ഒരുമി​ച്ചു​നി​ന്നാൽ രാഷ്ട്ര​ങ്ങൾക്ക്‌ കാലാ​വ​സ്ഥാ​ദു​രന്തം ഒഴിവാ​ക്കാ​നാ​കു​മോ?—ബൈബി​ളി​നു പറയാ​നു​ള്ളത്‌

2022 നവംബർ 20 ഞായറാഴ്‌ച, ഐക്യ​രാ​ഷ്ട്ര സംഘട​ന​യു​ടെ കാലാവസ്ഥ ഉച്ചകോ​ടി (സിഒപി 27) സമാപി​ച്ചു. കാലാ​വ​സ്ഥാ​ദു​ര​ന്തത്തെ നേരി​ടു​ന്ന​തി​നാ​യി ദരിദ്ര രാജ്യ​ങ്ങളെ സാമ്പത്തി​ക​മാ​യി സഹായി​ക്കാ​നുള്ള സുപ്ര​ധാ​ന​മായ കരാറിൽ എത്തി​ച്ചേർന്നെ​ങ്കി​ലും കാലാ​വ​സ്ഥാ​വ്യ​തി​യാ​ന​ങ്ങൾക്ക്‌ അത്‌ ഒരു മാറ്റവും കൊണ്ടു​വ​രി​ല്ലെന്നു പലരും ചിന്തി​ക്കു​ന്നു.

• “നാശന​ഷ്ട​ത്തി​നാ​യി ഫണ്ട്‌ രൂപീ​ക​രി​ക്കാ​നുള്ള തീരു​മാ​നം വളരെ നല്ലതാണ്‌. . . . പക്ഷേ അതു​കൊണ്ട്‌ മാത്രം കാര്യ​മില്ല. . . . നമ്മുടെ ഭൂഗ്രഹം ഇപ്പോ​ഴും അത്യാ​സ​ന്ന​നി​ല​യി​ലാണ്‌.”—ഐക്യ​രാ​ഷ്ട്ര സംഘട​ന​യു​ടെ സെക്ര​ട്ടറി ജനറലായ അന്റോ​ണി​യോ ഗുട്ടെ​റസ്‌, 2022 നവംബർ 19.

• “ഈ ലോകം കാലാ​വ​സ്ഥാ​ദു​ര​ന്ത​ത്തി​ന്റെ വക്കിലാണ്‌.”—മേരി റോബിൻസൺ, അയർലൻഡി​ന്റെ മുൻ പ്രസി​ഡ​ന്റും ഐക്യ​രാ​ഷ്ട്ര സംഘട​ന​യു​ടെ മുൻ മനുഷ്യാ​വ​കാശ ഹൈക്ക​മ്മീ​ഷ​ണ​റും, 2022 നവംബർ 20.

നമ്മുടെ ഭൂഗ്ര​ഹ​ത്തിന്‌ നാളെ എന്തു സംഭവി​ക്കു​മെന്ന ആശങ്ക പലർക്കും ഉണ്ട്‌, പ്രത്യേ​കിച്ച്‌ ചെറു​പ്പ​ക്കാർക്ക്‌. കാലാ​വ​സ്ഥാ​പ്ര​ശ്‌നങ്ങൾ പരിഹ​രി​ക്കു​മെന്ന്‌ ലോക​നേ​താ​ക്കൾ ഉറപ്പു തരുന്നു​ണ്ടെ​ങ്കി​ലും ഒറ്റക്കെ​ട്ടാ​യി​നിന്ന്‌ അതു ചെയ്യാൻ അവർക്ക്‌ കഴിയു​മോ? ബൈബിൾ എന്താണ്‌ പറയു​ന്നത്‌?

രാഷ്ട്ര​ങ്ങൾക്ക്‌ ഒന്നിച്ചു​നിൽക്കാ​നും വിജയി​ക്കാ​നും കഴിയു​മോ?

കാലാ​വ​സ്ഥാ​പ്ര​ശ്‌നങ്ങൾ പരിഹ​രി​ക്കാൻ ഗവൺമെ​ന്റു​കൾ എത്രതന്നെ ആത്മാർഥ​മാ​യി ശ്രമി​ച്ചാ​ലും അവർക്കു പരിമി​തി​യുണ്ട്‌. പൂർണ​മായ ഒരു പരിഹാ​രം കൊണ്ടു​വ​രാൻ അവർക്കു കഴിയി​ല്ലെന്ന്‌ ബൈബിൾ വ്യക്തമാ​ക്കു​ന്നു. അതിന്റെ രണ്ടു കാരണങ്ങൾ നമുക്കു നോക്കാം:

• “വളഞ്ഞി​രി​ക്കു​ന്നതു നേരെ​യാ​ക്കാൻ സാധി​ക്കില്ല.”—സഭാ​പ്ര​സം​ഗകൻ 1:15.

