വായന​ക്കാ​രിൽനി​ന്നുള്ള ചോദ്യ​ങ്ങൾ

മനുഷ്യരക്തത്തിൽനിന്ന്‌ എടുത്ത ആൽബു​മിൻ അടങ്ങുന്ന ഒരു പ്രതി​രോധ കുത്തി​വ​യ്‌പോ മററ്‌ ഏതെങ്കി​ലും ചികി​ത്സാ​പ​ര​മായ കുത്തി​വ​യ്‌പോ സ്വീക​രി​ക്കു​ന്നത്‌ ഉചിത​മാ​യി​രി​ക്കു​മോ?

തുറന്നു പറഞ്ഞാൽ, ഓരോ ക്രിസ്‌ത്യാ​നി​യും ഇക്കാര്യ​ത്തിൽ വ്യക്തി​പ​ര​മാ​യി തീരു​മാ​ന​മെ​ടു​ക്കണം.

ദൈവ​ത്തി​ന്റെ ദാസൻമാർ ഉചിത​മാ​യും പ്രവൃ​ത്തി​കൾ 15:28, 29-ൽ കാണുന്ന രക്തത്തിൽനിന്ന്‌ ഒഴിഞ്ഞി​രി​ക്കാ​നുള്ള നിർദ്ദേശം അനുസ​രി​ക്കാൻ ആഗ്രഹി​ക്കു​ന്നു. തദനു​സ​രണം, ക്രിസ്‌ത്യാ​നി​കൾ രക്തം ഒഴുക്കി​ക്ക​ള​യാത്ത മാംസ​മോ ബഡ്‌ള്‌ സോ​സേജ്‌ പോലുള്ള ഉത്‌പ​ന്ന​ങ്ങ​ളോ ഭക്ഷിക്കു​ക​യില്ല. എന്നാൽ ദൈവ​ത്തി​ന്റെ നിയമം ചികി​ത്സാ​രം​ഗ​ത്തും ബാധക​മാ​കു​ന്നു. യഹോ​വ​യു​ടെ സാക്ഷികൾ ‘രക്തപകർച്ച​ക​ളോ തനി രക്തമോ ചുവന്ന രക്തകോ​ശ​ങ്ങ​ളോ ശ്വേതാ​ണു​ക്ക​ളോ ബിംബാ​ണു​ക്ക​ളോ പ്ലാസ്‌മ​യോ’ നിരസി​ക്കു​ന്നു​വെന്നു പ്രസ്‌താ​വി​ക്കുന്ന ഒരു പ്രമാണം അവർ കൊണ്ടു​ന​ട​ക്കു​ന്നു. എങ്കിലും, ഒരു ചെറിയ അളവിൽ രക്ത​പ്രോ​ട്ടീൻ അടങ്ങുന്ന സീറം കുത്തി​വ​യ്‌പു​കളെ സംബന്ധി​ച്ചെന്ത്‌?

ഇത്‌ ഓരോ വ്യക്തി​യു​ടെ​യും ബൈബിൾ പരിശീ​ലിത മനഃസാ​ക്ഷി​യ​നു​സ​രി​ച്ചു സ്വകാ​ര്യ​മാ​യി തീരു​മാ​നി​ക്കേണ്ട വിഷയ​മാ​ണെന്ന്‌ യഹോ​വ​യു​ടെ സാക്ഷികൾ ദീർഘ​കാ​ല​മാ​യി തിരി​ച്ച​റി​ഞ്ഞി​രി​ക്കു​ന്നു. ഇത്‌ 1990 ജൂൺ 1-ലെ വീക്ഷാ​ഗോ​പു​ര​ത്തിൽ (ഇംഗ്ലീഷ്‌) “വായന​ക്കാ​രിൽനി​ന്നുള്ള ചോദ്യങ്ങ”ളിൽ ചൂണ്ടി​ക്കാ​ണി​ക്കു​ക​യു​ണ്ടാ​യി. അത്‌ ഒരുവൻ ചില രോഗ​ങ്ങൾക്കു വിധേ​യ​നാ​കു​ന്നെ​ങ്കിൽ ഡോക്ടർ ശുപാർശ ചെയ്‌തേ​ക്കാ​വുന്ന സീറം കുത്തി​വ​യ്‌പു​ക​ളെ​ക്കു​റി​ച്ചു ചർച്ച ചെയ്‌തു. അത്തരം കുത്തി​വ​യ്‌പു​ക​ളു​ടെ സജീവ ഘടകങ്ങൾ തനി പ്ലാസ്‌മയല്ല പിന്നെ​യോ പ്രതി​രോ​ധ​ശേഷി വികസി​പ്പി​ച്ചെ​ടു​ത്തി​ട്ടു​ള്ള​വ​രു​ടെ രക്തത്തിലെ പ്ലാസ്‌മ​യിൽനി​ന്നുള്ള പ്രതി​വ​സ്‌തു​ക്കൾ ആണ്‌. നല്ല മനഃസാ​ക്ഷി​യോ​ടെ തങ്ങൾക്ക്‌ അത്തരം കുത്തി​വ​യ്‌പു​കൾ സ്വീക​രി​ക്കാൻ കഴിയു​മെന്നു വിചാ​രി​ക്കുന്ന ചില ക്രിസ്‌ത്യാ​നി​കൾ ഗർഭി​ണി​യായ ഒരു സ്‌ത്രീ​യു​ടെ രക്തത്തിൽനി​ന്നുള്ള പ്രതി​വ​സ്‌തു​ക്കൾ അവളുടെ ഗർഭാ​ശ​യ​ത്തി​ലുള്ള ശിശു​വി​ന്റെ രക്തത്തി​ലേക്കു പ്രവേ​ശി​ക്കു​ന്ന​താ​യി കുറി​ക്കൊ​ണ്ടി​രി​ക്കു​ന്നു. “വായന​ക്കാ​രിൽനി​ന്നുള്ള ചോദ്യ​ങ്ങൾ” ഇതും, ഗർഭി​ണി​യായ ഒരു സ്‌ത്രീ​യിൽനിന്ന്‌ അവളുടെ ശിശു​വി​ലേക്കു കുറെ ആൽബു​മിൻ പ്രവേ​ശി​ക്കു​ന്നു​വെന്ന വസ്‌തു​ത​യും സൂചി​പ്പി​ക്കു​ക​യു​ണ്ടാ​യി.

