ചില ആളുകൾക്ക്‌ ദൈവത്തെ സ്‌നേ​ഹി​ക്കാൻ കഴിയു​ന്നില്ല. ദൈവത്തെ മനസ്സി​ലാ​ക്കാ​നാ​വി​ല്ലെ​ന്നോ ദൈവം നമ്മളിൽനിന്ന്‌ അകന്നു​നിൽക്കു​ന്ന​വ​നാ​ണെ​ന്നോ ക്രൂര​നാ​ണെ​ന്നോ ഒക്കെയാണ്‌ അവർക്ക്‌ തോന്നു​ന്നത്‌. അവരിൽ ചിലർക്ക്‌ പറയാ​നു​ള്ളത്‌ എന്താ​ണെന്ന്‌ നോക്കാം:

• “സഹായ​ത്തി​നാ​യി ഞാൻ ദൈവ​ത്തോ​ടു പ്രാർഥി​ക്കു​മാ​യി​രു​ന്നു. പക്ഷേ അപ്പോ​ഴും എനിക്ക്‌ അടുക്കാൻ പറ്റാത്തത്ര ദൂരെ​യാണ്‌ ദൈവ​മെ​ന്നാണ്‌ എനിക്കു തോന്നി​യത്‌. ദൈവം വികാ​ര​ങ്ങ​ളുള്ള ഒരു വ്യക്തി​യാ​ണെന്ന്‌ എനിക്കു തോന്നി​യില്ല.”—മാർക്കോ, ഇറ്റലി.

• “ദൈവ​ത്തോട്‌ അടുക്കാൻ ശരിക്കും ആഗ്രഹിച്ച ഒരാളാണ്‌ ഞാൻ. പക്ഷേ ദൈവം എന്നിൽനിന്ന്‌ വളരെ ദൂരെ​യാ​ണെന്ന്‌ എനിക്കു തോന്നി. ദൈവ​ത്തിന്‌ ഒട്ടും മനസ്സലി​വി​ല്ലെ​ന്നും നമ്മളെ ശിക്ഷി​ക്കാൻ മാത്രം നോക്കി​യി​രി​ക്കുന്ന ഒരു കർക്കശ​ക്കാ​ര​നാണ്‌ ദൈവ​മെ​ന്നും ആണ്‌ ഞാൻ വിചാ​രി​ച്ചി​രു​ന്നത്‌.”—റോസ, ഗ്വാട്ടി​മാല.

• “ചെറു​പ്പ​ത്തിൽ ഞാൻ വിചാ​രി​ച്ചി​രു​ന്നത്‌, ദൈവം നമ്മുടെ കുറ്റങ്ങൾ കണ്ടുപി​ടിച്ച്‌ ശിക്ഷി​ക്കാ​നി​രി​ക്കുന്ന ഒരാളാണ്‌ എന്നാണ്‌. വലുതാ​യ​പ്പോൾ എനിക്കു തോന്നി ദൈവം ഒരു പ്രധാ​ന​മ​ന്ത്രി​യെ​പ്പോ​ലെ​യാ​ണെന്ന്‌. അങ്ങ്‌ അകലെ​യി​രുന്ന്‌ ജനങ്ങളു​ടെ കാര്യ​ങ്ങ​ളൊ​ക്കെ നോക്കു​മെ​ങ്കി​ലും അവരോട്‌ ഒരു അടുപ്പ​മോ താത്‌പ​ര്യ​മോ ഇല്ല.”—റെയ്‌മണ്ട്‌, കാനഡ.

നിങ്ങൾക്ക്‌ എന്തു തോന്നു​ന്നു? സ്‌നേ​ഹി​ക്കാൻ പറ്റാത്ത ആളാണോ ദൈവം? മതഭക്ത​രായ ആളുകൾപോ​ലും കാലങ്ങ​ളാ​യി ചോദി​ക്കുന്ന ഒരു ചോദ്യ​മാണ്‌ ഇത്‌. ക്രൈ​സ്‌ത​വ​സ​ഭ​ക​ളി​ലെ മിക്ക അംഗങ്ങ​ളും ദൈവ​ത്തോ​ടു പ്രാർഥി​ക്കാൻപോ​ലും മടിച്ചി​രുന്ന ഒരു കാലമു​ണ്ടാ​യി​രു​ന്നു. എന്തു​കൊ​ണ്ടാണ്‌ അവർ പ്രാർഥി​ക്കാ​തി​രു​ന്നത്‌? അവർക്ക്‌ ദൈവത്തെ അത്രയ്‌ക്കും പേടി​യാ​യി​രു​ന്നു. ചരി​ത്ര​കാ​ര​നായ വിൽ ഡ്യൂറന്റ്‌ അതി​നെ​ക്കു​റിച്ച്‌ ഇങ്ങനെ​യാണ്‌ പറഞ്ഞത്‌: “പാപി​യായ ഒരു സാധാരണ മനുഷ്യന്‌ അങ്ങ്‌ അകലെ​യുള്ള ഭയങ്കര​മായ സിംഹാ​സ​ന​ത്തി​ലേക്ക്‌ പ്രാർഥ​ന​യു​മാ​യി ചെല്ലാൻ എങ്ങനെ ധൈര്യം വരാനാണ്‌?”