  അർഥം: മനുഷ്യ​നു മനുഷ്യ​നെ ഭരിക്കാ​നുള്ള പ്രാപ്‌തി​യില്ല. അതു​കൊ​ണ്ടു​തന്നെ മനുഷ്യ​ഗ​വൺമെ​ന്റു​കൾക്ക്‌ തങ്ങൾ ആഗ്രഹി​ക്കു​ന്ന​തെ​ല്ലാം ചെയ്യാൻ സാധി​ക്കു​ന്നില്ല. (യിരെമ്യ 10:23) രാഷ്ട്രങ്ങൾ ഒറ്റക്കെ​ട്ടാ​യി നിന്നാ​ലും, അവർ എത്ര​യൊ​ക്കെ ശ്രമി​ച്ചാ​ലും ലോക​ത്തി​ലെ പ്രശ്‌നങ്ങൾ പൂർണ​മാ​യി പരിഹ​രി​ക്കുക അവർക്ക്‌ അസാധ്യ​മാണ്‌.

• “മനുഷ്യർ സ്വസ്‌നേ​ഹി​ക​ളും പണക്കൊ​തി​യ​ന്മാ​രും . . . ഒരു കാര്യ​ത്തോ​ടും യോജി​ക്കാ​ത്ത​വ​രും . . . ആയിരി​ക്കും.”—2 തിമൊ​ഥെ​യൊസ്‌ 3:2, 3.

  അർഥം: നമ്മുടെ കാലത്തെ പല ആളുക​ളും സ്വാർഥ​രും നല്ല കാര്യ​ങ്ങൾക്കു​വേണ്ടി ഒരുമിച്ച്‌ പ്രവർത്തി​ക്കാൻ മടി കാണി​ക്കു​ന്ന​വ​രും ആയിരി​ക്കു​മെന്നു ബൈബിൾ കൃത്യ​മാ​യി മുൻകൂ​ട്ടി​പ്പ​റ​ഞ്ഞി​ട്ടുണ്ട്‌.

പ്രതീ​ക്ഷ​യ്‌ക്കു വകയുണ്ട്‌

മനുഷ്യ​രു​ടെ വാക്കു​ക​ളി​ലും ഉറപ്പു​ക​ളി​ലും അല്ല നമ്മുടെ ഭൂഗ്ര​ഹ​ത്തി​ന്റെ ഭാവി. പ്രാപ്‌ത​നായ ഒരു ഭരണാ​ധി​കാ​രി​യെ ദൈവം ലോക​ത്തി​നു നൽകി​യി​ട്ടുണ്ട്‌. അത്‌ യേശു​ക്രി​സ്‌തു​വാണ്‌. യേശു​വി​നെ​ക്കു​റിച്ച്‌ ബൈബിൾ ഇങ്ങനെ പറയുന്നു:

• “ഗവൺമെന്റ്‌ അവന്റെ തോളിൽ ഇരിക്കും. അതുല്യ​നായ ഉപദേ​ശകൻ, ശക്തനാം ദൈവം, നിത്യ​പി​താവ്‌, സമാധാ​ന​പ്രഭു എന്നെല്ലാം അവനു പേരാ​കും.”—യശയ്യ 9:6, അടിക്കു​റിപ്പ്‌.

സ്വർഗ​ത്തിൽനിന്ന്‌ ഭരിക്കുന്ന ദൈവ​രാ​ജ്യ​മെന്ന ഗവൺമെ​ന്റി​ന്റെ രാജാ​വാണ്‌ യേശു. (മത്തായി 6:10) ഭൂമി​യെ​യും ഭൂവാ​സി​ക​ളെ​യും പരിപാ​ലി​ക്കാ​നുള്ള ശക്തിയും ജ്ഞാനവും ആഗ്രഹ​വും യേശു​വി​നുണ്ട്‌. (സങ്കീർത്തനം 72:12, 16) യേശു​വി​ന്റെ നേതൃ​ത്വ​ത്തിൻകീ​ഴിൽ ഈ സ്വർഗീയ ഗവൺമെന്റ്‌ “ഭൂമിയെ നശിപ്പി​ക്കു​ന്ന​വരെ” അതിൽനിന്ന്‌ തടയും, ഭൂമി​ക്കു​ണ്ടായ എല്ലാ കേടു​പാ​ടു​ക​ളും നീക്കും.—വെളി​പാട്‌ 11:18; യശയ്യ 35:1, 7.

വിനാ​ശ​ക​ര​മായ കാലാ​വ​സ്ഥാ​വ്യ​തി​യാ​ന​ത്തി​നുള്ള ഏറ്റവും നല്ല ഈ പരിഹാ​ര​ത്തെ​ക്കു​റിച്ച്‌ കൂടുതൽ അറിയാൻ “കാലാ​വസ്ഥാ വ്യതി​യാ​ന​വും നമ്മുടെ ഭാവി​യും—ബൈബിൾ പറയു​ന്നത്‌” എന്ന ലേഖനം വായി​ക്കുക.