സദ്വാർത്ത പങ്കു​വെ​ക്കാൻ അവർ ഉപയോ​ഗി​ക്കുന്ന മാർഗങ്ങൾ

“സകല ജാതി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന കൽപ്പന അനുസ​രി​ക്കാൻ ബാധ്യ​സ്ഥ​രാ​ണു ക്രിസ്‌ത്യാ​നി​കൾ. എന്നു​വെച്ച്‌, സമ്മർദം ചെലു​ത്തി​യോ ബലം പ്രയോ​ഗി​ച്ചോ ആരെയും ക്രിസ്‌ത്യാ​നി​യാ​ക്കാൻ പാടില്ല. ‘എളിയ​വ​രോ​ടു സദ്വർത്ത​മാ​നം ഘോഷി​ക്കു​ന്ന​തും’ “ഹൃദയം തകർന്ന​വരെ മുറി​കെ​ട്ടു​ന്ന​തും” “ദുഃഖി​ത​ന്മാ​രെ​യൊ​ക്കെ​യും ആശ്വസി​പ്പി​ക്കു​ന്ന​തും” ആയിരു​ന്നു യേശു​വി​ന്റെ നിയോ​ഗ​ത്തിൽ ഉൾപ്പെ​ട്ടി​രു​ന്നത്‌. (മത്തായി 28:20; യെശയ്യാ​വു 61:1, 2; ലൂക്കൊസ്‌ 4:18, 19) ബൈബി​ളിൽനി​ന്നുള്ള സുവാർത്ത ആളുകളെ അറിയി​ച്ചു​കൊണ്ട്‌ അതുതന്നെ ചെയ്യാൻ യഹോ​വ​യു​ടെ സാക്ഷികൾ ശ്രമി​ക്കു​ന്നു. പുരാതന നാളിലെ യെഹെ​സ്‌കേൽ പ്രവാ​ച​കനെ പോലെ, “സകല​മ്ലേ​ച്ഛ​ത​ക​ളും​നി​മി​ത്തം നെടു​വീർപ്പി​ട്ടു കരയുന്ന”വരെ കണ്ടുപി​ടി​ക്കാൻ അവർ ശ്രമി​ക്കു​ന്നു.—യെഹെ​സ്‌കേൽ 9:4.

