പുഞ്ചി​രി​ക്കൂ അതു നിങ്ങൾക്കു നല്ലതാണ്‌!

ജപ്പാനിലെ ഉണരുക! ലേഖകൻ

ഉള്ളി​ന്റെ​യു​ള്ളിൽ നിന്നാണു വരുന്ന​തെ​ങ്കിൽ, അതിന്റെ മുന്നിൽ സംശയ​ത്തി​ന്റെ പുകമറ അപ്രത്യ​ക്ഷ​മാ​കും. വർഷങ്ങ​ളി​ലൂ​ടെ മനസ്സിൽ അടിഞ്ഞു​കൂ​ടിയ പല മുൻവി​ധി​ക​ളെ​യും കഴുകി​ക്ക​ള​യാൻ അതിനാ​കും. അവിശ്വാ​സം മരവി​പ്പിച്ച മനസ്സിനെ അതു മൃദു​വാ​ക്കും. അതു പലരു​ടെ​യും ഉള്ളു കുളിർപ്പി​ക്കു​ന്നു, മനസ്സിൽ ഉല്ലാസ പൂത്തി​രി​കൾ കത്തിക്കു​ന്നു. അത്‌ ഇങ്ങനെ പറയാ​റുണ്ട്‌: “എനിക്കു മനസ്സി​ലാ​കും, വിഷമി​ക്കേണ്ട.” ചില​പ്പോൾ അത്‌ ഇങ്ങനെ അഭ്യർഥി​ക്കാ​റുണ്ട്‌: “നമുക്ക്‌ വീണ്ടും കൂട്ടു​കാ​രാ​യി​ക്കൂ​ടേ?” ഇത്രയ്‌ക്ക്‌ അത്ഭുത​ശ​ക്തി​യുള്ള അത്‌ എന്താ​ണെ​ന്നല്ലേ? പുഞ്ചിരി. അത്‌ ഒരുപക്ഷേ നിങ്ങളു​ടെ പുഞ്ചിരി ആയിരു​ന്നേ​ക്കാം.

പുഞ്ചി​രി​യെ എങ്ങനെ​യാ​ണൊ​ന്നു നിർവ​ചി​ക്കുക? നിഘണ്ടു​ക്ക​ളു​ടെ ഭാഷയിൽ പറഞ്ഞാൽ, ‘വായുടെ കോണു​കൾ, സന്തോ​ഷ​ത്തി​ന്റെ ഫലമാ​യോ അംഗീ​കാ​ര​ത്തി​ന്റെ പ്രതി​ഫ​ല​ന​മെ​ന്നോ​ണ​മോ അൽപ്പം മുകളി​ലേക്ക്‌ വളയു​ന്ന​താണ്‌ പുഞ്ചിരി. ഊഷ്‌മ​ള​മായ ഒരു പുഞ്ചി​രി​യു​ടെ രഹസ്യം എന്താ​ണെന്ന്‌ ഇപ്പോൾ പിടി​കി​ട്ടി​യി​ല്ലേ? വാക്കുകൾ കൂടാതെ ഹൃദയ​ത്തി​ലെ ചിന്തക​ളും വികാ​ര​ങ്ങ​ളും മറ്റുള്ള​വരെ അറിയി​ക്കാൻ കഴിയുന്ന ഒരു മാർഗ​മാണ്‌ പുഞ്ചിരി. പുച്ഛം​ക​ലർന്ന​തും നിന്ദാ​സൂ​ച​ക​വു​മായ പുഞ്ചിരി ഉണ്ടെന്ന കാര്യ​വും മറക്കു​ന്നില്ല. എന്നാൽ, നമുക്കി​പ്പോൾ പുഞ്ചി​രി​യു​ടെ നല്ല വശങ്ങളിൽ മാത്രം ശ്രദ്ധ കേന്ദ്രീ​ക​രി​ക്കാം.