“അങ്ങ്‌ അകലെ​യുള്ള ഭയങ്കര​മായ സിംഹാ​സ​ന​ത്തി​ലി​രി​ക്കുന്ന” ഒരാളാ​യി ആളുകൾ ദൈവത്തെ കാണാൻ തുടങ്ങി​യത്‌ എങ്ങനെ​യാണ്‌? ബൈബിൾ ശരിക്കും ദൈവ​ത്തെ​ക്കു​റിച്ച്‌ എന്താണ്‌ പഠിപ്പി​ക്കു​ന്നത്‌? ദൈവ​ത്തെ​ക്കു​റി​ച്ചുള്ള സത്യം അറിഞ്ഞാൽ നിങ്ങൾക്ക്‌ ദൈവത്തെ സ്‌നേ​ഹി​ക്കാ​നാ​കു​മോ?

കുറെ ആളുകൾ വിശ്വ​സി​ക്കു​ന്നത്‌

“ദൈവ​ത്തിന്‌ ഒരു പേരു​ണ്ടോ എന്ന കാര്യ​ത്തിൽ ഇതുവരെ ഞങ്ങൾക്ക്‌ ഒരു യോജി​പ്പി​ലെ​ത്താൻ ആയിട്ടില്ല. ഇനി, ഒരു പേരു​ണ്ടെ​ങ്കിൽത്തന്നെ അത്‌ എന്താ​ണെ​ന്നും അറിയില്ല.”—പ്രൊ​ഫസർ ഡേവിഡ്‌ കണ്ണിങ്‌ഹാം, ദൈവ​ശാ​സ്‌ത്ര പഠനങ്ങൾ.

ബൈബിൾ പറയുന്ന സത്യം

ദൈവം ഇങ്ങനെ പറയുന്നു: “യഹോവ! അതാണ്‌ എന്റെ പേര്‌.” (യശയ്യ 42:8) യഹോവ എന്നത്‌ ഒരു എബ്രായ പേരാണ്‌. “ആയിത്തീ​രാൻ അവൻ ഇടയാ​ക്കു​ന്നു” എന്നാണ്‌ അതിന്റെ അർഥം.—പുതി​യ​ലോക ഭാഷാ​ന്തരം അനുബന്ധം എ4-ലെ ഖണ്ഡിക 11 കാണുക.

യഹോവ എന്ന പേര്‌ നമ്മൾ ഉപയോ​ഗി​ക്കാൻ ദൈവം ആഗ്രഹി​ക്കു​ന്നു. ബൈബിൾ ഇങ്ങനെ പറയുന്നു: “തിരു​നാ​മം വിളി​ച്ച​പേ​ക്ഷി​ക്കൂ, ദൈവ​ത്തി​ന്റെ പ്രവൃ​ത്തി​കൾ ജനങ്ങൾക്കി​ട​യിൽ പ്രസി​ദ്ധ​മാ​ക്കൂ! ദൈവ​ത്തി​ന്റെ പേര്‌ ഉയർന്നി​രി​ക്കു​ന്നെന്നു പ്രഖ്യാ​പി​ക്കൂ.”—യശയ്യ 12:4.

യേശു ദൈവ​ത്തി​ന്റെ പേര്‌ ഉപയോ​ഗി​ച്ചു. യഹോ​വ​യോ​ടു പ്രാർഥി​ച്ച​പ്പോൾ യേശു ഇങ്ങനെ പറഞ്ഞു: “ഞാൻ അങ്ങയുടെ പേര്‌ ഇവരെ (യേശു​വി​ന്റെ ശിഷ്യ​ന്മാ​രെ) അറിയി​ച്ചി​രി​ക്കു​ന്നു, ഇനിയും അറിയി​ക്കും.” യേശു എന്തു​കൊ​ണ്ടാണ്‌ ദൈവ​ത്തി​ന്റെ പേര്‌ ശിഷ്യ​ന്മാ​രെ അറിയി​ച്ചത്‌? എന്തു​കൊ​ണ്ടാ​ണെന്ന്‌ യേശു​തന്നെ പറഞ്ഞു: “അങ്ങ്‌ (ദൈവം) എന്നോടു കാണിച്ച സ്‌നേഹം ഇവരി​ലും നിറയും. ഞാൻ ഇവരോ​ടു യോജി​പ്പി​ലാ​യി​രി​ക്കു​ക​യും ചെയ്യും.”—യോഹ​ന്നാൻ 17:26.

അതിന്റെ പ്രാധാ​ന്യം

“ദൈവ​ത്തി​ന്റെ പേര്‌ അറിയി​ല്ലാത്ത ഒരാൾക്ക്‌ ദൈവത്തെ ഒരു വ്യക്തി​യാ​യി ശരിക്ക്‌ അറിയില്ല. വ്യക്തിത്വ ഗുണങ്ങൾ ഇല്ലാത്ത വെറു​മൊ​രു ശക്തിയാ​യി മാത്രം ദൈവത്തെ കാണുന്ന ഒരാൾക്ക്‌ ദൈവത്തെ സ്‌നേ​ഹി​ക്കാ​നാ​വില്ല” എന്ന്‌ ദൈവ​ശാ​സ്‌ത്ര​ജ്ഞ​നായ വാൾട്ടർ ലോറി എഴുതി.

