ്റ​പ്പ​ണി​യിൽ സഹായി​ക്കു​ന്ന​തി​നോ കാർട്ട്‌ സാക്ഷീ​ക​ര​ണ​പ​രി​പാ​ടി​യെ പിന്തു​ണ​യ്‌ക്കു​ന്ന​തി​നോ നിങ്ങൾക്കു കഴി​ഞ്ഞേ​ക്കും. അങ്ങനെ ചെയ്യു​മ്പോൾ യഹോ​വ​യു​ടെ സേവന​ത്തിൽ കൂടുതൽ ചെയ്യാൻ പ്രോ​ത്സാ​ഹി​പ്പി​ക്കുന്ന, ആത്മീയ​ല​ക്ഷ്യ​ങ്ങ​ളിൽ എത്തി​ച്ചേ​രാൻ നിങ്ങളെ സഹായി​ക്കുന്ന പുതിയ കൂട്ടു​കാ​രെ നിങ്ങൾക്കു കിട്ടി​യേ​ക്കും.

മറ്റുള്ള​വരെ സേവി​ക്കു​ന്ന​തി​ലൂ​ടെ അനു​ഗ്ര​ഹങ്ങൾ നേടാം

18. മർക്കോ​സി​ന്റെ​യും തിമൊ​ഥെ​യൊ​സി​ന്റെ​യും ജീവിതം സന്തോ​ഷ​വും സംതൃ​പ്‌തി​യും നിറഞ്ഞ​താ​യി​രു​ന്നെന്നു പറയാ​വു​ന്നത്‌ എന്തു​കൊണ്ട്‌?

¹⁸ മറ്റുള്ള​വരെ കൂടുതൽ നന്നായി സേവി​ക്കാൻ മർക്കോ​സും തിമൊ​ഥെ​യൊ​സും പല ത്യാഗ​ങ്ങ​ളും ചെയ്‌തു. അതു​കൊണ്ട്‌ അവരുടെ ജീവിതം സന്തോ​ഷ​വും സംതൃ​പ്‌തി​യും നിറഞ്ഞ​താ​യി​രു​ന്നു. (പ്രവൃ. 20:35) സഹവി​ശ്വാ​സി​കളെ സഹായി​ക്കു​ന്ന​തി​നു​വേണ്ടി മർക്കോസ്‌ ലോക​ത്തി​ന്റെ പല ഭാഗങ്ങ​ളി​ലേ​ക്കും യാത്ര ചെയ്‌തു. യേശു​വി​ന്റെ ജീവി​ത​ത്തെ​യും ശുശ്രൂ​ഷ​യെ​യും കുറി​ച്ചുള്ള ആവേശം ജനിപ്പി​ക്കുന്ന വിവരണം എഴുതാ​നും അദ്ദേഹ​ത്തി​നു കഴിഞ്ഞു. തിമൊ​ഥെ​യൊ​സാ​ണെ​ങ്കിൽ സഭകൾ സ്ഥാപി​ക്കു​ന്ന​തി​നും സഹോ​ദ​ര​ങ്ങളെ ബലപ്പെ​ടു​ത്തു​ന്ന​തി​നും പൗലോ​സി​നെ സഹായി​ച്ചു. മർക്കോ​സും തിമൊ​ഥെ​യൊ​സും കാണിച്ച ആത്മത്യാ​ഗ​മ​നോ​ഭാ​വം യഹോ​വയെ സന്തോ​ഷി​പ്പി​ച്ചു എന്നതിനു സംശയ​മില്ല.

19. പൗലോസ്‌ തിമൊ​ഥെ​യൊ​സി​നു കൊടുത്ത ഉപദേ​ശ​ത്തി​നു ചേർച്ച​യിൽ യുവസ​ഹോ​ദ​ര​ന്മാർ പ്രവർത്തി​ക്കേ​ണ്ടത്‌ എന്തു​കൊണ്ട്‌, അങ്ങനെ ചെയ്‌താ​ലുള്ള പ്രയോ​ജനം എന്താണ്‌?

¹⁹ പൗലോ​സി​നു തിമൊ​ഥെ​യൊ​സി​നെ എത്ര ഇഷ്ടമാ​യി​രു​ന്നെന്ന്‌ ആ കൊച്ചു​കൂ​ട്ടു​കാ​രന്‌ അദ്ദേഹം എഴുതിയ കത്തുക​ളിൽനിന്ന്‌ നമുക്കു കാണാ​നാ​കും. യുവസ​ഹോ​ദ​ര​ന്മാ​രേ, നിങ്ങ​ളെ​യും യഹോവ എത്രമാ​ത്രം സ്‌നേ​ഹി​ക്കു​ന്നു എന്നാണു ദൈവ​പ്ര​ചോ​ദി​ത​മാ​യി എഴുതിയ ആ കത്തുകൾ തെളി​യി​ക്കു​ന്നത്‌. നിങ്ങൾ വിജയി​ച്ചു​കാ​ണാൻ യഹോവ ആഗ്രഹി​ക്കു​ന്നു. അതു​കൊണ്ട്‌ പൗലോ​സി​ന്റെ ഉപദേ​ശ​ത്തി​നു ചേർച്ച​യിൽ പ്രവർത്തി​ക്കാ​നും മറ്റുള്ള​വരെ കൂടുതൽ നന്നായി സേവി​ക്കാ​നുള്ള ആഗ്രഹം വളർത്തി​യെ​ടു​ക്കാ​നും കഴിവി​ന്റെ പരമാ​വധി ശ്രമി​ക്കുക. അങ്ങനെ ചെയ്യു​ന്നെ​ങ്കിൽ ഇപ്പോൾത്തന്നെ നിങ്ങൾക്കു നല്ലൊരു ജീവിതം ഉണ്ടായി​രി​ക്കും. മാത്രമല്ല “യഥാർഥ​ജീ​വ​നിൽ പിടി​യു​റ​പ്പി​ക്കാ​നും” നിങ്ങൾക്കു കഴിയും.—1 തിമൊ. 6:18, 19.