പുഞ്ചി​രി​യെ​ക്കു​റിച്ച്‌ നേരത്തെ പറഞ്ഞ​തെ​ല്ലാം വെറും അതിശ​യോ​ക്തി​യാ​ണെന്നു തോന്നു​ന്നു​ണ്ടോ? ശരി, ഇതൊന്ന്‌ ഓർത്തു നോക്കൂ. ആരു​ടെ​യെ​ങ്കി​ലും ഒരാളു​ടെ പുഞ്ചിരി നിങ്ങളു​ടെ ഉള്ളിൽ ആശ്വാ​സ​ത്തി​ന്റെ കുളിർമഴ പെയ്യി​ച്ചത്‌ അല്ലെങ്കിൽ പ്രക്ഷു​ബ്‌ധ​മാ​യി​രുന്ന മനസ്സിനെ പൊടു​ന്നനെ ശാന്തമാ​ക്കി​യത്‌ ഓർമ​യു​ണ്ടോ? ഇനി മറി​ച്ചൊന്ന്‌ ചിന്തി​ച്ചു​നോ​ക്കൂ. പുഞ്ചി​രി​യു​ടെ ഒരു ലാഞ്‌ഛന പോലു​മി​ല്ലാത്ത ഒരു മുഖം നിങ്ങളു​ടെ ഉള്ളിൽ ഭയം നിറച്ചത്‌? അല്ലെങ്കിൽ ആർക്കും എന്നെ വേണ്ടല്ലോ എന്ന തോന്നൽ ജനിപ്പി​ച്ചത്‌? അതേ, ഒരു പുഞ്ചി​രിക്ക്‌ വളരെ ശക്തിയു​ണ്ടെന്നു സമ്മതിച്ചേ തീരൂ. പുഞ്ചി​രി​ക്കു​ന്ന​വ​രെ​യും ആരെ നോക്കി പുഞ്ചി​രി​ക്കു​ന്നു​വോ അവരെ​യും അതു ബാധി​ക്കു​മെന്നു തീർച്ച. തന്റെ എതിരാ​ളി​ക​ളെ​ക്കു​റിച്ച്‌ ബൈബിൾ കഥാപാ​ത്ര​മായ ഇയ്യോബ്‌ ഇങ്ങനെ പറഞ്ഞു: “അവർക്കു വിശ്വാ​സം തോന്നാ​തി​രി​ക്കെ, ഞാൻ അവരെ നോക്കി പുഞ്ചി​രി​തൂ​കി; എന്റെ മുഖ​പ്ര​കാ​ശം അവർ തള്ളിക്ക​ള​ഞ്ഞില്ല.” (ഇയ്യോബ്‌ 29:24, ന്യൂ ഇന്ത്യാ ബൈബിൾ ഭാഷാ​ന്തരം) “മുഖ​പ്ര​കാ​ശം” എന്നതു​കൊണ്ട്‌ ഇയ്യോ​ബി​ന്റെ മുഖത്തെ തിളക്ക​ത്തെ​യോ പ്രസന്ന​ത​യെ​യോ ആയിരി​ക്കാം ഉദ്ദേശി​ച്ചത്‌.