ഇന്നത്തെ ദുഷിച്ച അവസ്ഥക​ളെ​പ്രതി വേദനി​ക്കു​ന്ന​വരെ തേടി​പ്പി​ടി​ക്കാൻ അവർ ഉപയോ​ഗി​ക്കുന്ന ഏറ്റവും പ്രസി​ദ്ധ​മായ മാർഗം വീടു​തോ​റു​മുള്ള സാക്ഷീ​ക​ര​ണ​മാണ്‌. അങ്ങനെ പൊതു​ജ​ന​ങ്ങ​ളു​ടെ അടുക്ക​ലെ​ത്താൻ അവർ ഒരു ക്രിയാ​ത്മക ശ്രമം നടത്തുന്നു, ‘ദൈവ​രാ​ജ്യം പ്രസം​ഗി​ച്ചും സുവി​ശേ​ഷി​ച്ചും​കൊണ്ട്‌ പട്ടണം​തോ​റും ഗ്രാമം​തോ​റും സഞ്ചരിച്ച’ യേശു​വി​നെ പോ​ലെ​തന്നെ. യേശു​വി​ന്റെ ആദിമ ശിഷ്യ​ന്മാ​രും ഇതേ രീതി​യാ​ണു പിന്തു​ടർന്നത്‌. (ലൂക്കൊസ്‌ 8:1, ഓശാന ബൈ.; 9:1-6; 10:1-9) ഇന്ന്‌ യഹോ​വ​യു​ടെ സാക്ഷികൾ, സാധ്യ​മാ​കു​ന്നി​ട​ത്തെ​ല്ലാം, ആണ്ടിൽ പലതവണ ഓരോ വീട്ടി​ലും​ചെന്ന്‌ താത്‌പ​ര്യ​മോ ഉത്‌ക​ണ്‌ഠ​യോ ഉണർത്തുന്ന ലോക​സം​ഭ​വ​ങ്ങ​ളെ​യോ പ്രാ​ദേ​ശിക സംഭവ​ങ്ങ​ളെ​യോ കുറിച്ച്‌ ഒരൽപ്പ​സ​മയം വീട്ടു​കാ​രു​മാ​യി ചർച്ച ചെയ്യാൻ ശ്രമി​ക്കു​ന്നു. വീട്ടു​കാ​രു​ടെ പരിചി​ന്തനം അർഹി​ക്കുന്ന ഒന്നോ രണ്ടോ തിരു​വെ​ഴു​ത്തു ഭാഗങ്ങൾകൂ​ടെ അവർ ശ്രദ്ധയിൽപ്പെ​ടു​ത്തി​യേ​ക്കാം. വീട്ടു​കാർ താത്‌പ​ര്യം കാണി​ക്കു​ന്നെ​ങ്കിൽ, കൂടുതൽ കാര്യങ്ങൾ ചർച്ച ചെയ്യു​ന്ന​തി​നാ​യി സൗകര്യ​പ്ര​ദ​മായ മറ്റൊരു സമയം ക്രമീ​ക​രി​ക്കു​ന്നു. അതു​പോ​ലെ ബൈബി​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും വീട്ടു​കാ​രനു നൽകു​ക​യും ആഗ്രഹി​ക്കു​ന്നെ​ങ്കിൽ വീട്ടിൽച്ചെന്ന്‌ അവരെ സൗജന്യ​മാ​യി ബൈബിൾ പഠിപ്പി​ച്ചു കൊടു​ക്കു​ക​യും ചെയ്യുന്നു. ലോക​മെ​മ്പാ​ടു​മാ​യി, ഒറ്റയ്‌ക്കും കുടും​ബ​ങ്ങ​ളോ​ടൊ​പ്പ​വും ഈ പ്രയോ​ജ​ന​പ്ര​ദ​മായ ബൈബിൾ പഠന പരിപാ​ടി ക്രമമാ​യി ഉപയോ​ഗ​പ്പെ​ടു​ത്തു​ന്ന​വ​രു​ടെ സംഖ്യ ദശലക്ഷങ്ങൾ വരും.

പ്രാ​ദേ​ശി​ക രാജ്യ​ഹാ​ളു​ക​ളിൽവെച്ചു നടത്തുന്ന യോഗങ്ങൾ മുഖേ​ന​യും അവർ “രാജ്യ​ത്തി​ന്റെ സുവാർത്ത” മറ്റുള്ള​വരെ അറിയി​ച്ചു​വ​രു​ന്നു. ആഴ്‌ച​തോ​റും യോഗങ്ങൾ നടത്ത​പ്പെ​ടു​ന്നുണ്ട്‌. കാലിക പ്രാധാ​ന്യ​മുള്ള ഒരു വിഷയത്തെ ആധാര​മാ​ക്കി നടത്തുന്ന പരസ്യ​പ്ര​സം​ഗ​മാണ്‌ യോഗ​ങ്ങ​ളിൽ ഒന്ന്‌. അതേത്തു​ടർന്നു നടക്കുന്ന യോഗ​ത്തിൽ, വീക്ഷാ​ഗോ​പു​രം മാസിക ഉപയോ​ഗിച്ച്‌ ഏതെങ്കി​ലും ബൈബിൾ വിഷയ​മോ പ്രവച​ന​മോ പഠിക്കു​ന്നു. രാജ്യ​സു​വാർത്ത ഫലപ്ര​ദ​മാ​യി ഘോഷി​ക്കു​ന്ന​തി​നു സാക്ഷി​കളെ പരിശീ​ലി​പ്പി​ക്കാൻ വേണ്ടി​യുള്ള ഒരു സ്‌കൂ​ളാണ്‌ മറ്റൊരു യോഗം. കൂടാതെ, പ്രാ​ദേ​ശിക സാക്ഷ്യ​വേ​ലയെ കുറിച്ചു ചർച്ച ചെയ്യുന്ന ഒരു യോഗ​വു​മുണ്ട്‌. ഇതി​നെ​ല്ലാം പുറമേ, ആഴ്‌ച​യിൽ ഒരിക്കൽ ബൈബിൾ അധ്യയ​ന​ങ്ങൾക്കു​വേണ്ടി ചെറിയ ചെറിയ കൂട്ടങ്ങ​ളാ​യി അവർ സ്വകാര്യ ഭവനങ്ങ​ളിൽ കൂടി​വ​രാ​റുണ്ട്‌.

