ഇത്രയും നാൾ നിങ്ങൾ എവി​ടെ​യാ​യി​രു​ന്നു?

ശുശ്രൂഷ വികസി​പ്പി​ക്കാൻ ആഗ്രഹ​മു​ണ്ടോ എന്നു സ്‌നാ​ന​മേറ്റ്‌ വൈകാ​തെ മൂപ്പന്മാർ എന്നോടു ചോദി​ച്ചു. ആവശ്യം അധിക​മു​ള്ളി​ടത്ത്‌ സേവി​ക്കാൻ ആഗ്രഹി​ക്കു​ന്ന​വർക്കു​വേണ്ടി 1992 മെയ്‌ 4-ന്‌ സംഘടി​പ്പിച്ച ഒരു പ്രത്യേക യോഗ​ത്തിൽ ഞാൻ പങ്കെടു​ത്തു. പിറ്റേ​ദി​വസം എന്റെ സേവന​പ​ങ്കാ​ളി​യോ​ടൊത്ത്‌ അജാരിയ മേഖല​യി​ലുള്ള ബടുമി തുറമു​ഖ​ത്തേക്കു ഞങ്ങൾ പോയി.

ബടുമി​യിൽ പ്രസം​ഗ​പ്ര​വർത്തനം തുടങ്ങിയ എനിക്കു ഭയങ്കര പേടി​യാ​യി​രു​ന്നു. ഞാൻ സ്വയം ഇങ്ങനെ ചോദി​ച്ചു: ‘ഞാൻ ആളുകളെ എങ്ങനെ സമീപി​ക്കും, അവരോട്‌ എന്തു പറയും?’ ഞാൻ ആദ്യം കണ്ടുമു​ട്ടി​യത്‌ ഒരു സ്‌ത്രീ​യെ​യാ​യി​രു​ന്നു. അവർ ഇങ്ങനെ ചോദി​ച്ചത്‌ എന്നെ അതിശ​യി​പ്പി​ച്ചു: “ഇത്രയും നാൾ നിങ്ങൾ എവി​ടെ​യാ​യി​രു​ന്നു?” സാക്ഷി​ക​ളെ​ക്കു​റിച്ച്‌ കൂടുതൽ അറിയാൻ അവർക്കു വളരെ​യ​ധി​കം താത്‌പ​ര്യം ഉണ്ടായി​രു​ന്ന​തു​കൊണ്ട്‌ തൊട്ട​ടുത്ത ദിവസം തന്നെ അവർ ഞങ്ങളോ​ടൊത്ത്‌ ബൈബിൾ പഠിക്കാൻ തുടങ്ങി!

ബടുമി​യി​ലേ​ക്കു തിരി​ക്കു​ന്ന​തി​നു മുമ്പ്‌ താത്‌പ​ര്യ​മു​ളള ആളുക​ളു​ടെ ഒരു ലിസ്റ്റ്‌ ഞങ്ങൾക്കു കിട്ടി​യി​രു​ന്നു. ആ നഗരം അത്ര പരിചയം ഇല്ലാതി​രു​ന്ന​തു​കൊണ്ട്‌ ആളുകളെ കണ്ടെത്താൻ ഞങ്ങൾ പോകാ​നുള്ള വഴി അന്വേ​ഷി​ക്കു​മാ​യി​രു​ന്നു. മിക്കവർക്കും ഞങ്ങളെ സഹായി​ക്കാൻ കഴിഞ്ഞില്ല. കാരണം പല തെരു​വു​കൾക്കും അടുത്ത കാലത്ത്‌ പുതിയ പേരുകൾ നൽകി​യി​രു​ന്നു. എങ്കിലും ആ ആളുകൾ നമ്മുടെ സന്ദേശ​ത്തോ​ടു താത്‌പ​ര്യം കാണിച്ചു. പെട്ടെന്നു തന്നെ ഞങ്ങൾ പത്തുമു​തൽ പതിന​ഞ്ചു​വരെ ആളുക​ളുള്ള കൂട്ടങ്ങ​ളു​മാ​യി ബൈബിൾപ​ഠ​നങ്ങൾ നടത്താൻ തുടങ്ങി.

ഞങ്ങൾ വന്നിട്ട്‌ നാലു മാസം കഴിഞ്ഞ​പ്പോൾ ഏതാണ്ട്‌ നാൽപ്പ​തി​ല​ധി​കം പേർ ക്രമമാ​യി മീറ്റി​ങ്ങു​കൾക്കു വരാൻ തുടങ്ങി. അപ്പോൾ ഞങ്ങളുടെ ചിന്ത ഇതായി: ‘ഈ പുതിയ ആളുക​ളെ​യെ​ല്ലാം ആരാണു സഹായി​ക്കുക?’ ഈ സമയത്ത്‌, ജോർജി​യൻ പട്ടാള​വും അബ്‌ഖാ​സി​യ​യി​ലെ വിഭജ​ന​വാ​ദി​ക​ളും തമ്മിലുള്ള പ്രശ്‌നം കാരണം എന്റെ പഴയ സഭയിലെ അംഗങ്ങൾ മുഴുവൻ ബടുമി​യി​ലേക്കു വന്നു. അങ്ങനെ പരിച​യ​സ​മ്പ​ന്ന​രായ ഇടയന്മാ​രും മുൻനി​ര​സേ​വ​ക​രും അടങ്ങിയ പുതിയ സഭ ഒറ്റദി​വ​സ​ത്തി​നു​ള്ളിൽ രൂപം കൊണ്ടു!