നമ്മുടെ ദുരി​ത​ങ്ങൾക്ക്‌ ദൈവ​മാ​ണോ കുറ്റക്കാ​രൻ?

ബൈബി​ളി​ന്റെ ഉത്തരം

അല്ല എന്ന്‌ ബൈബിൾ വ്യക്തമാ​യി പറയുന്നു. ദുരി​ത​ങ്ങൾ മനുഷ്യ​രെ​ക്കു​റി​ച്ചു​ള്ള ദൈവ​ത്തി​ന്റെ ഉദ്ദേശ്യ​ത്തി​ന്റെ ഭാഗമാ​യി​രു​ന്നി​ല്ല. എന്നാൽ ആദ്യമ​നു​ഷ്യ​ജോ​ടി​കൾ തെറ്റും ശരിയും സംബന്ധിച്ച്‌ സ്വന്തം നിലവാ​ര​ങ്ങൾ തിര​ഞ്ഞെ​ടു​ക്കു​ക​യും ദൈവ​ത്തി​നെ​തി​രെ മത്സരി​ക്കു​ക​യും ചെയ്‌തു. അവർ ദൈവ​ത്തിൽനിന്ന്‌ അകന്നു​മാ​റി അതിന്റെ അനന്തര​ഫ​ല​ങ്ങൾ അനുഭ​വി​ച്ചു.

അവരുടെ തെറ്റായ തിര​ഞ്ഞെ​ടു​പ്പി​ന്റെ ഫലം ഇന്ന്‌ നമ്മളും അനുഭ​വി​ച്ചു​കൊ​ണ്ടി​രി​ക്കു​ന്നു. എന്നാൽ മനുഷ്യ​രു​ടെ ദുരി​ത​ങ്ങൾക്ക്‌ തുടക്ക​മി​ട്ടത്‌ ദൈവം അല്ല, ഒരിക്ക​ലും അല്ല.

ബൈബിൾ പറയുന്നു: “പരീക്ഷ നേരിടുമ്പോൾ, “ദൈവം എന്നെ പരീക്ഷി​ക്കു​ക​യാ​കു​ന്നു” എന്ന്‌ ആരും പറയാ​തി​രി​ക്ക​ട്ടെ. ദോഷങ്ങളാൽ ദൈവത്തെ ആർക്കും പരീക്ഷി​ക്കു​ക സാധ്യമല്ല; ദൈവ​വും ആരെയും പരീക്ഷി​ക്കു​ന്നി​ല്ല.” (യാക്കോബ്‌ 1:13) ദൈവ​പ്രീ​തി​യു​ള്ള​വർ ഉൾപ്പെടെ എല്ലാവ​രെ​യും ദുരി​ത​ങ്ങൾ ഞെരു​ക്കു​ന്നു.