ഈ യോഗ​ങ്ങ​ളി​ലെ​ല്ലാം പൊതു​ജ​ന​ങ്ങൾക്കും പങ്കെടു​ക്കാ​വു​ന്ന​താണ്‌. അവിടെ പണപ്പി​രി​വില്ല. ഇത്തരം യോഗങ്ങൾ എല്ലാവർക്കും പ്രയോ​ജ​ന​പ്ര​ദ​മാണ്‌. ബൈബിൾ പറയുന്നു: “ചിലർ ചെയ്യു​ന്ന​തു​പോ​ലെ നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.” വ്യക്തി​പ​ര​മാ​യി പഠിക്കു​ന്ന​തും ഗവേഷണം നടത്തു​ന്ന​തും പ്രധാ​ന​മാണ്‌. എങ്കിലും മറ്റുള്ള​വ​രു​മാ​യുള്ള സഹവാസം നമുക്ക്‌ ഏറെ പ്രചോ​ദനം പകർന്നു തരുന്നു. “ഇരിമ്പു ഇരിമ്പി​ന്നു മൂർച്ച​കൂ​ട്ടു​ന്നു; മനുഷ്യൻ മനുഷ്യ​ന്നു മൂർച്ച​കൂ​ട്ടു​ന്നു.”—എബ്രായർ 10:24, 25; സദൃശ​വാ​ക്യ​ങ്ങൾ 27:17.

നിത്യ​ജീ​വി​ത​ത്തിൽ മറ്റാളു​ക​ളു​മാ​യി ഇടപഴ​കു​മ്പോൾ വീണു​കി​ട്ടുന്ന അവസരങ്ങൾ തക്കത്തിൽ ഉപയോ​ഗി​ച്ചു​കൊ​ണ്ടും യഹോ​വ​യു​ടെ സാക്ഷികൾ സുവാർത്ത പങ്കു​വെ​ക്കു​ന്നു. ബസ്സിലോ ട്രെയി​നി​ലോ ഒരുമി​ച്ചു യാത്ര ചെയ്യു​ന്ന​വ​രു​മാ​യി​ട്ടോ ഒരു അയൽക്കാ​ര​നു​മാ​യി​ട്ടോ നടത്തുന്ന ഒരൽപ്പ​നേ​രത്തെ സംഭാ​ഷ​ണ​ത്തി​ലൂ​ടെ​യോ അല്ലെങ്കിൽ കുറച്ചു​കൂ​ടെ സമയ​മെ​ടുത്ത്‌ ഒരു ബന്ധുവു​മാ​യോ സുഹൃ​ത്തു​മാ​യോ നടത്തുന്ന സംഭാ​ഷ​ണ​ത്തി​ലൂ​ടെ​യോ അതുമ​ല്ലെ​ങ്കിൽ ഉച്ചഭക്ഷ​ണ​ത്തി​നുള്ള ഇടവേ​ള​യിൽ ഒരു സഹപ്ര​വർത്ത​ക​നു​മാ​യി നടത്തുന്ന ചർച്ചയി​ലു​ടെ​യോ ഒക്കെ ആകാം ഇത്‌. ഭൂമി​യിൽ ആയിരി​ക്കെ യേശു നടത്തിയ സാക്ഷീ​ക​ര​ണ​വേല മിക്കവാ​റും ഇത്തരത്തിൽ ഉള്ളതാ​യി​രു​ന്നു. കടൽത്തീ​ര​ത്തു​കൂ​ടെ നടക്കു​മ്പോൾ, കുന്നിൻചെ​രു​വിൽ ഇരിക്കു​മ്പോൾ, ആരു​ടെ​യെ​ങ്കി​ലും വീട്ടിൽ വിരു​ന്നി​നു പോകു​മ്പോൾ, വിവാഹ സത്‌കാ​ര​ത്തിൽ പങ്കെടു​ക്കു​മ്പോൾ, ഗലീല​ക്ക​ട​ലി​ലൂ​ടെ മത്സ്യബന്ധന ബോട്ടിൽ സഞ്ചരി​ക്കു​മ്പോൾ ഒക്കെ അവൻ സാക്ഷീ​ക​രി​ച്ചു. സിന​ഗോ​ഗു​ക​ളി​ലും യെരൂ​ശ​ലേ​മി​ലെ ആലയത്തി​ലും അവൻ പഠിപ്പി​ച്ചു. എവി​ടെ​പ്പോ​യാ​ലും ദൈവ​രാ​ജ്യ​ത്തെ കുറിച്ചു സംസാ​രി​ക്കാൻ അവൻ അവസര​മു​ണ്ടാ​ക്കി. ഇക്കാര്യ​ത്തി​ലും അവന്റെ കാൽച്ചു​വടു പിൻപ​റ്റാൻ യഹോ​വ​യു​ടെ സാക്ഷികൾ കഠിന​മാ​യി യത്‌നി​ക്കു​ന്നു.—1 പത്രൊസ്‌ 2:21.