എല്ലാ ആഴ്‌ച​യും പള്ളിയിൽ പോയി​രുന്ന ആളാണ്‌ വിക്ടർ. എന്നാൽ ദൈവം ആരാ​ണെന്ന്‌ അദ്ദേഹ​ത്തിന്‌ ശരിക്കും അറിയി​ല്ലാ​യി​രു​ന്നു. വിക്ടർ പറയുന്നു: “അങ്ങനെ​യി​രി​ക്കെ​യാണ്‌ ദൈവ​ത്തി​ന്റെ പേര്‌ യഹോവ എന്നാ​ണെന്ന്‌ ഞാൻ അറിഞ്ഞത്‌. ദൈവത്തെ ആദ്യമാ​യി പരിച​യ​പ്പെ​ടു​ന്ന​തു​പോ​ലെ​യാ​യി​രു​ന്നു അത്‌. ഒരുപാട്‌ കേട്ടി​ട്ടുള്ള ഒരാളെ അവസാനം കണ്ടുമു​ട്ടി​യ​തു​പോ​ലെ! ദൈവം ശരിക്കു​മുള്ള ഒരു വ്യക്തി​യാ​ണെന്ന്‌ എനിക്ക്‌ ഇപ്പോൾ മനസ്സി​ലാ​യി. ദൈവത്തെ ഒരു അടുത്ത സുഹൃ​ത്താ​യി കാണാ​നും എനിക്കു കഴിയു​ന്നു.”

തന്റെ പേര്‌ ഉപയോ​ഗി​ക്കു​ന്ന​വ​രോട്‌ യഹോ​വ​യും അടുത്ത​ടുത്ത്‌ വരും. “ദൈവ​നാ​മ​ത്തെ​ക്കു​റിച്ച്‌” ചിന്തി​ക്കു​ന്ന​വ​രെ​പ്പറ്റി ദൈവം ഇങ്ങനെ പറയുന്നു: “അനുസ​ര​ണ​മുള്ള മകനോട്‌ അനുകമ്പ കാണി​ക്കുന്ന ഒരു അപ്പനെ​പ്പോ​ലെ ഞാൻ അവരോട്‌ അനുകമ്പ കാട്ടും.” (മലാഖി 3:16, 17) ദൈവ​ത്തി​ന്റെ പേര്‌ വിളി​ച്ച​പേ​ക്ഷി​ക്കു​ന്ന​വർക്ക്‌ എന്ത്‌ അനു​ഗ്ര​ഹ​മാണ്‌ കിട്ടാൻ പോകു​ന്ന​തെന്ന്‌ അറിയാ​മോ? ബൈബിൾ ഇങ്ങനെ പറയുന്നു: “യഹോ​വ​യു​ടെ പേര്‌ വിളി​ച്ച​പേ​ക്ഷി​ക്കുന്ന എല്ലാവർക്കും രക്ഷ കിട്ടും.”—റോമർ 10:13.

കുറെ ആളുകൾ വിശ്വ​സി​ക്കു​ന്നത്‌

ക്രിസ്‌തു​മ​ത​ത്തി​ന്റെ “മൂന്നു പ്രധാ​ന​വി​ഭാ​ഗ​ങ്ങ​ളായ റോമൻ കത്തോ​ലി​ക്കാ സഭ, ഓർത്ത​ഡോ​ക്‌സ്‌ സഭ, പ്രൊ​ട്ട​സ്റ്റന്റ്‌ സഭ എന്നിവ​യെ​ല്ലാം പഠിപ്പി​ക്കു​ന്നത്‌ മൂന്നു വ്യക്തികൾ കൂടി​ച്ചേർന്ന​താണ്‌ ദൈവം എന്നാണ്‌: പിതാ​വായ ദൈവം, പുത്ര​നായ ദൈവം, പരിശു​ദ്ധാ​ത്മാ​വായ ദൈവം. ക്രിസ്‌തു​മത വിശ്വാ​സ​മ​നു​സ​രിച്ച്‌ ഇവർ മൂന്നും വേറെ വേറെ ദൈവ​ങ്ങളല്ല; മൂന്നും കൂടി​ച്ചേർന്ന ഒരു ദൈവ​മാണ്‌.”—പുതിയ ബ്രിട്ടാ​നിക്ക സർവവി​ജ്ഞാ​ന​കോ​ശം (ഇംഗ്ലീഷ്‌)