നല്ല ഫലങ്ങൾ ഉളവാ​ക്കാൻ പുഞ്ചി​രിക്ക്‌ കഴിയും എന്നത്‌ ഇന്നും ഒരു വസ്‌തു​ത​യാണ്‌. ബന്ധങ്ങൾ വലിഞ്ഞു​മു​റു​കുന്ന ഒരു സാഹച​ര്യ​ത്തിന്‌ അയവു​വ​രു​ത്താൻ സ്‌നേ​ഹ​ത്തിൽ ചാലിച്ച ഒരു പുഞ്ചി​രി​ക്കു കഴിയും. ഇക്കാര്യ​ത്തിൽ അതിനെ പ്രഷർകു​ക്ക​റി​ലെ സുരക്ഷാ വാൽവി​നോട്‌ ഉപമി​ക്കാ​വു​ന്ന​താണ്‌. വളരെ പിരി​മു​റു​ക്കം തോന്നുന്ന അവസര​ത്തിൽ മനസ്സിന്‌ അയവു​വ​രു​ത്താൻ ഒരു പുഞ്ചിരി മതി. നിരാ​ശയെ തരണം​ചെ​യ്യാ​നും അതു സഹായി​ക്കും. ടോ​മോ​ക്കോ​യു​ടെ കാര്യം​ത​ന്നെ​യെ​ടു​ക്കുക. മറ്റുള്ളവർ അവളെ ശ്രദ്ധി​ക്കു​ന്ന​തും എന്നാൽ അവൾ നോക്കു​മ്പോൾ അവർ പെട്ടെന്നു ദൃഷ്ടികൾ പിൻവ​ലി​ക്കു​ന്ന​തും പലപ്പോ​ഴും അവളുടെ കണ്ണിൽപ്പെ​ട്ടി​രു​ന്നു. അതു​കൊണ്ട്‌ എന്തോ കുറ്റം കണ്ടുപി​ടി​ക്കണം എന്ന ലക്ഷ്യത്തി​ലാണ്‌ അവരെ​ല്ലാ​വ​രും തന്നെ നോക്കു​ന്നത്‌ എന്ന്‌ അവൾ വിശ്വ​സി​ച്ചു. താൻ തികച്ചും ഒറ്റപ്പെ​ട്ട​തു​പോ​ലെ ടോ​മോ​ക്കോ​യ്‌ക്ക്‌ തോന്നി, ഒപ്പം എന്തെന്നി​ല്ലാത്ത സങ്കടവും. ഒരു ദിവസം, ഒരു കൂട്ടു​കാ​രി​യാണ്‌ അവൾക്കതു പറഞ്ഞു​കൊ​ടു​ത്തത്‌: ആളുകൾ അവളെ നോക്കു​ന്നത്‌ കാണു​മ്പോൾ എന്തു​കൊണ്ട്‌ അവരെ നോക്കി​യൊ​ന്നു പുഞ്ചി​രി​ച്ചു​കൂ​ടാ? രണ്ടാഴ്‌ച ടോ​മോ​ക്കോ അതു പരീക്ഷി​ച്ചു​നോ​ക്കി. ഫലം അത്ഭുത​പ്പെ​ടു​ത്തു​ന്ന​താ​യി​രു​ന്നു. എല്ലാവ​രും തിരിച്ച്‌ അവളെ നോക്കി പുഞ്ചി​രി​ച്ചു! അതോടെ, അവളുടെ പിരി​മു​റു​ക്ക​ത്തി​നൊ​ക്കെ വിരാ​മ​മാ​യി. “ജീവിതം ഇപ്പോൾ എത്ര രസകര​മാ​ണെ​ന്നോ,” അവൾ പറയുന്നു. അതേ, മറ്റുള്ള​വ​രു​ടെ കൂടെ​യാ​യി​രി​ക്കു​മ്പോ​ഴുള്ള പേടി​യും ഉത്‌ക​ണ്‌ഠ​യു​മൊ​ക്കെ കുറയ്‌ക്കു​ന്ന​തി​നും കൂടുതൽ സൗഹാർദ​പ​ര​മാ​യി ഇടപെ​ടു​ന്ന​തി​നും പുഞ്ചിരി സഹായി​ക്കും.