മാതൃ​ക​യി​ലൂ​ടെ പ്രസം​ഗി​ക്കൽ

എന്നിരു​ന്നാ​ലും, ഈ സുവാർത്ത നിങ്ങളെ അറിയി​ക്കു​ന്നവർ, പഠിപ്പി​ക്കുന്ന കാര്യങ്ങൾ സ്വന്തം ജീവി​ത​ത്തിൽ പകർത്താൻ പരാജ​യ​പ്പെ​ടു​ന്നെ​ങ്കിൽ മുമ്പു സൂചി​പ്പിച്ച രീതി​ക​ളൊ​ന്നും അർഥവ​ത്താ​യി​രി​ക്കു​ക​യില്ല. ഒന്നു പറയു​ക​യും മറ്റൊന്നു പ്രവർത്തി​ക്കു​ക​യും ചെയ്യു​ന്നതു കാപട്യ​മാണ്‌. മതപര​മായ കാപട്യം ദശലക്ഷ​ങ്ങളെ ബൈബി​ളിൽനിന്ന്‌ അകറ്റി​യി​രി​ക്കു​ന്നു. എന്നാൽ, ബൈബി​ളി​നെയല്ല വാസ്‌ത​വ​ത്തിൽ കുറ്റ​പ്പെ​ടു​ത്തേ​ണ്ടത്‌. ശാസ്‌ത്രി​മാ​രു​ടെ​യും പരീശ​ന്മാ​രു​ടെ​യും പക്കൽ എബ്രായ തിരു​വെ​ഴു​ത്തു​കൾ ഉണ്ടായി​രു​ന്നു. പക്ഷേ യേശു അവരെ കപടഭ​ക്തി​ക്കാ​രെന്നു കുറ്റം​വി​ധി​ക്കു​ക​യു​ണ്ടാ​യി. മോ​ശൈക ന്യായ​പ്ര​മാ​ണ​ത്തിൽനിന്ന്‌ അവർ വായി​ക്കു​ന്ന​തി​നെ കുറിച്ചു പറഞ്ഞ​ശേഷം തന്റെ ശിഷ്യ​ന്മാ​രോ​ടാ​യി യേശു പറഞ്ഞു: “ആകയാൽ അവർ നിങ്ങ​ളോ​ടു പറയു​ന്നതു ഒക്കെയും പ്രമാ​ണി​ച്ചു ചെയ്‌വിൻ; അവരുടെ പ്രവൃ​ത്തി​കൾപോ​ലെ ചെയ്യരു​തു​താ​നും. അവർ പറയു​ന്ന​ത​ല്ലാ​തെ ചെയ്യു​ന്നി​ല്ല​ല്ലോ.” (മത്തായി 23:3) മണിക്കൂ​റു​ക​ളോ​ളം പ്രസം​ഗി​ക്കു​ന്ന​തി​നെ​ക്കാൾ ആളുക​ളിൽ മതിപ്പു​ള​വാ​ക്കു​ന്നത്‌ ഒരു ക്രിസ്‌ത്യാ​നി​ക്കു ചേരുന്ന വിധത്തിൽ ജീവി​ക്കു​ന്ന​താണ്‌. അവിശ്വാ​സി​ക​ളായ ഭർത്താ​ക്ക​ന്മാ​രുള്ള ക്രിസ്‌തീയ ഭാര്യ​മാ​രോട്‌ ഇങ്ങനെ പറഞ്ഞി​രി​ക്കു​ന്ന​തിൽനിന്ന്‌ അതു വ്യക്തമാണ്‌: “ഒരു വാക്കു പോലും ഉരിയാ​ടാ​തെ . . . അവരെ നേടാൻ കഴിയും. നിങ്ങളു​ടെ ആദരപൂർവ​വും നിർമ​ല​വു​മായ പെരു​മാ​റ്റം കണ്ടിട്ടാണ്‌ ഇതു സാധി​ക്കേ​ണ്ടത്‌.”—1 പത്രൊസ്‌ 3:1, 2, ഓശാന ബൈ.

