ഒരു മാറ്റം ഞാൻ ആഗ്രഹി​ച്ചു

സോവി​യറ്റ്‌ അധികാ​രി​കൾ, 1985-ൽ എനിക്ക്‌ 18 വയസ്സു​ള്ള​പ്പോൾ എന്നെ സൈനി​ക​സേ​വ​ന​ത്തി​നു വിളിച്ചു. അവിടത്തെ അനീതി​യും ക്രൂര​ത​യും എന്നെ വല്ലാതെ അസ്വസ്ഥ​നാ​ക്കി. ഞാൻ സങ്കട​ത്തോ​ടെ സ്വയം പറഞ്ഞു: ‘എനിക്ക്‌ ഇവരെ​പ്പോ​ലെ​യാ​കേണ്ടാ. ഞാൻ വ്യത്യസ്‌ത​നാ​യി​രി​ക്കണം.’ എങ്കിലും ഞാൻ ആഗ്രഹിച്ച രീതി​യിൽ പെരു​മാ​റാൻ എനിക്ക്‌ എപ്പോ​ഴും കഴിഞ്ഞില്ല. ഒരു മാറ്റം ഞാൻ ആഗ്രഹി​ച്ചു.

സൈനി​ക​സേ​വ​നം പൂർത്തി​യാ​ക്കി ഞാൻ വീട്ടിൽ മടങ്ങി​യെത്തി. ഒരു രാത്രി, ഒരു പാർട്ടി​യിൽ പങ്കെടു​ത്തു കഴിഞ്ഞ്‌, ജീവി​ത​ത്തിൽ ആഗ്രഹിച്ച മാറ്റങ്ങ​ളൊ​ന്നും നടക്കാ​ത്ത​തി​ന്റെ നിരാ​ശ​യിൽ ഞാൻ ദൈവ​ത്തോ​ടു പ്രാർഥി​ച്ചു. പിറ്റേ ദിവസം ജോലി​ക്കു പോകുന്ന വഴിയിൽ യഹോ​വ​യു​ടെ സാക്ഷി​യാ​യി​രുന്ന എന്റെ ആന്റിയു​ടെ വീട്ടിൽ ഞാൻ കയറി. അവിടെ ഒരു ചെറിയ കൂട്ടം സാക്ഷികൾ മീറ്റി​ങ്ങി​നാ​യി വന്നുകൂ​ടി​യി​രു​ന്നു. അവർ എന്നെ സന്തോ​ഷ​ത്തോ​ടെ സ്വാഗതം ചെയ്‌തു. അതിനാൽ അവരു​ടെ​കൂ​ടെ ആ പരിപാ​ടി ശ്രദ്ധി​ക്കാൻ ഞാൻ തീരു​മാ​നി​ച്ചു.

അവരോ​ടൊത്ത്‌ ഒരു ബൈബിൾപ​ഠ​ന​ത്തിന്‌ ഞാൻ സമ്മതിച്ചു. അങ്ങനെ ആറു മാസം കഴിഞ്ഞ്‌ ഞാൻ സ്‌നാ​ന​മേറ്റു. എനിക്കു സ്വന്തമാ​യി വരുത്താൻ കഴിയാ​തി​രുന്ന മാറ്റം യഹോ​വ​യു​ടെ സഹായ​ത്താൽ എനിക്കു നേടി​യെ​ടു​ക്കാ​നാ​യി. അങ്ങനെ ഞാൻ ഒരു മെച്ചപ്പെട്ട വ്യക്തി​യാ​യി​ത്തീർന്നു.