മാർഗ​നിർദേ​ശ​ത്തി​നാ​യി യഹോ​വ​യി​ലേക്കു നോക്കു​ന്നു

യഹോ​വ​യു​ടെ സാക്ഷി​ക​ളാ​യ​തി​ന്റെ പേരിൽ, എന്നോ​ടും എന്റെ ഭാര്യ സിറ്റ്‌സോ​യോ​ടും എന്റെ അമ്മയ്‌ക്കു ദേഷ്യ​മാ​യി​രു​ന്നു. ഒരു ദിവസം അമ്മ എല്ലാ ബന്ധുക്ക​ളെ​യും വിളി​ച്ചു​വ​രു​ത്തി. അവരെ​ക്കൊണ്ട്‌ നിർബ​ന്ധി​പ്പിച്ച്‌ എന്നെ പിന്തി​രി​പ്പി​ക്കു​ക​യാ​യി​രു​ന്നു ലക്ഷ്യം. എനിക്കു രണ്ടു വഴി അവർ നിർദേ​ശി​ച്ചു. ഒന്നുകിൽ മനസ്സു​മാ​റ്റുക. അല്ലെങ്കിൽ വീടു​വിട്ട്‌ പോകുക.

ആ പട്ടണം വിട്ടു​പോ​കാൻതന്നെ ഞാൻ തീരു​മാ​നി​ച്ചു. മെറ്റൽ ഫാക്‌ട​റി​യിൽ ജോലി ചെയ്‌ത്‌ പരിച​യ​മുള്ള എനിക്കു ജോർജി​യ​യി​ലെ രണ്ടാമത്തെ വലിയ പട്ടണമായ കുട്ടെയ്‌സി​യിൽ ജോലി കിട്ടാൻ എളുപ്പ​മാ​യി​രു​ന്നു. അതു​കൊണ്ട്‌ അവി​ടേക്കു പോകു​ന്ന​തി​നെ​ക്കു​റിച്ച്‌ ഞാൻ ചിന്തിച്ചു. മാത്രമല്ല അവി​ടെ​യാ​ണെ​ങ്കിൽ പ്രചാ​ര​ക​രു​ടെ ആവശ്യ​വു​മു​ണ്ടാ​യി​രു​ന്നു. അതിനാൽ ഞാൻ മാർഗ​നിർദേ​ശ​ത്തി​നാ​യി യഹോ​വ​യി​ലേക്കു നോക്കി.

അധികം താമസി​യാ​തെ ജ്വാരി എന്ന ചെറിയ പട്ടണത്തി​ലുള്ള എന്റെ ഒരു ബൈബിൾവി​ദ്യാർഥി​യെ ഞാൻ കണ്ടുമു​ട്ടി. കുട്ടെയ്‌സി​യി​ലേക്കു ഞാൻ പോകു​ക​യാ​ണെന്നു കേട്ട​പ്പോൾ അതിനു​പ​കരം അദ്ദേഹ​ത്തി​ന്റെ പട്ടണത്തി​ലേക്കു വരാൻ എന്നോട്‌ അപേക്ഷി​ച്ചു. അദ്ദേഹം പറഞ്ഞു: “എനി​ക്കൊ​രു വീടുണ്ട്‌. ഞാനും ഭാര്യ​യും കുട്ടി​ക​ളും ഒരു മുറി​യിൽ താമസി​ച്ചോ​ളാം. മറ്റേ മുറി നിങ്ങൾക്ക്‌ ഉപയോ​ഗി​ക്കാം.”

ഞാൻ യഹോ​വ​യു​ടെ മാർഗ​നിർദേശം ആഗ്രഹി​ച്ചു. അതു​കൊണ്ട്‌, പെട്ടെ​ന്നു​തന്നെ ഒരു ജോലി​യും വാടക​യ്‌ക്ക്‌ ഒരു വീടും കിട്ടു​മെ​ന്നു​ണ്ടെ​ങ്കിൽ അദ്ദേഹ​ത്തി​ന്റെ ക്ഷണം തത്‌കാ​ല​ത്തേക്കു സ്വീക​രി​ക്കാ​മെന്നു പറഞ്ഞു. എന്നെ അതിശ​യി​പ്പി​ച്ചു​കൊണ്ട്‌ ആ വൈകു​ന്നേ​രം​തന്നെ അദ്ദേഹം കുറെ ജോലി​ക​ളു​ടെ ഒരു ലിസ്റ്റു​മാ​യി എന്റെ അടുക്ക​ലെത്തി.

കുറച്ച്‌ ദിവസം കഴിഞ്ഞ​പ്പോൾ ഞങ്ങൾ ജ്വാരി​യിൽ താമസ​മാ​യി. അവിടെ എത്തി ആദ്യദി​വ​സം​തന്നെ നല്ല ശമ്പളമുള്ള ഒരു ജോലി എനിക്കു കിട്ടി. എന്റെ ഓഫീസർ കമ്പനിവക ഒരു വലിയ വീടും താമസി​ക്കാൻ തന്നു. അങ്ങനെ​യി​രി​ക്കെ ബൈബിൾപ്ര​സി​ദ്ധീ​ക​ര​ണങ്ങൾ രഹസ്യ​ത്തിൽ പ്രിന്റ്‌ ചെയ്യാ​മോ എന്നു സഹോ​ദ​രങ്ങൾ എന്നോടു ചോദി​ച്ചു. ഞങ്ങളുടെ പുതിയ വീട്ടിൽ ഒത്തിരി സ്ഥലമു​ണ്ടാ​യി​രു​ന്ന​തി​നാൽ ആ നിയമനം ഞങ്ങൾ സന്തോ​ഷ​ത്തോ​ടെ ഏറ്റെടു​ത്തു.

പിന്നീട്‌ പല വർഷങ്ങ​ളോ​ളം പ്രത്യേക പരിപാ​ടി​ക​ളും സ്‌മാ​ര​ക​വും ഞങ്ങളുടെ വീട്ടിൽവെച്ച്‌ നടത്താൻ കഴിഞ്ഞു. 500-ഓളം പേർക്ക്‌ വീട്ടിൽവെച്ച്‌ സ്‌നാ​ന​മേൽക്കാ​നു​മാ​യി! യഹോ​വ​യു​ടെ വഴിന​ട​ത്തി​പ്പി​നു ചേർച്ച​യിൽ പ്രവർത്തി​ച്ച​തിൽ എനിക്കു സന്തോ​ഷമേ ഉള്ളൂ.