അതു​കൊണ്ട്‌ മറ്റുള്ള​വ​രോട്‌ ശുപാർശ ചെയ്യുന്ന ക്രിസ്‌തീയ നടത്തയിൽ സ്വയം നല്ല മാതൃക വെച്ചു​കൊ​ണ്ടും സുവാർത്ത സ്വീകാ​ര്യ​ക്ഷ​മ​മാ​ക്കി​ത്തീർക്കാൻ യഹോ​വ​യു​ടെ സാക്ഷികൾ ശ്രമി​ക്കു​ന്നു. ‘മറ്റുള്ളവർ തങ്ങൾക്കു ചെയ്യേണം എന്നു ഇച്ഛിക്കു​ന്നതു ഒക്കെയും അവർക്കും ചെയ്‌വാൻ’ അവർ ശ്രദ്ധി​ക്കു​ന്നു. (മത്തായി 7:12) സഹസാ​ക്ഷി​ക​ളോ​ടും സുഹൃ​ത്തു​ക്ക​ളോ​ടും അയൽക്കാ​രോ​ടും ബന്ധുക്ക​ളോ​ടും മാത്രമല്ല എല്ലാവ​രോ​ടും ഇതേ രീതി​യിൽ പെരു​മാ​റാൻ അവർ ശ്രമി​ക്കു​ന്നു. അപൂർണ മനുഷ്യ​രാ​യ​തു​കൊണ്ട്‌ അവർക്കും തെറ്റു​പ​റ്റാ​റുണ്ട്‌. എന്നിരു​ന്നാ​ലും, രാജ്യ​ത്തി​ന്റെ സുവി​ശേഷം അറിയി​ക്കു​ന്ന​തോ​ടൊ​പ്പം സാധ്യ​മാ​കു​മ്പോ​ഴെ​ല്ലാം മറ്റുള്ള​വരെ അവരുടെ ആവശ്യ​ങ്ങ​ളിൽ സഹായി​ച്ചു​കൊ​ണ്ടും അവർക്കു നന്മ ചെയ്യണ​മെന്ന്‌ യഹോ​വ​യു​ടെ സാക്ഷികൾ ഹൃദയം​ഗ​മ​മാ​യി ആഗ്രഹി​ക്കു​ന്നു.—യാക്കോബ്‌ 2:14-17.

[19-ാം പേജിലെ ചിത്രം]

ഹവായ്‌

[19-ാം പേജിലെ ചിത്രം]

വെനെസ്വേല

[19-ാം പേജിലെ ചിത്രം]

യൂഗോസ്ലാവിയ

[20-ാം പേജിലെ ചിത്രം]

രാജ്യഹാളുകൾ ബൈബിൾ ചർച്ചകൾക്കുള്ള സ്ഥലങ്ങളാണ്‌, അവ അനു​യോ​ജ്യ​മായ വിധത്തിൽ രൂപകൽപ്പന ചെയ്‌തി​രി​ക്കു​ന്നു

[21-ാം പേജിലെ ചിത്രം]

കുടുംബ ജീവി​ത​ത്തി​ലും മറ്റുള്ള​വ​രു​മാ​യുള്ള ബന്ധങ്ങളി​ലും തങ്ങൾ പ്രസം​ഗി​ക്കു​ന്നതു ബാധക​മാ​ക്കാൻ യഹോ​വ​യു​ടെ സാക്ഷികൾ ആത്മാർഥ​മാ​യി ശ്രമി​ക്കു​ന്നു