ഇതു ശ്രദ്ധേ​യ​മാ​ണെന്ന്‌ അനേകർ കണ്ടെത്തു​ന്നു, എന്തെന്നാൽ രക്തത്തിൽനി​ന്നു തയ്യാറാ​ക്കു​ന്ന​ത​ല്ലാത്ത ചില പ്രതി​രോധ മരുന്നു​ക​ളിൽ താരത​മ്യേന ചെറി​യൊ​ര​ള​വിൽ പ്ലാസ്‌മ ആൽബു​മിൻ അടങ്ങി​യേ​ക്കാം. അതു തയ്യാറാ​ക്കുന്ന സമയത്തു മൂലഘ​ട​കങ്ങൾ ഉറപ്പി​ച്ചു​നിർത്താൻ ഉപയോ​ഗി​ച്ച​തോ കൂട്ടി​ച്ചേർത്ത​തോ ആകാം. ഇക്കാലത്തു കൃത്രിമ ഹോർമോൺ EPO (എറിത്രോപയററിൻ) കുത്തി​വ​യ്‌പു​ക​ളിൽ ഒരു ചെറിയ അളവ്‌ ആൽബു​മി​നും ഉപയോ​ഗി​ക്ക​പ്പെ​ടു​ന്നു. ചില സാക്ഷികൾ EPO കുത്തി​വ​യ്‌പു​കൾ സ്വീക​രി​ച്ചി​ട്ടുണ്ട്‌, കാരണം അതിനു ചുവന്ന രക്തകോ​ശ​ങ്ങ​ളു​ടെ ഉത്‌പാ​ദ​നത്തെ ത്വരി​ത​പ്പെ​ടു​ത്താൻ കഴിയും. അതു​കൊണ്ട്‌ ഒരു രക്തപ്പകർച്ച ആവശ്യ​മാ​യി​വ​രാം എന്ന തോന്ന​ലിൽനിന്ന്‌ ഒരു ഡോക്ടറെ അതു സ്വത​ന്ത്ര​നാ​ക്കി​യേ​ക്കാം.

മരുന്നു​ക​മ്പ​നി​കൾ പുതിയ ഉത്‌പ​ന്നങ്ങൾ വികസി​പ്പി​ക്കു​ക​യോ നിലവി​ലു​ള്ള​തി​ന്റെ ഔഷധ​യോ​ഗം മാററു​ക​യോ ചെയ്യു​ന്ന​തു​കൊണ്ട്‌, താരത​മ്യേന ചെറി​യൊ​ര​ള​വിൽ ആൽബു​മിൻ അടങ്ങുന്ന മററു മരുന്നു​കൾ ഭാവി​യിൽ ഉപയോ​ഗ​ത്തിൽ വന്നേക്കാം. അതു​കൊണ്ട്‌ ഒരു ഡോക്ടർ ശുപാർശ ചെയ്യുന്ന പ്രതി​രോ​ധ​കു​ത്തി​വ​യ്‌പി​ലോ മറേറ​തെ​ങ്കി​ലും കുത്തി​വ​യ്‌പി​ലോ ആൽബു​മിൻ അടങ്ങി​യി​ട്ടു​ണ്ടോ എന്നു പരിചി​ന്തി​ക്കാൻ ക്രിസ്‌ത്യാ​നി​കൾ ആഗ്രഹി​ച്ചേ​ക്കാം. അവർക്കു സംശയം ഉണ്ടായി​രി​ക്കു​ക​യോ ആൽബു​മിൻ ഒരു ഘടകമാ​ണെന്നു വിശ്വ​സി​ക്കാൻ ന്യായ​മു​ണ്ടാ​യി​രി​ക്കു​ക​യോ ചെയ്യു​ന്നെ​ങ്കിൽ അവർക്ക്‌ അവരുടെ ഡോക്ട​റോട്‌ അന്വേ​ഷണം നടത്താൻ കഴിയും.

പ്രസ്‌താ​വി​ച്ച​തു​പോ​ലെ, അനേകം സാക്ഷികൾ ഒരു ചെറിയ അളവ്‌ ആൽബു​മിൻ അടങ്ങുന്ന ഒരു കുത്തി​വ​യ്‌പ്‌ സ്വീക​രി​ക്കു​ന്ന​തി​നു തടസ്സം പറഞ്ഞി​ട്ടില്ല. ഇനി, വ്യക്തി​പ​ര​മാ​യി ഒരു തീരു​മാ​നം എടുക്കു​ന്ന​തി​നു​മുമ്പ്‌, കുറേ​ക്കൂ​ടെ പൂർണ​മാ​യി ആ വിഷയം പഠിക്കാൻ ആഗ്രഹി​ക്കുന്ന ഏതൊ​രാ​ളും 1990 ജൂൺ 1-ലെ ദ വാച്ച്‌ട​വ​റിൽ “വായന​ക്കാ​രിൽനി​ന്നുള്ള ചോദ്യങ്ങ”ളിൽ അവതരി​പ്പി​ച്ചി​രി​ക്കുന്ന വിവരം പുനര​വ​ലോ​കനം നടത്തണം.