ബൈബിൾ പറയുന്ന സത്യം

ദൈവ​പു​ത്ര​നായ യേശു താൻ പിതാ​വി​നു തുല്യ​നാ​ണെ​ന്നോ പിതാ​വി​നെ​പ്പോ​ലെ ഒരു ദൈവ​മാ​ണെ​ന്നോ ഒരിക്ക​ലും അവകാ​ശ​പ്പെ​ട്ടില്ല. പകരം, യേശു പറഞ്ഞത്‌ ഇങ്ങനെ​യാണ്‌: “ഞാൻ പിതാ​വി​ന്റെ അടുത്ത്‌ പോകു​ന്നത്‌ ഓർത്ത്‌ നിങ്ങൾ സന്തോ​ഷി​ക്കും. കാരണം പിതാവ്‌ എന്നെക്കാൾ വലിയ​വ​നാണ്‌.” (യോഹ​ന്നാൻ 14:28) തന്റെ അനുഗാ​മി​ക​ളിൽ ഒരാ​ളോട്‌ യേശു ഇങ്ങനെ​യും പറഞ്ഞു: “ഞാൻ എന്റെ പിതാ​വും നിങ്ങളു​ടെ പിതാ​വും എന്റെ ദൈവ​വും നിങ്ങളു​ടെ ദൈവ​വും ആയവന്റെ അടു​ത്തേക്കു കയറി​പ്പോ​കു​ന്നു.”—യോഹ​ന്നാൻ 20:17.

ഇനി, പരിശു​ദ്ധാ​ത്മാ​വി​ന്റെ കാര്യ​മോ? പരിശു​ദ്ധാ​ത്മാവ്‌ ഒരു വ്യക്തിയല്ല. കാരണം, ആദ്യകാ​ലത്തെ ക്രിസ്‌ത്യാ​നി​കൾ “പരിശു​ദ്ധാ​ത്മാവ്‌ നിറഞ്ഞ​വ​രാ​യി” എന്നു ബൈബിൾ പറയുന്നു. കൂടാതെ, യഹോവ ഇങ്ങനെ പറഞ്ഞു: “ഞാൻ എല്ലാ തരം ആളുക​ളു​ടെ മേലും എന്റെ ആത്മാവിൽ കുറച്ച്‌ പകരും.” (പ്രവൃ​ത്തി​കൾ 2:1-4, 17) ഇതു കാണി​ക്കു​ന്നത്‌ പരിശു​ദ്ധാ​ത്മാവ്‌ ത്രിത്വ​ത്തി​ന്റെ ഭാഗമായ ഒരു ദൈവം അല്ലെന്നാണ്‌. അത്‌ ദൈവ​ത്തി​ന്റെ ശക്തിയാണ്‌, ദൈവം കാര്യങ്ങൾ ചെയ്യാൻ ഉപയോ​ഗി​ക്കുന്ന ശക്തി.

അതിന്റെ പ്രാധാ​ന്യം

ത്രിത്വം “മനസ്സി​ലാ​ക​ണ​മെ​ങ്കിൽ വെളി​പാട്‌ കിട്ടണം. ഇനി വെളി​പാട്‌ കിട്ടി​യാൽപ്പോ​ലും അത്‌ പൂർണ​മാ​യി മനസ്സി​ലാ​ക്കാൻ കഴിയില്ല” എന്ന്‌ കത്തോ​ലി​ക്കാ പണ്ഡിത​ന്മാ​രായ കാൾ റെയ്‌നെ​യും ഹെർബെർട്ട്‌ ഫോർഗ്രിം​ല​യും പറയുന്നു. മനസ്സി​ലാ​ക്കാൻ കഴിയാത്ത ഒരാളെ സ്‌നേ​ഹി​ക്കാൻ പറ്റില്ല​ല്ലോ. അതു​കൊ​ണ്ടു​തന്നെ ദൈവത്തെ മനസ്സി​ലാ​ക്കു​ന്ന​തി​നും സ്‌നേ​ഹി​ക്കു​ന്ന​തി​നും തടസ്സമാ​യി നിൽക്കുന്ന ഒരു പഠിപ്പി​ക്ക​ലാണ്‌ ത്രിത്വം.

നേരത്തെ പറഞ്ഞ മാർക്കോ​യ്‌ക്കും ദൈവത്തെ സ്‌നേ​ഹി​ക്കു​ന്ന​തിന്‌ തടസ്സമാ​യത്‌ ത്രിത്വ​മാ​യി​രു​ന്നു. മാർക്കോ പറയുന്നു: “ദൈവം താൻ ആരാണെന്ന കാര്യം എന്നിൽനിന്ന്‌ മറച്ചു​പി​ടി​ക്കു​ന്ന​തു​പോ​ലെ എനിക്കു തോന്നി. അത്‌ എന്നെ ദൈവ​ത്തിൽനിന്ന്‌ പിന്നെ​യും അകറ്റി. ദൈവം മനസ്സി​ലാ​ക്കാ​നും അടുക്കാ​നും പറ്റാത്ത​വ​നാണ്‌ എന്ന എന്റെ തോന്നൽ ഒന്നുകൂ​ടെ ശക്തമായി.” എന്നാൽ ബൈബിൾ പറയുന്നു: “ദൈവം ആശയക്കു​ഴ​പ്പ​ത്തി​ന്റെ ദൈവമല്ല.” (1 കൊരി​ന്ത്യർ 14:33, ഈസി റ്റു റീഡ്‌ ബൈബിൾ) ദൈവം താൻ ആരാണെന്ന കാര്യം നമ്മളിൽനിന്ന്‌ മറച്ചു​പി​ടി​ക്കു​ന്നില്ല. നമ്മൾ ദൈവത്തെ അറിയ​ണ​മെ​ന്നാണ്‌ ദൈവ​ത്തി​ന്റെ ആഗ്രഹം. “ഞങ്ങളോ അറിയു​ന്ന​തി​നെ ആരാധി​ക്കു​ന്നു” എന്ന്‌ യേശു പറഞ്ഞു.—യോഹ​ന്നാൻ 4:22.