നിങ്ങളു​ടെ​യും മറ്റുള്ള​വ​രു​ടെ​യും മേലുള്ള നല്ല ഫലങ്ങൾ

വൈകാ​രി​ക​മാ​യും നല്ല ഫലങ്ങൾ ഉളവാ​ക്കാൻ പുഞ്ചി​രി​ക്കു കഴിവുണ്ട്‌. അതു നമ്മെ നല്ലൊരു മാനസി​കാ​വ​സ്ഥ​യി​ലാ​ക്കി​ത്തീർക്കും. മാത്രമല്ല, അത്‌ ശാരീ​രി​കാ​രോ​ഗ്യ​ത്തി​നും നല്ലതാണ്‌. “ചിരി നല്ലൊരു ഔഷധ​മാണ്‌” എന്നൊരു ചൊല്ലു തന്നെയുണ്ട്‌. ഒരാളു​ടെ മാനസി​കാ​വ​സ്ഥ​യും ശാരീ​രി​കാ​രോ​ഗ്യ​വും തമ്മിൽ വളരെ​യ​ടുത്ത ബന്ധമു​ണ്ടെന്ന്‌ വൈദ്യ​ശാ​സ്‌ത്ര​രം​ഗത്തെ വിദഗ്‌ധർതന്നെ അംഗീ​ക​രി​ക്കു​ന്നുണ്ട്‌. തുടർച്ച​യാ​യി സമ്മർദം അനുഭ​വി​ക്കേ​ണ്ടി​വ​രി​ക​യോ നിഷേ​ധാ​ത്മക വികാ​ര​ങ്ങ​ളോ​ടു മല്ലി​ടേ​ണ്ടി​വ​രി​ക​യോ ഒക്കെ ചെയ്യു​ന്നത്‌ നമ്മുടെ പ്രതി​രോധ വ്യവസ്ഥയെ ദുർബ​ല​പ്പെ​ടു​ത്തും എന്ന്‌ അനേകം പഠനങ്ങൾ തെളി​യി​ച്ചി​ട്ടുണ്ട്‌. അതേസ​മയം, പുഞ്ചിരി മനസ്സിന്‌ സുഖം പകരും. ചിരി, നമ്മുടെ പ്രതി​രോ​ധ​വ്യ​വ​സ്ഥയെ ശക്തി​പ്പെ​ടു​ത്തു​ക​പോ​ലും ചെയ്യും.

പുഞ്ചി​രിക്ക്‌ മറ്റുള്ള​വ​രു​ടെ​മേൽ വളരെ വലിയ ഒരു ഫലം തന്നെയുണ്ട്‌. നിങ്ങളെ ഒരാൾ ബുദ്ധി​യു​പ​ദേ​ശി​ക്കു​ക​യോ ഗുണ​ദോ​ഷി​ക്കു​ക​യോ ചെയ്യു​ന്ന​താ​യി ഒന്നു വിഭാവന ചെയ്യൂ. ബുദ്ധി​യു​പ​ദേശം നൽകുന്ന വ്യക്തി​യു​ടെ മുഖത്ത്‌ എന്തു ഭാവം ഉണ്ടായി​രി​ക്കാ​നാണ്‌ നിങ്ങൾ ഇഷ്ടപ്പെ​ടുക? തികഞ്ഞ നിസ്സം​ഗ​ഭാ​വ​ത്തി​ലോ മുഖം ആകെ കടുപ്പിച്ച്‌ ഒരു നേർത്ത പുഞ്ചി​രി​പോ​ലു​മി​ല്ലാ​തെ​യോ ആണ്‌ അദ്ദേഹം ഇരിക്കു​ന്ന​തെ​ങ്കിൽ നിങ്ങൾക്ക്‌ എന്താണു തോന്നുക? അദ്ദേഹ​ത്തി​ന്റെ ഉള്ളിൽ നിങ്ങ​ളോട്‌ കടുത്ത ദേഷ്യ​മോ അമർഷ​മോ അതൃപ്‌തി​യോ വൈരാ​ഗ്യ​മോ പോലും ഉണ്ടെന്ന്‌ നിങ്ങൾ വിചാ​രി​ച്ചു​പോ​യേ​ക്കാം. നേരെ​മ​റിച്ച്‌, ആ മുഖത്ത്‌ സൗഹാർദം തുളു​മ്പുന്ന ഒരു പുഞ്ചിരി ഉണ്ടെങ്കി​ലോ? ഒരുപക്ഷേ, അതു നിങ്ങളു​ടെ ഭയാശ​ങ്കകൾ ദൂരീ​ക​രി​ക്കു​ക​യും അങ്ങനെ അദ്ദേഹം പറയു​ന്നത്‌ സ്വീക​രി​ക്കുക കൂടുതൽ എളുപ്പ​മാ​ക്കി​ത്തീർക്കു​ക​യും ചെയ്‌തേ​ക്കാം, അല്ലേ? അതേ, പേടി​യും ഉത്‌ക​ണ്‌ഠ​യു​മെ​ല്ലാം കൂടി​ക്ക​ലർന്ന ഇത്തരം സാഹച​ര്യ​ങ്ങ​ളിൽ ഒരു പുഞ്ചി​രിക്ക്‌ വളരെ​യേറെ തെറ്റി​ദ്ധാ​ര​ണകൾ മായ്‌ച്ചു​ക​ള​യാ​നാ​കും.

