എന്റെ ജീവിതം ഒരു വിജയ​മാണ്‌!

ബൈബിൾസ​ത്യം ഞാൻ ആദ്യമാ​യി കേൾക്കു​ന്നത്‌ 1989-ൽ ആണ്‌. അന്നു ഞാൻ ജന്മനാ​ടായ സെനാ​കി​യിൽ കമ്മ്യൂ​ണിസ്റ്റ്‌ പാർട്ടി​യു​ടെ ഒരു പ്രധാന അംഗമാ​യി പ്രവർത്തി​ക്കു​ക​യാ​യി​രു​ന്നു. ജോർജി​യ​യി​ലെ ഇന്നത്തെ പാർല​മെ​ന്റി​നു തുല്യ​മായ സുപ്രീം​സോ​വി​യ​റ്റി​ലെ സ്ഥിരാം​ഗ​ത്വ​വും എനിക്കു​ണ്ടാ​യി​രു​ന്നു. ഒരു ചെറു​പ്പ​ക്കാ​ര​നു​മാ​യി എന്റെ വിവാ​ഹ​നി​ശ്ച​യ​വും കഴിഞ്ഞി​രു​ന്നു. ആകെപ്പാ​ടെ നോക്കു​മ്പോൾ എന്റെ ജീവിതം ഒരു വിജയ​മാ​ണെന്ന്‌ എനിക്കു തോന്നി.

ദൈവത്തെ സ്‌നേ​ഹി​ക്കാൻ മാതാ​പി​താ​ക്കൾ എന്നെ പഠിപ്പി​ച്ചി​രു​ന്നു. അതിനാൽ ഒരു കമ്മ്യൂ​ണി​സ്റ്റാ​യി​ട്ടും ഞാൻ ദൈവ​ത്തിൽ വിശ്വ​സി​ച്ചു. ബൈബിൾ പഠിക്കാൻ തുടങ്ങി​യ​പ്പോൾ എന്റെ ചോദ്യ​ങ്ങൾക്കെ​ല്ലാം തൃപ്‌തി​ക​ര​മായ ഉത്തരങ്ങൾ ഞാൻ അതിൽ കണ്ടെത്തി. അതു​കൊണ്ട്‌ ജീവിതം യഹോ​വയ്‌ക്കു സമർപ്പി​ക്കാൻ ഞാൻ തീരു​മാ​നി​ച്ചു. എന്നാൽ കുടും​ബാം​ഗ​ങ്ങ​ളും കൂട്ടു​കാ​രും സഹപ്ര​വർത്ത​ക​രും എന്റെ ഭാവി​വ​ര​നും ഈ തീരു​മാ​നത്തെ പിന്തു​ണ​ച്ചില്ല.

എന്റെ പുതിയ വിശ്വാ​സം​മൂ​ലം വീട്ടു​കാർ എന്നെ ഉപേക്ഷി​ച്ചു. കൂടാതെ, ഞാൻ പഠിച്ച ബൈബിൾസ​ത്യം എന്റെ രാഷ്‌ട്രീ​യ​പ്ര​വർത്ത​ന​വു​മാ​യി ഒത്തു​പോ​കി​ല്ലാ​യി​രു​ന്നു. അതു​കൊണ്ട്‌ നിശ്ചയിച്ച വിവാ​ഹ​ത്തിൽനിന്ന്‌ പിന്മാ​റാ​നും വീടു വിട്ടു​പോ​കാ​നും ഞാൻ തീരു​മാ​ന​മെ​ടു​ത്തു. കമ്മ്യൂ​ണിസ്റ്റ്‌ പാർട്ടി​യി​ലും സുപ്രീം​സോ​വി​യ​റ്റി​ലും ഉണ്ടായി​രുന്ന അംഗത്വം രാജി​വെ​ക്കാ​നും ജോലി ഉപേക്ഷി​ക്കാ​നും ഞാൻ തീരു​മാ​നി​ച്ചു. സ്‌നാ​ന​മേ​റ്റ​ശേഷം കുടും​ബ​ത്തിൽനി​ന്നും സുഹൃ​ത്തു​ക്ക​ളിൽനി​ന്നും ഉള്ള സമ്മർദം ഏറിവന്നു. നാട്ടിൽ അറിയ​പ്പെ​ട്ടി​രുന്ന ആളായി​രു​ന്ന​തു​കൊണ്ട്‌ ഞാൻ കുട്ടെ​യ്‌സി നഗരത്തി​ലേക്കു മാറി​ത്താ​മ​സി​ച്ചു. ഉടൻതന്നെ മുൻനി​ര​സേ​വ​ന​വും തുടങ്ങി.

ഞാൻ അനുഭ​വിച്ച കഷ്ടപ്പാ​ടു​കൾ നോക്കി​യാൽ എന്റെ തീരു​മാ​നം ശരിയാ​യി​രു​ന്നോ എന്ന്‌ ആളുകൾ ചോദി​ക്കാ​റുണ്ട്‌. ഒരു സംശയ​വും കൂടാതെ സന്തോ​ഷ​ത്തോ​ടെ എന്റെ തീരു​മാ​നം ശരിയാ​യി​രു​ന്നെന്നു ഞാൻ പറയും. മാതാ​പി​താ​ക്കൾക്ക്‌ എന്റെ തീരു​മാ​നങ്ങൾ പൂർണ​മാ​യി മനസ്സി​ലാ​യി​ല്ലെ​ങ്കി​ലും ദൈവ​ത്തെ​യും അയൽക്കാ​രെ​യും സ്‌നേ​ഹി​ക്കാൻ അവരാണ്‌ എന്നെ പഠിപ്പി​ച്ചത്‌. അവരോട്‌ എന്നും എനിക്ക്‌ കടപ്പാ​ടുണ്ട്‌. അവർ പഠിപ്പിച്ച കാര്യങ്ങൾ ജീവി​ത​ത്തിൽ എന്നെ ഏറെ സഹായി​ച്ചി​രി​ക്കു​ന്നു.