“ദൈവം ഒരു ത്രിത്വ​ത്തി​ന്റെ ഭാഗമ​ല്ലെന്ന്‌ അവസാനം ഞാൻ മനസ്സി​ലാ​ക്കി. അപ്പോ​ഴാണ്‌ ദൈവ​വു​മാ​യി ഒരു അടുത്ത ബന്ധത്തി​ലേക്കു വരാൻ എനിക്കു കഴിഞ്ഞത്‌” എന്ന്‌ മാർക്കോ പറയുന്നു. യഹോ​വയെ പിടി​കി​ട്ടാത്ത ആരോ ആയി കാണു​ന്ന​തി​നു പകരം മനസ്സി​ലാ​ക്കാൻ കഴിയുന്ന, ശരിക്കു​മുള്ള ഒരു വ്യക്തി​യാ​യി കാണു​ന്നെ​ങ്കിൽ യഹോ​വയെ സ്‌നേ​ഹി​ക്കാൻ എളുപ്പ​മാ​യി​രി​ക്കും. ബൈബിൾ പറയുന്നു: “സ്‌നേ​ഹി​ക്കാ​ത്തവർ ദൈവത്തെ അറിഞ്ഞി​ട്ടില്ല; കാരണം ദൈവം സ്‌നേ​ഹ​മാണ്‌.”—1 യോഹ​ന്നാൻ 4:8.

കുറെ ആളുകൾ വിശ്വ​സി​ക്കു​ന്നത്‌

“കഠിന​മായ പാപം ചെയ്യുന്ന ആളുകൾ മരിക്കുന്ന ഉടനെ അവരുടെ ആത്മാക്കൾ നരകത്തി​ലേക്ക്‌ പോകു​ന്നു. അവിടെ അവർ നരകത്തി​ലെ ‘കെടാത്ത തീയിൽ’ ശിക്ഷ അനുഭ​വി​ക്കും.” [കത്തോ​ലി​ക്കാ​സ​ഭ​യു​ടെ കാറ്റി​ക്കി​സം (ഇംഗ്ലീഷ്‌)] ചില മതനേ​താ​ക്ക​ന്മാർ പറയു​ന്നത്‌ നരകം എന്നത്‌ ദൈവ​ത്തിൽനിന്ന്‌ പൂർണ​മാ​യി വേർപെട്ട, ഒറ്റപ്പെട്ട ഒരു അവസ്ഥയാണ്‌ എന്നാണ്‌.

ബൈബിൾ പറയുന്ന സത്യം

മരിച്ചവർ “ഒന്നും അറിയു​ന്നില്ല” എന്ന്‌ ബൈബിൾ പറയുന്നു. (സഭാ​പ്ര​സം​ഗകൻ 9:5) മരിച്ചവർ ഒന്നും അറിയു​ന്നി​ല്ലെ​ങ്കിൽപ്പി​ന്നെ അവർ എങ്ങനെ​യാണ്‌ നരകത്തി​ലെ ‘കെടാത്ത തീയിൽ’ കഠിന​മായ ശിക്ഷകൾ അനുഭ​വി​ക്കു​ന്നത്‌, ദൈവ​ത്തിൽനിന്ന്‌ എന്നേക്കു​മാ​യി വേർപെ​ട്ട​തി​ന്റെ വേദന അറിയു​ന്നത്‌?

ചില ബൈബി​ളു​ക​ളിൽ ചിലയി​ടത്ത്‌ “നരകം” എന്ന വാക്ക്‌ കാണാം. എന്നാൽ അതിന്റെ സ്ഥാനത്ത്‌ വരുന്ന എബ്രായ, ഗ്രീക്ക്‌ വാക്കുകൾ പലപ്പോ​ഴും അർഥമാ​ക്കു​ന്നത്‌ മനുഷ്യ​രു​ടെ ശവക്കു​ഴി​യെ​യാണ്‌. ഒരു ഉദാഹ​രണം നോക്കാം. ഒരു രോഗം വന്ന്‌ വേദന സഹിക്കാ​താ​യ​പ്പോൾ ഇയ്യോബ്‌ ഇങ്ങനെ പ്രാർഥി​ച്ചു: “അങ്ങ്‌ എന്നെ ശവക്കു​ഴി​യിൽ [“നരകത്തിൽ,” ഡൂവേ ഭാഷാ​ന്തരം (ഇംഗ്ലീഷ്‌)] മറച്ചു​വെ​ച്ചി​രു​ന്നെ​ങ്കിൽ!“ (ഇയ്യോബ്‌ 14:13) ദുരി​തങ്ങൾ അനുഭ​വിച്ച്‌ തളർന്ന ഇയ്യോബ്‌ ആശ്വാ​സ​ത്തി​നാ​യി കൂടുതൽ ദുരി​തങ്ങൾ നിറഞ്ഞ ഒരു സ്ഥലത്തേക്ക്‌ തന്നെ അയയ്‌ക്കണേ എന്ന്‌ ഒരിക്ക​ലും പ്രാർഥി​ക്കി​ല്ല​ല്ലോ? ദൈവ​ത്തിൽനിന്ന്‌ വേർപെട്ട്‌ കഴിയാ​നും ഇയ്യോബ്‌ ആഗ്രഹി​ക്കില്ല. അതു​കൊണ്ട്‌ ഇയ്യോബ്‌ ആഗ്രഹി​ച്ചത്‌ ശവക്കു​ഴി​യിൽ വിശ്ര​മി​ക്കാ​നാണ്‌.