ക്രിയാ​ത്മ​ക​മായ ചിന്തക​ളു​ണ്ടോ, പുഞ്ചി​രി​ക്കുക എളുപ്പ​മാ​കും

എപ്പോൾ വേണ​മെ​ങ്കി​ലും ചുണ്ടിൽ ഒരു പുഞ്ചിരി വരുത്താൻ കഴിയുന്ന നടീന​ട​ന്മാ​രെ​പ്പോ​ലെയല്ല നമ്മിൽ മിക്കവ​രും. അങ്ങനെ​യാ​യി​രി​ക്കാൻ നാമൊട്ട്‌ ആഗ്രഹി​ക്കു​ന്ന​തു​മില്ല. നമ്മുടെ പുഞ്ചിരി അൽപ്പം​പോ​ലും കൃത്രി​മ​ത്വം കലരാ​ത്ത​തും ഹൃദയ​ത്തി​ന്റെ ഉള്ളിൽനി​ന്നു വരുന്ന​തു​മാ​യി​രി​ക്കാ​നാണ്‌ നാം ഇഷ്ടപ്പെ​ടു​ന്നത്‌. ഒരു കമ്മ്യൂ​ണി​ക്കേഷൻ സ്‌കൂ​ള​ധ്യാ​പിക ഇങ്ങനെ അഭി​പ്രാ​യ​പ്പെട്ടു: ‘മനസ്സിന്‌ അയവു​വ​രു​ത്തി​യിട്ട്‌ ഹൃദയ​പൂർവം പുഞ്ചി​രി​ക്കേ​ണ്ടത്‌ പ്രധാ​ന​മാണ്‌. അല്ലെങ്കിൽ നിങ്ങളു​ടെ പുഞ്ചി​രിക്ക്‌ ഒരു കൃത്രി​മ​ത്വം ഉണ്ടായി​രി​ക്കും.’ എന്നാൽ നമുക്ക്‌ എങ്ങനെ​യാ​ണു ഹൃദയം​തു​റന്ന്‌, ആത്മാർഥ​മാ​യി പുഞ്ചി​രി​ക്കാ​നാ​വുക? ഇക്കാര്യ​ത്തിൽ ബൈബി​ളി​നു നമ്മെ സഹായി​ക്കാൻ കഴിയും. നമ്മുടെ സംസാ​ര​ത്തെ​ക്കു​റിച്ച്‌ മത്തായി 12:34, 35 ഇങ്ങനെ പറയുന്നു: “ഹൃദയം നിറഞ്ഞു കവിയു​ന്ന​തിൽനി​ന്ന​ല്ലോ വായ്‌ സംസാ​രി​ക്കു​ന്നതു. നല്ല മനുഷ്യൻ തന്റെ നല്ല നിക്ഷേ​പ​ത്തിൽനി​ന്നു നല്ലതു പുറ​പ്പെ​ടു​വി​ക്കു​ന്നു; ദുഷ്ടമ​നു​ഷ്യൻ ദുർന്നി​ക്ഷേ​പ​ത്തിൽനി​ന്നു തീയതു പുറ​പ്പെ​ടു​വി​ക്കു​ന്നു.”

