യോഹ​ന്നാ​നു​ണ്ടായ വെളി​പാട്‌

യോഹ​ന്നാൻ അപ്പോസ്‌തലൻ പത്മൊസ്‌ ദ്വീപിൽ ജയിലി​ലാ​യി​രു​ന്ന​പ്പോൾ യേശു, ഭാവി​യെ​ക്കു​റി​ച്ചുള്ള 16 ദർശന​ങ്ങ​ളു​ടെ അഥവാ ചിത്ര​ങ്ങ​ളു​ടെ ഒരു പരമ്പര കാണി​ച്ചു​കൊ​ടു​ത്തു. യഹോ​വ​യു​ടെ പേര്‌ പരിശു​ദ്ധ​മാ​കു​ന്ന​തും ദൈവ​രാ​ജ്യം വരുന്ന​തും ദൈവ​ത്തി​ന്റെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യിൽ നടപ്പി​ലാ​കു​ന്ന​തും എങ്ങനെ​യാ​യി​രി​ക്കു​മെന്ന്‌ ഈ ദർശനങ്ങൾ വെളി​പ്പെ​ടു​ത്തി.

സ്വർഗ​ത്തിൽ മഹനീ​യ​മായ സിംഹാ​സ​ന​ത്തിൽ യഹോ​വ​യെ​യും ചുറ്റും 24 മൂപ്പന്മാ​രെ​യും യോഹ​ന്നാൻ ഒരു ദർശന​ത്തിൽ കാണുന്നു. വെള്ളവസ്‌ത്രം ധരിച്ച ആ മൂപ്പന്മാ​രു​ടെ തലയിൽ സ്വർണ​കി​രീ​ട​മുണ്ട്‌. സിംഹാ​സ​ന​ത്തിൽനിന്ന്‌ മിന്നൽപ്പി​ണ​രു​ക​ളും ഇടിമു​ഴ​ക്ക​ങ്ങ​ളും വരുന്നുണ്ട്‌. 24 മൂപ്പന്മാർ കുമ്പിട്ട്‌ യഹോ​വയെ ആരാധി​ക്കു​ന്നു. മറ്റൊരു ദർശന​ത്തിൽ എല്ലാ ജനതക​ളി​ലും വംശങ്ങ​ളി​ലും ഭാഷക​ളി​ലും നിന്നുള്ള ഒരു മഹാപു​രു​ഷാ​രം യഹോ​വയെ ആരാധി​ക്കു​ന്നതു യോഹ​ന്നാൻ കാണുന്നു. കുഞ്ഞാ​ടായ യേശു അവരെ മേയ്‌ക്കു​ക​യും ജീവജ​ല​ത്തി​ലേക്കു നയിക്കു​ക​യും ചെയ്യുന്നു. പിന്നീട്‌ മറ്റൊരു ദർശന​ത്തിൽ യേശു 24 മൂപ്പന്മാ​രോ​ടൊ​പ്പം സ്വർഗ​ത്തിൽ രാജാ​വാ​യി ഭരിക്കാൻ തുടങ്ങു​ന്നു. തുടർന്നു​ണ്ടായ ദർശന​ത്തിൽ യേശു ഒരു മഹാസർപ്പ​ത്തോ​ടും (അതായത്‌ സാത്താ​നോ​ടും) അവന്റെ ഭൂതങ്ങ​ളോ​ടും പടവെ​ട്ടു​ന്നതു യോഹ​ന്നാൻ കാണുന്നു. യേശു അവരെ സ്വർഗ​ത്തിൽനിന്ന്‌ ഭൂമി​യി​ലേക്ക്‌ എറിയു​ന്നു.

പിന്നെ കുഞ്ഞാ​ടും 1,44,000 പേരും സീയോൻ മലയിൽ നിൽക്കു​ന്ന​തി​ന്റെ മനോ​ഹ​ര​മായ ഒരു ദൃശ്യം യോഹ​ന്നാൻ കാണുന്നു. ദൈവത്തെ ഭയപ്പെട്ട്‌ ദൈവ​ത്തി​നു മഹത്ത്വം കൊടു​ക്കാൻ പറഞ്ഞു​കൊണ്ട്‌ ഒരു ദൈവ​ദൂ​തൻ ഭൂമിക്കു ചുറ്റും പറക്കു​ന്ന​തും യോഹ​ന്നാൻ കാണുന്നു.

അടുത്ത ദർശന​ത്തിൽ അർമ​ഗെ​ദോൻ യുദ്ധം നടക്കുന്നു. ആ യുദ്ധത്തിൽ യേശു​വും യേശു​വി​ന്റെ സൈന്യ​വും സാത്താന്റെ ദുഷ്ടവ്യ​വ​സ്ഥി​തി കീഴട​ക്കു​ന്നു. അവസാ​നത്തെ ദർശന​ത്തിൽ യോഹ​ന്നാൻ കാണു​ന്നതു സ്വർഗ​ത്തി​ലും ഭൂമി​യി​ലും തികഞ്ഞ ഐക്യം കളിയാ​ടു​ന്ന​താണ്‌. സാത്താ​നും അവന്റെ സന്തതി​യും പൂർണ​മാ​യി തകർക്ക​പ്പെ​ടു​ന്നു. സ്വർഗ​ത്തി​ലും ഭൂമി​യി​ലും ഉള്ള എല്ലാവ​രും യഹോ​വ​യു​ടെ പേര്‌ പരിശു​ദ്ധ​മാ​യി കണക്കാ​ക്കു​ന്നു. യഹോ​വയെ മാത്ര​മാണ്‌ അവർ ആരാധി​ക്കു​ന്നത്‌.