അതിന്റെ പ്രാധാ​ന്യം

ക്രൂരത കാണി​ക്കുന്ന ഒരു ദൈവ​ത്തോട്‌ ആർക്കും ഇഷ്ടം തോന്നില്ല, വെറുപ്പേ തോന്നൂ. മെക്‌സി​ക്കോ​യിൽ താമസി​ക്കുന്ന റോസി​യോ ഇങ്ങനെ പറയുന്നു: “തീനര​ക​ത്തെ​ക്കു​റിച്ച്‌ വളരെ ചെറുപ്പം മുതലേ എന്നെ പഠിപ്പി​ച്ചി​ട്ടുണ്ട്‌. അത്‌ ഓർക്കു​മ്പോ​ഴേ എനിക്ക്‌ പേടി​യാ​യി​രു​ന്നു. അങ്ങനെ​യൊ​ക്കെ ചെയ്യുന്ന ദൈവം എങ്ങനെ​യാണ്‌ നല്ലവനാ​കു​ന്നത്‌ എന്ന്‌ ഞാൻ ചിന്തിച്ചു. എപ്പോ​ഴും ദേഷ്യ​പ്പെ​ട്ടി​രി​ക്കുന്ന, തൊട്ട​തി​നും പിടി​ച്ച​തി​നും ഒക്കെ ശിക്ഷി​ക്കുന്ന ഒരാളാ​യി​രു​ന്നു എന്റെ മനസ്സിലെ ദൈവം.”

മരിച്ച​വ​രു​ടെ അവസ്ഥ​യെ​ക്കു​റി​ച്ചും ദൈവ​ത്തി​ന്റെ ന്യായ​വി​ധി​ക​ളെ​ക്കു​റി​ച്ചും ബൈബിൾ വ്യക്തമാ​യി പഠിപ്പി​ക്കുന്ന കാര്യങ്ങൾ മനസ്സി​ലാ​ക്കി​യ​പ്പോൾ ദൈവ​ത്തെ​ക്കു​റി​ച്ചുള്ള റോസി​യോ​യു​ടെ തെറ്റി​ദ്ധാ​ര​ണ​ക​ളെ​ല്ലാം മാറി. റോസി​യോ പറയുന്നു: “മനസ്സിൽനിന്ന്‌ ഒരു വലിയ ഭാരം ഒഴിഞ്ഞു​പോ​യ​തു​പോ​ലെ​യാണ്‌ എനിക്കു തോന്നി​യത്‌. നമുക്ക്‌ ഏറ്റവും നല്ലത്‌ വരണ​മെന്ന്‌ ആഗ്രഹി​ക്കുന്ന, നമ്മളെ സ്‌നേ​ഹി​ക്കുന്ന, എനിക്ക്‌ സ്‌നേ​ഹി​ക്കാൻ കഴിയുന്ന ഒരാളാണ്‌ ദൈവം എന്ന്‌ എനിക്ക്‌ ബോധ്യ​മാ​യി. മക്കളെ കൈപി​ടിച്ച്‌ നടത്തുന്ന സ്‌നേ​ഹ​മുള്ള ഒരു അച്ഛനെ​പ്പോ​ലെ​യാണ്‌ ദൈവം.”—യശയ്യ 41:13.

ഒരുപാട്‌ ആളുകൾ ദൈവ​ഭക്തി കാണി​ക്കു​ന്നത്‌ തീനര​കത്തെ പേടി​ച്ചി​ട്ടാണ്‌. പക്ഷേ ശിക്ഷ പേടിച്ച്‌ ആരും തന്നെ ആരാധി​ക്കാൻ ദൈവം ആഗ്രഹി​ക്കു​ന്നില്ല. പകരം യേശു പറഞ്ഞു: “നിന്റെ ദൈവ​മായ യഹോ​വയെ . . . സ്‌നേ​ഹി​ക്കണം.” (മർക്കോസ്‌ 12:29, 30) മാത്രമല്ല, ദൈവം ഇന്ന്‌ അനീതി കാണി​ക്കു​ന്നില്ല എന്ന്‌ നമ്മൾ മനസ്സി​ലാ​ക്കു​മ്പോൾ ദൈവ​ത്തി​ന്റെ ഭാവി​യി​ലെ ന്യായ​വി​ധി​ക​ളും നീതി​യു​ള്ള​താ​യി​രി​ക്കു​മെന്ന്‌ നമുക്ക്‌ വിശ്വ​സി​ക്കാം. ഇയ്യോ​ബി​ന്റെ സുഹൃ​ത്തായ എലീഹു​വി​നെ​പ്പോ​ലെ നമുക്ക്‌ ബോധ്യ​ത്തോ​ടെ ഇങ്ങനെ പറയാം: “ദൈവം ദുഷ്ടത പ്രവർത്തി​ക്കി​ല്ലെന്ന്‌ ഉറപ്പാണ്‌; സർവശക്തൻ നീതി നിഷേ​ധി​ക്കി​ല്ലെന്നു തീർച്ച​യാണ്‌.”—ഇയ്യോബ്‌ 34:12.