ഓർമി​ക്കു​ക, വാക്കു​ക​ളു​ടെ സഹായം കൂടാതെ നമ്മുടെ ഹൃദയ​ത്തി​ലു​ള്ളത്‌ മറ്റുള്ള​വരെ അറിയി​ക്കാ​നുള്ള ഒരു വഴിയാണ്‌ പുഞ്ചിരി. “ഹൃദയം നിറഞ്ഞു കവിയു​ന്നത്‌” ആണ്‌ നാം സംസാ​രി​ക്കു​ന്നത്‌ എന്നും “നല്ലതു” വരുന്നത്‌ “നല്ല നിക്ഷേ​പ​ത്തിൽ” നിന്നാ​ണെ​ന്നു​മുള്ള വസ്‌തുത മനസ്സിൽ പിടി​ക്കു​മ്പോൾ, കൃത്രി​മ​ത്വം കലരാത്ത പുഞ്ചി​രി​യു​ടെ രഹസ്യം കുടി​കൊ​ള്ളു​ന്നത്‌ എവി​ടെ​യാ​ണെന്ന്‌ നമുക്കു മനസ്സി​ലാ​ക്കാൻ കഴിയും, നമ്മുടെ ചിന്തക​ളി​ലും വികാ​ര​ങ്ങ​ളി​ലും. അതേ, നമ്മുടെ ഹൃദയ​ത്തി​ലു​ള്ളത്‌ എപ്പോ​ഴാ​യാ​ലും പുറത്തു​വ​രാ​തി​രി​ക്കില്ല. നമ്മുടെ വാക്കു​ക​ളും പ്രവൃ​ത്തി​ക​ളും മാത്രമല്ല മുഖഭാ​വ​വും അതു വെളി​പ്പെ​ടു​ത്തും. അതു​കൊണ്ട്‌ ക്രിയാ​ത്മ​ക​മായ കാര്യ​ങ്ങൾതന്നെ ചിന്തി​ച്ചു​കൊ​ണ്ടി​രി​ക്കാൻ നാം ഒരു കഠിന​ശ്രമം നടത്തേ​ണ്ട​തുണ്ട്‌. മറ്റുള്ള​വ​രെ​ക്കു​റിച്ച്‌ നാം എന്തു ചിന്തി​ക്കു​ന്നു എന്നത്‌ നമ്മുടെ മുഖഭാ​വ​ത്തിൽ തീർച്ച​യാ​യും പ്രതി​ഫ​ലി​ക്കും. അതു​കൊണ്ട്‌, നമ്മുടെ കുടും​ബാം​ഗ​ങ്ങ​ളു​ടെ​യും ആത്മാർഥ സുഹൃ​ത്തു​ക്ക​ളു​ടെ​യും അയൽവാ​സി​ക​ളു​ടെ​യു​മെ​ല്ലാം നല്ല വശങ്ങളിൽ ശ്രദ്ധ കേന്ദ്രീ​ക​രി​ക്കാം. അങ്ങനെ​യാ​കു​മ്പോൾ, അവരെ നോക്കി പുഞ്ചിരി തൂകുക വളരെ​യേറെ എളുപ്പ​മാ​യി​ത്തീ​രും. നന്മയും കരുണ​യും ദയയും നിറഞ്ഞ ഒരു ഹൃദയ​ത്തിൽ നിന്നു വരുന്ന​തു​കൊണ്ട്‌ അതിൽ കാപട്യ​ത്തി​ന്റെ കളങ്കം തെല്ലു​മു​ണ്ടാ​കില്ല. ആ പുഞ്ചി​രി​യു​ടെ തിളക്കം നമ്മുടെ കണ്ണുക​ളി​ലേ​ക്കും വ്യാപി​ക്കും. അതു കാണു​ന്ന​വർക്ക്‌ മനസ്സി​ലാ​കും, നമ്മുടെ പുഞ്ചിരി തികച്ചും ആത്മാർഥ​മാ​ണെന്ന്‌.

മനസ്സിൽ പിടി​ക്കേണ്ട മറ്റൊരു കാര്യം കൂടെ​യുണ്ട്‌. ചില ആളുകൾക്ക്‌, അവരുടെ പശ്ചാത്ത​ല​മോ വളർന്നു​വന്ന ചുറ്റു​പാ​ടു​ക​ളോ ഒക്കെ കാരണം അത്ര എളുപ്പ​ത്തിൽ മറ്റുള്ള​വരെ നോക്കി മന്ദഹസി​ക്കാൻ കഴി​ഞ്ഞെന്നു വരില്ല. അയൽക്കാ​രോട്‌ അവർക്ക്‌ സ്‌നേ​ഹ​മൊ​ക്കെ​യുണ്ട്‌. എന്നാൽ, അവരെ നോക്കി പുഞ്ചി​രി​ക്കുന്ന ശീലം ഇല്ലെന്നു മാത്രം. ഉദാഹ​ര​ണ​ത്തിന്‌, ഏതു സാഹച​ര്യ​ത്തി​ലും തികച്ചും അക്ഷോ​ഭ്യ​രാ​യി, മൗനം പാലി​ക്കാൻ ജാപ്പനീസ്‌ പുരു​ഷ​ന്മാർ പരമ്പരാ​ഗ​ത​മാ​യി പ്രതീ​ക്ഷി​ക്ക​പ്പെ​ടു​ന്നു. അതു​കൊണ്ട്‌, അവരിൽ പലർക്കും അപരി​ചി​തരെ നോക്കി പുഞ്ചി​രി​ക്കുന്ന ശീലമില്ല. മറ്റു ചില സംസ്‌കാ​ര​ങ്ങ​ളു​ടെ കാര്യ​ത്തി​ലും ഇതു സത്യമാ​യി​രു​ന്നേ​ക്കാം. ഇനി, ചിലരാ​ണെ​ങ്കിൽ വല്ലാത്ത നാണം​കു​ണു​ങ്ങി​കൾ ആയിരി​ക്കാം. അതു​കൊണ്ട്‌ മറ്റുള്ള​വരെ നോക്കി അത്ര പെട്ടെ​ന്നൊ​ന്നും പുഞ്ചി​രി​ക്കാൻ അവർക്കു സാധി​ച്ചെന്നു വരില്ല. തന്നിമി​ത്തം, ആളുകൾ എത്ര കൂടെ​ക്കൂ​ടെ പുഞ്ചി​രി​ക്കു​ന്നു അല്ലെങ്കിൽ എത്ര മധുര​മാ​യി പുഞ്ചി​രി​ക്കു​ന്നു എന്നതിന്റെ അടിസ്ഥാ​ന​ത്തിൽ അവരെ വിധി​ക്ക​രുത്‌. ആളുകൾ പല തരത്തി​ലു​ള്ള​വ​രാണ്‌. അവരുടെ സ്വഭാവ സവി​ശേ​ഷ​ത​ക​ളും മറ്റുള്ള​വ​രു​മാ​യി ആശയവി​നി​മയം നടത്തുന്ന അവരുടെ രീതി​ക​ളും വ്യത്യ​സ്‌ത​മാണ്‌.

ഇതൊ​ക്കെ​യാ​ണെ​ങ്കി​ലും, മറ്റുള്ള​വരെ നോക്കി ഒന്നു പുഞ്ചി​രി​ക്കു​ന്നത്‌ നിങ്ങൾ വലി​യൊ​രു വെല്ലു​വി​ളി​യാ​യി​ത്തന്നെ കണ്ടെത്തു​ന്നു​വെ​ങ്കിൽ എന്തു​കൊണ്ട്‌ അങ്ങനെ​യൊ​രു ശീലം വളർത്തി​യെ​ടു​ക്കാൻ മനഃപൂർവ​മായ ഒരു ശ്രമം നടത്തി​ക്കൂ​ടാ? ബൈബിൾ ഈ ബുദ്ധി​യു​പ​ദേശം നൽകുന്നു: “നന്മ ചെയ്‌ക​യിൽ നാം മടുത്തു​പോ​ക​രു​തു . . . എല്ലാവർക്കും . . . നന്മചെയ്‌ക.” (ഗലാത്യർ 6:9, 10) മറ്റുള്ള​വർക്കു ‘നന്മ ചെയ്യാ​നുള്ള’ ഒരു വിധം അവരെ നോക്കി പുഞ്ചി​രി​ക്കു​ക​യാണ്‌. ഇതു നിങ്ങൾക്കു ചെയ്യാ​വു​ന്നതേ ഉള്ളൂ! അ