ഒരു ദിവസം യരുശ​ലേ​മിൽവെച്ച്‌ തന്റെ പിതാ​വായ യഹോ​വ​യെ​ക്കു​റിച്ച്‌ സംസാ​രി​ക്കുന്ന സമയത്ത്‌ യേശു അന്നുണ്ടാ​യി​രുന്ന മതനേ​താ​ക്ക​ന്മാ​രു​ടെ തെറ്റുകൾ തുറന്നു​കാ​ട്ടി. (യോഹ​ന്നാൻ 8:12-30) ദൈവ​ത്തെ​ക്കു​റിച്ച്‌ ഇന്ന്‌ ആളുകൾ പൊതു​വെ വിശ്വ​സി​ക്കുന്ന കാര്യങ്ങൾ ശരിയാ​ണോ തെറ്റാ​ണോ എന്ന്‌ പരി​ശോ​ധി​ക്കാൻ യേശു അന്ന്‌ പറഞ്ഞ കാര്യങ്ങൾ നമ്മളെ സഹായി​ക്കും. യേശു പറഞ്ഞു: “നിങ്ങൾ എപ്പോ​ഴും എന്റെ വചനത്തിൽ നിലനിൽക്കു​ന്നെ​ങ്കിൽ നിങ്ങൾ ശരിക്കും എന്റെ ശിഷ്യ​ന്മാ​രാണ്‌. നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും.”—യോഹ​ന്നാൻ 8:31, 32.

“എപ്പോ​ഴും എന്റെ വചനത്തിൽ നിലനിൽക്കുക.” മതപര​മായ പഠിപ്പി​ക്ക​ലു​കൾ “സത്യം“ ആണോ എന്നു പരി​ശോ​ധി​ക്കേ​ണ്ടത്‌ എന്തിന്റെ അടിസ്ഥാ​ന​ത്തി​ലാ​ണെന്ന്‌ യേശു ഇവിടെ പറഞ്ഞു​ത​രു​ക​യാ​യി​രു​ന്നു. ദൈവ​ത്തെ​ക്കു​റിച്ച്‌ ഒരു കാര്യം കേൾക്കു​മ്പോൾ ഇങ്ങനെ ചിന്തി​ക്കുക: ‘ഇത്‌ യേശു​വി​ന്റെ വാക്കു​ക​ളു​മാ​യും ബൈബി​ളി​ലെ മറ്റ്‌ വാക്യ​ങ്ങ​ളു​മാ​യും ചേരു​ന്നു​ണ്ടോ?’ അപ്പോ​സ്‌ത​ല​നായ പൗലോ​സി​ന്റെ വാക്കുകൾ കേൾക്കു​ക​യും “കേട്ട കാര്യങ്ങൾ അങ്ങനെ​ത​ന്നെ​യാ​ണോ എന്ന്‌ ഉറപ്പാ​ക്കാൻ ദിവസ​വും ശ്രദ്ധ​യോ​ടെ തിരു​വെ​ഴു​ത്തു​കൾ പരി​ശോ​ധി​ക്കു​ക​യും” ചെയ്‌ത​വ​രെ​പ്പോ​ലെ​യാ​കണം നമ്മളും.—പ്രവൃ​ത്തി​കൾ 17:11.

ഈ പരമ്പര​യു​ടെ ആദ്യ ലേഖന​ത്തിൽ കണ്ട മാർക്കോ​യും റോസ​യും റെയ്‌മ​ണ്ടും അവരുടെ വിശ്വാ​സങ്ങൾ ശ്രദ്ധാ​പൂർവം പരി​ശോ​ധി​ക്കാൻ യഹോ​വ​യു​ടെ സാക്ഷി​ക​ളു​ടെ കൂടെ ബൈബിൾ പഠിച്ചു. ഇപ്പോൾ അവർക്ക്‌ എന്താണ്‌ തോന്നു​ന്നത്‌?

മാർക്കോ: “ഞാനും ഭാര്യ​യും ചോദിച്ച എല്ലാ ചോദ്യ​ങ്ങൾക്കും അവർ ബൈബി​ളിൽനിന്ന്‌ ഉത്തരം തന്നു. ഞങ്ങൾ യഹോ​വയെ സ്‌നേ​ഹി​ക്കാൻ തുടങ്ങി. ഞങ്ങളുടെ വിവാ​ഹ​ജീ​വി​ത​വും കൂടുതൽ സന്തോഷം നിറഞ്ഞ​താ​യി.”

റോസ: “മനുഷ്യ​ന്റെ ചിന്തകൾവെച്ച്‌ ദൈവം ആരാ​ണെന്ന്‌ വിശദീ​ക​രി​ക്കുന്ന ഒരു പുസ്‌തകം, അത്രമാ​ത്രം ആയിരു​ന്നു ബൈബി​ളി​നെ​ക്കു​റിച്ച്‌ എനിക്ക്‌ ആദ്യം ഉണ്ടായി​രുന്ന ധാരണ. എന്നാൽ പതു​ക്കെ​പ്പ​തു​ക്കെ എന്റെ ചോദ്യ​ങ്ങൾക്കുള്ള ഉത്തരം ബൈബി​ളിൽനിന്ന്‌ എനിക്ക്‌ കിട്ടി. എനിക്ക്‌ ആശ്രയി​ക്കാൻ കഴിയുന്ന ശരിക്കു​മുള്ള ഒരു വ്യക്തി​യാണ്‌ യഹോവ എന്ന്‌ എനിക്ക്‌ ഇപ്പോൾ അറിയാം.”

റെയ്‌മണ്ട്‌: “ദൈവത്തെ മനസ്സി​ലാ​ക്കാൻ എന്നെ സഹായി​ക്കണേ എന്ന്‌ ഞാൻ ദൈവ​ത്തോട്‌ പ്രാർഥി​ച്ചു. അധികം താമസി​യാ​തെ ഞാനും ഭർത്താ​വും ബൈബിൾ പഠിക്കാൻ തുടങ്ങി. അങ്ങനെ അവസാനം ഞങ്ങൾ യഹോ​വ​യെ​ക്കു​റി​ച്ചുള്ള സത്യം കണ്ടെത്തി. ദൈവം ശരിക്കും ആരാ​ണെന്ന്‌ മനസ്സി​ലാ​യ​പ്പോൾ ഞങ്ങൾക്ക്‌ സന്തോഷം അടക്കാ​നാ​യില്ല.”

ദൈവ​ത്തെ​ക്കു​റി​ച്ചുള്ള നുണകൾ വെളി​ച്ച​ത്തു​കൊ​ണ്ടു​വ​രുന്ന ഒരു പുസ്‌തകം മാത്രമല്ല ബൈബിൾ. ദൈവ​ത്തി​ന്റെ നല്ലനല്ല ഗുണങ്ങ​ളെ​ക്കു​റി​ച്ചുള്ള സത്യവും അതിലുണ്ട്‌. ബൈബിൾ ദൈവ​ത്തി​ന്റെ വചനമാണ്‌. “ദൈവം നമുക്ക്‌ കനിഞ്ഞു​ത​ന്നി​രി​ക്കുന്ന കാര്യങ്ങൾ മനസ്സി​ലാ​ക്കാൻ” അതു നമ്മളെ സഹായി​ക്കും. (1 കൊരി​ന്ത്യർ 2:12) ദൈവം ആരാണ്‌? ദൈവ​ത്തി​ന്റെ ഉദ്ദേശ്യം എന്താണ്‌? നമ്മുടെ ഭാവി എന്താണ്‌? ഈ ചോദ്യ​ങ്ങൾക്കുള്ള ഉത്തരം അറിയാൻ നിങ്ങൾക്കും ആഗ്രഹ​മി​ല്ലേ? അതു വായിച്ച്‌ മനസ്സി​ലാ​ക്കാൻ www.jw.org എന്ന വെബ്‌​സൈ​റ്റി​ലെ “ബൈബിൾപഠിപ്പിക്കലുകൾ > ബൈബിൾചോ​ദ്യ​ങ്ങൾക്കുള്ള ഉത്തരങ്ങൾ” എന്നതിനു കീഴിൽ നോക്കുക. ഇനി, ബൈബിൾ പഠിക്കാൻ ആഗ്രഹി​ക്കു​ന്നെ​ങ്കിൽ ആ വെബ്‌​സൈ​റ്റിൽത്തന്നെ അപേക്ഷ പൂരി​പ്പി​ക്കാ​വു​ന്ന​താണ്‌. അല്ലെങ്കിൽ, യഹോ​വ​യു​ടെ സാക്ഷി​ക​ളിൽ ഒരാ​ളോട്‌ നേരിട്ട്‌ ആവശ്യ​പ്പെ​ടാം. അങ്ങനെ ചെയ്യു​ന്നെ​ങ്കിൽ ഒരു കാര്യം ഉറപ്പാണ്‌, ദൈവത്തെ സ്‌നേ​ഹി​ക്കാൻ നിങ്ങൾ വിചാ​രി​ച്ച​തി​നെ​ക്കാ​ളൊ​ക്കെ എത്ര എളുപ്പ​മാ​ണെന്ന്‌ നിങ്ങൾ മനസ്സി​ലാ​ക്കും.