തുകൊണ്ട്‌ മറ്റുള്ള​വരെ അഭിവാ​ദ്യം ചെയ്യു​ന്ന​തി​ലും ഒരു പുഞ്ചി​രി​യോ​ടെ അവരോട്‌ ഒന്നോ രണ്ടോ പ്രോ​ത്സാ​ഹന വാക്കുകൾ പറയു​ന്ന​തി​ലും മുൻ​കൈ​യെ​ടു​ക്കുക. അതു വളരെ​യ​ധി​കം വിലമ​തി​ക്ക​പ്പെ​ടും. ശീലമാ​യി​ക്ക​ഴി​യു​മ്പോൾ പുഞ്ചി​രി​ക്കുക എളുപ്പ​മാ​യി​ത്തീ​രു​ക​യും ചെയ്യും!

[12-ാം പേജിലെ ചതുരം]

ഒരു മുന്നറി​യിപ്പ്‌

നാം കാണുന്ന എല്ലാ പുഞ്ചി​രി​ക​ളും ആത്മാർഥ​മ​ല്ലെ​ന്നു​ള്ളത്‌ സങ്കടക​ര​മായ ഒരു വസ്‌തു​ത​യാണ്‌. തട്ടിപ്പു​കാർ, തത്ത്വദീ​ക്ഷ​യി​ല്ലാത്ത കച്ചവട​ക്കാർ തുടങ്ങി​യവർ നമ്മെ നോക്കി മനംമ​യ​ക്കുന്ന വിധത്തിൽ പുഞ്ചി​രി​ച്ചേ​ക്കാം. ഒരു പുഞ്ചി​രി​കൊണ്ട്‌ ആളുകളെ വീഴ്‌ത്താ​മെ​ന്നും ഉദ്ദിഷ്ട​കാ​ര്യ​ങ്ങൾ സാധി​ച്ചെ​ടു​ക്കാ​മെ​ന്നും അവർക്കു നല്ല ഉറപ്പുണ്ട്‌. അഴിഞ്ഞ നടത്തയും ചീത്ത ഉദ്ദേശ്യ​ങ്ങ​ളു​മുള്ള ആളുക​ളും മറ്റുള്ള​വരെ തങ്ങളുടെ വലയിൽ വീഴ്‌ത്താ​നുള്ള ലക്ഷ്യത്തിൽ വശ്യമാ​യി ചിരി​ച്ചു​കാ​ട്ടി​യേ​ക്കാം. എന്നാൽ തികച്ചും പൊള്ള​യായ പുഞ്ചി​രി​ക​ളാണ്‌ അവയെ​ല്ലാം. മാത്രമല്ല, അവ വഞ്ചനാ​ത്മ​ക​വു​മാണ്‌. (സഭാ​പ്ര​സം​ഗി 7:6) അതു​കൊണ്ട്‌ മറ്റുള്ള​വരെ അമിത​മാ​യി സംശയി​ക്കാ​തി​രി​ക്കു​മ്പോൾതന്നെ, ഇടപെ​ടാൻ പ്രയാ​സ​മുള്ള “അന്ത്യകാല”ത്താണ്‌ നാം ജീവി​ക്കു​ന്നത്‌ എന്നു തിരി​ച്ച​റി​ഞ്ഞു​കൊണ്ട്‌ യേശു പറഞ്ഞതു​പോ​ലെ “പാമ്പി​നെ​പ്പോ​ലെ ബുദ്ധി​യു​ള്ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും ആയിരി”ക്കേണ്ടതുണ്ട്‌.—2 തിമൊ​ഥെ​യൊസ്‌ 3:1; മത്തായി 10:16.

[13-ാം പേജിലെ ചിത്രം]

മറ്റുള്ളവരെ ഒരു പുഞ്ചി​രി​യോ​ടെ അഭിവാ​ദ്യം ചെയ്യു​ന്ന​തിൽ മുൻ​കൈ​യെ​ടു​ക്കുക